ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ପଂଚଷଷ୍ଟିତମସ୍ସର୍ଗଃ ।
ସ ତଥୋକ୍ତସ୍ତୁନିର୍ଭର୍ତ୍ସ୍ୟକୁଂଭକର୍ଣୋମହୋଦରମ୍ ।
ଅବ୍ରଵୀଦ୍ରାକ୍ଷସଶ୍ରେଷ୍ଠଂଭ୍ରାତରଂରାଵଣଂତତଃ ॥ 1 ॥
ସୋଽହଂତଵଭୟଂଘୋରଂଵଧାତ୍ତସ୍ୟଦୁରାତ୍ମନଃ ।
ରାମସ୍ୟାଦ୍ୟପ୍ରମାର୍ଜାମିନିର୍ଵୈରୋହିସୁଖୀଭଵ ॥ 2 ॥
ଗର୍ଜଂତି ନ ଵୃଥାଶୂରାନିର୍ଜଲାଇଵତୋୟଦାଃ ।
ପଶ୍ୟସଂପଦ୍ୟମାନଂତୁଗର୍ଜିତଂୟୁଧିକର୍ମଣା ॥ 3 ॥
ନ ମର୍ଷୟଂତିଚାତ୍ମାନଂସଂଭାଵୟତିନାତ୍ମନା ।
ଅଦର୍ଶୟିତ୍ଵାଶୂରାସ୍ତୁକର୍ମକୁର୍ଵଂତିଦୁଷ୍କରମ୍ ॥ 4 ॥
ଵିକ୍ଲବାନାମବୁଦ୍ଧୀନାଂରାଜ୍ଞାପଂଡିତମାନିନାମ୍ ।
ଶ୍ରୃଣ୍ଵତାସଦିତମିଦଂତ୍ଵାଦ୍ଵିଧାନାଂମହୋଦର ॥ 5 ॥
ୟୁଦ୍ଧେକାପୁରୁଷୈର୍ନିତ୍ୟଂଭଵଦ୍ଭିଃପ୍ରିୟଵାଦିଭିଃ ।
ରାଜାନମନୁଗଚ୍ଛଦ୍ଭିଃସର୍ଵଂକୃତ୍ୟମୋଦ୍ଧିସାଦିତମ୍ ॥ 6 ॥
ରାଜଶେଷାକୃତାଲଂକାକ୍ଷୀଣଃକୋଶୋବଲଂହତମ୍ ।
ରାଜାନମିମମାସାଦ୍ୟସୁହୃଚଚିହ୍ନମମିତ୍ରକମ୍ ॥ 7 ॥
ଏଷନିର୍ୟାମ୍ୟହଂୟୁଦ୍ଧମୁଦ୍ୟତଶ୍ଶତ୍ରୁନିର୍ଜୟେ ।
ଦୁର୍ନୟଂଭଵତାମଦ୍ୟସମୀକର୍ତୁଂମିହାହଵେ ॥ 8 ॥
ଏଵମୁକ୍ତଵତୋଵାକ୍ୟଂକୁଂଭକର୍ଣସ୍ୟଧୀମତଃ ।
ପ୍ରତ୍ୟୁଵାଚତତୋଵାକ୍ୟଂପ୍ରହସନ୍ରାକ୍ଷସାଧିପଃ ॥ 9 ॥
ମହୋଦରୋଽୟଂରାମାତ୍ତୁପରିତ୍ରସ୍ତୋ ନ ସଂଶୟଃ ।
ନ ହିରୋଚୟତେତାତ ୟୁଦ୍ଧଂୟୁଦ୍ଧଵିଶାରଦ ॥ 10 ॥
କଶ୍ଚିନ୍ମେତ୍ଵତ୍ସମୋନାସ୍ତିସୌହୃଦେନବଲେନ ଚ ।
ଗଚ୍ଛଶତ୍ରୁଵଧାୟତ୍ଵଂକୁଂଭକର୍ଣଜୟାୟ ଚ ॥ 11 ॥
ତସ୍ମାତ୍ତୁଶତ୍ରୁନାଶାର୍ଥଂଭଵାନ୍ସଂବୋଧିତୋମୟା ।
ଅୟଂହିକାଲସ୍ସୁହୃଦାଂରାକ୍ଷସାନାମରିଂଦମ ॥ 12 ॥
ତଦ୍ଗଚ୍ଛ ଶୂଲମାଦାୟ ପାଶହସ୍ତ ଇଵାଂତକଃ ।
ଵାନରାନ୍ ରାଜପୁତ୍ରୌ ଚ ଭକ୍ଷୟାଦିତ୍ୟତେଜସୌ ॥ 13 ॥
ସମାଲୋକ୍ୟତୁତେରୂପଂଵିଦ୍ରଵିଷ୍ୟଂତିଵାନରାଃ ।
ରାମଲକ୍ଷ୍ମଣୟୋଶ୍ଚାପିହୃଦୟେପ୍ରସ୍ଫୁଟିଷ୍ୟତଃ ॥ 14 ॥
ଏଵମୁକ୍ତ୍ଵାମହାତେଜାଃକୁଂଭକର୍ଣଂମହାବଲମ୍ ।
ପୁନର୍ଜାତମିଵାତ୍ମାନଂମେନେରାକ୍ଷସପୁଂଗଵଃ ॥ 15 ॥
କୁଂଭକର୍ଣବଲାଭିଜ୍ଞୋ ଜାନଂସ୍ତସ୍ୟ ପରାକ୍ରମମ୍ ।
ବଭୂଵ ମୁଦିତୋ ରାଜା ଶଶାଂକ ଇଵ ନିର୍ମଲଃ ॥ 16 ॥
ଇତ୍ୟେଵମୁକ୍ତଃସମ୍ହୃଷ୍ଟୋନିର୍ଜଗାମମହାବଲଃ ।
ରାଜ୍ଞସ୍ତୁଵଚନଂଶ୍ରୁତ୍ଵାକୁଂଭକର୍ଣସ୍ସମୁଦ୍ୟତଃ ॥ 17 ॥
ଆଦଦେନିଶିତଂଶୂଲଂଵେଗାଚ୍ଛତ୍ରୁନିବର୍ହଣମ୍ ।
ସର୍ଵକାଲାୟସଂଦୀପ୍ତଂତପ୍ତକାଂଚନଭୂଷଣମ୍ ॥ 18 ॥
ଇଂଦ୍ରାଶନିସମଂଭୀମଂଵଜ୍ରପ୍ରତିମଗୌରଵମ୍ ।
ଦେଵଦାନଵଗଂଧର୍ଵୟକ୍ଷପନ୍ନଗସୂଦନମ୍ ॥ 19 ॥
ରକ୍ତମାଲ୍ୟଂମହାଧାମଂସ୍ଵତଶ୍ଚୋଦ୍ଗତପାଵକମ୍ ।
ଆଦାୟନିଶିତଂଶୂଲଂଶତ୍ରୁଶୋଣିତରଂଜିତମ୍ ॥ 20 ॥
କୁଂଭକର୍ଣୋମହାତେଜାରାଵଣଂଵାକ୍ୟମବ୍ରଵୀତ୍ ।
ଗମିଷ୍ୟାମ୍ୟହମେକାକୀତିଷ୍ଠତ୍ଵିହବଲଂମମ ॥ 21 ॥
ଅଦ୍ୟତାନ୍ କ୍ଷୁଭିତାନ୍ କ୍ରୁଦ୍ଧୋଭକ୍ଷୟିଷ୍ୟାମିଵାନରାନ୍ ।
କୁଂଭକର୍ଣଵଚଶ୍ଶ୍ରୁତ୍ଵାରାଵଣୋଵାକ୍ୟମବ୍ରଵୀତ୍ ॥ 22 ॥
ସୈନ୍ୟୈଃପରିଵୃତୋଗଚ୍ଛଶୂଲମୁଦ୍ଗତପାଣିଭିଃ ।
ଵାନରାହିମହାତ୍ମାନଶ୍ଶୀଘ୍ରାସ୍ସଵ୍ୟଵସାୟିନଃ ॥ 23 ॥
ଏକାକିନଂପ୍ରମତ୍ତଂଵାନୟେୟୁଦ୍ଧଶନୈଃକ୍ଷ୍ୟମ୍ ।
ତସ୍ମାତ୍ପରମଦୁର୍ଧର୍ଷୈଃ ସୈନ୍ୟୈଃପରିଵୃତୋଵ୍ରଜ ॥ 24 ॥
ରକ୍ଷସାମହିତଂସର୍ଵଂଶତ୍ରୁପକ୍ଷଂନିଷୂଦୟ ।
ଅଥାସନାତ୍ସମୁତ୍ପତ୍ୟସ୍ରଜଂ ମଣିକୃତାଂତରାମ୍ ॥ 25 ॥
ଆବବଂଧମହାତେଜାଃକୁଂଭକର୍ଣସ୍ୟରାଵଣଃ ।
ଅଂଗଦାନ୍ୟଂଗୁଲୀଵେଷ୍ଟାନ୍ଵରାଣ୍ୟାଭରଣାନି ଚ ॥ 26 ॥
ହାରଂ ଚ ଶ୍ଶିସଂକାଶମାବବଂଦମହାତ୍ମନଃ ।
ଦିଵ୍ୟାନି ଚ ସୁଗଂଧୀନିମାଲ୍ୟଦାମାନିରାଵଣଃ ॥ 27 ॥
ଶ୍ରୋତ୍ରିଚାସଂଜୟାମାସଶ୍ରୀମତୀଚାସ୍ୟକୁଂଡଲେ ।
କାଂଚନାଂଗଦକେୟୂରୋନିଷ୍କାଭରଣଭୂଷିତଃ ॥ 28 ॥
କୁଂଭକର୍ଣୋବୃହତ୍କର୍ଣସ୍ସୁହୁତୋଽଗ୍ନିରିଵାବଭୌ ।
ଶ୍ରୋଣୀସୂତ୍ରେଣମହତାମେଚକେନଵ୍ୟରାଜତ ॥ 29 ॥
ଅମୃତୋତ୍ପାଦନେନଦ୍ଧୋଭୁଜଂଗେନେଵମଂଦରଃ ।
ସ କାଂଚନଂଭାରସହଂନିଵାତଂଵିଦ୍ୟୁତ୍ପ୍ରଭଂଦୀପ୍ତମିଵାତ୍ମଭାସା ।
ଆବଧ୍ୟମାନଃକଵଚଂରରାଜସଂଧ୍ୟାଭ୍ରସମ୍ଵୀତରାଜଃ ॥ 30 ॥
ସର୍ଵାଭରଣନଦ୍ଧାଂଗଃ ଶୂଲପାଣିଃ ସ ରାକ୍ଷସଃ ।
ତ୍ରିଵିକ୍ରମକୃତୋତ୍ସାହୋ ନାରାୟଣ ଇଵାବଭୌ ॥ 31 ॥
ଭ୍ରାତରଂସଂପରିଷ୍ଵଜ୍ୟକୃତ୍ଵାଚାପିପ୍ରଦକ୍ଷିଣମ୍ ।
ପ୍ରଣମ୍ୟଶିରସାତସ୍ମୈସଂପ୍ରତସ୍ଥେମହାବଲଃ ॥ 32 ॥
ନିଷ୍ପତଂତଂମହାକାୟଂମହାନାଦଂମହାବଲମ୍ ।
ତମାଶୀର୍ଭିଃପ୍ରଶସ୍ତାଭିଃପ୍ରେଷୟାମାସରାଵଣଃ ॥ 33 ॥
ଶଂଖଦୁଂଦୁଭିନିର୍ଘୋଷୈସ୍ସୈନ୍ୟୈଶ୍ଚାପିଵରାୟୁଥୈଃ ।
ତଂଗଜୈଶ୍ଚତୁରଂଗୈଶ୍ଚସ୍ୟଂଦନୈଶ୍ଚାଂବୁଦସ୍ଵନୈଃ ॥ 34 ॥
ଅନୁଜଗ୍ମୁର୍ମହାତ୍ମାନଂ ରଥିନୋ ରଥିନାଂ ଵରମ୍ ।
ସର୍ପୈରୁଷ୍ଟ୍ରୈଃଖରୈରଶ୍ଵୈସ୍ସିମ୍ହଦ୍ଵିପମୃଗଦ୍ଵିଜୈଃ ।
ଅନୁଜଗ୍ମୁଶ୍ଚତଂଘୋରଂକୁଂଭକର୍ଣଂମହାବଲମ୍ ॥ 35 ॥
ସ ପୁଷ୍ପଵର୍ଷୈରଵକୀର୍ୟମାଣୋଧୃତାତପତ୍ରଃଶିତଶୂଲପାଣିଃ ।
ମଦୋତ୍କଟଃଶୋଣିତଗଂଧମତ୍ତୋଵିନିର୍ୟୟୌଦାଵନଦେଵଶତ୍ରୁଃ ॥ 36 ॥
ପଦାତୟଶ୍ଚବହଵୋମହାନାଦାମହାବଲାଃ ।
ଅନ୍ଵୟୂରାକ୍ଷସାଭୀମାଭୀମାକ୍ଷାଶ୍ଶସ୍ତ୍ରପାଣୟଃ ॥ 37 ॥
ରକ୍ତାକ୍ଷାସ୍ସୁମହାକାୟାନୀଲାଂଚନଚୟୋପମାଃ ।
ଶୂଲାନୁଦ୍ୟମ୍ୟଖଡଗାଂଶ୍ଚନିଶିତାଂଶ୍ଚପରଶ୍ଵଧାନ୍ ॥ 38 ॥
ବହୁଵ୍ୟାମାଂଶ୍ଚପରିଘାନ୍ଗଦାଶ୍ଚମୁସଲାନି ଚ ।
ତାଲସ୍କଂଧାଂଶ୍ଚଵିପୁଲାନ୍କ୍ଷେପଣୀୟାଂଦୁରାସଦାନ୍ ॥ 39 ॥
ଅଥାନ୍ୟଦ୍ଵପୁରାଦାୟଦାରୁଣଂରୋମହର୍ଷଣମ୍ ।
ନିଷ୍ପପାତମହାତେଜାଃକୁଂଭକର୍ଣୋମହାବଲଃ ॥ 40 ॥
ଧନୁଃଶତପରୀଣାହଃ ସ ଷଟ୍ଛତ୍ରସମୁଚ୍ଛ୍ରିତଃ ।
ରୌଦ୍ରଃଶକଟଚକ୍ରାକ୍ଷୋମହାପର୍ଵତସନ୍ନିଭଃ ॥ 41 ॥
ସନ୍ନିପତ୍ୟ ଚ ରକ୍ଷାଂସିଦଗ୍ଧଶୈଲୋପମାମହାନ୍ ।
କୁଂଭକର୍ଣୋମହାଵକ୍ତ୍ରଃପ୍ରହସନ୍ନିଦମବ୍ରଵୀତ୍ ॥ 42 ॥
ଅଦ୍ୟଵାନରମୁଖ୍ୟାନାଂତାନିୟୂଥାନିଭାଗଶ ।
ନିର୍ଦହିଷ୍ୟାମିସଂଖ୍ରୁଦ୍ଧଶ୍ଶଲାଭାନିଵପାଵକଃ ॥ 43 ॥
ନାପରାଧ୍ୟଂତିମେକାମଂଵାନରାଃ ଵନଚାରିଣଃ ।
ଜାତିରସ୍ମଦ୍ଵିଧାନାଂସାପୁରୋଦ୍ୟାନଵିଭୂଷଣମ୍ ॥ 44 ॥
ପୁରରୋଧସ୍ୟମୂଲଂତୁରାଘଵସ୍ସହଲକ୍ଷ୍ମଣଃ ।
ହତେତସ୍ମିନ୍ ହତଂସର୍ଵଂତଂଵଧିଷ୍ୟାମିସଂୟୁଗେ ॥ 45 ॥
ଏଵଂ ତସ୍ୟ ବ୍ରୁଵାଣସ୍ୟ କୁଂଭକର୍ଣସ୍ୟ ରାକ୍ଷସାଃ ।
ନାଦଂ ଚକ୍ରୁର୍ମହାଘୋରଂ କଂପୟଂତ ଇଵାର୍ଣଵମ୍ ॥ 46 ॥
ତସ୍ୟନିଷ୍ପତତସ୍ତୂର୍ଣଂକୁଂଭକର୍ଣସ୍ୟଧୀମତଃ ।
ବଭୂଵୁର୍ଘୋରରୂପାଣିନିମିତ୍ତାନିସମଂତତଃ ॥ 47 ॥
ଉଲ୍କାଶନିୟୁତାମେଘାବଭୂଵୁର୍ଗର୍ଧଭାରୁଣାଃ ।
ସସାଗରଵନାଚୈଵଵସୁଧାସମକଂପତ ॥ 48 ॥
ଘୋରରୂପାଶ୍ଶିଵାନେଦୁସ୍ସଜ୍ଵାଲକବଲୈର୍ମୁଖୈଃ ।
ମଂଡଲାନ୍ୟପସଵ୍ୟାନିବବଂଧୁଶ୍ଚଵିହଂଗମାଃ ॥ 49 ॥
ନିଷ୍ପପାତ ଚ ଗୃଧ୍ରୋମାଲେଵାଽସ୍ୟପଥିଗଚ୍ଛତଃ ।
ପ୍ରାସ୍ଫୁରନ୍ନୟନଂଚାସ୍ୟସଵ୍ୟୋବାହୁଶ୍ଚକଂପତ ॥ 50 ॥
ନିଷ୍ପପାତତଦାଚୋଲ୍କାଜ୍ଵଲଂତୀଭୀମନିଶ୍ଶ୍ଵନା ।
ଆଦିତ୍ୟୋନିଷ୍ପ୍ରଭଶ୍ଚାସୀନ୍ନପ୍ରଵାତି ଚ ଽନିଲଃ ॥ 51 ॥
ଅଚିଂତୟନ୍ମହୋତ୍ପାତାନୁଦିତାନ୍ରୋମହର୍ଷଣାନ୍ ।
ନିର୍ୟୟୌକୁଂଭକର୍ଣସ୍ତୁକୃତାଂତବଲଚୋଦିତଃ ॥ 52 ॥
ନ ଲଂଘୟିତ୍ଵାପ୍ରାକାରଂପଦ୍ଭ୍ୟାଂପର୍ଵତସନ୍ନିଭଃ ।
ଦଦର୍ଶାଭ୍ରଘନପ୍ରଖ୍ୟଂଵାନରାନୀକମଦ୍ଭୁତମ୍ ॥ 53 ॥
ତେଦୃଷ୍ଟଵାରାକ୍ଷସଶ୍ରେଷ୍ଠଂଵାନରାଃପର୍ଵତୋପମମ୍ ।
ଵାୟୁନୁନ୍ନାଇଵଘନାୟୟୁସ୍ସର୍ଵାଦିଶସ୍ତଦା ॥ 54 ॥
ତଦ୍ଵାନରାନୀକମତିପ୍ରଚଂଡଂଦିଶୋଦ୍ରଵଦ୍ଭିନ୍ନମଵାଭ୍ରଜାଲମ୍ ।
ସ କୁଂଭକର୍ଣସ୍ସମଵେକ୍ଷ୍ୟହର୍ଷାନ୍ନନାଦଭୂୟୋଘନଵଦ୍ଘନାଭଃ ॥ 55 ॥
ତେତସ୍ୟଘୋରଂନିନଦଂନିଶମ୍ୟୟଥାନିନାଦଂଦିଵିଵାରିଦସ୍ୟ ।
ପେତୁର୍ଧରଣ୍ୟାଂବହଵଃପ୍ଲଵଂଗାନିକୃତ୍ତମୂଲାଇଵଶାଲଵୃକ୍ଷାଃ ॥ 56 ॥
ଵିପୁଲପରିଘଵାନ୍ ସ କୁଂଭକର୍ଣୋରିପୁନିଧନାୟଵିନିସ୍ପୃତୋତ୍ମା ।
କପିଷଣଭୟମାଦଦତ୍ସୁଭୀମଂପ୍ରଭୁରିଵଦଂଡଵାନ୍ୟୁଗାଂତେ ॥ 57 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ପଂଚଷଷ୍ଟିତମସ୍ସର୍ଗଃ ॥
