ශ්රීමද්වාල්මීකීය රාමායණේ යුද්ධකාංඩම් ।
අථ පංචෂෂ්ටිතමස්සර්ගඃ ।
ස තථෝක්තස්තුනිර්භර්ත්ස්යකුංභකර්ණෝමහෝදරම් ।
අබ්රවීද්රාක්ෂසශ්රේෂ්ඨංභ්රාතරංරාවණංතතඃ ॥ 1 ॥
සෝऽහංතවභයංඝෝරංවධාත්තස්යදුරාත්මනඃ ।
රාමස්යාද්යප්රමාර්ජාමිනිර්වෛරෝහිසුඛීභව ॥ 2 ॥
ගර්ජංති න වෘථාශූරානිර්ජලාඉවතෝයදාඃ ।
පශ්යසංපද්යමානංතුගර්ජිතංයුධිකර්මණා ॥ 3 ॥
න මර්ෂයංතිචාත්මානංසංභාවයතිනාත්මනා ।
අදර්ශයිත්වාශූරාස්තුකර්මකුර්වංතිදුෂ්කරම් ॥ 4 ॥
වික්ලබානාමබුද්ධීනාංරාජ්ඤාපංඩිතමානිනාම් ।
ශ්රෘණ්වතාසදිතමිදංත්වාද්විධානාංමහෝදර ॥ 5 ॥
යුද්ධේකාපුරුෂෛර්නිත්යංභවද්භිඃප්රියවාදිභිඃ ।
රාජානමනුගච්ඡද්භිඃසර්වංකෘත්යමෝද්ධිසාදිතම් ॥ 6 ॥
රාජශේෂාකෘතාලංකාක්ෂීණඃකෝශෝබලංහතම් ।
රාජානමිමමාසාද්යසුහෘචචිහ්නමමිත්රකම් ॥ 7 ॥
ඒෂනිර්යාම්යහංයුද්ධමුද්යතශ්ශත්රුනිර්ජයේ ।
දුර්නයංභවතාමද්යසමීකර්තුංමිහාහවේ ॥ 8 ॥
ඒවමුක්තවතෝවාක්යංකුංභකර්ණස්යධීමතඃ ।
ප්රත්යුවාචතතෝවාක්යංප්රහසන්රාක්ෂසාධිපඃ ॥ 9 ॥
මහෝදරෝऽයංරාමාත්තුපරිත්රස්තෝ න සංශයඃ ।
න හිරෝචයතේතාත යුද්ධංයුද්ධවිශාරද ॥ 10 ॥
කශ්චින්මේත්වත්සමෝනාස්තිසෞහෘදේනබලේන ච ।
ගච්ඡශත්රුවධායත්වංකුංභකර්ණජයාය ච ॥ 11 ॥
තස්මාත්තුශත්රුනාශාර්ථංභවාන්සංබෝධිතෝමයා ।
අයංහිකාලස්සුහෘදාංරාක්ෂසානාමරිංදම ॥ 12 ॥
තද්ගච්ඡ ශූලමාදාය පාශහස්ත ඉවාංතකඃ ।
වානරාන් රාජපුත්රෞ ච භක්ෂයාදිත්යතේජසෞ ॥ 13 ॥
සමාලෝක්යතුතේරූපංවිද්රවිෂ්යංතිවානරාඃ ।
රාමලක්ෂ්මණයෝශ්චාපිහෘදයේප්රස්ඵුටිෂ්යතඃ ॥ 14 ॥
ඒවමුක්ත්වාමහාතේජාඃකුංභකර්ණංමහාබලම් ।
පුනර්ජාතමිවාත්මානංමේනේරාක්ෂසපුංගවඃ ॥ 15 ॥
කුංභකර්ණබලාභිජ්ඤෝ ජානංස්තස්ය පරාක්රමම් ।
බභූව මුදිතෝ රාජා ශශාංක ඉව නිර්මලඃ ॥ 16 ॥
ඉත්යේවමුක්තඃසම්හෘෂ්ටෝනිර්ජගාමමහාබලඃ ।
රාජ්ඤස්තුවචනංශ්රුත්වාකුංභකර්ණස්සමුද්යතඃ ॥ 17 ॥
ආදදේනිශිතංශූලංවේගාච්ඡත්රුනිබර්හණම් ।
සර්වකාලායසංදීප්තංතප්තකාංචනභූෂණම් ॥ 18 ॥
ඉංද්රාශනිසමංභීමංවජ්රප්රතිමගෞරවම් ।
දේවදානවගංධර්වයක්ෂපන්නගසූදනම් ॥ 19 ॥
රක්තමාල්යංමහාධාමංස්වතශ්චෝද්ගතපාවකම් ।
ආදායනිශිතංශූලංශත්රුශෝණිතරංජිතම් ॥ 20 ॥
කුංභකර්ණෝමහාතේජාරාවණංවාක්යමබ්රවීත් ।
ගමිෂ්යාම්යහමේකාකීතිෂ්ඨත්විහබලංමම ॥ 21 ॥
අද්යතාන් ක්ෂුභිතාන් ක්රුද්ධෝභක්ෂයිෂ්යාමිවානරාන් ।
කුංභකර්ණවචශ්ශ්රුත්වාරාවණෝවාක්යමබ්රවීත් ॥ 22 ॥
සෛන්යෛඃපරිවෘතෝගච්ඡශූලමුද්ගතපාණිභිඃ ।
වානරාහිමහාත්මානශ්ශීඝ්රාස්සව්යවසායිනඃ ॥ 23 ॥
ඒකාකිනංප්රමත්තංවානයේයුද්ධශනෛඃක්ෂ්යම් ।
තස්මාත්පරමදුර්ධර්ෂෛඃ සෛන්යෛඃපරිවෘතෝව්රජ ॥ 24 ॥
රක්ෂසාමහිතංසර්වංශත්රුපක්ෂංනිෂූදය ।
අථාසනාත්සමුත්පත්යස්රජං මණිකෘතාංතරාම් ॥ 25 ॥
ආබබංධමහාතේජාඃකුංභකර්ණස්යරාවණඃ ।
අංගදාන්යංගුලීවේෂ්ටාන්වරාණ්යාභරණානි ච ॥ 26 ॥
හාරං ච ශ්ශිසංකාශමාබබංදමහාත්මනඃ ।
දිව්යානි ච සුගංධීනිමාල්යදාමානිරාවණඃ ॥ 27 ॥
ශ්රෝත්රිචාසංජයාමාසශ්රීමතීචාස්යකුංඩලේ ।
කාංචනාංගදකේයූරෝනිෂ්කාභරණභූෂිතඃ ॥ 28 ॥
කුංභකර්ණෝබෘහත්කර්ණස්සුහුතෝऽග්නිරිවාබභෞ ।
ශ්රෝණීසූත්රේණමහතාමේචකේනව්යරාජත ॥ 29 ॥
අමෘතෝත්පාදනේනද්ධෝභුජංගේනේවමංදරඃ ।
ස කාංචනංභාරසහංනිවාතංවිද්යුත්ප්රභංදීප්තමිවාත්මභාසා ।
ආබධ්යමානඃකවචංරරාජසංධ්යාභ්රසම්වීතරාජඃ ॥ 30 ॥
සර්වාභරණනද්ධාංගඃ ශූලපාණිඃ ස රාක්ෂසඃ ।
ත්රිවික්රමකෘතෝත්සාහෝ නාරායණ ඉවාබභෞ ॥ 31 ॥
භ්රාතරංසංපරිෂ්වජ්යකෘත්වාචාපිප්රදක්ෂිණම් ।
ප්රණම්යශිරසාතස්මෛසංප්රතස්ථේමහාබලඃ ॥ 32 ॥
නිෂ්පතංතංමහාකායංමහානාදංමහාබලම් ।
තමාශීර්භිඃප්රශස්තාභිඃප්රේෂයාමාසරාවණඃ ॥ 33 ॥
ශංඛදුංදුභිනිර්ඝෝෂෛස්සෛන්යෛශ්චාපිවරායුථෛඃ ।
තංගජෛශ්චතුරංගෛශ්චස්යංදනෛශ්චාංබුදස්වනෛඃ ॥ 34 ॥
අනුජග්මුර්මහාත්මානං රථිනෝ රථිනාං වරම් ।
සර්පෛරුෂ්ට්රෛඃඛරෛරශ්වෛස්සිම්හද්විපමෘගද්විජෛඃ ।
අනුජග්මුශ්චතංඝෝරංකුංභකර්ණංමහාබලම් ॥ 35 ॥
ස පුෂ්පවර්ෂෛරවකීර්යමාණෝධෘතාතපත්රඃශිතශූලපාණිඃ ।
මදෝත්කටඃශෝණිතගංධමත්තෝවිනිර්යයෞදාවනදේවශත්රුඃ ॥ 36 ॥
පදාතයශ්චබහවෝමහානාදාමහාබලාඃ ।
අන්වයූරාක්ෂසාභීමාභීමාක්ෂාශ්ශස්ත්රපාණයඃ ॥ 37 ॥
රක්තාක්ෂාස්සුමහාකායානීලාංචනචයෝපමාඃ ।
ශූලානුද්යම්යඛඩගාංශ්චනිශිතාංශ්චපරශ්වධාන් ॥ 38 ॥
බහුව්යාමාංශ්චපරිඝාන්ගදාශ්චමුසලානි ච ।
තාලස්කංධාංශ්චවිපුලාන්ක්ෂේපණීයාංදුරාසදාන් ॥ 39 ॥
අථාන්යද්වපුරාදායදාරුණංරෝමහර්ෂණම් ।
නිෂ්පපාතමහාතේජාඃකුංභකර්ණෝමහාබලඃ ॥ 40 ॥
ධනුඃශතපරීණාහඃ ස ෂට්ඡත්රසමුච්ඡ්රිතඃ ।
රෞද්රඃශකටචක්රාක්ෂෝමහාපර්වතසන්නිභඃ ॥ 41 ॥
සන්නිපත්ය ච රක්ෂාංසිදග්ධශෛලෝපමාමහාන් ।
කුංභකර්ණෝමහාවක්ත්රඃප්රහසන්නිදමබ්රවීත් ॥ 42 ॥
අද්යවානරමුඛ්යානාංතානියූථානිභාගශ ।
නිර්දහිෂ්යාමිසංඛ්රුද්ධශ්ශලාභානිවපාවකඃ ॥ 43 ॥
නාපරාධ්යංතිමේකාමංවානරාඃ වනචාරිණඃ ।
ජාතිරස්මද්විධානාංසාපුරෝද්යානවිභූෂණම් ॥ 44 ॥
පුරරෝධස්යමූලංතුරාඝවස්සහලක්ෂ්මණඃ ।
හතේතස්මින් හතංසර්වංතංවධිෂ්යාමිසංයුගේ ॥ 45 ॥
ඒවං තස්ය බ්රුවාණස්ය කුංභකර්ණස්ය රාක්ෂසාඃ ।
නාදං චක්රුර්මහාඝෝරං කංපයංත ඉවාර්ණවම් ॥ 46 ॥
තස්යනිෂ්පතතස්තූර්ණංකුංභකර්ණස්යධීමතඃ ।
බභූවුර්ඝෝරරූපාණිනිමිත්තානිසමංතතඃ ॥ 47 ॥
උල්කාශනියුතාමේඝාබභූවුර්ගර්ධභාරුණාඃ ।
සසාගරවනාචෛවවසුධාසමකංපත ॥ 48 ॥
ඝෝරරූපාශ්ශිවානේදුස්සජ්වාලකබලෛර්මුඛෛඃ ।
මංඩලාන්යපසව්යානිබබංධුශ්චවිහංගමාඃ ॥ 49 ॥
නිෂ්පපාත ච ගෘධ්රෝමාලේවාऽස්යපථිගච්ඡතඃ ।
ප්රාස්ඵුරන්නයනංචාස්යසව්යෝබාහුශ්චකංපත ॥ 50 ॥
නිෂ්පපාතතදාචෝල්කාජ්වලංතීභීමනිශ්ශ්වනා ।
ආදිත්යෝනිෂ්ප්රභශ්චාසීන්නප්රවාති ච ऽනිලඃ ॥ 51 ॥
අචිංතයන්මහෝත්පාතානුදිතාන්රෝමහර්ෂණාන් ।
නිර්යයෞකුංභකර්ණස්තුකෘතාංතබලචෝදිතඃ ॥ 52 ॥
න ලංඝයිත්වාප්රාකාරංපද්භ්යාංපර්වතසන්නිභඃ ।
දදර්ශාභ්රඝනප්රඛ්යංවානරානීකමද්භුතම් ॥ 53 ॥
තේදෘෂ්ටවාරාක්ෂසශ්රේෂ්ඨංවානරාඃපර්වතෝපමම් ।
වායුනුන්නාඉවඝනායයුස්සර්වාදිශස්තදා ॥ 54 ॥
තද්වානරානීකමතිප්රචංඩංදිශෝද්රවද්භින්නමවාභ්රජාලම් ।
ස කුංභකර්ණස්සමවේක්ෂ්යහර්ෂාන්නනාදභූයෝඝනවද්ඝනාභඃ ॥ 55 ॥
තේතස්යඝෝරංනිනදංනිශම්යයථානිනාදංදිවිවාරිදස්ය ।
පේතුර්ධරණ්යාංබහවඃප්ලවංගානිකෘත්තමූලාඉවශාලවෘක්ෂාඃ ॥ 56 ॥
විපුලපරිඝවාන් ස කුංභකර්ණෝරිපුනිධනායවිනිස්පෘතෝත්මා ।
කපිෂණභයමාදදත්සුභීමංප්රභුරිවදංඩවාන්යුගාංතේ ॥ 57 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ පංචෂෂ්ටිතමස්සර්ගඃ ॥
