ശ്രീമദ്വാല്മീകീയ രാമായണേ യുദ്ധകാംഡമ് ।
അഥ പംചഷഷ്ടിതമസ്സര്ഗഃ ।
സ തഥോക്തസ്തുനിര്ഭര്ത്സ്യകുംഭകര്ണോമഹോദരമ് ।
അബ്രവീദ്രാക്ഷസശ്രേഷ്ഠംഭ്രാതരംരാവണംതതഃ ॥ 1 ॥
സോഽഹംതവഭയംഘോരംവധാത്തസ്യദുരാത്മനഃ ।
രാമസ്യാദ്യപ്രമാര്ജാമിനിർവൈരോഹിസുഖീഭവ ॥ 2 ॥
ഗര്ജംതി ന വൃഥാശൂരാനിര്ജലാഇവതോയദാഃ ।
പശ്യസംപദ്യമാനംതുഗര്ജിതംയുധികര്മണാ ॥ 3 ॥
ന മര്ഷയംതിചാത്മാനംസംഭാവയതിനാത്മനാ ।
അദര്ശയിത്വാശൂരാസ്തുകര്മകുർവംതിദുഷ്കരമ് ॥ 4 ॥
വിക്ലബാനാമബുദ്ധീനാംരാജ്ഞാപംഡിതമാനിനാമ് ।
ശ്രൃണ്വതാസദിതമിദംത്വാദ്വിധാനാംമഹോദര ॥ 5 ॥
യുദ്ധേകാപുരുഷൈര്നിത്യംഭവദ്ഭിഃപ്രിയവാദിഭിഃ ।
രാജാനമനുഗച്ഛദ്ഭിഃസർവംകൃത്യമോദ്ധിസാദിതമ് ॥ 6 ॥
രാജശേഷാകൃതാലംകാക്ഷീണഃകോശോബലംഹതമ് ।
രാജാനമിമമാസാദ്യസുഹൃചചിഹ്നമമിത്രകമ് ॥ 7 ॥
ഏഷനിര്യാമ്യഹംയുദ്ധമുദ്യതശ്ശത്രുനിര്ജയേ ।
ദുര്നയംഭവതാമദ്യസമീകര്തുംമിഹാഹവേ ॥ 8 ॥
ഏവമുക്തവതോവാക്യംകുംഭകര്ണസ്യധീമതഃ ।
പ്രത്യുവാചതതോവാക്യംപ്രഹസന്രാക്ഷസാധിപഃ ॥ 9 ॥
മഹോദരോഽയംരാമാത്തുപരിത്രസ്തോ ന സംശയഃ ।
ന ഹിരോചയതേതാത യുദ്ധംയുദ്ധവിശാരദ ॥ 10 ॥
കശ്ചിന്മേത്വത്സമോനാസ്തിസൌഹൃദേനബലേന ച ।
ഗച്ഛശത്രുവധായത്വംകുംഭകര്ണജയായ ച ॥ 11 ॥
തസ്മാത്തുശത്രുനാശാര്ഥംഭവാന്സംബോധിതോമയാ ।
അയംഹികാലസ്സുഹൃദാംരാക്ഷസാനാമരിംദമ ॥ 12 ॥
തദ്ഗച്ഛ ശൂലമാദായ പാശഹസ്ത ഇവാംതകഃ ।
വാനരാന് രാജപുത്രൌ ച ഭക്ഷയാദിത്യതേജസൌ ॥ 13 ॥
സമാലോക്യതുതേരൂപംവിദ്രവിഷ്യംതിവാനരാഃ ।
രാമലക്ഷ്മണയോശ്ചാപിഹൃദയേപ്രസ്ഫുടിഷ്യതഃ ॥ 14 ॥
ഏവമുക്ത്വാമഹാതേജാഃകുംഭകര്ണംമഹാബലമ് ।
പുനര്ജാതമിവാത്മാനംമേനേരാക്ഷസപുംഗവഃ ॥ 15 ॥
കുംഭകര്ണബലാഭിജ്ഞോ ജാനംസ്തസ്യ പരാക്രമമ് ।
ബഭൂവ മുദിതോ രാജാ ശശാംക ഇവ നിര്മലഃ ॥ 16 ॥
ഇത്യേവമുക്തഃസമ്ഹൃഷ്ടോനിര്ജഗാമമഹാബലഃ ।
രാജ്ഞസ്തുവചനംശ്രുത്വാകുംഭകര്ണസ്സമുദ്യതഃ ॥ 17 ॥
ആദദേനിശിതംശൂലംവേഗാച്ഛത്രുനിബര്ഹണമ് ।
സർവകാലായസംദീപ്തംതപ്തകാംചനഭൂഷണമ് ॥ 18 ॥
ഇംദ്രാശനിസമംഭീമംവജ്രപ്രതിമഗൌരവമ് ।
ദേവദാനവഗംധർവയക്ഷപന്നഗസൂദനമ് ॥ 19 ॥
രക്തമാല്യംമഹാധാമംസ്വതശ്ചോദ്ഗതപാവകമ് ।
ആദായനിശിതംശൂലംശത്രുശോണിതരംജിതമ് ॥ 20 ॥
കുംഭകര്ണോമഹാതേജാരാവണംവാക്യമബ്രവീത് ।
ഗമിഷ്യാമ്യഹമേകാകീതിഷ്ഠത്വിഹബലംമമ ॥ 21 ॥
അദ്യതാന് ക്ഷുഭിതാന് ക്രുദ്ധോഭക്ഷയിഷ്യാമിവാനരാന് ।
കുംഭകര്ണവചശ്ശ്രുത്വാരാവണോവാക്യമബ്രവീത് ॥ 22 ॥
സൈന്യൈഃപരിവൃതോഗച്ഛശൂലമുദ്ഗതപാണിഭിഃ ।
വാനരാഹിമഹാത്മാനശ്ശീഘ്രാസ്സവ്യവസായിനഃ ॥ 23 ॥
ഏകാകിനംപ്രമത്തംവാനയേയുദ്ധശനൈഃക്ഷ്യമ് ।
തസ്മാത്പരമദുര്ധര്ഷൈഃ സൈന്യൈഃപരിവൃതോവ്രജ ॥ 24 ॥
രക്ഷസാമഹിതംസർവംശത്രുപക്ഷംനിഷൂദയ ।
അഥാസനാത്സമുത്പത്യസ്രജം മണികൃതാംതരാമ് ॥ 25 ॥
ആബബംധമഹാതേജാഃകുംഭകര്ണസ്യരാവണഃ ।
അംഗദാന്യംഗുലീവേഷ്ടാന്വരാണ്യാഭരണാനി ച ॥ 26 ॥
ഹാരം ച ശ്ശിസംകാശമാബബംദമഹാത്മനഃ ।
ദിവ്യാനി ച സുഗംധീനിമാല്യദാമാനിരാവണഃ ॥ 27 ॥
ശ്രോത്രിചാസംജയാമാസശ്രീമതീചാസ്യകുംഡലേ ।
കാംചനാംഗദകേയൂരോനിഷ്കാഭരണഭൂഷിതഃ ॥ 28 ॥
കുംഭകര്ണോബൃഹത്കര്ണസ്സുഹുതോഽഗ്നിരിവാബഭൌ ।
ശ്രോണീസൂത്രേണമഹതാമേചകേനവ്യരാജത ॥ 29 ॥
അമൃതോത്പാദനേനദ്ധോഭുജംഗേനേവമംദരഃ ।
സ കാംചനംഭാരസഹംനിവാതംവിദ്യുത്പ്രഭംദീപ്തമിവാത്മഭാസാ ।
ആബധ്യമാനഃകവചംരരാജസംധ്യാഭ്രസമ്വീതരാജഃ ॥ 30 ॥
സർവാഭരണനദ്ധാംഗഃ ശൂലപാണിഃ സ രാക്ഷസഃ ।
ത്രിവിക്രമകൃതോത്സാഹോ നാരായണ ഇവാബഭൌ ॥ 31 ॥
ഭ്രാതരംസംപരിഷ്വജ്യകൃത്വാചാപിപ്രദക്ഷിണമ് ।
പ്രണമ്യശിരസാതസ്മൈസംപ്രതസ്ഥേമഹാബലഃ ॥ 32 ॥
നിഷ്പതംതംമഹാകായംമഹാനാദംമഹാബലമ് ।
തമാശീര്ഭിഃപ്രശസ്താഭിഃപ്രേഷയാമാസരാവണഃ ॥ 33 ॥
ശംഖദുംദുഭിനിര്ഘോഷൈസ്സൈന്യൈശ്ചാപിവരായുഥൈഃ ।
തംഗജൈശ്ചതുരംഗൈശ്ചസ്യംദനൈശ്ചാംബുദസ്വനൈഃ ॥ 34 ॥
അനുജഗ്മുര്മഹാത്മാനം രഥിനോ രഥിനാം വരമ് ।
സര്പൈരുഷ്ട്രൈഃഖരൈരശ്വൈസ്സിമ്ഹദ്വിപമൃഗദ്വിജൈഃ ।
അനുജഗ്മുശ്ചതംഘോരംകുംഭകര്ണംമഹാബലമ് ॥ 35 ॥
സ പുഷ്പവര്ഷൈരവകീര്യമാണോധൃതാതപത്രഃശിതശൂലപാണിഃ ।
മദോത്കടഃശോണിതഗംധമത്തോവിനിര്യയൌദാവനദേവശത്രുഃ ॥ 36 ॥
പദാതയശ്ചബഹവോമഹാനാദാമഹാബലാഃ ।
അന്വയൂരാക്ഷസാഭീമാഭീമാക്ഷാശ്ശസ്ത്രപാണയഃ ॥ 37 ॥
രക്താക്ഷാസ്സുമഹാകായാനീലാംചനചയോപമാഃ ।
ശൂലാനുദ്യമ്യഖഡഗാംശ്ചനിശിതാംശ്ചപരശ്വധാന് ॥ 38 ॥
ബഹുവ്യാമാംശ്ചപരിഘാന്ഗദാശ്ചമുസലാനി ച ।
താലസ്കംധാംശ്ചവിപുലാന്ക്ഷേപണീയാംദുരാസദാന് ॥ 39 ॥
അഥാന്യദ്വപുരാദായദാരുണംരോമഹര്ഷണമ് ।
നിഷ്പപാതമഹാതേജാഃകുംഭകര്ണോമഹാബലഃ ॥ 40 ॥
ധനുഃശതപരീണാഹഃ സ ഷട്ഛത്രസമുച്ഛ്രിതഃ ।
രൌദ്രഃശകടചക്രാക്ഷോമഹാപർവതസന്നിഭഃ ॥ 41 ॥
സന്നിപത്യ ച രക്ഷാംസിദഗ്ധശൈലോപമാമഹാന് ।
കുംഭകര്ണോമഹാവക്ത്രഃപ്രഹസന്നിദമബ്രവീത് ॥ 42 ॥
അദ്യവാനരമുഖ്യാനാംതാനിയൂഥാനിഭാഗശ ।
നിര്ദഹിഷ്യാമിസംഖ്രുദ്ധശ്ശലാഭാനിവപാവകഃ ॥ 43 ॥
നാപരാധ്യംതിമേകാമംവാനരാഃ വനചാരിണഃ ।
ജാതിരസ്മദ്വിധാനാംസാപുരോദ്യാനവിഭൂഷണമ് ॥ 44 ॥
പുരരോധസ്യമൂലംതുരാഘവസ്സഹലക്ഷ്മണഃ ।
ഹതേതസ്മിന് ഹതംസർവംതംവധിഷ്യാമിസംയുഗേ ॥ 45 ॥
ഏവം തസ്യ ബ്രുവാണസ്യ കുംഭകര്ണസ്യ രാക്ഷസാഃ ।
നാദം ചക്രുര്മഹാഘോരം കംപയംത ഇവാര്ണവമ് ॥ 46 ॥
തസ്യനിഷ്പതതസ്തൂര്ണംകുംഭകര്ണസ്യധീമതഃ ।
ബഭൂവുര്ഘോരരൂപാണിനിമിത്താനിസമംതതഃ ॥ 47 ॥
ഉല്കാശനിയുതാമേഘാബഭൂവുര്ഗര്ധഭാരുണാഃ ।
സസാഗരവനാചൈവവസുധാസമകംപത ॥ 48 ॥
ഘോരരൂപാശ്ശിവാനേദുസ്സജ്വാലകബലൈര്മുഖൈഃ ।
മംഡലാന്യപസവ്യാനിബബംധുശ്ചവിഹംഗമാഃ ॥ 49 ॥
നിഷ്പപാത ച ഗൃധ്രോമാലേവാഽസ്യപഥിഗച്ഛതഃ ।
പ്രാസ്ഫുരന്നയനംചാസ്യസവ്യോബാഹുശ്ചകംപത ॥ 50 ॥
നിഷ്പപാതതദാചോല്കാജ്വലംതീഭീമനിശ്ശ്വനാ ।
ആദിത്യോനിഷ്പ്രഭശ്ചാസീന്നപ്രവാതി ച ഽനിലഃ ॥ 51 ॥
അചിംതയന്മഹോത്പാതാനുദിതാന്രോമഹര്ഷണാന് ।
നിര്യയൌകുംഭകര്ണസ്തുകൃതാംതബലചോദിതഃ ॥ 52 ॥
ന ലംഘയിത്വാപ്രാകാരംപദ്ഭ്യാംപർവതസന്നിഭഃ ।
ദദര്ശാഭ്രഘനപ്രഖ്യംവാനരാനീകമദ്ഭുതമ് ॥ 53 ॥
തേദൃഷ്ടവാരാക്ഷസശ്രേഷ്ഠംവാനരാഃപർവതോപമമ് ।
വായുനുന്നാഇവഘനായയുസ്സർവാദിശസ്തദാ ॥ 54 ॥
തദ്വാനരാനീകമതിപ്രചംഡംദിശോദ്രവദ്ഭിന്നമവാഭ്രജാലമ് ।
സ കുംഭകര്ണസ്സമവേക്ഷ്യഹര്ഷാന്നനാദഭൂയോഘനവദ്ഘനാഭഃ ॥ 55 ॥
തേതസ്യഘോരംനിനദംനിശമ്യയഥാനിനാദംദിവിവാരിദസ്യ ।
പേതുര്ധരണ്യാംബഹവഃപ്ലവംഗാനികൃത്തമൂലാഇവശാലവൃക്ഷാഃ ॥ 56 ॥
വിപുലപരിഘവാന് സ കുംഭകര്ണോരിപുനിധനായവിനിസ്പൃതോത്മാ ।
കപിഷണഭയമാദദത്സുഭീമംപ്രഭുരിവദംഡവാന്യുഗാംതേ ॥ 57 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ പംചഷഷ്ടിതമസ്സര്ഗഃ ॥
