শ্রীমদ্বাল্মীকীয রামাযণে যুদ্ধকাংডম্ ।
অথ পংচষষ্টিতমস্সর্গঃ ।
স তথোক্তস্তুনির্ভর্ত্স্যকুংভকর্ণোমহোদরম্ ।
অব্রবীদ্রাক্ষসশ্রেষ্ঠংভ্রাতরংরাবণংততঃ ॥ 1 ॥
সোঽহংতবভযংঘোরংবধাত্তস্যদুরাত্মনঃ ।
রামস্যাদ্যপ্রমার্জামিনির্বৈরোহিসুখীভব ॥ 2 ॥
গর্জংতি ন বৃথাশূরানির্জলাইবতোযদাঃ ।
পশ্যসংপদ্যমানংতুগর্জিতংযুধিকর্মণা ॥ 3 ॥
ন মর্ষযংতিচাত্মানংসংভাবযতিনাত্মনা ।
অদর্শযিত্বাশূরাস্তুকর্মকুর্বংতিদুষ্করম্ ॥ 4 ॥
বিক্লবানামবুদ্ধীনাংরাজ্ঞাপংডিতমানিনাম্ ।
শ্রৃণ্বতাসদিতমিদংত্বাদ্বিধানাংমহোদর ॥ 5 ॥
যুদ্ধেকাপুরুষৈর্নিত্যংভবদ্ভিঃপ্রিযবাদিভিঃ ।
রাজানমনুগচ্ছদ্ভিঃসর্বংকৃত্যমোদ্ধিসাদিতম্ ॥ 6 ॥
রাজশেষাকৃতালংকাক্ষীণঃকোশোবলংহতম্ ।
রাজানমিমমাসাদ্যসুহৃচচিহ্নমমিত্রকম্ ॥ 7 ॥
এষনির্যাম্যহংযুদ্ধমুদ্যতশ্শত্রুনির্জযে ।
দুর্নযংভবতামদ্যসমীকর্তুংমিহাহবে ॥ 8 ॥
এবমুক্তবতোবাক্যংকুংভকর্ণস্যধীমতঃ ।
প্রত্যুবাচততোবাক্যংপ্রহসন্রাক্ষসাধিপঃ ॥ 9 ॥
মহোদরোঽযংরামাত্তুপরিত্রস্তো ন সংশযঃ ।
ন হিরোচযতেতাত যুদ্ধংযুদ্ধবিশারদ ॥ 10 ॥
কশ্চিন্মেত্বত্সমোনাস্তিসৌহৃদেনবলেন চ ।
গচ্ছশত্রুবধাযত্বংকুংভকর্ণজযায চ ॥ 11 ॥
তস্মাত্তুশত্রুনাশার্থংভবান্সংবোধিতোমযা ।
অযংহিকালস্সুহৃদাংরাক্ষসানামরিংদম ॥ 12 ॥
তদ্গচ্ছ শূলমাদায পাশহস্ত ইবাংতকঃ ।
বানরান্ রাজপুত্রৌ চ ভক্ষযাদিত্যতেজসৌ ॥ 13 ॥
সমালোক্যতুতেরূপংবিদ্রবিষ্যংতিবানরাঃ ।
রামলক্ষ্মণযোশ্চাপিহৃদযেপ্রস্ফুটিষ্যতঃ ॥ 14 ॥
এবমুক্ত্বামহাতেজাঃকুংভকর্ণংমহাবলম্ ।
পুনর্জাতমিবাত্মানংমেনেরাক্ষসপুংগবঃ ॥ 15 ॥
কুংভকর্ণবলাভিজ্ঞো জানংস্তস্য পরাক্রমম্ ।
বভূব মুদিতো রাজা শশাংক ইব নির্মলঃ ॥ 16 ॥
ইত্যেবমুক্তঃসম্হৃষ্টোনির্জগামমহাবলঃ ।
রাজ্ঞস্তুবচনংশ্রুত্বাকুংভকর্ণস্সমুদ্যতঃ ॥ 17 ॥
আদদেনিশিতংশূলংবেগাচ্ছত্রুনিবর্হণম্ ।
সর্বকালাযসংদীপ্তংতপ্তকাংচনভূষণম্ ॥ 18 ॥
ইংদ্রাশনিসমংভীমংবজ্রপ্রতিমগৌরবম্ ।
দেবদানবগংধর্বযক্ষপন্নগসূদনম্ ॥ 19 ॥
রক্তমাল্যংমহাধামংস্বতশ্চোদ্গতপাবকম্ ।
আদাযনিশিতংশূলংশত্রুশোণিতরংজিতম্ ॥ 20 ॥
কুংভকর্ণোমহাতেজারাবণংবাক্যমব্রবীত্ ।
গমিষ্যাম্যহমেকাকীতিষ্ঠত্বিহবলংমম ॥ 21 ॥
অদ্যতান্ ক্ষুভিতান্ ক্রুদ্ধোভক্ষযিষ্যামিবানরান্ ।
কুংভকর্ণবচশ্শ্রুত্বারাবণোবাক্যমব্রবীত্ ॥ 22 ॥
সৈন্যৈঃপরিবৃতোগচ্ছশূলমুদ্গতপাণিভিঃ ।
বানরাহিমহাত্মানশ্শীঘ্রাস্সব্যবসাযিনঃ ॥ 23 ॥
একাকিনংপ্রমত্তংবানযেযুদ্ধশনৈঃক্ষ্যম্ ।
তস্মাত্পরমদুর্ধর্ষৈঃ সৈন্যৈঃপরিবৃতোব্রজ ॥ 24 ॥
রক্ষসামহিতংসর্বংশত্রুপক্ষংনিষূদয ।
অথাসনাত্সমুত্পত্যস্রজং মণিকৃতাংতরাম্ ॥ 25 ॥
আববংধমহাতেজাঃকুংভকর্ণস্যরাবণঃ ।
অংগদান্যংগুলীবেষ্টান্বরাণ্যাভরণানি চ ॥ 26 ॥
হারং চ শ্শিসংকাশমাববংদমহাত্মনঃ ।
দিব্যানি চ সুগংধীনিমাল্যদামানিরাবণঃ ॥ 27 ॥
শ্রোত্রিচাসংজযামাসশ্রীমতীচাস্যকুংডলে ।
কাংচনাংগদকেযূরোনিষ্কাভরণভূষিতঃ ॥ 28 ॥
কুংভকর্ণোবৃহত্কর্ণস্সুহুতোঽগ্নিরিবাবভৌ ।
শ্রোণীসূত্রেণমহতামেচকেনব্যরাজত ॥ 29 ॥
অমৃতোত্পাদনেনদ্ধোভুজংগেনেবমংদরঃ ।
স কাংচনংভারসহংনিবাতংবিদ্যুত্প্রভংদীপ্তমিবাত্মভাসা ।
আবধ্যমানঃকবচংররাজসংধ্যাভ্রসম্বীতরাজঃ ॥ 30 ॥
সর্বাভরণনদ্ধাংগঃ শূলপাণিঃ স রাক্ষসঃ ।
ত্রিবিক্রমকৃতোত্সাহো নারাযণ ইবাবভৌ ॥ 31 ॥
ভ্রাতরংসংপরিষ্বজ্যকৃত্বাচাপিপ্রদক্ষিণম্ ।
প্রণম্যশিরসাতস্মৈসংপ্রতস্থেমহাবলঃ ॥ 32 ॥
নিষ্পতংতংমহাকাযংমহানাদংমহাবলম্ ।
তমাশীর্ভিঃপ্রশস্তাভিঃপ্রেষযামাসরাবণঃ ॥ 33 ॥
শংখদুংদুভিনির্ঘোষৈস্সৈন্যৈশ্চাপিবরাযুথৈঃ ।
তংগজৈশ্চতুরংগৈশ্চস্যংদনৈশ্চাংবুদস্বনৈঃ ॥ 34 ॥
অনুজগ্মুর্মহাত্মানং রথিনো রথিনাং বরম্ ।
সর্পৈরুষ্ট্রৈঃখরৈরশ্বৈস্সিম্হদ্বিপমৃগদ্বিজৈঃ ।
অনুজগ্মুশ্চতংঘোরংকুংভকর্ণংমহাবলম্ ॥ 35 ॥
স পুষ্পবর্ষৈরবকীর্যমাণোধৃতাতপত্রঃশিতশূলপাণিঃ ।
মদোত্কটঃশোণিতগংধমত্তোবিনির্যযৌদাবনদেবশত্রুঃ ॥ 36 ॥
পদাতযশ্চবহবোমহানাদামহাবলাঃ ।
অন্বযূরাক্ষসাভীমাভীমাক্ষাশ্শস্ত্রপাণযঃ ॥ 37 ॥
রক্তাক্ষাস্সুমহাকাযানীলাংচনচযোপমাঃ ।
শূলানুদ্যম্যখডগাংশ্চনিশিতাংশ্চপরশ্বধান্ ॥ 38 ॥
বহুব্যামাংশ্চপরিঘান্গদাশ্চমুসলানি চ ।
তালস্কংধাংশ্চবিপুলান্ক্ষেপণীযাংদুরাসদান্ ॥ 39 ॥
অথান্যদ্বপুরাদাযদারুণংরোমহর্ষণম্ ।
নিষ্পপাতমহাতেজাঃকুংভকর্ণোমহাবলঃ ॥ 40 ॥
ধনুঃশতপরীণাহঃ স ষট্ছত্রসমুচ্ছ্রিতঃ ।
রৌদ্রঃশকটচক্রাক্ষোমহাপর্বতসন্নিভঃ ॥ 41 ॥
সন্নিপত্য চ রক্ষাংসিদগ্ধশৈলোপমামহান্ ।
কুংভকর্ণোমহাবক্ত্রঃপ্রহসন্নিদমব্রবীত্ ॥ 42 ॥
অদ্যবানরমুখ্যানাংতানিযূথানিভাগশ ।
নির্দহিষ্যামিসংখ্রুদ্ধশ্শলাভানিবপাবকঃ ॥ 43 ॥
নাপরাধ্যংতিমেকামংবানরাঃ বনচারিণঃ ।
জাতিরস্মদ্বিধানাংসাপুরোদ্যানবিভূষণম্ ॥ 44 ॥
পুররোধস্যমূলংতুরাঘবস্সহলক্ষ্মণঃ ।
হতেতস্মিন্ হতংসর্বংতংবধিষ্যামিসংযুগে ॥ 45 ॥
এবং তস্য ব্রুবাণস্য কুংভকর্ণস্য রাক্ষসাঃ ।
নাদং চক্রুর্মহাঘোরং কংপযংত ইবার্ণবম্ ॥ 46 ॥
তস্যনিষ্পততস্তূর্ণংকুংভকর্ণস্যধীমতঃ ।
বভূবুর্ঘোররূপাণিনিমিত্তানিসমংততঃ ॥ 47 ॥
উল্কাশনিযুতামেঘাবভূবুর্গর্ধভারুণাঃ ।
সসাগরবনাচৈববসুধাসমকংপত ॥ 48 ॥
ঘোররূপাশ্শিবানেদুস্সজ্বালকবলৈর্মুখৈঃ ।
মংডলান্যপসব্যানিববংধুশ্চবিহংগমাঃ ॥ 49 ॥
নিষ্পপাত চ গৃধ্রোমালেবাঽস্যপথিগচ্ছতঃ ।
প্রাস্ফুরন্নযনংচাস্যসব্যোবাহুশ্চকংপত ॥ 50 ॥
নিষ্পপাততদাচোল্কাজ্বলংতীভীমনিশ্শ্বনা ।
আদিত্যোনিষ্প্রভশ্চাসীন্নপ্রবাতি চ ঽনিলঃ ॥ 51 ॥
অচিংতযন্মহোত্পাতানুদিতান্রোমহর্ষণান্ ।
নির্যযৌকুংভকর্ণস্তুকৃতাংতবলচোদিতঃ ॥ 52 ॥
ন লংঘযিত্বাপ্রাকারংপদ্ভ্যাংপর্বতসন্নিভঃ ।
দদর্শাভ্রঘনপ্রখ্যংবানরানীকমদ্ভুতম্ ॥ 53 ॥
তেদৃষ্টবারাক্ষসশ্রেষ্ঠংবানরাঃপর্বতোপমম্ ।
বাযুনুন্নাইবঘনাযযুস্সর্বাদিশস্তদা ॥ 54 ॥
তদ্বানরানীকমতিপ্রচংডংদিশোদ্রবদ্ভিন্নমবাভ্রজালম্ ।
স কুংভকর্ণস্সমবেক্ষ্যহর্ষান্ননাদভূযোঘনবদ্ঘনাভঃ ॥ 55 ॥
তেতস্যঘোরংনিনদংনিশম্যযথানিনাদংদিবিবারিদস্য ।
পেতুর্ধরণ্যাংবহবঃপ্লবংগানিকৃত্তমূলাইবশালবৃক্ষাঃ ॥ 56 ॥
বিপুলপরিঘবান্ স কুংভকর্ণোরিপুনিধনাযবিনিস্পৃতোত্মা ।
কপিষণভযমাদদত্সুভীমংপ্রভুরিবদংডবান্যুগাংতে ॥ 57 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে পংচষষ্টিতমস্সর্গঃ ॥
