ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଅଷ୍ଟଷଷ୍ଟିତମସ୍ସର୍ଗଃ ।
କୁଂଭକର୍ଣଂହତଂଦୃଷ୍ଟଵାରାଘଵେଣମହାତ୍ମନା ।
ରାକ୍ଷସାରାକ୍ଷସେଂଦ୍ରାୟରାଵଣାୟନ୍ୟଵେଦୟନ୍ ॥ 1 ॥
ରାଜନ୍ ସ କାଲସଂକାଶସ୍ସଂୟୁକ୍ତଃକାଲକର୍ମଣା ।
ଵିଦ୍ରାଵ୍ୟଵାନରୀଂସେନାଂଭକ୍ଷୟିତ୍ଵା ଚ ଵାନରାନ୍ ॥ 2 ॥
ପ୍ରତପିତ୍ଵା ମୁହୂର୍ତଂତୁପ୍ରଶାଂତୋରାମତେଜସା ।
କାୟେନାର୍ଥପ୍ରଵିଷ୍ଟେନସମୁଦ୍ରଂଭୀମଦର୍ଶନମ୍ ॥ 3 ॥
ନିକୃତ୍ତକଂଠୋରୁଭୁଜୋଵିକ୍ଷରନ୍ରୁଧିରଂବହୁ ।
ରୁଦ୍ଧ୍ଵାଦ୍ଵାରଂଶରୀରେଣଲଂକାୟାଃପର୍ଵତୋପମଃ ॥ 4 ॥
କୁଂଭକର୍ଣସ୍ତଵ ଭ୍ରାତା କାକୁତ୍ଥ୍ସଶରପୀଡିତଃ ।
ଲଗଂଡଭୂତୋ ଵିକୃତୋ ଦାଵଦଗ୍ଧ ଇଵ ଦ୍ରୁମଃ ॥ 5 ॥
ତଂଶ୍ରୁତ୍ଵାଵିନିହତଂସଂଖ୍ୟେକୁଂଭକର୍ଣଂମହାବଲମ୍ ।
ରାଵଣଶ୍ଶୋକସଂତପ୍ତୋମୁମୋହ ଚ ପପାତ ଚ ॥ 6 ॥
ପିତୃଵ୍ୟଂନିହତଂଶ୍ରୁତ୍ଵାଦେଵାଂତକନରାଂତକୌ ।
ତ୍ରିଶିରାଶ୍ଚାତିକାୟଶ୍ଚରୁରୁଦୁଶ୍ଶୋକପୀଡିତାଃ ॥ 7 ॥
ଭ୍ରାତରଂନିହତଂଶ୍ରୁତ୍ଵାରାମେଣାକ୍ଲିଷ୍ଟକର୍ମଣା ।
ମହୋଦରମହାପାର୍ଶ୍ଵୌଶୋକାକ୍ରାଂତୌବଭୂଵତୁଃ ॥ 8 ॥
ତତଃକୃଚ୍ଛ୍ରାତ୍ସମାସାଦ୍ୟସଂଜ୍ଞାଂରାକ୍ଷସପୁଂଗଵଃ ।
କୁଂଭକର୍ଣଵଧାଦ୍ଦୀନୋଵିଲଲାପକୁଲେଂଦ୍ରିୟଃ ॥ 9 ॥
ହାଵୀର ରିପୁଦର୍ପଘ୍ନ କୁଂଭକର୍ଣ ମହାବଲ ।
ତ୍ଵଂମାଂଵିହାୟଵୈଦୈଵାଦ୍ୟାତୋଽସିୟମସାଦନମ୍ ॥ 10 ॥
ମମଶଲ୍ୟମନୁଦ୍ଧୃତ୍ୟବାଂଧଵାନାଂମହାବଲ ।
ଶତ୍ରୁସୈନ୍ୟଂପ୍ରତାପ୍ୟୈକସ୍ତ୍ଵଂମାଂସଂତ୍ୟଜ୍ୟଗଚ୍ଛସି ॥ 11 ॥
ଇଦାନୀଂଖଲ୍ଵହଂନାସ୍ମିୟସ୍ୟମେଦକ୍ଷିଣୋଭୁଜଃ ।
ପତିତୋୟଂସମାଶ୍ରିତ୍ୟ ନ ବିଭେମିସୁରାସୁରାନ୍ ॥ 12 ॥
କଥମେଵଂଵିଧୋଵୀରୋଦେଵଦାନଵଦର୍ପହା ।
କାଲାଗ୍ନିରୁଦ୍ରାପ୍ରତିମୋରଣେରାଘଵେଣଵୈହତଃ ॥ 13 ॥
ୟସ୍ୟତେଵଜ୍ରନିଷ୍ପେଷୋ ନ କୁର୍ଵାଦ୍ଵ୍ୟସନଂସଦା ।
ସ କଥଂରାମବାଣାର୍ତଂପ୍ରସୁପ୍ତୋଽସିମହୀତଲେ ॥ 14 ॥
ଏତେଦେଵଗଣାସ୍ସାର୍ଥମୃଷିଭିର୍ଗଗନେସ୍ଥିତାଃ ।
ନିହତଂତ୍ଵାଂରଣେଦୃଷ୍ଟଵାନିନଦଂତିପ୍ରହର୍ଷିତାଃ ॥ 15 ॥
ଧ୍ରୁଵମଦ୍ୟୈଵସଂହୃଷ୍ଟାଲବ୍ଧଲକ୍ଷାଃପ୍ଲଵଂଗମାଃ ।
ଆରୋକ୍ଷ୍ୟଂତୀହଦୁର୍ଗାଣିଲଂକାଦ୍ଵାରାଣିସର୍ଵଶଃ ॥ 16 ॥
ରାଜ୍ୟେନନାସ୍ତିମେକାର୍ୟଂକିଂକରିଷ୍ୟାମିସୀତୟା ।
କୁଂଭକର୍ଣଵିହୀନସ୍ୟଜୀଵିତେନାସ୍ତିମେମତିଃ ॥ 17 ॥
ୟଦ୍ୟହଂଭ୍ରାତୃହଂତାରଂ ନ ହନ୍ମିୟୁଧିରାଘଵମ୍ ।
ନନୁମେମରଣଂଶ୍ରେୟୋ ନ ଚେଦଂଵ୍ୟର୍ଥଜୀଵିତମ୍ ॥ 18 ॥
ଅଦ୍ୟୈଵତଂଗମିଷ୍ୟାମିଦେଶଂୟତ୍ରାନୁଜୋମମ ।
ନ ହିଭ୍ରାତୃନ୍ ସମୁତ୍ସୃଜ୍ୟକ୍ଷଣଂଜୀଵିତମୁତ୍ସହେ ॥ 19 ॥
ଦେଵାହିମାଂହସିଷ୍ୟଂତିଦୃଷ୍ଟଵାପୂର୍ଵାପକାରିଣମ୍ ।
କଥମିଂଦ୍ରଂଜୟିଷ୍ୟାମିକୁଂଭକର୍ଣ ହତେତ୍ଵୟି ॥ 20 ॥
ତଦିଦଂମାମନୁପ୍ରାପ୍ତଂଵିଭୀଷଣଵଚଶ୍ଶୁଭମ୍ ।
ୟଦଜ୍ଞାନାନ୍ମୟାତସ୍ୟ ନ ଗୃହୀତଂମହାତ୍ମନଃ ॥ 21 ॥
ଵିଭୀଷଣଵଚୋୟାଵତ୍କୁଂଭକର୍ଣପ୍ରହସ୍ତୟୋଃ ।
ଵିନାଶୋଽୟଂସମୁତ୍ପନ୍ନୋମାଂଵ୍ରୀଡୟତିଦାରୁଣଃ ॥ 22 ॥
ତସ୍ୟାୟଂକର୍ମଣଃପ୍ରାପ୍ତୋଵିପାକୋମମଶୋକଦଃ ।
ୟନ୍ମୟାଧାର୍ମିକଶ୍ଶମାନ୍ ସ ନିରସ୍ତୋଵିଭୀଷଣଃ ॥ 23 ॥
ଇତିବହୁଵିଧମାକୁଲାଂତରାତ୍ମାକୃପଣମତୀଵଵିଲପ୍ୟକୁଂଭକର୍ଣମ୍ ।
ନ୍ୟପଦଥଦଶାନନୋଭୃଶାର୍ତସ୍ତମନୁଜମିଂଦ୍ରରିପୁଂହତଂଵିଦିତ୍ଵା ॥ 24 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଅଷ୍ଟଷଷ୍ଟିତମସ୍ସର୍ଗଃ ॥
