ශ්රීමද්වාල්මීකීය රාමායණේ යුද්ධකාංඩම් ।
අථ අෂ්ටෂෂ්ටිතමස්සර්ගඃ ।
කුංභකර්ණංහතංදෘෂ්ටවාරාඝවේණමහාත්මනා ।
රාක්ෂසාරාක්ෂසේංද්රායරාවණායන්යවේදයන් ॥ 1 ॥
රාජන් ස කාලසංකාශස්සංයුක්තඃකාලකර්මණා ।
විද්රාව්යවානරීංසේනාංභක්ෂයිත්වා ච වානරාන් ॥ 2 ॥
ප්රතපිත්වා මුහූර්තංතුප්රශාංතෝරාමතේජසා ।
කායේනාර්ථප්රවිෂ්ටේනසමුද්රංභීමදර්ශනම් ॥ 3 ॥
නිකෘත්තකංඨෝරුභුජෝවික්ෂරන්රුධිරංබහු ।
රුද්ධ්වාද්වාරංශරීරේණලංකායාඃපර්වතෝපමඃ ॥ 4 ॥
කුංභකර්ණස්තව භ්රාතා කාකුත්ථ්සශරපීඩිතඃ ।
ලගංඩභූතෝ විකෘතෝ දාවදග්ධ ඉව ද්රුමඃ ॥ 5 ॥
තංශ්රුත්වාවිනිහතංසංඛ්යේකුංභකර්ණංමහාබලම් ।
රාවණශ්ශෝකසංතප්තෝමුමෝහ ච පපාත ච ॥ 6 ॥
පිතෘව්යංනිහතංශ්රුත්වාදේවාංතකනරාංතකෞ ।
ත්රිශිරාශ්චාතිකායශ්චරුරුදුශ්ශෝකපීඩිතාඃ ॥ 7 ॥
භ්රාතරංනිහතංශ්රුත්වාරාමේණාක්ලිෂ්ටකර්මණා ।
මහෝදරමහාපාර්ශ්වෞශෝකාක්රාංතෞබභූවතුඃ ॥ 8 ॥
තතඃකෘච්ඡ්රාත්සමාසාද්යසංජ්ඤාංරාක්ෂසපුංගවඃ ।
කුංභකර්ණවධාද්දීනෝවිලලාපකුලේංද්රියඃ ॥ 9 ॥
හාවීර රිපුදර්පඝ්න කුංභකර්ණ මහාබල ।
ත්වංමාංවිහායවෛදෛවාද්යාතෝऽසියමසාදනම් ॥ 10 ॥
මමශල්යමනුද්ධෘත්යබාංධවානාංමහාබල ।
ශත්රුසෛන්යංප්රතාප්යෛකස්ත්වංමාංසංත්යජ්යගච්ඡසි ॥ 11 ॥
ඉදානීංඛල්වහංනාස්මියස්යමේදක්ෂිණෝභුජඃ ।
පතිතෝයංසමාශ්රිත්ය න බිභේමිසුරාසුරාන් ॥ 12 ॥
කථමේවංවිධෝවීරෝදේවදානවදර්පහා ।
කාලාග්නිරුද්රාප්රතිමෝරණේරාඝවේණවෛහතඃ ॥ 13 ॥
යස්යතේවජ්රනිෂ්පේෂෝ න කුර්වාද්ව්යසනංසදා ।
ස කථංරාමබාණාර්තංප්රසුප්තෝऽසිමහීතලේ ॥ 14 ॥
ඒතේදේවගණාස්සාර්ථමෘෂිභිර්ගගනේස්ථිතාඃ ।
නිහතංත්වාංරණේදෘෂ්ටවානිනදංතිප්රහර්ෂිතාඃ ॥ 15 ॥
ධ්රුවමද්යෛවසංහෘෂ්ටාලබ්ධලක්ෂාඃප්ලවංගමාඃ ।
ආරෝක්ෂ්යංතීහදුර්ගාණිලංකාද්වාරාණිසර්වශඃ ॥ 16 ॥
රාජ්යේනනාස්තිමේකාර්යංකිංකරිෂ්යාමිසීතයා ।
කුංභකර්ණවිහීනස්යජීවිතේනාස්තිමේමතිඃ ॥ 17 ॥
යද්යහංභ්රාතෘහංතාරං න හන්මියුධිරාඝවම් ।
නනුමේමරණංශ්රේයෝ න චේදංව්යර්ථජීවිතම් ॥ 18 ॥
අද්යෛවතංගමිෂ්යාමිදේශංයත්රානුජෝමම ।
න හිභ්රාතෘන් සමුත්සෘජ්යක්ෂණංජීවිතමුත්සහේ ॥ 19 ॥
දේවාහිමාංහසිෂ්යංතිදෘෂ්ටවාපූර්වාපකාරිණම් ।
කථමිංද්රංජයිෂ්යාමිකුංභකර්ණ හතේත්වයි ॥ 20 ॥
තදිදංමාමනුප්රාප්තංවිභීෂණවචශ්ශුභම් ।
යදජ්ඤානාන්මයාතස්ය න ගෘහීතංමහාත්මනඃ ॥ 21 ॥
විභීෂණවචෝයාවත්කුංභකර්ණප්රහස්තයෝඃ ।
විනාශෝऽයංසමුත්පන්නෝමාංව්රීඩයතිදාරුණඃ ॥ 22 ॥
තස්යායංකර්මණඃප්රාප්තෝවිපාකෝමමශෝකදඃ ।
යන්මයාධාර්මිකශ්ශමාන් ස නිරස්තෝවිභීෂණඃ ॥ 23 ॥
ඉතිබහුවිධමාකුලාංතරාත්මාකෘපණමතීවවිලප්යකුංභකර්ණම් ।
න්යපදථදශානනෝභෘශාර්තස්තමනුජමිංද්රරිපුංහතංවිදිත්වා ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ අෂ්ටෂෂ්ටිතමස්සර්ගඃ ॥
