ശ്രീമദ്വാല്മീകീയ രാമായണേ യുദ്ധകാംഡമ് ।
അഥ അഷ്ടഷഷ്ടിതമസ്സര്ഗഃ ।
കുംഭകര്ണംഹതംദൃഷ്ടവാരാഘവേണമഹാത്മനാ ।
രാക്ഷസാരാക്ഷസേംദ്രായരാവണായന്യവേദയന് ॥ 1 ॥
രാജന് സ കാലസംകാശസ്സംയുക്തഃകാലകര്മണാ ।
വിദ്രാവ്യവാനരീംസേനാംഭക്ഷയിത്വാ ച വാനരാന് ॥ 2 ॥
പ്രതപിത്വാ മുഹൂര്തംതുപ്രശാംതോരാമതേജസാ ।
കായേനാര്ഥപ്രവിഷ്ടേനസമുദ്രംഭീമദര്ശനമ് ॥ 3 ॥
നികൃത്തകംഠോരുഭുജോവിക്ഷരന്രുധിരംബഹു ।
രുദ്ധ്വാദ്വാരംശരീരേണലംകായാഃപർവതോപമഃ ॥ 4 ॥
കുംഭകര്ണസ്തവ ഭ്രാതാ കാകുത്ഥ്സശരപീഡിതഃ ।
ലഗംഡഭൂതോ വികൃതോ ദാവദഗ്ധ ഇവ ദ്രുമഃ ॥ 5 ॥
തംശ്രുത്വാവിനിഹതംസംഖ്യേകുംഭകര്ണംമഹാബലമ് ।
രാവണശ്ശോകസംതപ്തോമുമോഹ ച പപാത ച ॥ 6 ॥
പിതൃവ്യംനിഹതംശ്രുത്വാദേവാംതകനരാംതകൌ ।
ത്രിശിരാശ്ചാതികായശ്ചരുരുദുശ്ശോകപീഡിതാഃ ॥ 7 ॥
ഭ്രാതരംനിഹതംശ്രുത്വാരാമേണാക്ലിഷ്ടകര്മണാ ।
മഹോദരമഹാപാര്ശ്വൌശോകാക്രാംതൌബഭൂവതുഃ ॥ 8 ॥
തതഃകൃച്ഛ്രാത്സമാസാദ്യസംജ്ഞാംരാക്ഷസപുംഗവഃ ।
കുംഭകര്ണവധാദ്ദീനോവിലലാപകുലേംദ്രിയഃ ॥ 9 ॥
ഹാവീര രിപുദര്പഘ്ന കുംഭകര്ണ മഹാബല ।
ത്വംമാംവിഹായവൈദൈവാദ്യാതോഽസിയമസാദനമ് ॥ 10 ॥
മമശല്യമനുദ്ധൃത്യബാംധവാനാംമഹാബല ।
ശത്രുസൈന്യംപ്രതാപ്യൈകസ്ത്വംമാംസംത്യജ്യഗച്ഛസി ॥ 11 ॥
ഇദാനീംഖല്വഹംനാസ്മിയസ്യമേദക്ഷിണോഭുജഃ ।
പതിതോയംസമാശ്രിത്യ ന ബിഭേമിസുരാസുരാന് ॥ 12 ॥
കഥമേവംവിധോവീരോദേവദാനവദര്പഹാ ।
കാലാഗ്നിരുദ്രാപ്രതിമോരണേരാഘവേണവൈഹതഃ ॥ 13 ॥
യസ്യതേവജ്രനിഷ്പേഷോ ന കുർവാദ്വ്യസനംസദാ ।
സ കഥംരാമബാണാര്തംപ്രസുപ്തോഽസിമഹീതലേ ॥ 14 ॥
ഏതേദേവഗണാസ്സാര്ഥമൃഷിഭിര്ഗഗനേസ്ഥിതാഃ ।
നിഹതംത്വാംരണേദൃഷ്ടവാനിനദംതിപ്രഹര്ഷിതാഃ ॥ 15 ॥
ധ്രുവമദ്യൈവസംഹൃഷ്ടാലബ്ധലക്ഷാഃപ്ലവംഗമാഃ ।
ആരോക്ഷ്യംതീഹദുര്ഗാണിലംകാദ്വാരാണിസർവശഃ ॥ 16 ॥
രാജ്യേനനാസ്തിമേകാര്യംകിംകരിഷ്യാമിസീതയാ ।
കുംഭകര്ണവിഹീനസ്യജീവിതേനാസ്തിമേമതിഃ ॥ 17 ॥
യദ്യഹംഭ്രാതൃഹംതാരം ന ഹന്മിയുധിരാഘവമ് ।
നനുമേമരണംശ്രേയോ ന ചേദംവ്യര്ഥജീവിതമ് ॥ 18 ॥
അദ്യൈവതംഗമിഷ്യാമിദേശംയത്രാനുജോമമ ।
ന ഹിഭ്രാതൃന് സമുത്സൃജ്യക്ഷണംജീവിതമുത്സഹേ ॥ 19 ॥
ദേവാഹിമാംഹസിഷ്യംതിദൃഷ്ടവാപൂർവാപകാരിണമ് ।
കഥമിംദ്രംജയിഷ്യാമികുംഭകര്ണ ഹതേത്വയി ॥ 20 ॥
തദിദംമാമനുപ്രാപ്തംവിഭീഷണവചശ്ശുഭമ് ।
യദജ്ഞാനാന്മയാതസ്യ ന ഗൃഹീതംമഹാത്മനഃ ॥ 21 ॥
വിഭീഷണവചോയാവത്കുംഭകര്ണപ്രഹസ്തയോഃ ।
വിനാശോഽയംസമുത്പന്നോമാംവ്രീഡയതിദാരുണഃ ॥ 22 ॥
തസ്യായംകര്മണഃപ്രാപ്തോവിപാകോമമശോകദഃ ।
യന്മയാധാര്മികശ്ശമാന് സ നിരസ്തോവിഭീഷണഃ ॥ 23 ॥
ഇതിബഹുവിധമാകുലാംതരാത്മാകൃപണമതീവവിലപ്യകുംഭകര്ണമ് ।
ന്യപദഥദശാനനോഭൃശാര്തസ്തമനുജമിംദ്രരിപുംഹതംവിദിത്വാ ॥ 24 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ അഷ്ടഷഷ്ടിതമസ്സര്ഗഃ ॥
