ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² அஷ்டஷஷ்டிதமஸ்ஸர்க:³ ।
கும்ப⁴கர்ணம்ஹதந்த்³ருஷ்டவாராக⁴வேணமஹாத்மனா ।
ராக்ஷஸாராக்ஷஸேந்த்³ராயராவணாயன்யவேத³யன் ॥ 1 ॥
ராஜன் ஸ காலஸங்காஶஸ்ஸம்யுக்த:காலகர்மணா ।
வித்³ராவ்யவானரீம்ஸேனாம்ப⁴க்ஷயித்வா ச வானரான் ॥ 2 ॥
ப்ரதபித்வா முஹூர்தந்துப்ரஶாந்தோராமதேஜஸா ।
காயேனார்த²ப்ரவிஷ்டேனஸமுத்³ரம்பீ⁴மத³ர்ஶனம் ॥ 3 ॥
நிக்ருத்தகண்டோ²ருபு⁴ஜோவிக்ஷரன்ருதி⁴ரம்ப³ஹு ।
ருத்³த்⁴வாத்³வாரம்ஶரீரேணலங்காயா:பர்வதோபம: ॥ 4 ॥
கும்ப⁴கர்ணஸ்தவ ப்⁴ராதா காகுத்த்²ஸஶரபீடி³த: ।
லக³ண்ட³பூ⁴தோ விக்ருதோ தா³வத³க்³த⁴ இவ த்³ரும: ॥ 5 ॥
தம்ஶ்ருத்வாவினிஹதம்ஸங்க்²யேகும்ப⁴கர்ணம்மஹாப³லம் ।
ராவணஶ்ஶோகஸந்தப்தோமுமோஹ ச பபாத ச ॥ 6 ॥
பித்ருவ்யம்னிஹதம்ஶ்ருத்வாதே³வாந்தகனராந்தகௌ ।
த்ரிஶிராஶ்சாதிகாயஶ்சருருது³ஶ்ஶோகபீடி³தா: ॥ 7 ॥
ப்⁴ராதரம்னிஹதம்ஶ்ருத்வாராமேணாக்லிஷ்டகர்மணா ।
மஹோத³ரமஹாபார்ஶ்வௌஶோகாக்ராந்தௌப³பூ⁴வது: ॥ 8 ॥
தத:க்ருச்ச்²ராத்ஸமாஸாத்³யஸஞ்ஜ்ஞாம்ராக்ஷஸபுங்க³வ: ।
கும்ப⁴கர்ணவதா⁴த்³தீ³னோவிலலாபகுலேந்த்³ரிய: ॥ 9 ॥
ஹாவீர ரிபுத³ர்பக்⁴ன கும்ப⁴கர்ண மஹாப³ல ।
த்வம்மாம்விஹாயவைதை³வாத்³யாதோஸியமஸாத³னம் ॥ 1௦ ॥
மமஶல்யமனுத்³த்⁴ருத்யபா³ந்த⁴வானாம்மஹாப³ல ।
ஶத்ருஸைன்யம்ப்ரதாப்யைகஸ்த்வம்மாம்ஸந்த்யஜ்யக³ச்ச²ஸி ॥ 11 ॥
இதா³னீங்க³ல்வஹம்னாஸ்மியஸ்யமேத³க்ஷிணோபு⁴ஜ: ।
பதிதோயம்ஸமாஶ்ரித்ய ந பி³பே⁴மிஸுராஸுரான் ॥ 12 ॥
கத²மேவம்விதோ⁴வீரோதே³வதா³னவத³ர்பஹா ।
காலாக்³னிருத்³ராப்ரதிமோரணேராக⁴வேணவைஹத: ॥ 13 ॥
யஸ்யதேவஜ்ரனிஷ்பேஷோ ந குர்வாத்³வ்யஸனம்ஸதா³ ।
ஸ கத²ம்ராமபா³ணார்தம்ப்ரஸுப்தோஸிமஹீதலே ॥ 14 ॥
ஏதேதே³வக³ணாஸ்ஸார்த²ம்ருஷிபி⁴ர்க³க³னேஸ்தி²தா: ।
நிஹதந்த்வாம்ரணேத்³ருஷ்டவானினத³ந்திப்ரஹர்ஷிதா: ॥ 15 ॥
த்⁴ருவமத்³யைவஸம்ஹ்ருஷ்டாலப்³த⁴லக்ஷா:ப்லவங்க³மா: ।
ஆரோக்ஷ்யந்தீஹது³ர்கா³ணிலங்காத்³வாராணிஸர்வஶ: ॥ 16 ॥
ராஜ்யேனநாஸ்திமேகார்யங்கிங்கரிஷ்யாமிஸீதயா ।
கும்ப⁴கர்ணவிஹீனஸ்யஜீவிதேனாஸ்திமேமதி: ॥ 17 ॥
யத்³யஹம்ப்⁴ராத்ருஹந்தாரம் ந ஹன்மியுதி⁴ராக⁴வம் ।
நனுமேமரணம்ஶ்ரேயோ ந சேத³ம்வ்யர்தஜ²ீவிதம் ॥ 18 ॥
அத்³யைவதங்க³மிஷ்யாமிதே³ஶம்யத்ரானுஜோமம ।
ந ஹிப்⁴ராத்ருன் ஸமுத்ஸ்ருஜ்யக்ஷணஞ்ஜீவிதமுத்ஸஹே ॥ 19 ॥
தே³வாஹிமாம்ஹஸிஷ்யந்தித்³ருஷ்டவாபூர்வாபகாரிணம் ।
கத²மிந்த்³ரஞ்ஜயிஷ்யாமிகும்ப⁴கர்ண ஹதேத்வயி ॥ 2௦ ॥
ததி³த³ம்மாமனுப்ராப்தம்விபீ⁴ஷணவசஶ்ஶுப⁴ம் ।
யதஜ³்ஞானான்மயாதஸ்ய ந க்³ருஹீதம்மஹாத்மன: ॥ 21 ॥
விபீ⁴ஷணவசோயாவத்கும்ப⁴கர்ணப்ரஹஸ்தயோ: ।
வினாஶோயம்ஸமுத்பன்னோமாம்வ்ரீட³யதிதா³ருண: ॥ 22 ॥
தஸ்யாயங்கர்மண:ப்ராப்தோவிபாகோமமஶோகத:³ ।
யன்மயாதா⁴ர்மிகஶ்ஶமான் ஸ நிரஸ்தோவிபீ⁴ஷண: ॥ 23 ॥
இதிப³ஹுவித⁴மாகுலாந்தராத்மாக்ருபணமதீவவிலப்யகும்ப⁴கர்ணம் ।
ந்யபத³த²த³ஶானநோப்⁴ருஶார்தஸ்தமனுஜமிந்த்³ரரிபும்ஹதம்விதி³த்வா ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ அஷ்டஷஷ்டிதமஸ்ஸர்க:³ ॥
