śrīmadvālmīkīya rāmāyaṇē yuddhakāṇḍam ।
atha aṣṭaṣaṣṭitamassargaḥ ।
kumbhakarṇaṃhatandṛṣṭavārāghavēṇamahātmanā ।
rākṣasārākṣasēndrāyarāvaṇāyanyavēdayan ॥ 1 ॥
rājan sa kālasaṅkāśassaṃyuktaḥkālakarmaṇā ।
vidrāvyavānarīṃsēnāmbhakṣayitvā cha vānarān ॥ 2 ॥
pratapitvā muhūrtantupraśāntōrāmatējasā ।
kāyēnārthapraviṣṭēnasamudrambhīmadarśanam ॥ 3 ॥
nikṛttakaṇṭhōrubhujōvikṣaranrudhirambahu ।
ruddhvādvāraṃśarīrēṇalaṅkāyāḥparvatōpamaḥ ॥ 4 ॥
kumbhakarṇastava bhrātā kākutthsaśarapīḍitaḥ ।
lagaṇḍabhūtō vikṛtō dāvadagdha iva drumaḥ ॥ 5 ॥
taṃśrutvāvinihataṃsaṅkhyēkumbhakarṇammahābalam ।
rāvaṇaśśōkasantaptōmumōha cha papāta cha ॥ 6 ॥
pitṛvyannihataṃśrutvādēvāntakanarāntakau ।
triśirāśchātikāyaścharuruduśśōkapīḍitāḥ ॥ 7 ॥
bhrātarannihataṃśrutvārāmēṇākliṣṭakarmaṇā ।
mahōdaramahāpārśvauśōkākrāntaubabhūvatuḥ ॥ 8 ॥
tataḥkṛchChrātsamāsādyasañjñāṃrākṣasapuṅgavaḥ ।
kumbhakarṇavadhāddīnōvilalāpakulēndriyaḥ ॥ 9 ॥
hāvīra ripudarpaghna kumbhakarṇa mahābala ।
tvammāṃvihāyavaidaivādyātō'siyamasādanam ॥ 10 ॥
mamaśalyamanuddhṛtyabāndhavānāmmahābala ।
śatrusainyampratāpyaikastvammāṃsantyajyagachChasi ॥ 11 ॥
idānīṅkhalvahannāsmiyasyamēdakṣiṇōbhujaḥ ।
patitōyaṃsamāśritya na bibhēmisurāsurān ॥ 12 ॥
kathamēvaṃvidhōvīrōdēvadānavadarpahā ।
kālāgnirudrāpratimōraṇērāghavēṇavaihataḥ ॥ 13 ॥
yasyatēvajraniṣpēṣō na kurvādvyasanaṃsadā ।
sa kathaṃrāmabāṇārtamprasuptō'simahītalē ॥ 14 ॥
ētēdēvagaṇāssārthamṛṣibhirgaganēsthitāḥ ।
nihatantvāṃraṇēdṛṣṭavāninadantipraharṣitāḥ ॥ 15 ॥
dhruvamadyaivasaṃhṛṣṭālabdhalakṣāḥplavaṅgamāḥ ।
ārōkṣyantīhadurgāṇilaṅkādvārāṇisarvaśaḥ ॥ 16 ॥
rājyēnanāstimēkāryaṅkiṅkariṣyāmisītayā ।
kumbhakarṇavihīnasyajīvitēnāstimēmatiḥ ॥ 17 ॥
yadyahambhrātṛhantāraṃ na hanmiyudhirāghavam ।
nanumēmaraṇaṃśrēyō na chēdaṃvyarthajīvitam ॥ 18 ॥
adyaivataṅgamiṣyāmidēśaṃyatrānujōmama ।
na hibhrātṛn samutsṛjyakṣaṇañjīvitamutsahē ॥ 19 ॥
dēvāhimāṃhasiṣyantidṛṣṭavāpūrvāpakāriṇam ।
kathamindrañjayiṣyāmikumbhakarṇa hatētvayi ॥ 20 ॥
tadidammāmanuprāptaṃvibhīṣaṇavachaśśubham ।
yadajñānānmayātasya na gṛhītammahātmanaḥ ॥ 21 ॥
vibhīṣaṇavachōyāvatkumbhakarṇaprahastayōḥ ।
vināśō'yaṃsamutpannōmāṃvrīḍayatidāruṇaḥ ॥ 22 ॥
tasyāyaṅkarmaṇaḥprāptōvipākōmamaśōkadaḥ ।
yanmayādhārmikaśśamān sa nirastōvibhīṣaṇaḥ ॥ 23 ॥
itibahuvidhamākulāntarātmākṛpaṇamatīvavilapyakumbhakarṇam ।
nyapadathadaśānanōbhṛśārtastamanujamindraripuṃhataṃviditvā ॥ 24 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē aṣṭaṣaṣṭitamassargaḥ ॥
