શ્રીમદ્વાલ્મીકીય રામાયણે યુદ્ધકાંડમ્ ।
અથ અષ્ટષષ્ટિતમસ્સર્ગઃ ।
કુંભકર્ણંહતંદૃષ્ટવારાઘવેણમહાત્મના ।
રાક્ષસારાક્ષસેંદ્રાયરાવણાયન્યવેદયન્ ॥ 1 ॥
રાજન્ સ કાલસંકાશસ્સંયુક્તઃકાલકર્મણા ।
વિદ્રાવ્યવાનરીંસેનાંભક્ષયિત્વા ચ વાનરાન્ ॥ 2 ॥
પ્રતપિત્વા મુહૂર્તંતુપ્રશાંતોરામતેજસા ।
કાયેનાર્થપ્રવિષ્ટેનસમુદ્રંભીમદર્શનમ્ ॥ 3 ॥
નિકૃત્તકંઠોરુભુજોવિક્ષરન્રુધિરંબહુ ।
રુદ્ધ્વાદ્વારંશરીરેણલંકાયાઃપર્વતોપમઃ ॥ 4 ॥
કુંભકર્ણસ્તવ ભ્રાતા કાકુત્થ્સશરપીડિતઃ ।
લગંડભૂતો વિકૃતો દાવદગ્ધ ઇવ દ્રુમઃ ॥ 5 ॥
તંશ્રુત્વાવિનિહતંસંખ્યેકુંભકર્ણંમહાબલમ્ ।
રાવણશ્શોકસંતપ્તોમુમોહ ચ પપાત ચ ॥ 6 ॥
પિતૃવ્યંનિહતંશ્રુત્વાદેવાંતકનરાંતકૌ ।
ત્રિશિરાશ્ચાતિકાયશ્ચરુરુદુશ્શોકપીડિતાઃ ॥ 7 ॥
ભ્રાતરંનિહતંશ્રુત્વારામેણાક્લિષ્ટકર્મણા ।
મહોદરમહાપાર્શ્વૌશોકાક્રાંતૌબભૂવતુઃ ॥ 8 ॥
તતઃકૃચ્છ્રાત્સમાસાદ્યસંજ્ઞાંરાક્ષસપુંગવઃ ।
કુંભકર્ણવધાદ્દીનોવિલલાપકુલેંદ્રિયઃ ॥ 9 ॥
હાવીર રિપુદર્પઘ્ન કુંભકર્ણ મહાબલ ।
ત્વંમાંવિહાયવૈદૈવાદ્યાતોઽસિયમસાદનમ્ ॥ 10 ॥
મમશલ્યમનુદ્ધૃત્યબાંધવાનાંમહાબલ ।
શત્રુસૈન્યંપ્રતાપ્યૈકસ્ત્વંમાંસંત્યજ્યગચ્છસિ ॥ 11 ॥
ઇદાનીંખલ્વહંનાસ્મિયસ્યમેદક્ષિણોભુજઃ ।
પતિતોયંસમાશ્રિત્ય ન બિભેમિસુરાસુરાન્ ॥ 12 ॥
કથમેવંવિધોવીરોદેવદાનવદર્પહા ।
કાલાગ્નિરુદ્રાપ્રતિમોરણેરાઘવેણવૈહતઃ ॥ 13 ॥
યસ્યતેવજ્રનિષ્પેષો ન કુર્વાદ્વ્યસનંસદા ।
સ કથંરામબાણાર્તંપ્રસુપ્તોઽસિમહીતલે ॥ 14 ॥
એતેદેવગણાસ્સાર્થમૃષિભિર્ગગનેસ્થિતાઃ ।
નિહતંત્વાંરણેદૃષ્ટવાનિનદંતિપ્રહર્ષિતાઃ ॥ 15 ॥
ધ્રુવમદ્યૈવસંહૃષ્ટાલબ્ધલક્ષાઃપ્લવંગમાઃ ।
આરોક્ષ્યંતીહદુર્ગાણિલંકાદ્વારાણિસર્વશઃ ॥ 16 ॥
રાજ્યેનનાસ્તિમેકાર્યંકિંકરિષ્યામિસીતયા ।
કુંભકર્ણવિહીનસ્યજીવિતેનાસ્તિમેમતિઃ ॥ 17 ॥
યદ્યહંભ્રાતૃહંતારં ન હન્મિયુધિરાઘવમ્ ।
નનુમેમરણંશ્રેયો ન ચેદંવ્યર્થજીવિતમ્ ॥ 18 ॥
અદ્યૈવતંગમિષ્યામિદેશંયત્રાનુજોમમ ।
ન હિભ્રાતૃન્ સમુત્સૃજ્યક્ષણંજીવિતમુત્સહે ॥ 19 ॥
દેવાહિમાંહસિષ્યંતિદૃષ્ટવાપૂર્વાપકારિણમ્ ।
કથમિંદ્રંજયિષ્યામિકુંભકર્ણ હતેત્વયિ ॥ 20 ॥
તદિદંમામનુપ્રાપ્તંવિભીષણવચશ્શુભમ્ ।
યદજ્ઞાનાન્મયાતસ્ય ન ગૃહીતંમહાત્મનઃ ॥ 21 ॥
વિભીષણવચોયાવત્કુંભકર્ણપ્રહસ્તયોઃ ।
વિનાશોઽયંસમુત્પન્નોમાંવ્રીડયતિદારુણઃ ॥ 22 ॥
તસ્યાયંકર્મણઃપ્રાપ્તોવિપાકોમમશોકદઃ ।
યન્મયાધાર્મિકશ્શમાન્ સ નિરસ્તોવિભીષણઃ ॥ 23 ॥
ઇતિબહુવિધમાકુલાંતરાત્માકૃપણમતીવવિલપ્યકુંભકર્ણમ્ ।
ન્યપદથદશાનનોભૃશાર્તસ્તમનુજમિંદ્રરિપુંહતંવિદિત્વા ॥ 24 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે અષ્ટષષ્ટિતમસ્સર્ગઃ ॥
