ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಚತುಃಸಪ್ತತಿತಮಸ್ಸರ್ಗಃ ।
ತಯೋಸ್ತದಾಸಾದಿತಯೋರಣಾಗ್ರೇಮುಮೋಹಸೈನ್ಯಂಹರಿಪುಙ್ಗವಾನಾಮ್ ।
ಸುಗ್ರೀವನೀಲಾಙ್ಗದಜಾಮ್ಬವನ್ತೋ ನ ಚಾಪಿಕಿಞ್ಚಿತ್ಪ್ರತಿಪೇದಿರೇತೇ ॥ 1 ॥
ತತೋವಿಷಣ್ಣಂಸಮವೇಕ್ಷ್ಯಸೈನ್ಯಂವಿಭೀಷಣೋಬುದ್ಧಿಮತಾಂವರಿಷ್ಠಃ ।
ಉವಾಚಶಾಖಮೃಗರಾಜವೀರಾನಾಶ್ವಾಸಯನ್ನಪ್ರತಿಮೈರ್ವಚೋಭಿಃ ॥ 2 ॥
ಮಾಭೈಷ್ಟನಾಸ್ತ್ಯತ್ರವಿಷಾದಕಾಲೋಯದಾರ್ಯಪುತ್ತ್ರೌವಿವಶೌವಿಷಣ್ಣೌ ।
ಸ್ವಯಮ್ಭುವೋವಾಕ್ಯಮಥೋದ್ವಹನ್ತೌಯತ್ಸಾದಿತಾವಿನ್ದ್ರಜಿದಸ್ತ್ರಜಾಲೈಃ ॥ 3 ॥
ತಸ್ಮೈತುದತ್ತಮ್ಪರಮಾಸ್ತ್ರಮೇತತ್ಸ್ವಯಮ್ಭುವಾಬ್ರಾಹ್ಮಮಮೋಘವೇಗಮ್ ।
ತನ್ಮಾನಯನ್ತೌಯುಧಿರಾಜಪುತ್ರೌನಿಪಾತಿತೌಕೋಽತ್ರವಿಷಾದಕಾಲಃ ॥ 4 ॥
ಬ್ರಾಹ್ಮಮಸ್ತ್ರನ್ತತೋಧೀಮಾನ್ಮಾನಯಿತ್ವಾತುಮಾರುತಿಃ ।
ವಿಭೀಷಣವಚಶ್ಶ್ರುತ್ವಾಹನೂಮಾಂಸ್ತಮಥಾಬ್ರವೀತ್ ॥ 5 ॥
ಏತಸ್ಮಿನ್ನಿಹತೇಸೈನ್ಯೇವಾನರಾಣಾನ್ತರಸ್ವಿನಾಮ್ ।
ಯೋಯೋಧಾರಯತೇಪ್ರಾಣಾಂಸ್ತನ್ತಮಾಶ್ವಾಸಯಾವ ॥ 6 ॥
ತಾವುಭೌಯುಗಪವದೀರೌಹನೂಮದ್ರಾಕ್ಷಸೋತ್ತಮೌ ।
ಉಲ್ಕಾಹಸ್ತೌತದಾರಾತ್ರೌರಣಶೀರ್ಷೇವಿಚೇರತುಃ ॥ 7 ॥
ಭಿನ್ನಲಾಙ್ಗೂಲಹಸ್ತೋರುಪಾದಾಙ್ಗುಲಿ ಶಿರೋ ಧರೈಃ ।
ಸ್ರವದ್ಭಿಃ ಕ್ಷತಜಂ ಗಾತ್ರೈಃ ಪ್ರಸ್ರವದ್ಭಿಃ ಸಮನ್ತತಃ ॥ 8 ॥
ಪತಿತೈಃಪರ್ವತಾಕಾರೈರ್ವಾನರೈರಭಿಸಙ್ಕುಲಾಮ್ ।
ಶಸ್ಸೈಶ್ಚಪತಿತೈರ್ದೀಪ್ತೈರ್ದದೃಶಾತೇವಸುನ್ಧರಾಮ್ ॥ 9 ॥
ಸುಗ್ರೀವಮಙ್ಗದನ್ನೀಲಂಶರಭಙ್ಗನ್ಧಮಾದನಮ್ ।
ಗವಾಕ್ಷಂ ಚ ಸುಷೇಣಂ ಚ ವೇಗದರ್ಶಿನಮಾಹುಕಮ್ ॥ 10 ॥
ಮೈನ್ದಂ ನಲಂ ಜ್ಯೋತಿಮುಖಂ ದ್ವಿವಿದಂ ಪನಸಂ ತಥಾ ।
ವಿಭೀಷಣೋ ಹನೂಮಾಂಶ್ಚ ದದೃಶಾತೇ ಹತಾನ್ರಣೇ ॥ 11 ॥
ಸಪ್ತಷಷ್ಟಿರ್ಹತಾಃಕೋಟ್ಯೋವಾನರಾಣಾನ್ತರಸ್ವಿನಾಮ್ ।
ಅಹ್ನಃಪಞ್ಚಮಶೇಷೇಣವಲ್ಲಭೇನಸ್ವಯಮ್ಭುವಃ ॥ 12 ॥
ಸಾಗರೌಘನಿಭಮ್ಭೀಮನ್ದೃಷ್ಟವಾಬಾಣಾರ್ದಿತಮ್ಬಲಮ್ ।
ಮಾರ್ಗತೇಜಾಮ್ಬವನ್ತಂಸ್ಮಿಹನೂಮಾನ್ ಸವಿಭೀಷಣಃ ॥ 13 ॥
ಸ್ವಭಾವಜರಯಾಯುಕ್ತಂವೃದ್ಧಂಶರಶತೈಶ್ಚಿತಮ್ ।
ಪ್ರಜಾಪತಿಸುತಂವೀರಂಶಾಮ್ಯನ್ತಮಿವಪಾವಕಮ್ ॥ 14 ॥
ದೃಷ್ಟವಾತಮುಪಸಙ್ಗ್ರಮ್ಯಪೌಲಸ್ತ್ಯೋವಾಕ್ಯಮಬ್ರವೀತ್ ।
ಚ್ಚಿದಾರ್ಯಶರೈಸ್ತೀಕ್ಷ್ಣೈರ್ನಪ್ರಾಣಾಧ್ವಂಸಿತಾಸ್ತವ ॥ 15 ॥
ವಿಭೀಷಣವಚಶ್ಶ್ರುತ್ವಾಜಾಮ್ಬವಾನೃಕ್ಷಪುಙ್ಗವಃ ।
ಕೃಚ್ಛ್ರಾದಭ್ಯುಗ್ದಿರನ್ವಾಕ್ಯಮಿದಂವಚನಮಬ್ರವೀತ್ ॥ 16 ॥
ನೈರೃತೇನ್ದ್ರಮಹಾವೀರ್ಯಸ್ವರೇಣತ್ವಾಽಭಿಲಕ್ಷ್ಯೇ ।
ಪೀಡ್ಯಮಾನಶಶಿತೈರ್ಬಾಣೈರ್ನತ್ವಾಪಶ್ಯಾಮಿಚಕ್ಷುಷಾ ॥ 17 ॥
ಅಞ್ಜನಾಸುಪ್ರಜಾಯೇನಮಾತರಿಶ್ವಾ ಚ ನೈರೃತ ।
ಹನುಮಾನ್ ವಾನರಶ್ರೇಷ್ಠಃಪ್ರಾಣಾನ್ ಧಾರಯತೇಕ್ವಚಿತ್ ॥ 18 ॥
ಶ್ರುತ್ವಾಜಾಮ್ಬವತೋವಾಕ್ಯಮುವಾಚೇದಂವಿಭೀಷಣಃ ।
ಆರ್ಯಪುತ್ರಾವತಿಕ್ರಮ್ಯಕಸ್ಮಾತ್ಪೃಚ್ಛಸಿಮಾರುತಿಮ್ ॥ 19 ॥
ನೈವರಾಜನಿಸುಗ್ರೀವೇನಾಙ್ಗದೇನಾಪಿರಾಘವೇ ।
ಆರ್ಯಸನ್ದರ್ಶಿತಸ್ಸ್ನೇಹೋಯಥಾವಾಯುಸುತೇಪರಃ ॥ 20 ॥
ವಿಭೀಷಣವಚಶ್ಶ್ರುತ್ವಾಜಾಮ್ಬವಾನ್ವಾಕ್ಯಮಬ್ರವೀತ್ ।
ಶೃಣುನೈರೃತಶಾರ್ದೂಲಯಸ್ಮಾತ್ ಪೃಚ್ಛಾಮಿಮಾರುತಿಮ್ ॥ 21 ॥
ತಸ್ಮಿನ್ಜೀವತಿವೀರೇತುಹತಮಪ್ಯಹತಮ್ಬಲಮ್ ।
ಹನೂಮತ್ಯುಜ್ಝಿತಪ್ರಾಣೇಜೀವನ್ತೋಽಪಿವಯಂ ಹೃತಾ ॥ 22 ॥
ಧರತೇಮಾರುತಿಸ್ತಾತಮಾರುತಪ್ರತಿಮೋಯದಿ ।
ವೈಶ್ವಾನರಸಮೋವೀರ್ವೇಜೀವಿತಾಶಾತತೋಭವೇತ್ ॥ 23 ॥
ತತೋವೃದ್ಧಮುಪಾಗಮ್ಯನಿಯಮೇನಾಭ್ಯವಾದಯತ್ ।
ಗೃಹ್ಯಜಾಮ್ಬವತಃಪಾದೌಹನೂಮಾನ್ಮಾರುತಾತ್ಮಜಃ ॥ 24 ॥
ಶ್ರುತ್ವಾಹನುಮತೋವಾಕ್ಯನ್ತದಾಽಪಿವ್ಯಥಿತೇನ್ದ್ರಿಯಃ ।
ಪುನರ್ಜಾತಮಿವಾತ್ಮಾನಮ್ಮನ್ಯತೇಪ್ಲವಗೋತ್ತಮಃ ॥ 25 ॥
ತತೋಽಬ್ರವೀನ್ಮಹಾತೇಜಾಹನೂಮನ್ತಂ ಸ ಜಾಮ್ಬವಾನ್ ।
ಆಗಚ್ಛಹರಿಶಾರ್ದೂಲ ವಾನರಾಂಸ್ತ್ರಾತುಮರ್ಹಸಿ ॥ 26 ॥
ನಾನ್ಯೋವಕ್ರಮಪರ್ಯಾಪ್ತಸ್ತ್ವಮೇಷಾಮ್ಪರಮಸ್ಸಖಾ ।
ತ್ವತ್ಪರಾಕ್ರಮಕಾಲೋಽಯನ್ನಾನ್ಯಮ್ಪಶ್ಯಾಮಿಕಥಞ್ಚನ ॥ 27 ॥
ಋಕ್ಷ್ವಾನರವೀರಾಣಾಮನೀಕಾನಿಪ್ರಹರ್ಷಯ ।
ಶಲ್ಯೌಕುರುಚಾಪ್ಯೇತಾಸಾದಿತೌರಾಮಲಕ್ಷ್ಮಣೌ ॥ 28 ॥
ಗತ್ವಾಪರಮಮಧ್ವಾನಮುಪರ್ಯುಪರಿಸಾಗರಮ್ ।
ಹಿಮವನ್ತನ್ನಗಶ್ರೇಷ್ಠಂಹನುಮನ್ಗನ್ತುಮರ್ಹಸಿ ॥ 29 ॥
ತತಃಕಾಞ್ಚನಮತ್ಯುಚ್ಚಮೃಷಭಮ್ಪರ್ವತೋತ್ತಮಮ್ ।
ಕೈಲಾಸಶಿಖರಞ್ಚಾಪಿದ್ರಕ್ಷ್ಯಸ್ಯರಿನಿಷೂದನ ॥ 30 ॥
ತಯೋಶಶಿಖರಯೋರ್ಮಧ್ಯೇಪ್ರದೀಪ್ತಮತುಲಪ್ರಭಮ್ ।
ಸರ್ಯೌಷಧಿಯುತಂವೀರ ದ್ರಕ್ಷ್ಯಸ್ಯೌಷಧಿಪರ್ಯತಮ್ ॥ 31 ॥
ತಸ್ಯವಾನರಶಾರ್ದೂಲ ಚತಸ್ರೋ ಮೂಧಿ ಸಮ್ಭವಾಃ ।
ದ್ರಕ್ಷ್ಯಸ್ಯೋಷಧಯೋದೀಪ್ತಾದೀಪಯ್ನತ್ಯೋದಿಶೋದಶ ॥ 32 ॥
ಮೃತಸಞ್ಜೀವನೀಞ್ಚೈವವಿಶಲ್ಯಕರಣೀಮಪಿ ।
ಸುವರ್ಣಕರಣೀಞ್ಚೈವಸನ್ಧಾನಕರಣೀನ್ತಥಾ ॥ 33 ॥
ತಾಸ್ಸರ್ವಾಹನುಮನ್ಗೃಹ್ವಕ್ಷಿಪ್ರಮಾಗನ್ತುಮರ್ಹಸಿ ।
ಆಶ್ವಾಸಯಹರೀನ್ ಪ್ರಾಣೈರ್ಯೋಜ್ಯಗನ್ಧವಹಾತ್ಮಜ ॥ 34 ॥
ಶ್ರುತ್ವಾಜಾಮ್ಬವತೋವಾಕ್ಯಂಹನೂಮಾನ್ ಹರಿಪುಙ್ಗವಃ ।
ಆಪೂರ್ಯತಬಲೋದ್ಧರ್ಷೈಸ್ತೋಯವೇಗೈರಿವಾರ್ಣವಃ ॥ 35 ॥
ಸ ಪರ್ವತತಟಾಗ್ರಸ್ಥಃ ಪೀಡಯನ್ಪರ್ವತೋತ್ತರಮ್ ।
ಹನೂಮಾನ್ದೃಶ್ಯತೇ ವೀರೋ ದ್ವಿತೀಯ ಇವ ಪರ್ವತಃ ॥ 36 ॥
ಹರಿಪಾದವಿನಿರ್ಭಗ್ನೋನಿಷಸಾದ ಸ ಪರ್ವತಃ ।
ನ ಶಶಾಕತದಾತ್ಮಾನಂಸೋಢುಮ್ಭೃಶನಿಪೀಡಿತಃ ॥ 37 ॥
ತಸ್ಯಪೇತುರ್ನಗಾಭೂಮೌಹರಿವೇಗಾಚ್ಚಜಜ್ವಲುಃ ।
ಶೃಙ್ಗಾಣಿ ಚ ವ್ಯಶೀರ್ಯನ್ತಪೀಡಿತಸ್ಯಹನೂಮತಾ ॥ 38 ॥
ತಸ್ಮಿನ್ ಸಮ್ಪೀಡ್ಯಮಾನೇತುಭಗ್ನದ್ರುಮಶಿಲಾತಲೇ ।
ನ ಶೇಕುರ್ವಾನರಾಸ್ಸ್ಥಾತುಙ್ಘೂರ್ಣಮಾನೇನಗೋತ್ತಮೇ ॥ 39 ॥
ಸಾಘೂರ್ಣಿತಮಹಾದ್ವಾರಾಪ್ರಭಗ್ನಗೃಹಗೋಪುರಾ ।
ಲಙ್ಕಾತ್ರಾಸಾಕುಲಾರಾತ್ರೌಪ್ರವೃತ್ತೇವಾಭವತ್ತದಾ ॥ 40 ॥
ಪೃಥಿವೀಧರಸಙ್ಕಾಶೋನಿಪೀಡ್ಯಧರಣೀಧರಮ್ ।
ಪೃಥಿವೀಙ್ಕ್ಷೋಭಯಾಮಾಸಸಾರ್ಣವಾಮ್ಮಾರುತಾತ್ಮಜಃ ॥ 41 ॥
ಆರುರೋಹತದಾತಸ್ಮಾದ್ಧರಿರ್ಮಲಯಪರ್ವತಮ್ ।
ಮೇರುಮನ್ದರಸಙ್ಕಾಶನ್ನಾನಾಪ್ರಸ್ರವಣಾಕುಲಮ್ ॥ 42 ॥
ನಾನಾದ್ರುಮಲತಾಕೀರ್ಣಂವಿಕಾಸಿಕಮಲೋತ್ಪಲಮ್ ।
ಸೇವಿತನ್ದೇವಗನ್ಧರ್ವೈಷ್ಷಷ್ಟಿಯೋಜನಮುಚ್ಛ್ರಿತಮ್ ॥ 43 ॥
ವಿದ್ಯಾಧರೈರ್ಮುನಿಗಣೈರಪ್ಸರೋಭಿರ್ನಿಷೇವಿತಮ್ ।
ನಾನಾಮೃಗಗಣಾಕೀರ್ಣಮ್ಬಹುಕನ್ದರಶೋಭಿತಮ್ ॥ 44 ॥
ಸರ್ವಾನಾಕುಲಯಂಸ್ತತ್ರಯಕ್ಷಗನ್ಧರ್ವಕಿನ್ನರಾನ್ ।
ಹನುಮಾನ್ ಮೇಘಸಙ್ಕಾಶೋವವೃಧೇಮಾರುತಾತ್ಮಜಃ ॥ 45 ॥
ಪದ್ಭ್ಯಾನ್ತುಶೈಲಮಾಪೀಡ್ಯಬಡಬಾಮುಖವನ್ಮುಖಮ್ ।
ವಿವೃತ್ಯೋಗ್ರನ್ನನಾದೋಚ್ಚೈಸ್ತ್ರಾಸಯನ್ನಿವರಾಕ್ಷಸಾನ್ ॥ 46 ॥
ತಸ್ಯನಾನದ್ಯಮಾನಸ್ಯಶ್ರುತ್ವಾನಿನದಮದ್ಭುತಮ್ ।
ಲಙ್ಕಾಸ್ಥಾರಾಕ್ಷಸಾಸ್ಸರ್ವೇ ನ ಶೇಕುಸ್ಸ್ಪನ್ದಿತುಮ್ಭಯಾತ್ ॥ 47 ॥
ನಮಸ್ಕೃತ್ವಾಽಥರಾಮಾಯಮಾರುತಿರ್ಭೀಮವಿಕ್ರಮಃ ।
ರಾಘವಾರ್ಥೇಪರಙ್ಕರ್ಮಸಮೀಹತಪರನ್ತಪಃ ॥ 48 ॥
ಸ ಪುಚ್ಛಮುದ್ಯಮ್ಯಭುಜಙ್ಗಕಲ್ಪಂವಿನಮ್ಯಪೃಷ್ಠಂಶ್ರವಣೇನಿಕುಞ್ಚ್ಯ ।
ವಿವೃತ್ಯವಕ್ತ್ರಮ್ಬಡಬಾಮುಖಾಭಮಾಪುಫ್ಲುವೇವ್ಯೋಮನಿಚಣ್ಡವೇಗಃ ॥ 49 ॥
ಸವೃಕ್ಷಷಣ್ಡಾಂಸ್ತರಸಾಜಹಾರಶೈಲಾನ್ ಶಿಲಾಃಪ್ರಾಕೃತವಾನರಾಂಶ್ಚ ।
ಬಾಹೂರುವೇಗೋದ್ಧತಸಮ್ಪ್ರಣುನ್ನಾಸ್ತೇಕ್ಷೀಣವೇಗಾಸ್ಸಲಿಲೇನಿಪೇತುಃ ॥ 50 ॥
ತೌಪ್ರಸಾರ್ಯೋರಗಭೋಗಕಲ್ಪೌಭುಜೌಭುಜಙ್ಗಾರಿನಿಕಾಶವೀರ್ಯಃ ।
ಜಗಾಮಮೇರುನ್ನಗರಾಜಮಗ್ಯ್ರನ್ದಿಶಃಪ್ರಕರ್ಷನ್ನಿವವಾಯುಸೂನುಃ ॥ 51 ॥
ಸ ಸಾಗರಙ್ಘೂರ್ಣಿತವೀಚಿಮಾಲನ್ತಥಾಭೃಶಮ್ಭ್ರಾಮಿತಸರ್ವಸತ್ತ್ವಮ್ ।
ಸಮೀಕ್ಷಮಾಣಸ್ಸಹಸಾಜಗಾಮಚಕ್ರಂಯಥಾವಿಷ್ಣುಕರಾಗ್ರಮುಕ್ತಮ್ ॥ 52 ॥
ಸ ಪರ್ವತಾನ್ವೃಕ್ಷಗವಾನ್ ಸರಾಂಸಿನದೀಸ್ತಟಾಕಾನಿಪುರೋತ್ತಮಾನಿ ।
ಸ್ಫೀತಾನ್ ಜನಾನ್ತಾನಪಿಸಮ್ಪ್ರವೀಕ್ಷ್ಯಜಗಾಮವೇಗಾಪತಿತೃತುಲ್ಯವೇಗಃ ॥ 53 ॥
ಆದಿತ್ಯಪಥಮಾಶ್ರಿತ್ಯಜಗಾಮ ಸ ಗತಕ್ಲಮಃ ।
ಹನೂಮಾಂಸ್ತ್ವರಿತೋವೀರಃಪಿತೃತುಲ್ಯಪರಾಕ್ರಮಃ ॥ 54 ॥
ಜವೇನಮಹತಾಯುಕ್ತೋಮಾರುತಿರ್ಮಾರುತೋಯಥಾ ।
ಜಗಾಮಹರಿಶಾರ್ದೂಲೋದಿಶಶ್ಶಬ್ದೇನಪೂರಯನ್ ॥ 55 ॥
ಸ್ಮ್ಮರನ್ಜಾಮ್ಬವತೋವಾಕ್ಯಮ್ಮಾರುತಿರ್ವಾತರಂಹಸಾ ।
ದದರ್ಶಸಹಸಾಗತ್ವಾಹಿಮವನ್ತಮ್ಮಹಾಕಪಿಃ ॥ 56 ॥
ನಾನಾಪ್ರಸ್ರವಣೋಪೇತನ್ನಾನಾಕನ್ದರನಿರ್ಘರಮ್ ।
ಶ್ವೇತಾಭ್ರಚಯಸಙ್ಕಾಶೈಶಶಿಖರೈಶ್ಚಾರುದರ್ಶನೈಃ ॥ 57 ॥
ಶೋಭಿತಂವಿವಿಧೈರ್ವೃಕ್ಷೈರಗಮತ್ಪರ್ವತೋತ್ತಮಮ್ ।
ಸ ತಂಸಮಾಸಾದ್ಯಮಹಾನಗೇನ್ದ್ರಮತಿಪ್ರವೃದ್ಧೋತ್ತಮಘೋರಶೃಙ್ಗಮ್ ।
ದದರ್ಶಪುಣ್ಯಾನಿಮಹಾಶ್ರಮಾಣಿಸುರರ್ಷಿಸಙ್ಘೋತ್ತಮಸೇವಿತಾನಿ ॥ 58 ॥
ಸ ಬ್ರಹ್ಮಕೋಶಂರಜತಾಲಯಂ ಚ ಶಕ್ರಾಲಯಂರುದ್ರಶರಪ್ರಮೋಕ್ಷಮ್ ।
ಹಯಾನನಮ್ಬ್ರಹ್ಮಶಿರಶ್ಚದೀಪ್ತನ್ದದರ್ಶವೈವಸ್ವತಕಿಙ್ಕರಾಂಶ್ಚ ॥ 59 ॥
ವಜ್ರಾಲಯಂ ವೈಶ್ವರಣಾಲಯಂ ಚ ।
ಸೂರ್ಯಪ್ರಭಂ ಸೂರ್ಯನಿಬನ್ಧನಂ ಚ ।
ಬ್ರಹ್ಮಾಸನಂ ಶಙ್ಕರಕಾರ್ಮುಕಂ ಚ ।
ದದರ್ಶ ನಾಭಿಂ ಚ ವಸುನ್ಧರಾಯಾಃ ॥ 60 ॥
ಕೈಲಾಸಮಗ್ಯ್ರಂಹಿಮವಚ್ಛಿಲಾಂ ಚ ತಥರ್ಷಭಙ್ಕಾಞ್ಚನಶೈಲಮಗ್ಯ್ರಮ್ ।
ಸನ್ದೀಪ್ತಸರ್ವೌಷಧಿಸನ್ಪ್ರದೀಪ್ತನ್ದದರ್ಶಸರ್ವೌಷಧಿಪರ್ವತೇನ್ದ್ರಮ್ ॥ 61 ॥
ಸ ತಂಸಮೀಕ್ಷ್ಯಾನಲರಶ್ಮಿದೀಪ್ತಂವಿಸಿಷ್ಮಿಯೇವಾಸವದೂತಸೂನುಃ ।
ಆವೃತ್ಯತಞ್ಚೌಷಧಿಪರ್ವತೇನ್ದ್ರನ್ತತ್ರೌಷಧೀನಾಂವಿಚಯಞ್ಚಕಾರ ॥ 62 ॥
ಸಯೋಜನಸಹಸ್ರಾಣಿಸಮತೀತ್ಯಮಹಾಕಪಿಃ ।
ದಿವ್ಯೌಷಧಿಧರಂಶೈಲಂವ್ಯಚರನ್ಮಾರುತಾತ್ಮಜಃ ॥ 63 ॥
ಮಹೌಷಧ್ಯಸ್ತತಸ್ಸರ್ವಾಸ್ತಸ್ಮಿನ್ ಪರ್ವತಸತ್ತಮೇ ।
ವಿಜ್ಞಾಯಾರ್ಥಿನಮಾಯಾನ್ತನ್ತತೋಜಗ್ಮುರದರ್ಶನಮ್ ॥ 64 ॥
ಸ ತಾಮಹಾತ್ಮಾಹನುಮಾನಪಶ್ಯಂಶ್ಚುಕೋಪಕೋಪಾಚ್ಚಭೃಶನ್ನನಾದ ।
ಅಮೃಷ್ಯಮಾಣೋಽನಗಿನಿಕಾಶಚಕ್ಷುರ್ಮಹೀಧರೇನ್ದ್ರನ್ತಮುವಾಚವಾಕ್ಯಮ್ ॥ 65 ॥
ಕೀಮೇತದೇವಂಸುವಿನಿಶ್ಚಿತನ್ತೇಯದ್ರಾಘವೇನಾಸಿಕೃತಾನುಕಮ್ಪ ।
ಪಶ್ಯಾದ್ಯಮದ್ಬಾಹುಬಲಾಭಿಭೂತೋವಿಕೀರ್ಣಮಾತ್ಮಾನಮಥೋನಗೇನ್ದ್ರ ॥ 66 ॥
ಸ ತಸ್ಯಶೃಙ್ಗಂಸನಗಂಸನಾಗಂಸಕಾಞ್ಚನನ್ಧಾತುಸಹಸ್ರಜುಷ್ಟಮ್ ।
ವಿಕೀರ್ಣಕೂಟಞ್ಜ್ವಲಿತಾಗ್ರಸಾನುಮ್ಪ್ರಗೃಹ್ಯವೇಗಾತ್ಸಹಸೋನ್ಮಮಾಥ ॥ 67 ॥
ಸತಸಮುತ್ಪಾಟ್ಯಖಮುತ್ಪಪಾತವಿತ್ರಾಸ್ಯಲೋಕಾನ್ ಸಸುರಾಸುರೇನ್ದ್ರಾನ್ ।
ಸಂಸ್ತೂಯಮಾನಃಖಚರೈರನೇಕೈರ್ಜಗಾಮವೇಗಾದ್ಗರುಡೋಗ್ರವೇಗಃ ॥ 68 ॥
ಸ ಭಾಸ್ಕರಾಧ್ವಾನಮನುಪ್ರಪನ್ನಸ್ತಮ್ಭಾಸ್ಕರಾಭಂಶಿಖರಮ್ಪ್ರಗೃಹ್ಯ ।
ಬಭೌತದಾಭಾಸ್ಕರಸನ್ನಿಕಾಶೋರವೇಸ್ಸಮೀಪೇಪ್ರತಿಭಾಸ್ಕರಾಭಃ ॥ 69 ॥
ಸ ತೇನಶೈಲೇನಭೃಶಂರರಾಜಶೈಲೋಪಮೋಗನ್ಧವಹಾತ್ಮಜಸ್ತು ।
ಸಹಸ್ರಧಾರೇಣಸಪಾವಕೇನಚಕ್ರೇಣಖೇವಿಷ್ಣುರಿವಾರ್ಪಿತೇನ ॥ 70 ॥
ತಂವಾನರಾಃಪ್ರೇಕ್ಷ್ಯವಿನೇದುರುಚ್ಚೈಸ್ಸತಾನಪಿಪ್ರೇಕ್ಷ್ಯಮುದಾನನಾದ ।
ತೇಷಾಂಸಮುಧ್ಘುಷ್ಟರವನ್ನಿಶಮ್ಯಲಙ್ಕಾಲಯಾಭೀಮತರಂವಿನೇದುಃ ॥ 71 ॥
ತತೋಮಹಾತ್ಮಾನಿಪಪಾತತಸ್ಮಿನ್ ಶೈಲೋತ್ತಮೇವಾನರಸೈನ್ಯಮಥ್ಯೇ ।
ಹರ್ಯುತ್ತಮೇಭ್ಯಶಶಿರಸಾಽಭಿವಾದ್ಯವಿಭೀಷಣನ್ತತ್ರ ಸ ಸಸ್ವಜೇ ಚ ॥ 72 ॥
ತಾವಪ್ಯುಭೌಮಾನುಷರಾಜಪುತ್ರೌತಙ್ಗನ್ಧಮಾಘ್ರಾಯಮಹೌಷಧೀನಾಮ್ ।
ಬಭೂವತುಸ್ತತ್ರತದಾವಿಶಲ್ಯಾವುತ್ತಸ್ಥುರನ್ಯೇ ಚ ಹರಿಪ್ರವೀರಾಃ ॥ 73 ॥
ಸರ್ವೇವಿಶಲ್ಯಾವಿರುಜಾಃಕ್ಷಣೇನಹರಿಪ್ರವೀರಾಶ್ಚಹತಾಶ್ಚಯೇಸ್ಯುಃ ।
ಗನ್ಧೇನತಾಸಾಮ್ಪ್ರವರೌಷಧೀನಾಂಸುಪ್ತಾನಿಶಾನ್ತೇಷ್ವಿವಸಮ್ಪ್ರಬುದ್ಧಾಃ ॥ 74 ॥
ದಾಪ್ರಭೃತಿಲಙ್ಕಾಯಾಂಯುಧ್ಯನ್ತೇಹರಿರಾಕ್ಷಸಾಃ ।
ತದಾಪ್ರಭೃತಿಮಾನಾರ್ಥಮಾಜ್ಞಯಾರಾವಣಸ್ಯ ಚ ॥ 75 ॥
ಯೇಹನ್ಯನ್ತೇರಣೇತತ್ರರಾಕ್ಷಸಾಃಕಪಿಕುಞ್ಜರೈಃ ।
ಹತಾಹತಾಸ್ತುಕ್ಷಿಪ್ಯನ್ತೇಸರ್ವಏವತುಸಾಗರೇ ॥ 76 ॥
ತತೋಹರಿರ್ಗನ್ಧವಹಾತ್ಮಜಸ್ತುತಮೋಷಧೀಶೈಲಮುದಗ್ರವೇಗಃ ।
ನಿನಾಯವೇಗಾದ್ಧಿಮವನ್ತಮೇವಪುನಶ್ಚರಾಮೇಣಸಮಾಜಗಾಮ ॥ 77 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಚತುಃಸಪ್ತತಿತಮಸ್ಸರ್ಗಃ ॥
