ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଚତୁଃସପ୍ତତିତମସ୍ସର୍ଗଃ ।
ତୟୋସ୍ତଦାସାଦିତୟୋରଣାଗ୍ରେମୁମୋହସୈନ୍ୟଂହରିପୁଂଗଵାନାମ୍ ।
ସୁଗ୍ରୀଵନୀଲାଂଗଦଜାଂବଵଂତୋ ନ ଚାପିକିଂଚିତ୍ପ୍ରତିପେଦିରେତେ ॥ 1 ॥
ତତୋଵିଷଣ୍ଣଂସମଵେକ୍ଷ୍ୟସୈନ୍ୟଂଵିଭୀଷଣୋବୁଦ୍ଧିମତାଂଵରିଷ୍ଠଃ ।
ଉଵାଚଶାଖମୃଗରାଜଵୀରାନାଶ୍ଵାସୟନ୍ନପ୍ରତିମୈର୍ଵଚୋଭିଃ ॥ 2 ॥
ମାଭୈଷ୍ଟନାସ୍ତ୍ୟତ୍ରଵିଷାଦକାଲୋୟଦାର୍ୟପୁତ୍ତ୍ରୌଵିଵଶୌଵିଷଣ୍ଣୌ ।
ସ୍ଵୟଂଭୁଵୋଵାକ୍ୟମଥୋଦ୍ଵହଂତୌୟତ୍ସାଦିତାଵିଂଦ୍ରଜିଦସ୍ତ୍ରଜାଲୈଃ ॥ 3 ॥
ତସ୍ମୈତୁଦତ୍ତଂପରମାସ୍ତ୍ରମେତତ୍ସ୍ଵୟଂଭୁଵାବ୍ରାହ୍ମମମୋଘଵେଗମ୍ ।
ତନ୍ମାନୟଂତୌୟୁଧିରାଜପୁତ୍ରୌନିପାତିତୌକୋଽତ୍ରଵିଷାଦକାଲଃ ॥ 4 ॥
ବ୍ରାହ୍ମମସ୍ତ୍ରଂତତୋଧୀମାନ୍ମାନୟିତ୍ଵାତୁମାରୁତିଃ ।
ଵିଭୀଷଣଵଚଶ୍ଶ୍ରୁତ୍ଵାହନୂମାଂସ୍ତମଥାବ୍ରଵୀତ୍ ॥ 5 ॥
ଏତସ୍ମିନ୍ନିହତେସୈନ୍ୟେଵାନରାଣାଂତରସ୍ଵିନାମ୍ ।
ୟୋୟୋଧାରୟତେପ୍ରାଣାଂସ୍ତଂତମାଶ୍ଵାସୟାଵ ॥ 6 ॥
ତାଵୁଭୌୟୁଗପଵଦୀରୌହନୂମଦ୍ରାକ୍ଷସୋତ୍ତମୌ ।
ଉଲ୍କାହସ୍ତୌତଦାରାତ୍ରୌରଣଶୀର୍ଷେଵିଚେରତୁଃ ॥ 7 ॥
ଭିନ୍ନଲାଂଗୂଲହସ୍ତୋରୁପାଦାଂଗୁଲି ଶିରୋ ଧରୈଃ ।
ସ୍ରଵଦ୍ଭିଃ କ୍ଷତଜଂ ଗାତ୍ରୈଃ ପ୍ରସ୍ରଵଦ୍ଭିଃ ସମଂତତଃ ॥ 8 ॥
ପତିତୈଃପର୍ଵତାକାରୈର୍ଵାନରୈରଭିସଂକୁଲାମ୍ ।
ଶସ୍ସୈଶ୍ଚପତିତୈର୍ଦୀପ୍ତୈର୍ଦଦୃଶାତେଵସୁଂଧରାମ୍ ॥ 9 ॥
ସୁଗ୍ରୀଵମଂଗଦଂନୀଲଂଶରଭଂଗଂଧମାଦନମ୍ ।
ଗଵାକ୍ଷଂ ଚ ସୁଷେଣଂ ଚ ଵେଗଦର୍ଶିନମାହୁକମ୍ ॥ 10 ॥
ମୈଂଦଂ ନଲଂ ଜ୍ୟୋତିମୁଖଂ ଦ୍ଵିଵିଦଂ ପନସଂ ତଥା ।
ଵିଭୀଷଣୋ ହନୂମାଂଶ୍ଚ ଦଦୃଶାତେ ହତାନ୍ରଣେ ॥ 11 ॥
ସପ୍ତଷଷ୍ଟିର୍ହତାଃକୋଟ୍ୟୋଵାନରାଣାଂତରସ୍ଵିନାମ୍ ।
ଅହ୍ନଃପଂଚମଶେଷେଣଵଲ୍ଲଭେନସ୍ଵୟଂଭୁଵଃ ॥ 12 ॥
ସାଗରୌଘନିଭଂଭୀମଂଦୃଷ୍ଟଵାବାଣାର୍ଦିତଂବଲମ୍ ।
ମାର୍ଗତେଜାଂବଵଂତଂସ୍ମିହନୂମାନ୍ ସଵିଭୀଷଣଃ ॥ 13 ॥
ସ୍ଵଭାଵଜରୟାୟୁକ୍ତଂଵୃଦ୍ଧଂଶରଶତୈଶ୍ଚିତମ୍ ।
ପ୍ରଜାପତିସୁତଂଵୀରଂଶାମ୍ୟଂତମିଵପାଵକମ୍ ॥ 14 ॥
ଦୃଷ୍ଟଵାତମୁପସଂଗ୍ରମ୍ୟପୌଲସ୍ତ୍ୟୋଵାକ୍ୟମବ୍ରଵୀତ୍ ।
ଚ୍ଚିଦାର୍ୟଶରୈସ୍ତୀକ୍ଷ୍ଣୈର୍ନପ୍ରାଣାଧ୍ଵଂସିତାସ୍ତଵ ॥ 15 ॥
ଵିଭୀଷଣଵଚଶ୍ଶ୍ରୁତ୍ଵାଜାଂବଵାନୃକ୍ଷପୁଂଗଵଃ ।
କୃଚ୍ଛ୍ରାଦଭ୍ୟୁଗ୍ଦିରନ୍ଵାକ୍ୟମିଦଂଵଚନମବ୍ରଵୀତ୍ ॥ 16 ॥
ନୈରୃତେଂଦ୍ରମହାଵୀର୍ୟସ୍ଵରେଣତ୍ଵାଽଭିଲକ୍ଷ୍ୟେ ।
ପୀଡ୍ୟମାନଶଶିତୈର୍ବାଣୈର୍ନତ୍ଵାପଶ୍ୟାମିଚକ୍ଷୁଷା ॥ 17 ॥
ଅଂଜନାସୁପ୍ରଜାୟେନମାତରିଶ୍ଵା ଚ ନୈରୃତ ।
ହନୁମାନ୍ ଵାନରଶ୍ରେଷ୍ଠଃପ୍ରାଣାନ୍ ଧାରୟତେକ୍ଵଚିତ୍ ॥ 18 ॥
ଶ୍ରୁତ୍ଵାଜାଂବଵତୋଵାକ୍ୟମୁଵାଚେଦଂଵିଭୀଷଣଃ ।
ଆର୍ୟପୁତ୍ରାଵତିକ୍ରମ୍ୟକସ୍ମାତ୍ପୃଚ୍ଛସିମାରୁତିମ୍ ॥ 19 ॥
ନୈଵରାଜନିସୁଗ୍ରୀଵେନାଂଗଦେନାପିରାଘଵେ ।
ଆର୍ୟସଂଦର୍ଶିତସ୍ସ୍ନେହୋୟଥାଵାୟୁସୁତେପରଃ ॥ 20 ॥
ଵିଭୀଷଣଵଚଶ୍ଶ୍ରୁତ୍ଵାଜାଂବଵାନ୍ଵାକ୍ୟମବ୍ରଵୀତ୍ ।
ଶୃଣୁନୈରୃତଶାର୍ଦୂଲୟସ୍ମାତ୍ ପୃଚ୍ଛାମିମାରୁତିମ୍ ॥ 21 ॥
ତସ୍ମିନ୍ଜୀଵତିଵୀରେତୁହତମପ୍ୟହତଂବଲମ୍ ।
ହନୂମତ୍ୟୁଜ୍ଝିତପ୍ରାଣେଜୀଵଂତୋଽପିଵୟଂ ହୃତା ॥ 22 ॥
ଧରତେମାରୁତିସ୍ତାତମାରୁତପ୍ରତିମୋୟଦି ।
ଵୈଶ୍ଵାନରସମୋଵୀର୍ଵେଜୀଵିତାଶାତତୋଭଵେତ୍ ॥ 23 ॥
ତତୋଵୃଦ୍ଧମୁପାଗମ୍ୟନିୟମେନାଭ୍ୟଵାଦୟତ୍ ।
ଗୃହ୍ୟଜାଂବଵତଃପାଦୌହନୂମାନ୍ମାରୁତାତ୍ମଜଃ ॥ 24 ॥
ଶ୍ରୁତ୍ଵାହନୁମତୋଵାକ୍ୟଂତଦାଽପିଵ୍ୟଥିତେଂଦ୍ରିୟଃ ।
ପୁନର୍ଜାତମିଵାତ୍ମାନଂମନ୍ୟତେପ୍ଲଵଗୋତ୍ତମଃ ॥ 25 ॥
ତତୋଽବ୍ରଵୀନ୍ମହାତେଜାହନୂମଂତଂ ସ ଜାଂବଵାନ୍ ।
ଆଗଚ୍ଛହରିଶାର୍ଦୂଲ ଵାନରାଂସ୍ତ୍ରାତୁମର୍ହସି ॥ 26 ॥
ନାନ୍ୟୋଵକ୍ରମପର୍ୟାପ୍ତସ୍ତ୍ଵମେଷାଂପରମସ୍ସଖା ।
ତ୍ଵତ୍ପରାକ୍ରମକାଲୋଽୟଂନାନ୍ୟଂପଶ୍ୟାମିକଥଂଚନ ॥ 27 ॥
ଋକ୍ଷ୍ଵାନରଵୀରାଣାମନୀକାନିପ୍ରହର୍ଷୟ ।
ଶଲ୍ୟୌକୁରୁଚାପ୍ୟେତାସାଦିତୌରାମଲକ୍ଷ୍ମଣୌ ॥ 28 ॥
ଗତ୍ଵାପରମମଧ୍ଵାନମୁପର୍ୟୁପରିସାଗରମ୍ ।
ହିମଵଂତଂନଗଶ୍ରେଷ୍ଠଂହନୁମନ୍ଗଂତୁମର୍ହସି ॥ 29 ॥
ତତଃକାଂଚନମତ୍ୟୁଚ୍ଚମୃଷଭଂପର୍ଵତୋତ୍ତମମ୍ ।
କୈଲାସଶିଖରଂଚାପିଦ୍ରକ୍ଷ୍ୟସ୍ୟରିନିଷୂଦନ ॥ 30 ॥
ତୟୋଶଶିଖରୟୋର୍ମଧ୍ୟେପ୍ରଦୀପ୍ତମତୁଲପ୍ରଭମ୍ ।
ସର୍ୟୌଷଧିୟୁତଂଵୀର ଦ୍ରକ୍ଷ୍ୟସ୍ୟୌଷଧିପର୍ୟତମ୍ ॥ 31 ॥
ତସ୍ୟଵାନରଶାର୍ଦୂଲ ଚତସ୍ରୋ ମୂଧି ସଂଭଵାଃ ।
ଦ୍ରକ୍ଷ୍ୟସ୍ୟୋଷଧୟୋଦୀପ୍ତାଦୀପୟ୍ନତ୍ୟୋଦିଶୋଦଶ ॥ 32 ॥
ମୃତସଂଜୀଵନୀଂଚୈଵଵିଶଲ୍ୟକରଣୀମପି ।
ସୁଵର୍ଣକରଣୀଂଚୈଵସଂଧାନକରଣୀଂତଥା ॥ 33 ॥
ତାସ୍ସର୍ଵାହନୁମନ୍ଗୃହ୍ଵକ୍ଷିପ୍ରମାଗଂତୁମର୍ହସି ।
ଆଶ୍ଵାସୟହରୀନ୍ ପ୍ରାଣୈର୍ୟୋଜ୍ୟଗଂଧଵହାତ୍ମଜ ॥ 34 ॥
ଶ୍ରୁତ୍ଵାଜାଂବଵତୋଵାକ୍ୟଂହନୂମାନ୍ ହରିପୁଂଗଵଃ ।
ଆପୂର୍ୟତବଲୋଦ୍ଧର୍ଷୈସ୍ତୋୟଵେଗୈରିଵାର୍ଣଵଃ ॥ 35 ॥
ସ ପର୍ଵତତଟାଗ୍ରସ୍ଥଃ ପୀଡୟନ୍ପର୍ଵତୋତ୍ତରମ୍ ।
ହନୂମାଂଦୃଶ୍ୟତେ ଵୀରୋ ଦ୍ଵିତୀୟ ଇଵ ପର୍ଵତଃ ॥ 36 ॥
ହରିପାଦଵିନିର୍ଭଗ୍ନୋନିଷସାଦ ସ ପର୍ଵତଃ ।
ନ ଶଶାକତଦାତ୍ମାନଂସୋଢୁଂଭୃଶନିପୀଡିତଃ ॥ 37 ॥
ତସ୍ୟପେତୁର୍ନଗାଭୂମୌହରିଵେଗାଚ୍ଚଜଜ୍ଵଲୁଃ ।
ଶୃଂଗାଣି ଚ ଵ୍ୟଶୀର୍ୟଂତପୀଡିତସ୍ୟହନୂମତା ॥ 38 ॥
ତସ୍ମିନ୍ ସଂପୀଡ୍ୟମାନେତୁଭଗ୍ନଦ୍ରୁମଶିଲାତଲେ ।
ନ ଶେକୁର୍ଵାନରାସ୍ସ୍ଥାତୁଂଘୂର୍ଣମାନେନଗୋତ୍ତମେ ॥ 39 ॥
ସାଘୂର୍ଣିତମହାଦ୍ଵାରାପ୍ରଭଗ୍ନଗୃହଗୋପୁରା ।
ଲଂକାତ୍ରାସାକୁଲାରାତ୍ରୌପ୍ରଵୃତ୍ତେଵାଭଵତ୍ତଦା ॥ 40 ॥
ପୃଥିଵୀଧରସଂକାଶୋନିପୀଡ୍ୟଧରଣୀଧରମ୍ ।
ପୃଥିଵୀଂକ୍ଷୋଭୟାମାସସାର୍ଣଵାଂମାରୁତାତ୍ମଜଃ ॥ 41 ॥
ଆରୁରୋହତଦାତସ୍ମାଦ୍ଧରିର୍ମଲୟପର୍ଵତମ୍ ।
ମେରୁମଂଦରସଂକାଶଂନାନାପ୍ରସ୍ରଵଣାକୁଲମ୍ ॥ 42 ॥
ନାନାଦ୍ରୁମଲତାକୀର୍ଣଂଵିକାସିକମଲୋତ୍ପଲମ୍ ।
ସେଵିତଂଦେଵଗଂଧର୍ଵୈଷ୍ଷଷ୍ଟିୟୋଜନମୁଚ୍ଛ୍ରିତମ୍ ॥ 43 ॥
ଵିଦ୍ୟାଧରୈର୍ମୁନିଗଣୈରପ୍ସରୋଭିର୍ନିଷେଵିତମ୍ ।
ନାନାମୃଗଗଣାକୀର୍ଣଂବହୁକଂଦରଶୋଭିତମ୍ ॥ 44 ॥
ସର୍ଵାନାକୁଲୟଂସ୍ତତ୍ରୟକ୍ଷଗଂଧର୍ଵକିନ୍ନରାନ୍ ।
ହନୁମାନ୍ ମେଘସଂକାଶୋଵଵୃଧେମାରୁତାତ୍ମଜଃ ॥ 45 ॥
ପଦ୍ଭ୍ୟାଂତୁଶୈଲମାପୀଡ୍ୟବଡବାମୁଖଵନ୍ମୁଖମ୍ ।
ଵିଵୃତ୍ୟୋଗ୍ରଂନନାଦୋଚ୍ଚୈସ୍ତ୍ରାସୟନ୍ନିଵରାକ୍ଷସାନ୍ ॥ 46 ॥
ତସ୍ୟନାନଦ୍ୟମାନସ୍ୟଶ୍ରୁତ୍ଵାନିନଦମଦ୍ଭୁତମ୍ ।
ଲଂକାସ୍ଥାରାକ୍ଷସାସ୍ସର୍ଵେ ନ ଶେକୁସ୍ସ୍ପଂଦିତୁଂଭୟାତ୍ ॥ 47 ॥
ନମସ୍କୃତ୍ଵାଽଥରାମାୟମାରୁତିର୍ଭୀମଵିକ୍ରମଃ ।
ରାଘଵାର୍ଥେପରଂକର୍ମସମୀହତପରଂତପଃ ॥ 48 ॥
ସ ପୁଚ୍ଛମୁଦ୍ୟମ୍ୟଭୁଜଂଗକଲ୍ପଂଵିନମ୍ୟପୃଷ୍ଠଂଶ୍ରଵଣେନିକୁଂଚ୍ୟ ।
ଵିଵୃତ୍ୟଵକ୍ତ୍ରଂବଡବାମୁଖାଭମାପୁଫ୍ଲୁଵେଵ୍ୟୋମନିଚଂଡଵେଗଃ ॥ 49 ॥
ସଵୃକ୍ଷଷଂଡାଂସ୍ତରସାଜହାରଶୈଲାନ୍ ଶିଲାଃପ୍ରାକୃତଵାନରାଂଶ୍ଚ ।
ବାହୂରୁଵେଗୋଦ୍ଧତସଂପ୍ରଣୁନ୍ନାସ୍ତେକ୍ଷୀଣଵେଗାସ୍ସଲିଲେନିପେତୁଃ ॥ 50 ॥
ତୌପ୍ରସାର୍ୟୋରଗଭୋଗକଲ୍ପୌଭୁଜୌଭୁଜଂଗାରିନିକାଶଵୀର୍ୟଃ ।
ଜଗାମମେରୁଂନଗରାଜମଗ୍ୟ୍ରଂଦିଶଃପ୍ରକର୍ଷନ୍ନିଵଵାୟୁସୂନୁଃ ॥ 51 ॥
ସ ସାଗରଂଘୂର୍ଣିତଵୀଚିମାଲଂତଥାଭୃଶଂଭ୍ରାମିତସର୍ଵସତ୍ତ୍ଵମ୍ ।
ସମୀକ୍ଷମାଣସ୍ସହସାଜଗାମଚକ୍ରଂୟଥାଵିଷ୍ଣୁକରାଗ୍ରମୁକ୍ତମ୍ ॥ 52 ॥
ସ ପର୍ଵତାନ୍ଵୃକ୍ଷଗଵାନ୍ ସରାଂସିନଦୀସ୍ତଟାକାନିପୁରୋତ୍ତମାନି ।
ସ୍ଫୀତାନ୍ ଜନାଂତାନପିସଂପ୍ରଵୀକ୍ଷ୍ୟଜଗାମଵେଗାପତିତୃତୁଲ୍ୟଵେଗଃ ॥ 53 ॥
ଆଦିତ୍ୟପଥମାଶ୍ରିତ୍ୟଜଗାମ ସ ଗତକ୍ଲମଃ ।
ହନୂମାଂସ୍ତ୍ଵରିତୋଵୀରଃପିତୃତୁଲ୍ୟପରାକ୍ରମଃ ॥ 54 ॥
ଜଵେନମହତାୟୁକ୍ତୋମାରୁତିର୍ମାରୁତୋୟଥା ।
ଜଗାମହରିଶାର୍ଦୂଲୋଦିଶଶ୍ଶବ୍ଦେନପୂରୟନ୍ ॥ 55 ॥
ସ୍ମ୍ମରନ୍ଜାଂବଵତୋଵାକ୍ୟଂମାରୁତିର୍ଵାତରଂହସା ।
ଦଦର୍ଶସହସାଗତ୍ଵାହିମଵଂତଂମହାକପିଃ ॥ 56 ॥
ନାନାପ୍ରସ୍ରଵଣୋପେତଂନାନାକଂଦରନିର୍ଘରମ୍ ।
ଶ୍ଵେତାଭ୍ରଚୟସଂକାଶୈଶଶିଖରୈଶ୍ଚାରୁଦର୍ଶନୈଃ ॥ 57 ॥
ଶୋଭିତଂଵିଵିଧୈର୍ଵୃକ୍ଷୈରଗମତ୍ପର୍ଵତୋତ୍ତମମ୍ ।
ସ ତଂସମାସାଦ୍ୟମହାନଗେଂଦ୍ରମତିପ୍ରଵୃଦ୍ଧୋତ୍ତମଘୋରଶୃଂଗମ୍ ।
ଦଦର୍ଶପୁଣ୍ୟାନିମହାଶ୍ରମାଣିସୁରର୍ଷିସଂଘୋତ୍ତମସେଵିତାନି ॥ 58 ॥
ସ ବ୍ରହ୍ମକୋଶଂରଜତାଲୟଂ ଚ ଶକ୍ରାଲୟଂରୁଦ୍ରଶରପ୍ରମୋକ୍ଷମ୍ ।
ହୟାନନଂବ୍ରହ୍ମଶିରଶ୍ଚଦୀପ୍ତଂଦଦର୍ଶଵୈଵସ୍ଵତକିଂକରାଂଶ୍ଚ ॥ 59 ॥
ଵଜ୍ରାଲୟଂ ଵୈଶ୍ଵରଣାଲୟଂ ଚ ।
ସୂର୍ୟପ୍ରଭଂ ସୂର୍ୟନିବଂଧନଂ ଚ ।
ବ୍ରହ୍ମାସନଂ ଶଂକରକାର୍ମୁକଂ ଚ ।
ଦଦର୍ଶ ନାଭିଂ ଚ ଵସୁଂଧରାୟାଃ ॥ 60 ॥
କୈଲାସମଗ୍ୟ୍ରଂହିମଵଚ୍ଛିଲାଂ ଚ ତଥର୍ଷଭଂକାଂଚନଶୈଲମଗ୍ୟ୍ରମ୍ ।
ସଂଦୀପ୍ତସର୍ଵୌଷଧିସନ୍ପ୍ରଦୀପ୍ତଂଦଦର୍ଶସର୍ଵୌଷଧିପର୍ଵତେଂଦ୍ରମ୍ ॥ 61 ॥
ସ ତଂସମୀକ୍ଷ୍ୟାନଲରଶ୍ମିଦୀପ୍ତଂଵିସିଷ୍ମିୟେଵାସଵଦୂତସୂନୁଃ ।
ଆଵୃତ୍ୟତଂଚୌଷଧିପର୍ଵତେଂଦ୍ରଂତତ୍ରୌଷଧୀନାଂଵିଚୟଂଚକାର ॥ 62 ॥
ସୟୋଜନସହସ୍ରାଣିସମତୀତ୍ୟମହାକପିଃ ।
ଦିଵ୍ୟୌଷଧିଧରଂଶୈଲଂଵ୍ୟଚରନ୍ମାରୁତାତ୍ମଜଃ ॥ 63 ॥
ମହୌଷଧ୍ୟସ୍ତତସ୍ସର୍ଵାସ୍ତସ୍ମିନ୍ ପର୍ଵତସତ୍ତମେ ।
ଵିଜ୍ଞାୟାର୍ଥିନମାୟାଂତଂତତୋଜଗ୍ମୁରଦର୍ଶନମ୍ ॥ 64 ॥
ସ ତାମହାତ୍ମାହନୁମାନପଶ୍ୟଂଶ୍ଚୁକୋପକୋପାଚ୍ଚଭୃଶଂନନାଦ ।
ଅମୃଷ୍ୟମାଣୋଽନଗିନିକାଶଚକ୍ଷୁର୍ମହୀଧରେଂଦ୍ରଂତମୁଵାଚଵାକ୍ୟମ୍ ॥ 65 ॥
କୀମେତଦେଵଂସୁଵିନିଶ୍ଚିତଂତେୟଦ୍ରାଘଵେନାସିକୃତାନୁକଂପ ।
ପଶ୍ୟାଦ୍ୟମଦ୍ବାହୁବଲାଭିଭୂତୋଵିକୀର୍ଣମାତ୍ମାନମଥୋନଗେଂଦ୍ର ॥ 66 ॥
ସ ତସ୍ୟଶୃଂଗଂସନଗଂସନାଗଂସକାଂଚନଂଧାତୁସହସ୍ରଜୁଷ୍ଟମ୍ ।
ଵିକୀର୍ଣକୂଟଂଜ୍ଵଲିତାଗ୍ରସାନୁଂପ୍ରଗୃହ୍ୟଵେଗାତ୍ସହସୋନ୍ମମାଥ ॥ 67 ॥
ସତସମୁତ୍ପାଟ୍ୟଖମୁତ୍ପପାତଵିତ୍ରାସ୍ୟଲୋକାନ୍ ସସୁରାସୁରେଂଦ୍ରାନ୍ ।
ସଂସ୍ତୂୟମାନଃଖଚରୈରନେକୈର୍ଜଗାମଵେଗାଦ୍ଗରୁଡୋଗ୍ରଵେଗଃ ॥ 68 ॥
ସ ଭାସ୍କରାଧ୍ଵାନମନୁପ୍ରପନ୍ନସ୍ତଂଭାସ୍କରାଭଂଶିଖରଂପ୍ରଗୃହ୍ୟ ।
ବଭୌତଦାଭାସ୍କରସନ୍ନିକାଶୋରଵେସ୍ସମୀପେପ୍ରତିଭାସ୍କରାଭଃ ॥ 69 ॥
ସ ତେନଶୈଲେନଭୃଶଂରରାଜଶୈଲୋପମୋଗଂଧଵହାତ୍ମଜସ୍ତୁ ।
ସହସ୍ରଧାରେଣସପାଵକେନଚକ୍ରେଣଖେଵିଷ୍ଣୁରିଵାର୍ପିତେନ ॥ 70 ॥
ତଂଵାନରାଃପ୍ରେକ୍ଷ୍ୟଵିନେଦୁରୁଚ୍ଚୈସ୍ସତାନପିପ୍ରେକ୍ଷ୍ୟମୁଦାନନାଦ ।
ତେଷାଂସମୁଧ୍ଘୁଷ୍ଟରଵଂନିଶମ୍ୟଲଂକାଲୟାଭୀମତରଂଵିନେଦୁଃ ॥ 71 ॥
ତତୋମହାତ୍ମାନିପପାତତସ୍ମିନ୍ ଶୈଲୋତ୍ତମେଵାନରସୈନ୍ୟମଥ୍ୟେ ।
ହର୍ୟୁତ୍ତମେଭ୍ୟଶଶିରସାଽଭିଵାଦ୍ୟଵିଭୀଷଣଂତତ୍ର ସ ସସ୍ଵଜେ ଚ ॥ 72 ॥
ତାଵପ୍ୟୁଭୌମାନୁଷରାଜପୁତ୍ରୌତଂଗଂଧମାଘ୍ରାୟମହୌଷଧୀନାମ୍ ।
ବଭୂଵତୁସ୍ତତ୍ରତଦାଵିଶଲ୍ୟାଵୁତ୍ତସ୍ଥୁରନ୍ୟେ ଚ ହରିପ୍ରଵୀରାଃ ॥ 73 ॥
ସର୍ଵେଵିଶଲ୍ୟାଵିରୁଜାଃକ୍ଷଣେନହରିପ୍ରଵୀରାଶ୍ଚହତାଶ୍ଚୟେସ୍ୟୁଃ ।
ଗଂଧେନତାସାଂପ୍ରଵରୌଷଧୀନାଂସୁପ୍ତାନିଶାଂତେଷ୍ଵିଵସଂପ୍ରବୁଦ୍ଧାଃ ॥ 74 ॥
ଦାପ୍ରଭୃତିଲଂକାୟାଂୟୁଧ୍ୟଂତେହରିରାକ୍ଷସାଃ ।
ତଦାପ୍ରଭୃତିମାନାର୍ଥମାଜ୍ଞୟାରାଵଣସ୍ୟ ଚ ॥ 75 ॥
ୟେହନ୍ୟଂତେରଣେତତ୍ରରାକ୍ଷସାଃକପିକୁଂଜରୈଃ ।
ହତାହତାସ୍ତୁକ୍ଷିପ୍ୟଂତେସର୍ଵଏଵତୁସାଗରେ ॥ 76 ॥
ତତୋହରିର୍ଗଂଧଵହାତ୍ମଜସ୍ତୁତମୋଷଧୀଶୈଲମୁଦଗ୍ରଵେଗଃ ।
ନିନାୟଵେଗାଦ୍ଧିମଵଂତମେଵପୁନଶ୍ଚରାମେଣସମାଜଗାମ ॥ 77 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଚତୁଃସପ୍ତତିତମସ୍ସର୍ଗଃ ॥
