𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌃𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ।
𑌤𑌯𑍋𑌸𑍍𑌤𑌦𑌾𑌸𑌾𑌦𑌿𑌤𑌯𑍋𑌰𑌣𑌾𑌗𑍍𑌰𑍇𑌮𑍁𑌮𑍋𑌹𑌸𑍈𑌨𑍍𑌯𑌂𑌹𑌰𑌿𑌪𑍁𑌂𑌗𑌵𑌾𑌨𑌾𑌮𑍍 ।
𑌸𑍁𑌗𑍍𑌰𑍀𑌵𑌨𑍀𑌲𑌾𑌂𑌗𑌦𑌜𑌾𑌂𑌬𑌵𑌂𑌤𑍋 𑌨 𑌚𑌾𑌪𑌿𑌕𑌿𑌂𑌚𑌿𑌤𑍍𑌪𑍍𑌰𑌤𑌿𑌪𑍇𑌦𑌿𑌰𑍇𑌤𑍇 ॥ 1 ॥
𑌤𑌤𑍋𑌵𑌿𑌷𑌣𑍍𑌣𑌂𑌸𑌮𑌵𑍇𑌕𑍍𑌷𑍍𑌯𑌸𑍈𑌨𑍍𑌯𑌂𑌵𑌿𑌭𑍀𑌷𑌣𑍋𑌬𑍁𑌦𑍍𑌧𑌿𑌮𑌤𑌾𑌂𑌵𑌰𑌿𑌷𑍍𑌠𑌃 ।
𑌉𑌵𑌾𑌚𑌶𑌾𑌖𑌮𑍃𑌗𑌰𑌾𑌜𑌵𑍀𑌰𑌾𑌨𑌾𑌶𑍍𑌵𑌾𑌸𑌯𑌨𑍍𑌨𑌪𑍍𑌰𑌤𑌿𑌮𑍈𑌰𑍍𑌵𑌚𑍋𑌭𑌿𑌃 ॥ 2 ॥
𑌮𑌾𑌭𑍈𑌷𑍍𑌟𑌨𑌾𑌸𑍍𑌤𑍍𑌯𑌤𑍍𑌰𑌵𑌿𑌷𑌾𑌦𑌕𑌾𑌲𑍋𑌯𑌦𑌾𑌰𑍍𑌯𑌪𑍁𑌤𑍍𑌤𑍍𑌰𑍌𑌵𑌿𑌵𑌶𑍌𑌵𑌿𑌷𑌣𑍍𑌣𑍌 ।
𑌸𑍍𑌵𑌯𑌂𑌭𑍁𑌵𑍋𑌵𑌾𑌕𑍍𑌯𑌮𑌥𑍋𑌦𑍍𑌵𑌹𑌂𑌤𑍌𑌯𑌤𑍍𑌸𑌾𑌦𑌿𑌤𑌾𑌵𑌿𑌂𑌦𑍍𑌰𑌜𑌿𑌦𑌸𑍍𑌤𑍍𑌰𑌜𑌾𑌲𑍈𑌃 ॥ 3 ॥
𑌤𑌸𑍍𑌮𑍈𑌤𑍁𑌦𑌤𑍍𑌤𑌂𑌪𑌰𑌮𑌾𑌸𑍍𑌤𑍍𑌰𑌮𑍇𑌤𑌤𑍍𑌸𑍍𑌵𑌯𑌂𑌭𑍁𑌵𑌾𑌬𑍍𑌰𑌾𑌹𑍍𑌮𑌮𑌮𑍋𑌘𑌵𑍇𑌗𑌮𑍍 ।
𑌤𑌨𑍍𑌮𑌾𑌨𑌯𑌂𑌤𑍌𑌯𑍁𑌧𑌿𑌰𑌾𑌜𑌪𑍁𑌤𑍍𑌰𑍌𑌨𑌿𑌪𑌾𑌤𑌿𑌤𑍌𑌕𑍋𑌽𑌤𑍍𑌰𑌵𑌿𑌷𑌾𑌦𑌕𑌾𑌲𑌃 ॥ 4 ॥
𑌬𑍍𑌰𑌾𑌹𑍍𑌮𑌮𑌸𑍍𑌤𑍍𑌰𑌂𑌤𑌤𑍋𑌧𑍀𑌮𑌾𑌨𑍍𑌮𑌾𑌨𑌯𑌿𑌤𑍍𑌵𑌾𑌤𑍁𑌮𑌾𑌰𑍁𑌤𑌿𑌃 ।
𑌵𑌿𑌭𑍀𑌷𑌣𑌵𑌚𑌶𑍍𑌶𑍍𑌰𑍁𑌤𑍍𑌵𑌾𑌹𑌨𑍂𑌮𑌾𑌂𑌸𑍍𑌤𑌮𑌥𑌾𑌬𑍍𑌰𑌵𑍀𑌤𑍍 ॥ 5 ॥
𑌏𑌤𑌸𑍍𑌮𑌿𑌨𑍍𑌨𑌿𑌹𑌤𑍇𑌸𑍈𑌨𑍍𑌯𑍇𑌵𑌾𑌨𑌰𑌾𑌣𑌾𑌂𑌤𑌰𑌸𑍍𑌵𑌿𑌨𑌾𑌮𑍍 ।
𑌯𑍋𑌯𑍋𑌧𑌾𑌰𑌯𑌤𑍇𑌪𑍍𑌰𑌾𑌣𑌾𑌂𑌸𑍍𑌤𑌂𑌤𑌮𑌾𑌶𑍍𑌵𑌾𑌸𑌯𑌾𑌵 ॥ 6 ॥
𑌤𑌾𑌵𑍁𑌭𑍌𑌯𑍁𑌗𑌪𑌵𑌦𑍀𑌰𑍌𑌹𑌨𑍂𑌮𑌦𑍍𑌰𑌾𑌕𑍍𑌷𑌸𑍋𑌤𑍍𑌤𑌮𑍌 ।
𑌉𑌲𑍍𑌕𑌾𑌹𑌸𑍍𑌤𑍌𑌤𑌦𑌾𑌰𑌾𑌤𑍍𑌰𑍌𑌰𑌣𑌶𑍀𑌰𑍍𑌷𑍇𑌵𑌿𑌚𑍇𑌰𑌤𑍁𑌃 ॥ ॥
𑌭𑌿𑌨𑍍𑌨𑌲𑌾𑌂𑌗𑍂𑌲𑌹𑌸𑍍𑌤𑍋𑌰𑍁𑌪𑌾𑌦𑌾𑌂𑌗𑍁𑌲𑌿 𑌶𑌿𑌰𑍋 𑌧𑌰𑍈𑌃 ।
𑌸𑍍𑌰𑌵𑌦𑍍𑌭𑌿𑌃 𑌕𑍍𑌷𑌤𑌜𑌂 𑌗𑌾𑌤𑍍𑌰𑍈𑌃 𑌪𑍍𑌰𑌸𑍍𑌰𑌵𑌦𑍍𑌭𑌿𑌃 𑌸𑌮𑌂𑌤𑌤𑌃 ॥ ॥
𑌪𑌤𑌿𑌤𑍈𑌃𑌪𑌰𑍍𑌵𑌤𑌾𑌕𑌾𑌰𑍈𑌰𑍍𑌵𑌾𑌨𑌰𑍈𑌰𑌭𑌿𑌸𑌂𑌕𑍁𑌲𑌾𑌮𑍍 ।
𑌶𑌸𑍍𑌸𑍈𑌶𑍍𑌚𑌪𑌤𑌿𑌤𑍈𑌰𑍍𑌦𑍀𑌪𑍍𑌤𑍈𑌰𑍍𑌦𑌦𑍃𑌶𑌾𑌤𑍇𑌵𑌸𑍁𑌂𑌧𑌰𑌾𑌮𑍍 ॥ ॥
𑌸𑍁𑌗𑍍𑌰𑍀𑌵𑌮𑌂𑌗𑌦𑌂𑌨𑍀𑌲𑌂𑌶𑌰𑌭𑌂𑌗𑌂𑌧𑌮𑌾𑌦𑌨𑌮𑍍 ।
𑌗𑌵𑌾𑌕𑍍𑌷𑌂 𑌚 𑌸𑍁𑌷𑍇𑌣𑌂 𑌚 𑌵𑍇𑌗𑌦𑌰𑍍𑌶𑌿𑌨𑌮𑌾𑌹𑍁𑌕𑌮𑍍 ॥ 10 ॥
𑌮𑍈𑌂𑌦𑌂 𑌨𑌲𑌂 𑌜𑍍𑌯𑍋𑌤𑌿𑌮𑍁𑌖𑌂 𑌦𑍍𑌵𑌿𑌵𑌿𑌦𑌂 𑌪𑌨𑌸𑌂 𑌤𑌥𑌾 ।
𑌵𑌿𑌭𑍀𑌷𑌣𑍋 𑌹𑌨𑍂𑌮𑌾𑌂𑌶𑍍𑌚 𑌦𑌦𑍃𑌶𑌾𑌤𑍇 𑌹𑌤𑌾𑌨𑍍𑌰𑌣𑍇 ॥ 11 ॥
𑌸𑌪𑍍𑌤𑌷𑌷𑍍𑌟𑌿𑌰𑍍𑌹𑌤𑌾𑌃𑌕𑍋𑌟𑍍𑌯𑍋𑌵𑌾𑌨𑌰𑌾𑌣𑌾𑌂𑌤𑌰𑌸𑍍𑌵𑌿𑌨𑌾𑌮𑍍 ।
𑌅𑌹𑍍𑌨𑌃𑌪𑌂𑌚𑌮𑌶𑍇𑌷𑍇𑌣𑌵𑌲𑍍𑌲𑌭𑍇𑌨𑌸𑍍𑌵𑌯𑌂𑌭𑍁𑌵𑌃 ॥ 12 ॥
𑌸𑌾𑌗𑌰𑍌𑌘𑌨𑌿𑌭𑌂𑌭𑍀𑌮𑌂𑌦𑍃𑌷𑍍𑌟𑌵𑌾𑌬𑌾𑌣𑌾𑌰𑍍𑌦𑌿𑌤𑌂𑌬𑌲𑌮𑍍 ।
𑌮𑌾𑌰𑍍𑌗𑌤𑍇𑌜𑌾𑌂𑌬𑌵𑌂𑌤𑌂𑌸𑍍𑌮𑌿𑌹𑌨𑍂𑌮𑌾𑌨𑍍 𑌸𑌵𑌿𑌭𑍀𑌷𑌣𑌃 ॥ 13 ॥
𑌸𑍍𑌵𑌭𑌾𑌵𑌜𑌰𑌯𑌾𑌯𑍁𑌕𑍍𑌤𑌂𑌵𑍃𑌦𑍍𑌧𑌂𑌶𑌰𑌶𑌤𑍈𑌶𑍍𑌚𑌿𑌤𑌮𑍍 ।
𑌪𑍍𑌰𑌜𑌾𑌪𑌤𑌿𑌸𑍁𑌤𑌂𑌵𑍀𑌰𑌂𑌶𑌾𑌮𑍍𑌯𑌂𑌤𑌮𑌿𑌵𑌪𑌾𑌵𑌕𑌮𑍍 ॥ 14 ॥
𑌦𑍃𑌷𑍍𑌟𑌵𑌾𑌤𑌮𑍁𑌪𑌸𑌂𑌗𑍍𑌰𑌮𑍍𑌯𑌪𑍌𑌲𑌸𑍍𑌤𑍍𑌯𑍋𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌚𑍍𑌚𑌿𑌦𑌾𑌰𑍍𑌯𑌶𑌰𑍈𑌸𑍍𑌤𑍀𑌕𑍍𑌷𑍍𑌣𑍈𑌰𑍍𑌨𑌪𑍍𑌰𑌾𑌣𑌾𑌧𑍍𑌵𑌂𑌸𑌿𑌤𑌾𑌸𑍍𑌤𑌵 ॥ 15 ॥
𑌵𑌿𑌭𑍀𑌷𑌣𑌵𑌚𑌶𑍍𑌶𑍍𑌰𑍁𑌤𑍍𑌵𑌾𑌜𑌾𑌂𑌬𑌵𑌾𑌨𑍃𑌕𑍍𑌷𑌪𑍁𑌂𑌗𑌵𑌃 ।
𑌕𑍃𑌚𑍍𑌛𑍍𑌰𑌾𑌦𑌭𑍍𑌯𑍁𑌗𑍍𑌦𑌿𑌰𑌨𑍍𑌵𑌾𑌕𑍍𑌯𑌮𑌿𑌦𑌂𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 16 ॥
𑌨𑍈𑌰𑍃𑌤𑍇𑌂𑌦𑍍𑌰𑌮𑌹𑌾𑌵𑍀𑌰𑍍𑌯𑌸𑍍𑌵𑌰𑍇𑌣𑌤𑍍𑌵𑌾𑌽𑌭𑌿𑌲𑌕𑍍𑌷𑍍𑌯𑍇 ।
𑌪𑍀𑌡𑍍𑌯𑌮𑌾𑌨𑌶𑌶𑌿𑌤𑍈𑌰𑍍𑌬𑌾𑌣𑍈𑌰𑍍𑌨𑌤𑍍𑌵𑌾𑌪𑌶𑍍𑌯𑌾𑌮𑌿𑌚𑌕𑍍𑌷𑍁𑌷𑌾 ॥ 1 ॥
𑌅𑌂𑌜𑌨𑌾𑌸𑍁𑌪𑍍𑌰𑌜𑌾𑌯𑍇𑌨𑌮𑌾𑌤𑌰𑌿𑌶𑍍𑌵𑌾 𑌚 𑌨𑍈𑌰𑍃𑌤 ।
𑌹𑌨𑍁𑌮𑌾𑌨𑍍 𑌵𑌾𑌨𑌰𑌶𑍍𑌰𑍇𑌷𑍍𑌠𑌃𑌪𑍍𑌰𑌾𑌣𑌾𑌨𑍍 𑌧𑌾𑌰𑌯𑌤𑍇𑌕𑍍𑌵𑌚𑌿𑌤𑍍 ॥ 1 ॥
𑌶𑍍𑌰𑍁𑌤𑍍𑌵𑌾𑌜𑌾𑌂𑌬𑌵𑌤𑍋𑌵𑌾𑌕𑍍𑌯𑌮𑍁𑌵𑌾𑌚𑍇𑌦𑌂𑌵𑌿𑌭𑍀𑌷𑌣𑌃 ।
𑌆𑌰𑍍𑌯𑌪𑍁𑌤𑍍𑌰𑌾𑌵𑌤𑌿𑌕𑍍𑌰𑌮𑍍𑌯𑌕𑌸𑍍𑌮𑌾𑌤𑍍𑌪𑍃𑌚𑍍𑌛𑌸𑌿𑌮𑌾𑌰𑍁𑌤𑌿𑌮𑍍 ॥ 1 ॥
𑌨𑍈𑌵𑌰𑌾𑌜𑌨𑌿𑌸𑍁𑌗𑍍𑌰𑍀𑌵𑍇𑌨𑌾𑌂𑌗𑌦𑍇𑌨𑌾𑌪𑌿𑌰𑌾𑌘𑌵𑍇 ।
𑌆𑌰𑍍𑌯𑌸𑌂𑌦𑌰𑍍𑌶𑌿𑌤𑌸𑍍𑌸𑍍𑌨𑍇𑌹𑍋𑌯𑌥𑌾𑌵𑌾𑌯𑍁𑌸𑍁𑌤𑍇𑌪𑌰𑌃 ॥ 20 ॥
𑌵𑌿𑌭𑍀𑌷𑌣𑌵𑌚𑌶𑍍𑌶𑍍𑌰𑍁𑌤𑍍𑌵𑌾𑌜𑌾𑌂𑌬𑌵𑌾𑌨𑍍𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌶𑍃𑌣𑍁𑌨𑍈𑌰𑍃𑌤𑌶𑌾𑌰𑍍𑌦𑍂𑌲𑌯𑌸𑍍𑌮𑌾𑌤𑍍 𑌪𑍃𑌚𑍍𑌛𑌾𑌮𑌿𑌮𑌾𑌰𑍁𑌤𑌿𑌮𑍍 ॥ 21 ॥
𑌤𑌸𑍍𑌮𑌿𑌨𑍍𑌜𑍀𑌵𑌤𑌿𑌵𑍀𑌰𑍇𑌤𑍁𑌹𑌤𑌮𑌪𑍍𑌯𑌹𑌤𑌂𑌬𑌲𑌮𑍍 ।
𑌹𑌨𑍂𑌮𑌤𑍍𑌯𑍁𑌜𑍍𑌝𑌿𑌤𑌪𑍍𑌰𑌾𑌣𑍇𑌜𑍀𑌵𑌂𑌤𑍋𑌽𑌪𑌿𑌵𑌯𑌂 𑌹𑍃𑌤𑌾 ॥ 22 ॥
𑌧𑌰𑌤𑍇𑌮𑌾𑌰𑍁𑌤𑌿𑌸𑍍𑌤𑌾𑌤𑌮𑌾𑌰𑍁𑌤𑌪𑍍𑌰𑌤𑌿𑌮𑍋𑌯𑌦𑌿 ।
𑌵𑍈𑌶𑍍𑌵𑌾𑌨𑌰𑌸𑌮𑍋𑌵𑍀𑌰𑍍𑌵𑍇𑌜𑍀𑌵𑌿𑌤𑌾𑌶𑌾𑌤𑌤𑍋𑌭𑌵𑍇𑌤𑍍 ॥ 23 ॥
𑌤𑌤𑍋𑌵𑍃𑌦𑍍𑌧𑌮𑍁𑌪𑌾𑌗𑌮𑍍𑌯𑌨𑌿𑌯𑌮𑍇𑌨𑌾𑌭𑍍𑌯𑌵𑌾𑌦𑌯𑌤𑍍 ।
𑌗𑍃𑌹𑍍𑌯𑌜𑌾𑌂𑌬𑌵𑌤𑌃𑌪𑌾𑌦𑍌𑌹𑌨𑍂𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 24 ॥
𑌶𑍍𑌰𑍁𑌤𑍍𑌵𑌾𑌹𑌨𑍁𑌮𑌤𑍋𑌵𑌾𑌕𑍍𑌯𑌂𑌤𑌦𑌾𑌽𑌪𑌿𑌵𑍍𑌯𑌥𑌿𑌤𑍇𑌂𑌦𑍍𑌰𑌿𑌯𑌃 ।
𑌪𑍁𑌨𑌰𑍍𑌜𑌾𑌤𑌮𑌿𑌵𑌾𑌤𑍍𑌮𑌾𑌨𑌂𑌮𑌨𑍍𑌯𑌤𑍇𑌪𑍍𑌲𑌵𑌗𑍋𑌤𑍍𑌤𑌮𑌃 ॥ 25 ॥
𑌤𑌤𑍋𑌽𑌬𑍍𑌰𑌵𑍀𑌨𑍍𑌮𑌹𑌾𑌤𑍇𑌜𑌾𑌹𑌨𑍂𑌮𑌂𑌤𑌂 𑌸 𑌜𑌾𑌂𑌬𑌵𑌾𑌨𑍍 ।
𑌆𑌗𑌚𑍍𑌛𑌹𑌰𑌿𑌶𑌾𑌰𑍍𑌦𑍂𑌲 𑌵𑌾𑌨𑌰𑌾𑌂𑌸𑍍𑌤𑍍𑌰𑌾𑌤𑍁𑌮𑌰𑍍𑌹𑌸𑌿 ॥ 26 ॥
𑌨𑌾𑌨𑍍𑌯𑍋𑌵𑌕𑍍𑌰𑌮𑌪𑌰𑍍𑌯𑌾𑌪𑍍𑌤𑌸𑍍𑌤𑍍𑌵𑌮𑍇𑌷𑌾𑌂𑌪𑌰𑌮𑌸𑍍𑌸𑌖𑌾 ।
𑌤𑍍𑌵𑌤𑍍𑌪𑌰𑌾𑌕𑍍𑌰𑌮𑌕𑌾𑌲𑍋𑌽𑌯𑌂𑌨𑌾𑌨𑍍𑌯𑌂𑌪𑌶𑍍𑌯𑌾𑌮𑌿𑌕𑌥𑌂𑌚𑌨 ॥ 2 ॥
𑌋𑌕𑍍𑌷𑍍𑌵𑌾𑌨𑌰𑌵𑍀𑌰𑌾𑌣𑌾𑌮𑌨𑍀𑌕𑌾𑌨𑌿𑌪𑍍𑌰𑌹𑌰𑍍𑌷𑌯 ।
𑌶𑌲𑍍𑌯𑍌𑌕𑍁𑌰𑍁𑌚𑌾𑌪𑍍𑌯𑍇𑌤𑌾𑌸𑌾𑌦𑌿𑌤𑍌𑌰𑌾𑌮𑌲𑌕𑍍𑌷𑍍𑌮𑌣𑍌 ॥ 2 ॥
𑌗𑌤𑍍𑌵𑌾𑌪𑌰𑌮𑌮𑌧𑍍𑌵𑌾𑌨𑌮𑍁𑌪𑌰𑍍𑌯𑍁𑌪𑌰𑌿𑌸𑌾𑌗𑌰𑌮𑍍 ।
𑌹𑌿𑌮𑌵𑌂𑌤𑌂𑌨𑌗𑌶𑍍𑌰𑍇𑌷𑍍𑌠𑌂𑌹𑌨𑍁𑌮𑌨𑍍𑌗𑌂𑌤𑍁𑌮𑌰𑍍𑌹𑌸𑌿 ॥ 2 ॥
𑌤𑌤𑌃𑌕𑌾𑌂𑌚𑌨𑌮𑌤𑍍𑌯𑍁𑌚𑍍𑌚𑌮𑍃𑌷𑌭𑌂𑌪𑌰𑍍𑌵𑌤𑍋𑌤𑍍𑌤𑌮𑌮𑍍 ।
𑌕𑍈𑌲𑌾𑌸𑌶𑌿𑌖𑌰𑌂𑌚𑌾𑌪𑌿𑌦𑍍𑌰𑌕𑍍𑌷𑍍𑌯𑌸𑍍𑌯𑌰𑌿𑌨𑌿𑌷𑍂𑌦𑌨 ॥ 30 ॥
𑌤𑌯𑍋𑌶𑌶𑌿𑌖𑌰𑌯𑍋𑌰𑍍𑌮𑌧𑍍𑌯𑍇𑌪𑍍𑌰𑌦𑍀𑌪𑍍𑌤𑌮𑌤𑍁𑌲𑌪𑍍𑌰𑌭𑌮𑍍 ।
𑌸𑌰𑍍𑌯𑍌𑌷𑌧𑌿𑌯𑍁𑌤𑌂𑌵𑍀𑌰 𑌦𑍍𑌰𑌕𑍍𑌷𑍍𑌯𑌸𑍍𑌯𑍌𑌷𑌧𑌿𑌪𑌰𑍍𑌯𑌤𑌮𑍍 ॥ 31 ॥
𑌤𑌸𑍍𑌯𑌵𑌾𑌨𑌰𑌶𑌾𑌰𑍍𑌦𑍂𑌲 𑌚𑌤𑌸𑍍𑌰𑍋 𑌮𑍂𑌧𑌿 𑌸𑌂𑌭𑌵𑌾𑌃 ।
𑌦𑍍𑌰𑌕𑍍𑌷𑍍𑌯𑌸𑍍𑌯𑍋𑌷𑌧𑌯𑍋𑌦𑍀𑌪𑍍𑌤𑌾𑌦𑍀𑌪𑌯𑍍𑌨𑌤𑍍𑌯𑍋𑌦𑌿𑌶𑍋𑌦𑌶 ॥ 32 ॥
𑌮𑍃𑌤𑌸𑌂𑌜𑍀𑌵𑌨𑍀𑌂𑌚𑍈𑌵𑌵𑌿𑌶𑌲𑍍𑌯𑌕𑌰𑌣𑍀𑌮𑌪𑌿 ।
𑌸𑍁𑌵𑌰𑍍𑌣𑌕𑌰𑌣𑍀𑌂𑌚𑍈𑌵𑌸𑌂𑌧𑌾𑌨𑌕𑌰𑌣𑍀𑌂𑌤𑌥𑌾 ॥ 33 ॥
𑌤𑌾𑌸𑍍𑌸𑌰𑍍𑌵𑌾𑌹𑌨𑍁𑌮𑌨𑍍𑌗𑍃𑌹𑍍𑌵𑌕𑍍𑌷𑌿𑌪𑍍𑌰𑌮𑌾𑌗𑌂𑌤𑍁𑌮𑌰𑍍𑌹𑌸𑌿 ।
𑌆𑌶𑍍𑌵𑌾𑌸𑌯𑌹𑌰𑍀𑌨𑍍 𑌪𑍍𑌰𑌾𑌣𑍈𑌰𑍍𑌯𑍋𑌜𑍍𑌯𑌗𑌂𑌧𑌵𑌹𑌾𑌤𑍍𑌮𑌜 ॥ 34 ॥
𑌶𑍍𑌰𑍁𑌤𑍍𑌵𑌾𑌜𑌾𑌂𑌬𑌵𑌤𑍋𑌵𑌾𑌕𑍍𑌯𑌂𑌹𑌨𑍂𑌮𑌾𑌨𑍍 𑌹𑌰𑌿𑌪𑍁𑌂𑌗𑌵𑌃 ।
𑌆𑌪𑍂𑌰𑍍𑌯𑌤𑌬𑌲𑍋𑌦𑍍𑌧𑌰𑍍𑌷𑍈𑌸𑍍𑌤𑍋𑌯𑌵𑍇𑌗𑍈𑌰𑌿𑌵𑌾𑌰𑍍𑌣𑌵𑌃 ॥ 35 ॥
𑌸 𑌪𑌰𑍍𑌵𑌤𑌤𑌟𑌾𑌗𑍍𑌰𑌸𑍍𑌥𑌃 𑌪𑍀𑌡𑌯𑌨𑍍𑌪𑌰𑍍𑌵𑌤𑍋𑌤𑍍𑌤𑌰𑌮𑍍 ।
𑌹𑌨𑍂𑌮𑌾𑌂𑌦𑍃𑌶𑍍𑌯𑌤𑍇 𑌵𑍀𑌰𑍋 𑌦𑍍𑌵𑌿𑌤𑍀𑌯 𑌇𑌵 𑌪𑌰𑍍𑌵𑌤𑌃 ॥ 36 ॥
𑌹𑌰𑌿𑌪𑌾𑌦𑌵𑌿𑌨𑌿𑌰𑍍𑌭𑌗𑍍𑌨𑍋𑌨𑌿𑌷𑌸𑌾𑌦 𑌸 𑌪𑌰𑍍𑌵𑌤𑌃 ।
𑌨 𑌶𑌶𑌾𑌕𑌤𑌦𑌾𑌤𑍍𑌮𑌾𑌨𑌂𑌸𑍋𑌢𑍁𑌂𑌭𑍃𑌶𑌨𑌿𑌪𑍀𑌡𑌿𑌤𑌃 ॥ 3 ॥
𑌤𑌸𑍍𑌯𑌪𑍇𑌤𑍁𑌰𑍍𑌨𑌗𑌾𑌭𑍂𑌮𑍌𑌹𑌰𑌿𑌵𑍇𑌗𑌾𑌚𑍍𑌚𑌜𑌜𑍍𑌵𑌲𑍁𑌃 ।
𑌶𑍃𑌂𑌗𑌾𑌣𑌿 𑌚 𑌵𑍍𑌯𑌶𑍀𑌰𑍍𑌯𑌂𑌤𑌪𑍀𑌡𑌿𑌤𑌸𑍍𑌯𑌹𑌨𑍂𑌮𑌤𑌾 ॥ 3 ॥
𑌤𑌸𑍍𑌮𑌿𑌨𑍍 𑌸𑌂𑌪𑍀𑌡𑍍𑌯𑌮𑌾𑌨𑍇𑌤𑍁𑌭𑌗𑍍𑌨𑌦𑍍𑌰𑍁𑌮𑌶𑌿𑌲𑌾𑌤𑌲𑍇 ।
𑌨 𑌶𑍇𑌕𑍁𑌰𑍍𑌵𑌾𑌨𑌰𑌾𑌸𑍍𑌸𑍍𑌥𑌾𑌤𑍁𑌂𑌘𑍂𑌰𑍍𑌣𑌮𑌾𑌨𑍇𑌨𑌗𑍋𑌤𑍍𑌤𑌮𑍇 ॥ 3 ॥
𑌸𑌾𑌘𑍂𑌰𑍍𑌣𑌿𑌤𑌮𑌹𑌾𑌦𑍍𑌵𑌾𑌰𑌾𑌪𑍍𑌰𑌭𑌗𑍍𑌨𑌗𑍃𑌹𑌗𑍋𑌪𑍁𑌰𑌾 ।
𑌲𑌂𑌕𑌾𑌤𑍍𑌰𑌾𑌸𑌾𑌕𑍁𑌲𑌾𑌰𑌾𑌤𑍍𑌰𑍌𑌪𑍍𑌰𑌵𑍃𑌤𑍍𑌤𑍇𑌵𑌾𑌭𑌵𑌤𑍍𑌤𑌦𑌾 ॥ 40 ॥
𑌪𑍃𑌥𑌿𑌵𑍀𑌧𑌰𑌸𑌂𑌕𑌾𑌶𑍋𑌨𑌿𑌪𑍀𑌡𑍍𑌯𑌧𑌰𑌣𑍀𑌧𑌰𑌮𑍍 ।
𑌪𑍃𑌥𑌿𑌵𑍀𑌂𑌕𑍍𑌷𑍋𑌭𑌯𑌾𑌮𑌾𑌸𑌸𑌾𑌰𑍍𑌣𑌵𑌾𑌂𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 41 ॥
𑌆𑌰𑍁𑌰𑍋𑌹𑌤𑌦𑌾𑌤𑌸𑍍𑌮𑌾𑌦𑍍𑌧𑌰𑌿𑌰𑍍𑌮𑌲𑌯𑌪𑌰𑍍𑌵𑌤𑌮𑍍 ।
𑌮𑍇𑌰𑍁𑌮𑌂𑌦𑌰𑌸𑌂𑌕𑌾𑌶𑌂𑌨𑌾𑌨𑌾𑌪𑍍𑌰𑌸𑍍𑌰𑌵𑌣𑌾𑌕𑍁𑌲𑌮𑍍 ॥ 42 ॥
𑌨𑌾𑌨𑌾𑌦𑍍𑌰𑍁𑌮𑌲𑌤𑌾𑌕𑍀𑌰𑍍𑌣𑌂𑌵𑌿𑌕𑌾𑌸𑌿𑌕𑌮𑌲𑍋𑌤𑍍𑌪𑌲𑌮𑍍 ।
𑌸𑍇𑌵𑌿𑌤𑌂𑌦𑍇𑌵𑌗𑌂𑌧𑌰𑍍𑌵𑍈𑌷𑍍𑌷𑌷𑍍𑌟𑌿𑌯𑍋𑌜𑌨𑌮𑍁𑌚𑍍𑌛𑍍𑌰𑌿𑌤𑌮𑍍 ॥ 43 ॥
𑌵𑌿𑌦𑍍𑌯𑌾𑌧𑌰𑍈𑌰𑍍𑌮𑍁𑌨𑌿𑌗𑌣𑍈𑌰𑌪𑍍𑌸𑌰𑍋𑌭𑌿𑌰𑍍𑌨𑌿𑌷𑍇𑌵𑌿𑌤𑌮𑍍 ।
𑌨𑌾𑌨𑌾𑌮𑍃𑌗𑌗𑌣𑌾𑌕𑍀𑌰𑍍𑌣𑌂𑌬𑌹𑍁𑌕𑌂𑌦𑌰𑌶𑍋𑌭𑌿𑌤𑌮𑍍 ॥ 44 ॥
𑌸𑌰𑍍𑌵𑌾𑌨𑌾𑌕𑍁𑌲𑌯𑌂𑌸𑍍𑌤𑌤𑍍𑌰𑌯𑌕𑍍𑌷𑌗𑌂𑌧𑌰𑍍𑌵𑌕𑌿𑌨𑍍𑌨𑌰𑌾𑌨𑍍 ।
𑌹𑌨𑍁𑌮𑌾𑌨𑍍 𑌮𑍇𑌘𑌸𑌂𑌕𑌾𑌶𑍋𑌵𑌵𑍃𑌧𑍇𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 45 ॥
𑌪𑌦𑍍𑌭𑍍𑌯𑌾𑌂𑌤𑍁𑌶𑍈𑌲𑌮𑌾𑌪𑍀𑌡𑍍𑌯𑌬𑌡𑌬𑌾𑌮𑍁𑌖𑌵𑌨𑍍𑌮𑍁𑌖𑌮𑍍 ।
𑌵𑌿𑌵𑍃𑌤𑍍𑌯𑍋𑌗𑍍𑌰𑌂𑌨𑌨𑌾𑌦𑍋𑌚𑍍𑌚𑍈𑌸𑍍𑌤𑍍𑌰𑌾𑌸𑌯𑌨𑍍𑌨𑌿𑌵𑌰𑌾𑌕𑍍𑌷𑌸𑌾𑌨𑍍 ॥ 46 ॥
𑌤𑌸𑍍𑌯𑌨𑌾𑌨𑌦𑍍𑌯𑌮𑌾𑌨𑌸𑍍𑌯𑌶𑍍𑌰𑍁𑌤𑍍𑌵𑌾𑌨𑌿𑌨𑌦𑌮𑌦𑍍𑌭𑍁𑌤𑌮𑍍 ।
𑌲𑌂𑌕𑌾𑌸𑍍𑌥𑌾𑌰𑌾𑌕𑍍𑌷𑌸𑌾𑌸𑍍𑌸𑌰𑍍𑌵𑍇 𑌨 𑌶𑍇𑌕𑍁𑌸𑍍𑌸𑍍𑌪𑌂𑌦𑌿𑌤𑍁𑌂𑌭𑌯𑌾𑌤𑍍 ॥ 4 ॥
𑌨𑌮𑌸𑍍𑌕𑍃𑌤𑍍𑌵𑌾𑌽𑌥𑌰𑌾𑌮𑌾𑌯𑌮𑌾𑌰𑍁𑌤𑌿𑌰𑍍𑌭𑍀𑌮𑌵𑌿𑌕𑍍𑌰𑌮𑌃 ।
𑌰𑌾𑌘𑌵𑌾𑌰𑍍𑌥𑍇𑌪𑌰𑌂𑌕𑌰𑍍𑌮𑌸𑌮𑍀𑌹𑌤𑌪𑌰𑌂𑌤𑌪𑌃 ॥ 4 ॥
𑌸 𑌪𑍁𑌚𑍍𑌛𑌮𑍁𑌦𑍍𑌯𑌮𑍍𑌯𑌭𑍁𑌜𑌂𑌗𑌕𑌲𑍍𑌪𑌂𑌵𑌿𑌨𑌮𑍍𑌯𑌪𑍃𑌷𑍍𑌠𑌂𑌶𑍍𑌰𑌵𑌣𑍇𑌨𑌿𑌕𑍁𑌂𑌚𑍍𑌯 ।
𑌵𑌿𑌵𑍃𑌤𑍍𑌯𑌵𑌕𑍍𑌤𑍍𑌰𑌂𑌬𑌡𑌬𑌾𑌮𑍁𑌖𑌾𑌭𑌮𑌾𑌪𑍁𑌫𑍍𑌲𑍁𑌵𑍇𑌵𑍍𑌯𑍋𑌮𑌨𑌿𑌚𑌂𑌡𑌵𑍇𑌗𑌃 ॥ 4 ॥
𑌸𑌵𑍃𑌕𑍍𑌷𑌷𑌂𑌡𑌾𑌂𑌸𑍍𑌤𑌰𑌸𑌾𑌜𑌹𑌾𑌰𑌶𑍈𑌲𑌾𑌨𑍍 𑌶𑌿𑌲𑌾𑌃𑌪𑍍𑌰𑌾𑌕𑍃𑌤𑌵𑌾𑌨𑌰𑌾𑌂𑌶𑍍𑌚 ।
𑌬𑌾𑌹𑍂𑌰𑍁𑌵𑍇𑌗𑍋𑌦𑍍𑌧𑌤𑌸𑌂𑌪𑍍𑌰𑌣𑍁𑌨𑍍𑌨𑌾𑌸𑍍𑌤𑍇𑌕𑍍𑌷𑍀𑌣𑌵𑍇𑌗𑌾𑌸𑍍𑌸𑌲𑌿𑌲𑍇𑌨𑌿𑌪𑍇𑌤𑍁𑌃 ॥ 50 ॥
𑌤𑍌𑌪𑍍𑌰𑌸𑌾𑌰𑍍𑌯𑍋𑌰𑌗𑌭𑍋𑌗𑌕𑌲𑍍𑌪𑍌𑌭𑍁𑌜𑍌𑌭𑍁𑌜𑌂𑌗𑌾𑌰𑌿𑌨𑌿𑌕𑌾𑌶𑌵𑍀𑌰𑍍𑌯𑌃 ।
𑌜𑌗𑌾𑌮𑌮𑍇𑌰𑍁𑌂𑌨𑌗𑌰𑌾𑌜𑌮𑌗𑍍𑌯𑍍𑌰𑌂𑌦𑌿𑌶𑌃𑌪𑍍𑌰𑌕𑌰𑍍𑌷𑌨𑍍𑌨𑌿𑌵𑌵𑌾𑌯𑍁𑌸𑍂𑌨𑍁𑌃 ॥ 51 ॥
𑌸 𑌸𑌾𑌗𑌰𑌂𑌘𑍂𑌰𑍍𑌣𑌿𑌤𑌵𑍀𑌚𑌿𑌮𑌾𑌲𑌂𑌤𑌥𑌾𑌭𑍃𑌶𑌂𑌭𑍍𑌰𑌾𑌮𑌿𑌤𑌸𑌰𑍍𑌵𑌸𑌤𑍍𑌤𑍍𑌵𑌮𑍍 ।
𑌸𑌮𑍀𑌕𑍍𑌷𑌮𑌾𑌣𑌸𑍍𑌸𑌹𑌸𑌾𑌜𑌗𑌾𑌮𑌚𑌕𑍍𑌰𑌂𑌯𑌥𑌾𑌵𑌿𑌷𑍍𑌣𑍁𑌕𑌰𑌾𑌗𑍍𑌰𑌮𑍁𑌕𑍍𑌤𑌮𑍍 ॥ 52 ॥
𑌸 𑌪𑌰𑍍𑌵𑌤𑌾𑌨𑍍𑌵𑍃𑌕𑍍𑌷𑌗𑌵𑌾𑌨𑍍 𑌸𑌰𑌾𑌂𑌸𑌿𑌨𑌦𑍀𑌸𑍍𑌤𑌟𑌾𑌕𑌾𑌨𑌿𑌪𑍁𑌰𑍋𑌤𑍍𑌤𑌮𑌾𑌨𑌿 ।
𑌸𑍍𑌫𑍀𑌤𑌾𑌨𑍍 𑌜𑌨𑌾𑌂𑌤𑌾𑌨𑌪𑌿𑌸𑌂𑌪𑍍𑌰𑌵𑍀𑌕𑍍𑌷𑍍𑌯𑌜𑌗𑌾𑌮𑌵𑍇𑌗𑌾𑌪𑌤𑌿𑌤𑍃𑌤𑍁𑌲𑍍𑌯𑌵𑍇𑌗𑌃 ॥ 53 ॥
𑌆𑌦𑌿𑌤𑍍𑌯𑌪𑌥𑌮𑌾𑌶𑍍𑌰𑌿𑌤𑍍𑌯𑌜𑌗𑌾𑌮 𑌸 𑌗𑌤𑌕𑍍𑌲𑌮𑌃 ।
𑌹𑌨𑍂𑌮𑌾𑌂𑌸𑍍𑌤𑍍𑌵𑌰𑌿𑌤𑍋𑌵𑍀𑌰𑌃𑌪𑌿𑌤𑍃𑌤𑍁𑌲𑍍𑌯𑌪𑌰𑌾𑌕𑍍𑌰𑌮𑌃 ॥ 54 ॥
𑌜𑌵𑍇𑌨𑌮𑌹𑌤𑌾𑌯𑍁𑌕𑍍𑌤𑍋𑌮𑌾𑌰𑍁𑌤𑌿𑌰𑍍𑌮𑌾𑌰𑍁𑌤𑍋𑌯𑌥𑌾 ।
𑌜𑌗𑌾𑌮𑌹𑌰𑌿𑌶𑌾𑌰𑍍𑌦𑍂𑌲𑍋𑌦𑌿𑌶𑌶𑍍𑌶𑌬𑍍𑌦𑍇𑌨𑌪𑍂𑌰𑌯𑌨𑍍 ॥ 55 ॥
𑌸𑍍𑌮𑍍𑌮𑌰𑌨𑍍𑌜𑌾𑌂𑌬𑌵𑌤𑍋𑌵𑌾𑌕𑍍𑌯𑌂𑌮𑌾𑌰𑍁𑌤𑌿𑌰𑍍𑌵𑌾𑌤𑌰𑌂𑌹𑌸𑌾 ।
𑌦𑌦𑌰𑍍𑌶𑌸𑌹𑌸𑌾𑌗𑌤𑍍𑌵𑌾𑌹𑌿𑌮𑌵𑌂𑌤𑌂𑌮𑌹𑌾𑌕𑌪𑌿𑌃 ॥ 56 ॥
𑌨𑌾𑌨𑌾𑌪𑍍𑌰𑌸𑍍𑌰𑌵𑌣𑍋𑌪𑍇𑌤𑌂𑌨𑌾𑌨𑌾𑌕𑌂𑌦𑌰𑌨𑌿𑌰𑍍𑌘𑌰𑌮𑍍 ।
𑌶𑍍𑌵𑍇𑌤𑌾𑌭𑍍𑌰𑌚𑌯𑌸𑌂𑌕𑌾𑌶𑍈𑌶𑌶𑌿𑌖𑌰𑍈𑌶𑍍𑌚𑌾𑌰𑍁𑌦𑌰𑍍𑌶𑌨𑍈𑌃 ॥ 5 ॥
𑌶𑍋𑌭𑌿𑌤𑌂𑌵𑌿𑌵𑌿𑌧𑍈𑌰𑍍𑌵𑍃𑌕𑍍𑌷𑍈𑌰𑌗𑌮𑌤𑍍𑌪𑌰𑍍𑌵𑌤𑍋𑌤𑍍𑌤𑌮𑌮𑍍 ।
𑌸 𑌤𑌂𑌸𑌮𑌾𑌸𑌾𑌦𑍍𑌯𑌮𑌹𑌾𑌨𑌗𑍇𑌂𑌦𑍍𑌰𑌮𑌤𑌿𑌪𑍍𑌰𑌵𑍃𑌦𑍍𑌧𑍋𑌤𑍍𑌤𑌮𑌘𑍋𑌰𑌶𑍃𑌂𑌗𑌮𑍍 ।
𑌦𑌦𑌰𑍍𑌶𑌪𑍁𑌣𑍍𑌯𑌾𑌨𑌿𑌮𑌹𑌾𑌶𑍍𑌰𑌮𑌾𑌣𑌿𑌸𑍁𑌰𑌰𑍍𑌷𑌿𑌸𑌂𑌘𑍋𑌤𑍍𑌤𑌮𑌸𑍇𑌵𑌿𑌤𑌾𑌨𑌿 ॥ 5 ॥
𑌸 𑌬𑍍𑌰𑌹𑍍𑌮𑌕𑍋𑌶𑌂𑌰𑌜𑌤𑌾𑌲𑌯𑌂 𑌚 𑌶𑌕𑍍𑌰𑌾𑌲𑌯𑌂𑌰𑍁𑌦𑍍𑌰𑌶𑌰𑌪𑍍𑌰𑌮𑍋𑌕𑍍𑌷𑌮𑍍 ।
𑌹𑌯𑌾𑌨𑌨𑌂𑌬𑍍𑌰𑌹𑍍𑌮𑌶𑌿𑌰𑌶𑍍𑌚𑌦𑍀𑌪𑍍𑌤𑌂𑌦𑌦𑌰𑍍𑌶𑌵𑍈𑌵𑌸𑍍𑌵𑌤𑌕𑌿𑌂𑌕𑌰𑌾𑌂𑌶𑍍𑌚 ॥ 5 ॥
𑌵𑌜𑍍𑌰𑌾𑌲𑌯𑌂 𑌵𑍈𑌶𑍍𑌵𑌰𑌣𑌾𑌲𑌯𑌂 𑌚 ।
𑌸𑍂𑌰𑍍𑌯𑌪𑍍𑌰𑌭𑌂 𑌸𑍂𑌰𑍍𑌯𑌨𑌿𑌬𑌂𑌧𑌨𑌂 𑌚 ।
𑌬𑍍𑌰𑌹𑍍𑌮𑌾𑌸𑌨𑌂 𑌶𑌂𑌕𑌰𑌕𑌾𑌰𑍍𑌮𑍁𑌕𑌂 𑌚 ।
𑌦𑌦𑌰𑍍𑌶 𑌨𑌾𑌭𑌿𑌂 𑌚 𑌵𑌸𑍁𑌂𑌧𑌰𑌾𑌯𑌾𑌃 ॥ 60 ॥
𑌕𑍈𑌲𑌾𑌸𑌮𑌗𑍍𑌯𑍍𑌰𑌂𑌹𑌿𑌮𑌵𑌚𑍍𑌛𑌿𑌲𑌾𑌂 𑌚 𑌤𑌥𑌰𑍍𑌷𑌭𑌂𑌕𑌾𑌂𑌚𑌨𑌶𑍈𑌲𑌮𑌗𑍍𑌯𑍍𑌰𑌮𑍍 ।
𑌸𑌂𑌦𑍀𑌪𑍍𑌤𑌸𑌰𑍍𑌵𑍌𑌷𑌧𑌿𑌸𑌨𑍍𑌪𑍍𑌰𑌦𑍀𑌪𑍍𑌤𑌂𑌦𑌦𑌰𑍍𑌶𑌸𑌰𑍍𑌵𑍌𑌷𑌧𑌿𑌪𑌰𑍍𑌵𑌤𑍇𑌂𑌦𑍍𑌰𑌮𑍍 ॥ 61 ॥
𑌸 𑌤𑌂𑌸𑌮𑍀𑌕𑍍𑌷𑍍𑌯𑌾𑌨𑌲𑌰𑌶𑍍𑌮𑌿𑌦𑍀𑌪𑍍𑌤𑌂𑌵𑌿𑌸𑌿𑌷𑍍𑌮𑌿𑌯𑍇𑌵𑌾𑌸𑌵𑌦𑍂𑌤𑌸𑍂𑌨𑍁𑌃 ।
𑌆𑌵𑍃𑌤𑍍𑌯𑌤𑌂𑌚𑍌𑌷𑌧𑌿𑌪𑌰𑍍𑌵𑌤𑍇𑌂𑌦𑍍𑌰𑌂𑌤𑌤𑍍𑌰𑍌𑌷𑌧𑍀𑌨𑌾𑌂𑌵𑌿𑌚𑌯𑌂𑌚𑌕𑌾𑌰 ॥ 62 ॥
𑌸𑌯𑍋𑌜𑌨𑌸𑌹𑌸𑍍𑌰𑌾𑌣𑌿𑌸𑌮𑌤𑍀𑌤𑍍𑌯𑌮𑌹𑌾𑌕𑌪𑌿𑌃 ।
𑌦𑌿𑌵𑍍𑌯𑍌𑌷𑌧𑌿𑌧𑌰𑌂𑌶𑍈𑌲𑌂𑌵𑍍𑌯𑌚𑌰𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 63 ॥
𑌮𑌹𑍌𑌷𑌧𑍍𑌯𑌸𑍍𑌤𑌤𑌸𑍍𑌸𑌰𑍍𑌵𑌾𑌸𑍍𑌤𑌸𑍍𑌮𑌿𑌨𑍍 𑌪𑌰𑍍𑌵𑌤𑌸𑌤𑍍𑌤𑌮𑍇 ।
𑌵𑌿𑌜𑍍𑌞𑌾𑌯𑌾𑌰𑍍𑌥𑌿𑌨𑌮𑌾𑌯𑌾𑌂𑌤𑌂𑌤𑌤𑍋𑌜𑌗𑍍𑌮𑍁𑌰𑌦𑌰𑍍𑌶𑌨𑌮𑍍 ॥ 64 ॥
𑌸 𑌤𑌾𑌮𑌹𑌾𑌤𑍍𑌮𑌾𑌹𑌨𑍁𑌮𑌾𑌨𑌪𑌶𑍍𑌯𑌂𑌶𑍍𑌚𑍁𑌕𑍋𑌪𑌕𑍋𑌪𑌾𑌚𑍍𑌚𑌭𑍃𑌶𑌂𑌨𑌨𑌾𑌦 ।
𑌅𑌮𑍃𑌷𑍍𑌯𑌮𑌾𑌣𑍋𑌽𑌨𑌗𑌿𑌨𑌿𑌕𑌾𑌶𑌚𑌕𑍍𑌷𑍁𑌰𑍍𑌮𑌹𑍀𑌧𑌰𑍇𑌂𑌦𑍍𑌰𑌂𑌤𑌮𑍁𑌵𑌾𑌚𑌵𑌾𑌕𑍍𑌯𑌮𑍍 ॥ 65 ॥
𑌕𑍀𑌮𑍇𑌤𑌦𑍇𑌵𑌂𑌸𑍁𑌵𑌿𑌨𑌿𑌶𑍍𑌚𑌿𑌤𑌂𑌤𑍇𑌯𑌦𑍍𑌰𑌾𑌘𑌵𑍇𑌨𑌾𑌸𑌿𑌕𑍃𑌤𑌾𑌨𑍁𑌕𑌂𑌪 ।
𑌪𑌶𑍍𑌯𑌾𑌦𑍍𑌯𑌮𑌦𑍍𑌬𑌾𑌹𑍁𑌬𑌲𑌾𑌭𑌿𑌭𑍂𑌤𑍋𑌵𑌿𑌕𑍀𑌰𑍍𑌣𑌮𑌾𑌤𑍍𑌮𑌾𑌨𑌮𑌥𑍋𑌨𑌗𑍇𑌂𑌦𑍍𑌰 ॥ 66 ॥
𑌸 𑌤𑌸𑍍𑌯𑌶𑍃𑌂𑌗𑌂𑌸𑌨𑌗𑌂𑌸𑌨𑌾𑌗𑌂𑌸𑌕𑌾𑌂𑌚𑌨𑌂𑌧𑌾𑌤𑍁𑌸𑌹𑌸𑍍𑌰𑌜𑍁𑌷𑍍𑌟𑌮𑍍 ।
𑌵𑌿𑌕𑍀𑌰𑍍𑌣𑌕𑍂𑌟𑌂𑌜𑍍𑌵𑌲𑌿𑌤𑌾𑌗𑍍𑌰𑌸𑌾𑌨𑍁𑌂𑌪𑍍𑌰𑌗𑍃𑌹𑍍𑌯𑌵𑍇𑌗𑌾𑌤𑍍𑌸𑌹𑌸𑍋𑌨𑍍𑌮𑌮𑌾𑌥 ॥ 6 ॥
𑌸𑌤𑌸𑌮𑍁𑌤𑍍𑌪𑌾𑌟𑍍𑌯𑌖𑌮𑍁𑌤𑍍𑌪𑌪𑌾𑌤𑌵𑌿𑌤𑍍𑌰𑌾𑌸𑍍𑌯𑌲𑍋𑌕𑌾𑌨𑍍 𑌸𑌸𑍁𑌰𑌾𑌸𑍁𑌰𑍇𑌂𑌦𑍍𑌰𑌾𑌨𑍍 ।
𑌸𑌂𑌸𑍍𑌤𑍂𑌯𑌮𑌾𑌨𑌃𑌖𑌚𑌰𑍈𑌰𑌨𑍇𑌕𑍈𑌰𑍍𑌜𑌗𑌾𑌮𑌵𑍇𑌗𑌾𑌦𑍍𑌗𑌰𑍁𑌡𑍋𑌗𑍍𑌰𑌵𑍇𑌗𑌃 ॥ 6 ॥
𑌸 𑌭𑌾𑌸𑍍𑌕𑌰𑌾𑌧𑍍𑌵𑌾𑌨𑌮𑌨𑍁𑌪𑍍𑌰𑌪𑌨𑍍𑌨𑌸𑍍𑌤𑌂𑌭𑌾𑌸𑍍𑌕𑌰𑌾𑌭𑌂𑌶𑌿𑌖𑌰𑌂𑌪𑍍𑌰𑌗𑍃𑌹𑍍𑌯 ।
𑌬𑌭𑍌𑌤𑌦𑌾𑌭𑌾𑌸𑍍𑌕𑌰𑌸𑌨𑍍𑌨𑌿𑌕𑌾𑌶𑍋𑌰𑌵𑍇𑌸𑍍𑌸𑌮𑍀𑌪𑍇𑌪𑍍𑌰𑌤𑌿𑌭𑌾𑌸𑍍𑌕𑌰𑌾𑌭𑌃 ॥ 6 ॥
𑌸 𑌤𑍇𑌨𑌶𑍈𑌲𑍇𑌨𑌭𑍃𑌶𑌂𑌰𑌰𑌾𑌜𑌶𑍈𑌲𑍋𑌪𑌮𑍋𑌗𑌂𑌧𑌵𑌹𑌾𑌤𑍍𑌮𑌜𑌸𑍍𑌤𑍁 ।
𑌸𑌹𑌸𑍍𑌰𑌧𑌾𑌰𑍇𑌣𑌸𑌪𑌾𑌵𑌕𑍇𑌨𑌚𑌕𑍍𑌰𑍇𑌣𑌖𑍇𑌵𑌿𑌷𑍍𑌣𑍁𑌰𑌿𑌵𑌾𑌰𑍍𑌪𑌿𑌤𑍇𑌨 ॥ 0 ॥
𑌤𑌂𑌵𑌾𑌨𑌰𑌾𑌃𑌪𑍍𑌰𑍇𑌕𑍍𑌷𑍍𑌯𑌵𑌿𑌨𑍇𑌦𑍁𑌰𑍁𑌚𑍍𑌚𑍈𑌸𑍍𑌸𑌤𑌾𑌨𑌪𑌿𑌪𑍍𑌰𑍇𑌕𑍍𑌷𑍍𑌯𑌮𑍁𑌦𑌾𑌨𑌨𑌾𑌦 ।
𑌤𑍇𑌷𑌾𑌂𑌸𑌮𑍁𑌧𑍍𑌘𑍁𑌷𑍍𑌟𑌰𑌵𑌂𑌨𑌿𑌶𑌮𑍍𑌯𑌲𑌂𑌕𑌾𑌲𑌯𑌾𑌭𑍀𑌮𑌤𑌰𑌂𑌵𑌿𑌨𑍇𑌦𑍁𑌃 ॥ 1 ॥
𑌤𑌤𑍋𑌮𑌹𑌾𑌤𑍍𑌮𑌾𑌨𑌿𑌪𑌪𑌾𑌤𑌤𑌸𑍍𑌮𑌿𑌨𑍍 𑌶𑍈𑌲𑍋𑌤𑍍𑌤𑌮𑍇𑌵𑌾𑌨𑌰𑌸𑍈𑌨𑍍𑌯𑌮𑌥𑍍𑌯𑍇 ।
𑌹𑌰𑍍𑌯𑍁𑌤𑍍𑌤𑌮𑍇𑌭𑍍𑌯𑌶𑌶𑌿𑌰𑌸𑌾𑌽𑌭𑌿𑌵𑌾𑌦𑍍𑌯𑌵𑌿𑌭𑍀𑌷𑌣𑌂𑌤𑌤𑍍𑌰 𑌸 𑌸𑌸𑍍𑌵𑌜𑍇 𑌚 ॥ 2 ॥
𑌤𑌾𑌵𑌪𑍍𑌯𑍁𑌭𑍌𑌮𑌾𑌨𑍁𑌷𑌰𑌾𑌜𑌪𑍁𑌤𑍍𑌰𑍌𑌤𑌂𑌗𑌂𑌧𑌮𑌾𑌘𑍍𑌰𑌾𑌯𑌮𑌹𑍌𑌷𑌧𑍀𑌨𑌾𑌮𑍍 ।
𑌬𑌭𑍂𑌵𑌤𑍁𑌸𑍍𑌤𑌤𑍍𑌰𑌤𑌦𑌾𑌵𑌿𑌶𑌲𑍍𑌯𑌾𑌵𑍁𑌤𑍍𑌤𑌸𑍍𑌥𑍁𑌰𑌨𑍍𑌯𑍇 𑌚 𑌹𑌰𑌿𑌪𑍍𑌰𑌵𑍀𑌰𑌾𑌃 ॥ 3 ॥
𑌸𑌰𑍍𑌵𑍇𑌵𑌿𑌶𑌲𑍍𑌯𑌾𑌵𑌿𑌰𑍁𑌜𑌾𑌃𑌕𑍍𑌷𑌣𑍇𑌨𑌹𑌰𑌿𑌪𑍍𑌰𑌵𑍀𑌰𑌾𑌶𑍍𑌚𑌹𑌤𑌾𑌶𑍍𑌚𑌯𑍇𑌸𑍍𑌯𑍁𑌃 ।
𑌗𑌂𑌧𑍇𑌨𑌤𑌾𑌸𑌾𑌂𑌪𑍍𑌰𑌵𑌰𑍌𑌷𑌧𑍀𑌨𑌾𑌂𑌸𑍁𑌪𑍍𑌤𑌾𑌨𑌿𑌶𑌾𑌂𑌤𑍇𑌷𑍍𑌵𑌿𑌵𑌸𑌂𑌪𑍍𑌰𑌬𑍁𑌦𑍍𑌧𑌾𑌃 ॥ 4 ॥
𑌦𑌾𑌪𑍍𑌰𑌭𑍃𑌤𑌿𑌲𑌂𑌕𑌾𑌯𑌾𑌂𑌯𑍁𑌧𑍍𑌯𑌂𑌤𑍇𑌹𑌰𑌿𑌰𑌾𑌕𑍍𑌷𑌸𑌾𑌃 ।
𑌤𑌦𑌾𑌪𑍍𑌰𑌭𑍃𑌤𑌿𑌮𑌾𑌨𑌾𑌰𑍍𑌥𑌮𑌾𑌜𑍍𑌞𑌯𑌾𑌰𑌾𑌵𑌣𑌸𑍍𑌯 𑌚 ॥ 5 ॥
𑌯𑍇𑌹𑌨𑍍𑌯𑌂𑌤𑍇𑌰𑌣𑍇𑌤𑌤𑍍𑌰𑌰𑌾𑌕𑍍𑌷𑌸𑌾𑌃𑌕𑌪𑌿𑌕𑍁𑌂𑌜𑌰𑍈𑌃 ।
𑌹𑌤𑌾𑌹𑌤𑌾𑌸𑍍𑌤𑍁𑌕𑍍𑌷𑌿𑌪𑍍𑌯𑌂𑌤𑍇𑌸𑌰𑍍𑌵𑌏𑌵𑌤𑍁𑌸𑌾𑌗𑌰𑍇 ॥ 6 ॥
𑌤𑌤𑍋𑌹𑌰𑌿𑌰𑍍𑌗𑌂𑌧𑌵𑌹𑌾𑌤𑍍𑌮𑌜𑌸𑍍𑌤𑍁𑌤𑌮𑍋𑌷𑌧𑍀𑌶𑍈𑌲𑌮𑍁𑌦𑌗𑍍𑌰𑌵𑍇𑌗𑌃 ।
𑌨𑌿𑌨𑌾𑌯𑌵𑍇𑌗𑌾𑌦𑍍𑌧𑌿𑌮𑌵𑌂𑌤𑌮𑍇𑌵𑌪𑍁𑌨𑌶𑍍𑌚𑌰𑌾𑌮𑍇𑌣𑌸𑌮𑌾𑌜𑌗𑌾𑌮 ॥ ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌚𑌤𑍁𑌃𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ॥
