śrīmadvālmīkīya rāmāyaṇē yuddhakāṇḍam ।
atha aṣṭasaptatitamassargaḥ ।
nikumbhannihataṃśrutvākumbhaṃ cha vinipātitam ।
rāvaṇaḥparamāmarṣīprajajvālānalōyathā ॥ 1 ॥
nairṛtaḥkrōdhaśōkābhyāndvābhyāntuparimūrChitaḥ ।
kharaputraṃviśālākṣammakarākṣamachōdayat ॥ 2 ॥
gachChaputra'mayā'jājñaptōbalēnābhisamavanitaḥ ।
rāghavaṃlakṣmaṇañchaivajahitāṃśchavanaukasaḥ ॥ 3 ॥
rāvaṇasyavachaśśrutvāśūramānīkharātmajaḥ ।
bāḍhamityabravīddhṛṣṭōmakarākṣōniśācharam ॥ 4 ॥
sō'bhivādyadaśagrīvaṅkṛtvāchāpipradakṣiṇam ।
nirjagāmagṛhāchChubhrādrāvaṇasyājñayābalī ॥ 5 ॥
samīpasthambalādhyakṣaṅkharaputrō'bravīdidam ।
rathaśchānīyatāṃśīghraṃsainyantvānīyatāntvarāt ॥ 6 ॥
tasyatadvachanaṃśrutvābalādhyakṣōniśācharaḥ ।
syandanaṃ cha balañchaivasamīpampratyapādayat ॥ 7 ॥
pradakṣiṇaṃrathaṅkṛtvāārurōhaniśācharaḥ ।
sūtaṃsañchōdayāmāsaśīghrammērathamāvaha ॥ 8 ॥
athatānrākṣasānsarvānmakarākṣō'bravīdidam ।
yūyaṃsarvēprayudhyadhvampurastānmamarākṣasāḥ ॥ 9 ॥
ahaṃrākṣasarājēnarāvaṇēnamahātmanā ।
ājñaptaḥsamarēhantuntāvubhaurāmalakṣmaṇau ॥ 10 ॥
adyarāmaṃvadhiṣyāmilakṣmaṇaṃ cha niśācharāḥ ।
śākhāmṛgaṃ cha sugrīvaṃvānarāṃśchaśarōttamaiḥ ॥ 11 ॥
adyaśūlanipātaiśchavānarāṇāmmahāchamūm ।
pradahiṣyāmisamprāptāṃśuṣkēndhanamivānalaḥ ॥ 12 ॥
makarākṣasyatachChrutvāvachanantēniśācharāḥ ।
sarvēnānāyudhōpētābalavantaḥsamāhitāḥ ॥ 13 ॥
tēkāmarūpiṇassarēdaṃṣṭriṇaḥpiṅgalēkṣaṇā ।
mātaṅgāivanardantōdhvastakēśābhayāvahāḥ ॥ 14 ॥
parivāryamahākāyāmahākāyaṅkharātmajam ।
abhijaghnustatōhṛṣṭāśchālayantōvasundharām ॥ 15 ॥
śaṅkhabhērīsahasrāṇāmāhatānāṃ samantataḥ ।
kṣvēlitāsphōṭitānāṃ cha tatra mahānabhūt ॥ 16 ॥
prabhraṣṭō'thakarāttasyapratōdassārathēstadā ।
papātasahasādaivāddhvajastasyaturakṣasaḥ ॥ 17 ॥
tasyatērathasaṃyuktāhayāvikramavarjitāḥ ।
charaṇairākulairgatvādīnāḥsāsramukhāyayuḥ ॥ 18 ॥
pravātipavanastasmin sapāṃsuḥkharadāruṇaḥ ।
niryāṇētasyaraudrasyamakarākṣasyadurmatēḥ ॥ 19 ॥
tānidṛṣṭavānimittānirākṣasāvīryavattamāḥ ।
achintyanirgatāssarvēyatrataurāmalakṣmaṇau ॥ 20 ॥
ghanagajamahiṣāṅgatulyavarṇāssamaramakhēṣvasakṛdgadāsibhinnāḥ ।
ahamahamitiyuddhakauśalāstērajanīcharāḥparibabhramurnadantaḥ ॥ 21 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē aṣṭasaptatitamassargaḥ ॥
