শ্রীমদ্বাল্মীকীয় রামাযণে যুদ্ধকাংডম্ ।
অথ অষ্টসপ্ততিতমস্সর্গঃ ।
নিকুংভংনিহতংশ্রুত্বাকুংভং চ বিনিপাতিতম্ ।
রাবণঃপরমামর্ষীপ্রজজ্বালানলোযথা ॥ 1 ॥
নৈরৃতঃক্রোধশোকাভ্য়াংদ্বাভ্য়াংতুপরিমূর্ছিতঃ ।
খরপুত্রংবিশালাক্ষংমকরাক্ষমচোদযত্ ॥ 2 ॥
গচ্ছপুত্রঽময়াঽজাজ্ঞপ্তোবলেনাভিসমবনিতঃ ।
রাঘবংলক্ষ্মণংচৈবজহিতাংশ্চবনৌকসঃ ॥ 3 ॥
রাবণস্যবচশ্শ্রুত্বাশূরমানীখরাত্মজঃ ।
বাঢমিত্যব্রবীদ্ধৃষ্টোমকরাক্ষোনিশাচরম্ ॥ 4 ॥
সোঽভিবাদ্যদশগ্রীবংকৃত্বাচাপিপ্রদক্ষিণম্ ।
নির্জগামগৃহাচ্ছুভ্রাদ্রাবণস্য়াজ্ঞয়াবলী ॥ 5 ॥
সমীপস্থংবলাধ্যক্ষংখরপুত্রোঽব্রবীদিদম্ ।
রথশ্চানীযতাংশীঘ্রংসৈন্য়ংত্বানীযতাংত্বরাত্ ॥ 6 ॥
তস্যতদ্বচনংশ্রুত্বাবলাধ্যক্ষোনিশাচরঃ ।
স্য়ংদনং চ বলংচৈবসমীপংপ্রত্যপাদযত্ ॥ 7 ॥
প্রদক্ষিণংরথংকৃত্বাআরুরোহনিশাচরঃ ।
সূতংসংচোদয়ামাসশীঘ্রংমেরথমাবহ ॥ 8 ॥
অথতান্রাক্ষসান্সর্বান্মকরাক্ষোঽব্রবীদিদম্ ।
যূয়ংসর্বেপ্রয়ুধ্যধ্বংপুরস্তান্মমরাক্ষসাঃ ॥ 9 ॥
অহংরাক্ষসরাজেনরাবণেনমহাত্মনা ।
আজ্ঞপ্তঃসমরেহংতুংতাবুভৌরামলক্ষ্মণৌ ॥ 10 ॥
অদ্যরামংবধিষ্য়ামিলক্ষ্মণং চ নিশাচরাঃ ।
শাখামৃগং চ সুগ্রীবংবানরাংশ্চশরোত্তমৈঃ ॥ 11 ॥
অদ্যশূলনিপাতৈশ্চবানরাণাংমহাচমূম্ ।
প্রদহিষ্য়ামিসংপ্রাপ্তাংশুষ্কেংধনমিবানলঃ ॥ 12 ॥
মকরাক্ষস্যতচ্ছ্রুত্বাবচনংতেনিশাচরাঃ ।
সর্বেনানায়ুধোপেতাবলবংতঃসমাহিতাঃ ॥ 13 ॥
তেকামরূপিণস্সরেদংষ্ট্রিণঃপিংগলেক্ষণা ।
মাতংগাইবনর্দংতোধ্বস্তকেশাভয়াবহাঃ ॥ 14 ॥
পরিবার্যমহাকায়ামহাকায়ংখরাত্মজম্ ।
অভিজঘ্নুস্ততোহৃষ্টাশ্চালয়ংতোবসুংধরাম্ ॥ 15 ॥
শংখভেরীসহস্রাণামাহতানাং সমংততঃ ।
ক্ষ্বেলিতাস্ফোটিতানাং চ তত্র মহানভূত্ ॥ 16 ॥
প্রভ্রষ্টোঽথকরাত্তস্যপ্রতোদস্সারথেস্তদা ।
পপাতসহসাদৈবাদ্ধ্বজস্তস্যতুরক্ষসঃ ॥ 17 ॥
তস্যতেরথসংয়ুক্তাহয়াবিক্রমবর্জিতাঃ ।
চরণৈরাকুলৈর্গত্বাদীনাঃসাস্রমুখাযয়ুঃ ॥ 18 ॥
প্রবাতিপবনস্তস্মিন্ সপাংসুঃখরদারুণঃ ।
নির্য়াণেতস্যরৌদ্রস্যমকরাক্ষস্যদুর্মতেঃ ॥ 19 ॥
তানিদৃষ্টবানিমিত্তানিরাক্ষসাবীর্যবত্তমাঃ ।
অচিংত্যনির্গতাস্সর্বেযত্রতৌরামলক্ষ্মণৌ ॥ 20 ॥
ঘনগজমহিষাংগতুল্যবর্ণাস্সমরমখেষ্বসকৃদ্গদাসিভিন্নাঃ ।
অহমহমিতিয়ুদ্ধকৌশলাস্তেরজনীচরাঃপরিবভ্রমুর্নদংতঃ ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে অষ্টসপ্ততিতমস্সর্গঃ ॥
