ശ്രീമദ്വാല്മീകീയ രാമായണേ യുദ്ധകാംഡമ് ।
അഥ അഷ്ടസപ്തതിതമസ്സര്ഗഃ ।
നികുംഭംനിഹതംശ്രുത്വാകുംഭം ച വിനിപാതിതമ് ।
രാവണഃപരമാമര്ഷീപ്രജജ്വാലാനലോയഥാ ॥ 1 ॥
നൈരൃതഃക്രോധശോകാഭ്യാംദ്വാഭ്യാംതുപരിമൂര്ഛിതഃ ।
ഖരപുത്രംവിശാലാക്ഷംമകരാക്ഷമചോദയത് ॥ 2 ॥
ഗച്ഛപുത്രഽമയാഽജാജ്ഞപ്തോബലേനാഭിസമവനിതഃ ।
രാഘവംലക്ഷ്മണംചൈവജഹിതാംശ്ചവനൌകസഃ ॥ 3 ॥
രാവണസ്യവചശ്ശ്രുത്വാശൂരമാനീഖരാത്മജഃ ।
ബാഢമിത്യബ്രവീദ്ധൃഷ്ടോമകരാക്ഷോനിശാചരമ് ॥ 4 ॥
സോഽഭിവാദ്യദശഗ്രീവംകൃത്വാചാപിപ്രദക്ഷിണമ് ।
നിര്ജഗാമഗൃഹാച്ഛുഭ്രാദ്രാവണസ്യാജ്ഞയാബലീ ॥ 5 ॥
സമീപസ്ഥംബലാധ്യക്ഷംഖരപുത്രോഽബ്രവീദിദമ് ।
രഥശ്ചാനീയതാംശീഘ്രംസൈന്യംത്വാനീയതാംത്വരാത് ॥ 6 ॥
തസ്യതദ്വചനംശ്രുത്വാബലാധ്യക്ഷോനിശാചരഃ ।
സ്യംദനം ച ബലംചൈവസമീപംപ്രത്യപാദയത് ॥ 7 ॥
പ്രദക്ഷിണംരഥംകൃത്വാആരുരോഹനിശാചരഃ ।
സൂതംസംചോദയാമാസശീഘ്രംമേരഥമാവഹ ॥ 8 ॥
അഥതാന്രാക്ഷസാന്സർവാന്മകരാക്ഷോഽബ്രവീദിദമ് ।
യൂയംസർവേപ്രയുധ്യധ്വംപുരസ്താന്മമരാക്ഷസാഃ ॥ 9 ॥
അഹംരാക്ഷസരാജേനരാവണേനമഹാത്മനാ ।
ആജ്ഞപ്തഃസമരേഹംതുംതാവുഭൌരാമലക്ഷ്മണൌ ॥ 10 ॥
അദ്യരാമംവധിഷ്യാമിലക്ഷ്മണം ച നിശാചരാഃ ।
ശാഖാമൃഗം ച സുഗ്രീവംവാനരാംശ്ചശരോത്തമൈഃ ॥ 11 ॥
അദ്യശൂലനിപാതൈശ്ചവാനരാണാംമഹാചമൂമ് ।
പ്രദഹിഷ്യാമിസംപ്രാപ്താംശുഷ്കേംധനമിവാനലഃ ॥ 12 ॥
മകരാക്ഷസ്യതച്ഛ്രുത്വാവചനംതേനിശാചരാഃ ।
സർവേനാനായുധോപേതാബലവംതഃസമാഹിതാഃ ॥ 13 ॥
തേകാമരൂപിണസ്സരേദംഷ്ട്രിണഃപിംഗലേക്ഷണാ ।
മാതംഗാഇവനര്ദംതോധ്വസ്തകേശാഭയാവഹാഃ ॥ 14 ॥
പരിവാര്യമഹാകായാമഹാകായംഖരാത്മജമ് ।
അഭിജഘ്നുസ്തതോഹൃഷ്ടാശ്ചാലയംതോവസുംധരാമ് ॥ 15 ॥
ശംഖഭേരീസഹസ്രാണാമാഹതാനാം സമംതതഃ ।
ക്ഷ്വേലിതാസ്ഫോടിതാനാം ച തത്ര മഹാനഭൂത് ॥ 16 ॥
പ്രഭ്രഷ്ടോഽഥകരാത്തസ്യപ്രതോദസ്സാരഥേസ്തദാ ।
പപാതസഹസാദൈവാദ്ധ്വജസ്തസ്യതുരക്ഷസഃ ॥ 17 ॥
തസ്യതേരഥസംയുക്താഹയാവിക്രമവര്ജിതാഃ ।
ചരണൈരാകുലൈര്ഗത്വാദീനാഃസാസ്രമുഖായയുഃ ॥ 18 ॥
പ്രവാതിപവനസ്തസ്മിന് സപാംസുഃഖരദാരുണഃ ।
നിര്യാണേതസ്യരൌദ്രസ്യമകരാക്ഷസ്യദുര്മതേഃ ॥ 19 ॥
താനിദൃഷ്ടവാനിമിത്താനിരാക്ഷസാവീര്യവത്തമാഃ ।
അചിംത്യനിര്ഗതാസ്സർവേയത്രതൌരാമലക്ഷ്മണൌ ॥ 20 ॥
ഘനഗജമഹിഷാംഗതുല്യവര്ണാസ്സമരമഖേഷ്വസകൃദ്ഗദാസിഭിന്നാഃ ।
അഹമഹമിതിയുദ്ധകൌശലാസ്തേരജനീചരാഃപരിബഭ്രമുര്നദംതഃ ॥ 21 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ അഷ്ടസപ്തതിതമസ്സര്ഗഃ ॥
