ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಅಷ್ಟಸಪ್ತತಿತಮಸ್ಸರ್ಗಃ ।
ನಿಕುಮ್ಭನ್ನಿಹತಂಶ್ರುತ್ವಾಕುಮ್ಭಂ ಚ ವಿನಿಪಾತಿತಮ್ ।
ರಾವಣಃಪರಮಾಮರ್ಷೀಪ್ರಜಜ್ವಾಲಾನಲೋಯಥಾ ॥ 1 ॥
ನೈರೃತಃಕ್ರೋಧಶೋಕಾಭ್ಯಾನ್ದ್ವಾಭ್ಯಾನ್ತುಪರಿಮೂರ್ಛಿತಃ ।
ಖರಪುತ್ರಂವಿಶಾಲಾಕ್ಷಮ್ಮಕರಾಕ್ಷಮಚೋದಯತ್ ॥ 2 ॥
ಗಚ್ಛಪುತ್ರಽಮಯಾಽಜಾಜ್ಞಪ್ತೋಬಲೇನಾಭಿಸಮವನಿತಃ ।
ರಾಘವಂಲಕ್ಷ್ಮಣಞ್ಚೈವಜಹಿತಾಂಶ್ಚವನೌಕಸಃ ॥ 3 ॥
ರಾವಣಸ್ಯವಚಶ್ಶ್ರುತ್ವಾಶೂರಮಾನೀಖರಾತ್ಮಜಃ ।
ಬಾಢಮಿತ್ಯಬ್ರವೀದ್ಧೃಷ್ಟೋಮಕರಾಕ್ಷೋನಿಶಾಚರಮ್ ॥ 4 ॥
ಸೋಽಭಿವಾದ್ಯದಶಗ್ರೀವಙ್ಕೃತ್ವಾಚಾಪಿಪ್ರದಕ್ಷಿಣಮ್ ।
ನಿರ್ಜಗಾಮಗೃಹಾಚ್ಛುಭ್ರಾದ್ರಾವಣಸ್ಯಾಜ್ಞಯಾಬಲೀ ॥ 5 ॥
ಸಮೀಪಸ್ಥಮ್ಬಲಾಧ್ಯಕ್ಷಙ್ಖರಪುತ್ರೋಽಬ್ರವೀದಿದಮ್ ।
ರಥಶ್ಚಾನೀಯತಾಂಶೀಘ್ರಂಸೈನ್ಯನ್ತ್ವಾನೀಯತಾನ್ತ್ವರಾತ್ ॥ 6 ॥
ತಸ್ಯತದ್ವಚನಂಶ್ರುತ್ವಾಬಲಾಧ್ಯಕ್ಷೋನಿಶಾಚರಃ ।
ಸ್ಯನ್ದನಂ ಚ ಬಲಞ್ಚೈವಸಮೀಪಮ್ಪ್ರತ್ಯಪಾದಯತ್ ॥ 7 ॥
ಪ್ರದಕ್ಷಿಣಂರಥಙ್ಕೃತ್ವಾಆರುರೋಹನಿಶಾಚರಃ ।
ಸೂತಂಸಞ್ಚೋದಯಾಮಾಸಶೀಘ್ರಮ್ಮೇರಥಮಾವಹ ॥ 8 ॥
ಅಥತಾನ್ರಾಕ್ಷಸಾನ್ಸರ್ವಾನ್ಮಕರಾಕ್ಷೋಽಬ್ರವೀದಿದಮ್ ।
ಯೂಯಂಸರ್ವೇಪ್ರಯುಧ್ಯಧ್ವಮ್ಪುರಸ್ತಾನ್ಮಮರಾಕ್ಷಸಾಃ ॥ 9 ॥
ಅಹಂರಾಕ್ಷಸರಾಜೇನರಾವಣೇನಮಹಾತ್ಮನಾ ।
ಆಜ್ಞಪ್ತಃಸಮರೇಹನ್ತುನ್ತಾವುಭೌರಾಮಲಕ್ಷ್ಮಣೌ ॥ 10 ॥
ಅದ್ಯರಾಮಂವಧಿಷ್ಯಾಮಿಲಕ್ಷ್ಮಣಂ ಚ ನಿಶಾಚರಾಃ ।
ಶಾಖಾಮೃಗಂ ಚ ಸುಗ್ರೀವಂವಾನರಾಂಶ್ಚಶರೋತ್ತಮೈಃ ॥ 11 ॥
ಅದ್ಯಶೂಲನಿಪಾತೈಶ್ಚವಾನರಾಣಾಮ್ಮಹಾಚಮೂಮ್ ।
ಪ್ರದಹಿಷ್ಯಾಮಿಸಮ್ಪ್ರಾಪ್ತಾಂಶುಷ್ಕೇನ್ಧನಮಿವಾನಲಃ ॥ 12 ॥
ಮಕರಾಕ್ಷಸ್ಯತಚ್ಛ್ರುತ್ವಾವಚನನ್ತೇನಿಶಾಚರಾಃ ।
ಸರ್ವೇನಾನಾಯುಧೋಪೇತಾಬಲವನ್ತಃಸಮಾಹಿತಾಃ ॥ 13 ॥
ತೇಕಾಮರೂಪಿಣಸ್ಸರೇದಂಷ್ಟ್ರಿಣಃಪಿಙ್ಗಲೇಕ್ಷಣಾ ।
ಮಾತಙ್ಗಾಇವನರ್ದನ್ತೋಧ್ವಸ್ತಕೇಶಾಭಯಾವಹಾಃ ॥ 14 ॥
ಪರಿವಾರ್ಯಮಹಾಕಾಯಾಮಹಾಕಾಯಙ್ಖರಾತ್ಮಜಮ್ ।
ಅಭಿಜಘ್ನುಸ್ತತೋಹೃಷ್ಟಾಶ್ಚಾಲಯನ್ತೋವಸುನ್ಧರಾಮ್ ॥ 15 ॥
ಶಙ್ಖಭೇರೀಸಹಸ್ರಾಣಾಮಾಹತಾನಾಂ ಸಮನ್ತತಃ ।
ಕ್ಷ್ವೇಲಿತಾಸ್ಫೋಟಿತಾನಾಂ ಚ ತತ್ರ ಮಹಾನಭೂತ್ ॥ 16 ॥
ಪ್ರಭ್ರಷ್ಟೋಽಥಕರಾತ್ತಸ್ಯಪ್ರತೋದಸ್ಸಾರಥೇಸ್ತದಾ ।
ಪಪಾತಸಹಸಾದೈವಾದ್ಧ್ವಜಸ್ತಸ್ಯತುರಕ್ಷಸಃ ॥ 17 ॥
ತಸ್ಯತೇರಥಸಂಯುಕ್ತಾಹಯಾವಿಕ್ರಮವರ್ಜಿತಾಃ ।
ಚರಣೈರಾಕುಲೈರ್ಗತ್ವಾದೀನಾಃಸಾಸ್ರಮುಖಾಯಯುಃ ॥ 18 ॥
ಪ್ರವಾತಿಪವನಸ್ತಸ್ಮಿನ್ ಸಪಾಂಸುಃಖರದಾರುಣಃ ।
ನಿರ್ಯಾಣೇತಸ್ಯರೌದ್ರಸ್ಯಮಕರಾಕ್ಷಸ್ಯದುರ್ಮತೇಃ ॥ 19 ॥
ತಾನಿದೃಷ್ಟವಾನಿಮಿತ್ತಾನಿರಾಕ್ಷಸಾವೀರ್ಯವತ್ತಮಾಃ ।
ಅಚಿನ್ತ್ಯನಿರ್ಗತಾಸ್ಸರ್ವೇಯತ್ರತೌರಾಮಲಕ್ಷ್ಮಣೌ ॥ 20 ॥
ಘನಗಜಮಹಿಷಾಙ್ಗತುಲ್ಯವರ್ಣಾಸ್ಸಮರಮಖೇಷ್ವಸಕೃದ್ಗದಾಸಿಭಿನ್ನಾಃ ।
ಅಹಮಹಮಿತಿಯುದ್ಧಕೌಶಲಾಸ್ತೇರಜನೀಚರಾಃಪರಿಬಭ್ರಮುರ್ನದನ್ತಃ ॥ 21 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಅಷ್ಟಸಪ್ತತಿತಮಸ್ಸರ್ಗಃ ॥
