𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ।
𑌨𑌿𑌕𑍁𑌂𑌭𑌂𑌨𑌿𑌹𑌤𑌂𑌶𑍍𑌰𑍁𑌤𑍍𑌵𑌾𑌕𑍁𑌂𑌭𑌂 𑌚 𑌵𑌿𑌨𑌿𑌪𑌾𑌤𑌿𑌤𑌮𑍍 ।
𑌰𑌾𑌵𑌣𑌃𑌪𑌰𑌮𑌾𑌮𑌰𑍍𑌷𑍀𑌪𑍍𑌰𑌜𑌜𑍍𑌵𑌾𑌲𑌾𑌨𑌲𑍋𑌯𑌥𑌾 ॥ 1 ॥
𑌨𑍈𑌰𑍃𑌤𑌃𑌕𑍍𑌰𑍋𑌧𑌶𑍋𑌕𑌾𑌭𑍍𑌯𑌾𑌂𑌦𑍍𑌵𑌾𑌭𑍍𑌯𑌾𑌂𑌤𑍁𑌪𑌰𑌿𑌮𑍂𑌰𑍍𑌛𑌿𑌤𑌃 ।
𑌖𑌰𑌪𑍁𑌤𑍍𑌰𑌂𑌵𑌿𑌶𑌾𑌲𑌾𑌕𑍍𑌷𑌂𑌮𑌕𑌰𑌾𑌕𑍍𑌷𑌮𑌚𑍋𑌦𑌯𑌤𑍍 ॥ 2 ॥
𑌗𑌚𑍍𑌛𑌪𑍁𑌤𑍍𑌰𑌽𑌮𑌯𑌾𑌽𑌜𑌾𑌜𑍍𑌞𑌪𑍍𑌤𑍋𑌬𑌲𑍇𑌨𑌾𑌭𑌿𑌸𑌮𑌵𑌨𑌿𑌤𑌃 ।
𑌰𑌾𑌘𑌵𑌂𑌲𑌕𑍍𑌷𑍍𑌮𑌣𑌂𑌚𑍈𑌵𑌜𑌹𑌿𑌤𑌾𑌂𑌶𑍍𑌚𑌵𑌨𑍌𑌕𑌸𑌃 ॥ 3 ॥
𑌰𑌾𑌵𑌣𑌸𑍍𑌯𑌵𑌚𑌶𑍍𑌶𑍍𑌰𑍁𑌤𑍍𑌵𑌾𑌶𑍂𑌰𑌮𑌾𑌨𑍀𑌖𑌰𑌾𑌤𑍍𑌮𑌜𑌃 ।
𑌬𑌾𑌢𑌮𑌿𑌤𑍍𑌯𑌬𑍍𑌰𑌵𑍀𑌦𑍍𑌧𑍃𑌷𑍍𑌟𑍋𑌮𑌕𑌰𑌾𑌕𑍍𑌷𑍋𑌨𑌿𑌶𑌾𑌚𑌰𑌮𑍍 ॥ 4 ॥
𑌸𑍋𑌽𑌭𑌿𑌵𑌾𑌦𑍍𑌯𑌦𑌶𑌗𑍍𑌰𑍀𑌵𑌂𑌕𑍃𑌤𑍍𑌵𑌾𑌚𑌾𑌪𑌿𑌪𑍍𑌰𑌦𑌕𑍍𑌷𑌿𑌣𑌮𑍍 ।
𑌨𑌿𑌰𑍍𑌜𑌗𑌾𑌮𑌗𑍃𑌹𑌾𑌚𑍍𑌛𑍁𑌭𑍍𑌰𑌾𑌦𑍍𑌰𑌾𑌵𑌣𑌸𑍍𑌯𑌾𑌜𑍍𑌞𑌯𑌾𑌬𑌲𑍀 ॥ 5 ॥
𑌸𑌮𑍀𑌪𑌸𑍍𑌥𑌂𑌬𑌲𑌾𑌧𑍍𑌯𑌕𑍍𑌷𑌂𑌖𑌰𑌪𑍁𑌤𑍍𑌰𑍋𑌽𑌬𑍍𑌰𑌵𑍀𑌦𑌿𑌦𑌮𑍍 ।
𑌰𑌥𑌶𑍍𑌚𑌾𑌨𑍀𑌯𑌤𑌾𑌂𑌶𑍀𑌘𑍍𑌰𑌂𑌸𑍈𑌨𑍍𑌯𑌂𑌤𑍍𑌵𑌾𑌨𑍀𑌯𑌤𑌾𑌂𑌤𑍍𑌵𑌰𑌾𑌤𑍍 ॥ 6 ॥
𑌤𑌸𑍍𑌯𑌤𑌦𑍍𑌵𑌚𑌨𑌂𑌶𑍍𑌰𑍁𑌤𑍍𑌵𑌾𑌬𑌲𑌾𑌧𑍍𑌯𑌕𑍍𑌷𑍋𑌨𑌿𑌶𑌾𑌚𑌰𑌃 ।
𑌸𑍍𑌯𑌂𑌦𑌨𑌂 𑌚 𑌬𑌲𑌂𑌚𑍈𑌵𑌸𑌮𑍀𑌪𑌂𑌪𑍍𑌰𑌤𑍍𑌯𑌪𑌾𑌦𑌯𑌤𑍍 ॥ ॥
𑌪𑍍𑌰𑌦𑌕𑍍𑌷𑌿𑌣𑌂𑌰𑌥𑌂𑌕𑍃𑌤𑍍𑌵𑌾𑌆𑌰𑍁𑌰𑍋𑌹𑌨𑌿𑌶𑌾𑌚𑌰𑌃 ।
𑌸𑍂𑌤𑌂𑌸𑌂𑌚𑍋𑌦𑌯𑌾𑌮𑌾𑌸𑌶𑍀𑌘𑍍𑌰𑌂𑌮𑍇𑌰𑌥𑌮𑌾𑌵𑌹 ॥ ॥
𑌅𑌥𑌤𑌾𑌨𑍍𑌰𑌾𑌕𑍍𑌷𑌸𑌾𑌨𑍍𑌸𑌰𑍍𑌵𑌾𑌨𑍍𑌮𑌕𑌰𑌾𑌕𑍍𑌷𑍋𑌽𑌬𑍍𑌰𑌵𑍀𑌦𑌿𑌦𑌮𑍍 ।
𑌯𑍂𑌯𑌂𑌸𑌰𑍍𑌵𑍇𑌪𑍍𑌰𑌯𑍁𑌧𑍍𑌯𑌧𑍍𑌵𑌂𑌪𑍁𑌰𑌸𑍍𑌤𑌾𑌨𑍍𑌮𑌮𑌰𑌾𑌕𑍍𑌷𑌸𑌾𑌃 ॥ ॥
𑌅𑌹𑌂𑌰𑌾𑌕𑍍𑌷𑌸𑌰𑌾𑌜𑍇𑌨𑌰𑌾𑌵𑌣𑍇𑌨𑌮𑌹𑌾𑌤𑍍𑌮𑌨𑌾 ।
𑌆𑌜𑍍𑌞𑌪𑍍𑌤𑌃𑌸𑌮𑌰𑍇𑌹𑌂𑌤𑍁𑌂𑌤𑌾𑌵𑍁𑌭𑍌𑌰𑌾𑌮𑌲𑌕𑍍𑌷𑍍𑌮𑌣𑍌 ॥ 10 ॥
𑌅𑌦𑍍𑌯𑌰𑌾𑌮𑌂𑌵𑌧𑌿𑌷𑍍𑌯𑌾𑌮𑌿𑌲𑌕𑍍𑌷𑍍𑌮𑌣𑌂 𑌚 𑌨𑌿𑌶𑌾𑌚𑌰𑌾𑌃 ।
𑌶𑌾𑌖𑌾𑌮𑍃𑌗𑌂 𑌚 𑌸𑍁𑌗𑍍𑌰𑍀𑌵𑌂𑌵𑌾𑌨𑌰𑌾𑌂𑌶𑍍𑌚𑌶𑌰𑍋𑌤𑍍𑌤𑌮𑍈𑌃 ॥ 11 ॥
𑌅𑌦𑍍𑌯𑌶𑍂𑌲𑌨𑌿𑌪𑌾𑌤𑍈𑌶𑍍𑌚𑌵𑌾𑌨𑌰𑌾𑌣𑌾𑌂𑌮𑌹𑌾𑌚𑌮𑍂𑌮𑍍 ।
𑌪𑍍𑌰𑌦𑌹𑌿𑌷𑍍𑌯𑌾𑌮𑌿𑌸𑌂𑌪𑍍𑌰𑌾𑌪𑍍𑌤𑌾𑌂𑌶𑍁𑌷𑍍𑌕𑍇𑌂𑌧𑌨𑌮𑌿𑌵𑌾𑌨𑌲𑌃 ॥ 12 ॥
𑌮𑌕𑌰𑌾𑌕𑍍𑌷𑌸𑍍𑌯𑌤𑌚𑍍𑌛𑍍𑌰𑍁𑌤𑍍𑌵𑌾𑌵𑌚𑌨𑌂𑌤𑍇𑌨𑌿𑌶𑌾𑌚𑌰𑌾𑌃 ।
𑌸𑌰𑍍𑌵𑍇𑌨𑌾𑌨𑌾𑌯𑍁𑌧𑍋𑌪𑍇𑌤𑌾𑌬𑌲𑌵𑌂𑌤𑌃𑌸𑌮𑌾𑌹𑌿𑌤𑌾𑌃 ॥ 13 ॥
𑌤𑍇𑌕𑌾𑌮𑌰𑍂𑌪𑌿𑌣𑌸𑍍𑌸𑌰𑍇𑌦𑌂𑌷𑍍𑌟𑍍𑌰𑌿𑌣𑌃𑌪𑌿𑌂𑌗𑌲𑍇𑌕𑍍𑌷𑌣𑌾 ।
𑌮𑌾𑌤𑌂𑌗𑌾𑌇𑌵𑌨𑌰𑍍𑌦𑌂𑌤𑍋𑌧𑍍𑌵𑌸𑍍𑌤𑌕𑍇𑌶𑌾𑌭𑌯𑌾𑌵𑌹𑌾𑌃 ॥ 14 ॥
𑌪𑌰𑌿𑌵𑌾𑌰𑍍𑌯𑌮𑌹𑌾𑌕𑌾𑌯𑌾𑌮𑌹𑌾𑌕𑌾𑌯𑌂𑌖𑌰𑌾𑌤𑍍𑌮𑌜𑌮𑍍 ।
𑌅𑌭𑌿𑌜𑌘𑍍𑌨𑍁𑌸𑍍𑌤𑌤𑍋𑌹𑍃𑌷𑍍𑌟𑌾𑌶𑍍𑌚𑌾𑌲𑌯𑌂𑌤𑍋𑌵𑌸𑍁𑌂𑌧𑌰𑌾𑌮𑍍 ॥ 15 ॥
𑌶𑌂𑌖𑌭𑍇𑌰𑍀𑌸𑌹𑌸𑍍𑌰𑌾𑌣𑌾𑌮𑌾𑌹𑌤𑌾𑌨𑌾𑌂 𑌸𑌮𑌂𑌤𑌤𑌃 ।
𑌕𑍍𑌷𑍍𑌵𑍇𑌲𑌿𑌤𑌾𑌸𑍍𑌫𑍋𑌟𑌿𑌤𑌾𑌨𑌾𑌂 𑌚 𑌤𑌤𑍍𑌰 𑌮𑌹𑌾𑌨𑌭𑍂𑌤𑍍 ॥ 16 ॥
𑌪𑍍𑌰𑌭𑍍𑌰𑌷𑍍𑌟𑍋𑌽𑌥𑌕𑌰𑌾𑌤𑍍𑌤𑌸𑍍𑌯𑌪𑍍𑌰𑌤𑍋𑌦𑌸𑍍𑌸𑌾𑌰𑌥𑍇𑌸𑍍𑌤𑌦𑌾 ।
𑌪𑌪𑌾𑌤𑌸𑌹𑌸𑌾𑌦𑍈𑌵𑌾𑌦𑍍𑌧𑍍𑌵𑌜𑌸𑍍𑌤𑌸𑍍𑌯𑌤𑍁𑌰𑌕𑍍𑌷𑌸𑌃 ॥ 1 ॥
𑌤𑌸𑍍𑌯𑌤𑍇𑌰𑌥𑌸𑌂𑌯𑍁𑌕𑍍𑌤𑌾𑌹𑌯𑌾𑌵𑌿𑌕𑍍𑌰𑌮𑌵𑌰𑍍𑌜𑌿𑌤𑌾𑌃 ।
𑌚𑌰𑌣𑍈𑌰𑌾𑌕𑍁𑌲𑍈𑌰𑍍𑌗𑌤𑍍𑌵𑌾𑌦𑍀𑌨𑌾𑌃𑌸𑌾𑌸𑍍𑌰𑌮𑍁𑌖𑌾𑌯𑌯𑍁𑌃 ॥ 1 ॥
𑌪𑍍𑌰𑌵𑌾𑌤𑌿𑌪𑌵𑌨𑌸𑍍𑌤𑌸𑍍𑌮𑌿𑌨𑍍 𑌸𑌪𑌾𑌂𑌸𑍁𑌃𑌖𑌰𑌦𑌾𑌰𑍁𑌣𑌃 ।
𑌨𑌿𑌰𑍍𑌯𑌾𑌣𑍇𑌤𑌸𑍍𑌯𑌰𑍌𑌦𑍍𑌰𑌸𑍍𑌯𑌮𑌕𑌰𑌾𑌕𑍍𑌷𑌸𑍍𑌯𑌦𑍁𑌰𑍍𑌮𑌤𑍇𑌃 ॥ 1 ॥
𑌤𑌾𑌨𑌿𑌦𑍃𑌷𑍍𑌟𑌵𑌾𑌨𑌿𑌮𑌿𑌤𑍍𑌤𑌾𑌨𑌿𑌰𑌾𑌕𑍍𑌷𑌸𑌾𑌵𑍀𑌰𑍍𑌯𑌵𑌤𑍍𑌤𑌮𑌾𑌃 ।
𑌅𑌚𑌿𑌂𑌤𑍍𑌯𑌨𑌿𑌰𑍍𑌗𑌤𑌾𑌸𑍍𑌸𑌰𑍍𑌵𑍇𑌯𑌤𑍍𑌰𑌤𑍌𑌰𑌾𑌮𑌲𑌕𑍍𑌷𑍍𑌮𑌣𑍌 ॥ 20 ॥
𑌘𑌨𑌗𑌜𑌮𑌹𑌿𑌷𑌾𑌂𑌗𑌤𑍁𑌲𑍍𑌯𑌵𑌰𑍍𑌣𑌾𑌸𑍍𑌸𑌮𑌰𑌮𑌖𑍇𑌷𑍍𑌵𑌸𑌕𑍃𑌦𑍍𑌗𑌦𑌾𑌸𑌿𑌭𑌿𑌨𑍍𑌨𑌾𑌃 ।
𑌅𑌹𑌮𑌹𑌮𑌿𑌤𑌿𑌯𑍁𑌦𑍍𑌧𑌕𑍌𑌶𑌲𑌾𑌸𑍍𑌤𑍇𑌰𑌜𑌨𑍀𑌚𑌰𑌾𑌃𑌪𑌰𑌿𑌬𑌭𑍍𑌰𑌮𑍁𑌰𑍍𑌨𑌦𑌂𑌤𑌃 ॥ 21 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌅𑌷𑍍𑌟𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ॥
