શ્રીમદ્વાલ્મીકીય રામાયણે યુદ્ધકાંડમ્ ।
અથ અષ્ટસપ્તતિતમસ્સર્ગઃ ।
નિકુંભંનિહતંશ્રુત્વાકુંભં ચ વિનિપાતિતમ્ ।
રાવણઃપરમામર્ષીપ્રજજ્વાલાનલોયથા ॥ 1 ॥
નૈરૃતઃક્રોધશોકાભ્યાંદ્વાભ્યાંતુપરિમૂર્છિતઃ ।
ખરપુત્રંવિશાલાક્ષંમકરાક્ષમચોદયત્ ॥ 2 ॥
ગચ્છપુત્રઽમયાઽજાજ્ઞપ્તોબલેનાભિસમવનિતઃ ।
રાઘવંલક્ષ્મણંચૈવજહિતાંશ્ચવનૌકસઃ ॥ 3 ॥
રાવણસ્યવચશ્શ્રુત્વાશૂરમાનીખરાત્મજઃ ।
બાઢમિત્યબ્રવીદ્ધૃષ્ટોમકરાક્ષોનિશાચરમ્ ॥ 4 ॥
સોઽભિવાદ્યદશગ્રીવંકૃત્વાચાપિપ્રદક્ષિણમ્ ।
નિર્જગામગૃહાચ્છુભ્રાદ્રાવણસ્યાજ્ઞયાબલી ॥ 5 ॥
સમીપસ્થંબલાધ્યક્ષંખરપુત્રોઽબ્રવીદિદમ્ ।
રથશ્ચાનીયતાંશીઘ્રંસૈન્યંત્વાનીયતાંત્વરાત્ ॥ 6 ॥
તસ્યતદ્વચનંશ્રુત્વાબલાધ્યક્ષોનિશાચરઃ ।
સ્યંદનં ચ બલંચૈવસમીપંપ્રત્યપાદયત્ ॥ 7 ॥
પ્રદક્ષિણંરથંકૃત્વાઆરુરોહનિશાચરઃ ।
સૂતંસંચોદયામાસશીઘ્રંમેરથમાવહ ॥ 8 ॥
અથતાન્રાક્ષસાન્સર્વાન્મકરાક્ષોઽબ્રવીદિદમ્ ।
યૂયંસર્વેપ્રયુધ્યધ્વંપુરસ્તાન્મમરાક્ષસાઃ ॥ 9 ॥
અહંરાક્ષસરાજેનરાવણેનમહાત્મના ।
આજ્ઞપ્તઃસમરેહંતુંતાવુભૌરામલક્ષ્મણૌ ॥ 10 ॥
અદ્યરામંવધિષ્યામિલક્ષ્મણં ચ નિશાચરાઃ ।
શાખામૃગં ચ સુગ્રીવંવાનરાંશ્ચશરોત્તમૈઃ ॥ 11 ॥
અદ્યશૂલનિપાતૈશ્ચવાનરાણાંમહાચમૂમ્ ।
પ્રદહિષ્યામિસંપ્રાપ્તાંશુષ્કેંધનમિવાનલઃ ॥ 12 ॥
મકરાક્ષસ્યતચ્છ્રુત્વાવચનંતેનિશાચરાઃ ।
સર્વેનાનાયુધોપેતાબલવંતઃસમાહિતાઃ ॥ 13 ॥
તેકામરૂપિણસ્સરેદંષ્ટ્રિણઃપિંગલેક્ષણા ।
માતંગાઇવનર્દંતોધ્વસ્તકેશાભયાવહાઃ ॥ 14 ॥
પરિવાર્યમહાકાયામહાકાયંખરાત્મજમ્ ।
અભિજઘ્નુસ્તતોહૃષ્ટાશ્ચાલયંતોવસુંધરામ્ ॥ 15 ॥
શંખભેરીસહસ્રાણામાહતાનાં સમંતતઃ ।
ક્ષ્વેલિતાસ્ફોટિતાનાં ચ તત્ર મહાનભૂત્ ॥ 16 ॥
પ્રભ્રષ્ટોઽથકરાત્તસ્યપ્રતોદસ્સારથેસ્તદા ।
પપાતસહસાદૈવાદ્ધ્વજસ્તસ્યતુરક્ષસઃ ॥ 17 ॥
તસ્યતેરથસંયુક્તાહયાવિક્રમવર્જિતાઃ ।
ચરણૈરાકુલૈર્ગત્વાદીનાઃસાસ્રમુખાયયુઃ ॥ 18 ॥
પ્રવાતિપવનસ્તસ્મિન્ સપાંસુઃખરદારુણઃ ।
નિર્યાણેતસ્યરૌદ્રસ્યમકરાક્ષસ્યદુર્મતેઃ ॥ 19 ॥
તાનિદૃષ્ટવાનિમિત્તાનિરાક્ષસાવીર્યવત્તમાઃ ।
અચિંત્યનિર્ગતાસ્સર્વેયત્રતૌરામલક્ષ્મણૌ ॥ 20 ॥
ઘનગજમહિષાંગતુલ્યવર્ણાસ્સમરમખેષ્વસકૃદ્ગદાસિભિન્નાઃ ।
અહમહમિતિયુદ્ધકૌશલાસ્તેરજનીચરાઃપરિબભ્રમુર્નદંતઃ ॥ 21 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે અષ્ટસપ્તતિતમસ્સર્ગઃ ॥
