ශ්රීමද්වාල්මීකීය රාමායණේ යුද්ධකාංඩම් ।
අථ අෂ්ටසප්තතිතමස්සර්ගඃ ।
නිකුංභංනිහතංශ්රුත්වාකුංභං ච විනිපාතිතම් ।
රාවණඃපරමාමර්ෂීප්රජජ්වාලානලෝයථා ॥ 1 ॥
නෛරෘතඃක්රෝධශෝකාභ්යාංද්වාභ්යාංතුපරිමූර්ඡිතඃ ।
ඛරපුත්රංවිශාලාක්ෂංමකරාක්ෂමචෝදයත් ॥ 2 ॥
ගච්ඡපුත්රऽමයාऽජාජ්ඤප්තෝබලේනාභිසමවනිතඃ ।
රාඝවංලක්ෂ්මණංචෛවජහිතාංශ්චවනෞකසඃ ॥ 3 ॥
රාවණස්යවචශ්ශ්රුත්වාශූරමානීඛරාත්මජඃ ।
බාඪමිත්යබ්රවීද්ධෘෂ්ටෝමකරාක්ෂෝනිශාචරම් ॥ 4 ॥
සෝऽභිවාද්යදශග්රීවංකෘත්වාචාපිප්රදක්ෂිණම් ।
නිර්ජගාමගෘහාච්ඡුභ්රාද්රාවණස්යාජ්ඤයාබලී ॥ 5 ॥
සමීපස්ථංබලාධ්යක්ෂංඛරපුත්රෝऽබ්රවීදිදම් ।
රථශ්චානීයතාංශීඝ්රංසෛන්යංත්වානීයතාංත්වරාත් ॥ 6 ॥
තස්යතද්වචනංශ්රුත්වාබලාධ්යක්ෂෝනිශාචරඃ ।
ස්යංදනං ච බලංචෛවසමීපංප්රත්යපාදයත් ॥ 7 ॥
ප්රදක්ෂිණංරථංකෘත්වාආරුරෝහනිශාචරඃ ।
සූතංසංචෝදයාමාසශීඝ්රංමේරථමාවහ ॥ 8 ॥
අථතාන්රාක්ෂසාන්සර්වාන්මකරාක්ෂෝऽබ්රවීදිදම් ।
යූයංසර්වේප්රයුධ්යධ්වංපුරස්තාන්මමරාක්ෂසාඃ ॥ 9 ॥
අහංරාක්ෂසරාජේනරාවණේනමහාත්මනා ।
ආජ්ඤප්තඃසමරේහංතුංතාවුභෞරාමලක්ෂ්මණෞ ॥ 10 ॥
අද්යරාමංවධිෂ්යාමිලක්ෂ්මණං ච නිශාචරාඃ ।
ශාඛාමෘගං ච සුග්රීවංවානරාංශ්චශරෝත්තමෛඃ ॥ 11 ॥
අද්යශූලනිපාතෛශ්චවානරාණාංමහාචමූම් ।
ප්රදහිෂ්යාමිසංප්රාප්තාංශුෂ්කේංධනමිවානලඃ ॥ 12 ॥
මකරාක්ෂස්යතච්ඡ්රුත්වාවචනංතේනිශාචරාඃ ।
සර්වේනානායුධෝපේතාබලවංතඃසමාහිතාඃ ॥ 13 ॥
තේකාමරූපිණස්සරේදංෂ්ට්රිණඃපිංගලේක්ෂණා ।
මාතංගාඉවනර්දංතෝධ්වස්තකේශාභයාවහාඃ ॥ 14 ॥
පරිවාර්යමහාකායාමහාකායංඛරාත්මජම් ।
අභිජඝ්නුස්තතෝහෘෂ්ටාශ්චාලයංතෝවසුංධරාම් ॥ 15 ॥
ශංඛභේරීසහස්රාණාමාහතානාං සමංතතඃ ।
ක්ෂ්වේලිතාස්ඵෝටිතානාං ච තත්ර මහානභූත් ॥ 16 ॥
ප්රභ්රෂ්ටෝऽථකරාත්තස්යප්රතෝදස්සාරථේස්තදා ।
පපාතසහසාදෛවාද්ධ්වජස්තස්යතුරක්ෂසඃ ॥ 17 ॥
තස්යතේරථසංයුක්තාහයාවික්රමවර්ජිතාඃ ।
චරණෛරාකුලෛර්ගත්වාදීනාඃසාස්රමුඛායයුඃ ॥ 18 ॥
ප්රවාතිපවනස්තස්මින් සපාංසුඃඛරදාරුණඃ ।
නිර්යාණේතස්යරෞද්රස්යමකරාක්ෂස්යදුර්මතේඃ ॥ 19 ॥
තානිදෘෂ්ටවානිමිත්තානිරාක්ෂසාවීර්යවත්තමාඃ ।
අචිංත්යනිර්ගතාස්සර්වේයත්රතෞරාමලක්ෂ්මණෞ ॥ 20 ॥
ඝනගජමහිෂාංගතුල්යවර්ණාස්සමරමඛේෂ්වසකෘද්ගදාසිභින්නාඃ ।
අහමහමිතියුද්ධකෞශලාස්තේරජනීචරාඃපරිබභ්රමුර්නදංතඃ ॥ 21 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ අෂ්ටසප්තතිතමස්සර්ගඃ ॥
