ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଅଷ୍ଟସପ୍ତତିତମସ୍ସର୍ଗଃ ।
ନିକୁଂଭଂନିହତଂଶ୍ରୁତ୍ଵାକୁଂଭଂ ଚ ଵିନିପାତିତମ୍ ।
ରାଵଣଃପରମାମର୍ଷୀପ୍ରଜଜ୍ଵାଲାନଲୋୟଥା ॥ 1 ॥
ନୈରୃତଃକ୍ରୋଧଶୋକାଭ୍ୟାଂଦ୍ଵାଭ୍ୟାଂତୁପରିମୂର୍ଛିତଃ ।
ଖରପୁତ୍ରଂଵିଶାଲାକ୍ଷଂମକରାକ୍ଷମଚୋଦୟତ୍ ॥ 2 ॥
ଗଚ୍ଛପୁତ୍ରଽମୟାଽଜାଜ୍ଞପ୍ତୋବଲେନାଭିସମଵନିତଃ ।
ରାଘଵଂଲକ୍ଷ୍ମଣଂଚୈଵଜହିତାଂଶ୍ଚଵନୌକସଃ ॥ 3 ॥
ରାଵଣସ୍ୟଵଚଶ୍ଶ୍ରୁତ୍ଵାଶୂରମାନୀଖରାତ୍ମଜଃ ।
ବାଢମିତ୍ୟବ୍ରଵୀଦ୍ଧୃଷ୍ଟୋମକରାକ୍ଷୋନିଶାଚରମ୍ ॥ 4 ॥
ସୋଽଭିଵାଦ୍ୟଦଶଗ୍ରୀଵଂକୃତ୍ଵାଚାପିପ୍ରଦକ୍ଷିଣମ୍ ।
ନିର୍ଜଗାମଗୃହାଚ୍ଛୁଭ୍ରାଦ୍ରାଵଣସ୍ୟାଜ୍ଞୟାବଲୀ ॥ 5 ॥
ସମୀପସ୍ଥଂବଲାଧ୍ୟକ୍ଷଂଖରପୁତ୍ରୋଽବ୍ରଵୀଦିଦମ୍ ।
ରଥଶ୍ଚାନୀୟତାଂଶୀଘ୍ରଂସୈନ୍ୟଂତ୍ଵାନୀୟତାଂତ୍ଵରାତ୍ ॥ 6 ॥
ତସ୍ୟତଦ୍ଵଚନଂଶ୍ରୁତ୍ଵାବଲାଧ୍ୟକ୍ଷୋନିଶାଚରଃ ।
ସ୍ୟଂଦନଂ ଚ ବଲଂଚୈଵସମୀପଂପ୍ରତ୍ୟପାଦୟତ୍ ॥ 7 ॥
ପ୍ରଦକ୍ଷିଣଂରଥଂକୃତ୍ଵାଆରୁରୋହନିଶାଚରଃ ।
ସୂତଂସଂଚୋଦୟାମାସଶୀଘ୍ରଂମେରଥମାଵହ ॥ 8 ॥
ଅଥତାନ୍ରାକ୍ଷସାନ୍ସର୍ଵାନ୍ମକରାକ୍ଷୋଽବ୍ରଵୀଦିଦମ୍ ।
ୟୂୟଂସର୍ଵେପ୍ରୟୁଧ୍ୟଧ୍ଵଂପୁରସ୍ତାନ୍ମମରାକ୍ଷସାଃ ॥ 9 ॥
ଅହଂରାକ୍ଷସରାଜେନରାଵଣେନମହାତ୍ମନା ।
ଆଜ୍ଞପ୍ତଃସମରେହଂତୁଂତାଵୁଭୌରାମଲକ୍ଷ୍ମଣୌ ॥ 10 ॥
ଅଦ୍ୟରାମଂଵଧିଷ୍ୟାମିଲକ୍ଷ୍ମଣଂ ଚ ନିଶାଚରାଃ ।
ଶାଖାମୃଗଂ ଚ ସୁଗ୍ରୀଵଂଵାନରାଂଶ୍ଚଶରୋତ୍ତମୈଃ ॥ 11 ॥
ଅଦ୍ୟଶୂଲନିପାତୈଶ୍ଚଵାନରାଣାଂମହାଚମୂମ୍ ।
ପ୍ରଦହିଷ୍ୟାମିସଂପ୍ରାପ୍ତାଂଶୁଷ୍କେଂଧନମିଵାନଲଃ ॥ 12 ॥
ମକରାକ୍ଷସ୍ୟତଚ୍ଛ୍ରୁତ୍ଵାଵଚନଂତେନିଶାଚରାଃ ।
ସର୍ଵେନାନାୟୁଧୋପେତାବଲଵଂତଃସମାହିତାଃ ॥ 13 ॥
ତେକାମରୂପିଣସ୍ସରେଦଂଷ୍ଟ୍ରିଣଃପିଂଗଲେକ୍ଷଣା ।
ମାତଂଗାଇଵନର୍ଦଂତୋଧ୍ଵସ୍ତକେଶାଭୟାଵହାଃ ॥ 14 ॥
ପରିଵାର୍ୟମହାକାୟାମହାକାୟଂଖରାତ୍ମଜମ୍ ।
ଅଭିଜଘ୍ନୁସ୍ତତୋହୃଷ୍ଟାଶ୍ଚାଲୟଂତୋଵସୁଂଧରାମ୍ ॥ 15 ॥
ଶଂଖଭେରୀସହସ୍ରାଣାମାହତାନାଂ ସମଂତତଃ ।
କ୍ଷ୍ଵେଲିତାସ୍ଫୋଟିତାନାଂ ଚ ତତ୍ର ମହାନଭୂତ୍ ॥ 16 ॥
ପ୍ରଭ୍ରଷ୍ଟୋଽଥକରାତ୍ତସ୍ୟପ୍ରତୋଦସ୍ସାରଥେସ୍ତଦା ।
ପପାତସହସାଦୈଵାଦ୍ଧ୍ଵଜସ୍ତସ୍ୟତୁରକ୍ଷସଃ ॥ 17 ॥
ତସ୍ୟତେରଥସଂୟୁକ୍ତାହୟାଵିକ୍ରମଵର୍ଜିତାଃ ।
ଚରଣୈରାକୁଲୈର୍ଗତ୍ଵାଦୀନାଃସାସ୍ରମୁଖାୟୟୁଃ ॥ 18 ॥
ପ୍ରଵାତିପଵନସ୍ତସ୍ମିନ୍ ସପାଂସୁଃଖରଦାରୁଣଃ ।
ନିର୍ୟାଣେତସ୍ୟରୌଦ୍ରସ୍ୟମକରାକ୍ଷସ୍ୟଦୁର୍ମତେଃ ॥ 19 ॥
ତାନିଦୃଷ୍ଟଵାନିମିତ୍ତାନିରାକ୍ଷସାଵୀର୍ୟଵତ୍ତମାଃ ।
ଅଚିଂତ୍ୟନିର୍ଗତାସ୍ସର୍ଵେୟତ୍ରତୌରାମଲକ୍ଷ୍ମଣୌ ॥ 20 ॥
ଘନଗଜମହିଷାଂଗତୁଲ୍ୟଵର୍ଣାସ୍ସମରମଖେଷ୍ଵସକୃଦ୍ଗଦାସିଭିନ୍ନାଃ ।
ଅହମହମିତିୟୁଦ୍ଧକୌଶଲାସ୍ତେରଜନୀଚରାଃପରିବଭ୍ରମୁର୍ନଦଂତଃ ॥ 21 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଅଷ୍ଟସପ୍ତତିତମସ୍ସର୍ଗଃ ॥
