ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ತ್ರಿನವತಿತಮಸ್ಸರ್ಗಃ ।
ತತಃಪೌಲಸ್ತ್ಯಸಚಿವಾಶ್ರುತ್ವಾಚೇನ್ದ್ರಜಿತೋವಧಮ್ ।
ಆಚಚಕ್ಷುರಭಿಜ್ಞಾಯದಶಗ್ರೀವಾಯಸವ್ಯಥಾಃ ॥ 1 ॥
ಯುದ್ಧೇಹತೋಮಹಾರಾಜಲಕ್ಷ್ಮಣೇನತವಾತ್ಮಜಃ ।
ವಿಭೀಷಣಸಹಾಯೇನಮಿಷತಾನ್ನೋಮಹಾದ್ಯುತಿಃ ॥ 2 ॥
ಶೂರಂಶೂರೇಣಸಮ್ಗಮ್ಯಸಮ್ಯುಗೇಷ್ವಪರಾಜಿತಃ ।
ಲಕ್ಷ್ಮಣೇನಹತಶ್ಶೂರಃಪುತ್ರಸ್ತೇಮಹೇನ್ದ್ರಜಿತ್ ॥ 3 ॥
ಗತಸ್ಸಪರಮಾನ್ಲೋಕಾನ್ಶರೈಸ್ಸನ್ತಾಪ್ಯಲಕ್ಷ್ಮಣಮ್ ।
ಸ ತಮ್ಪ್ರತಿಭಯಂಶ್ರುತ್ವಾವಧಮ್ಪುತ್ರಸ್ಯದಾರುಣಮ್ ॥ 4 ॥
ಘೋರಮಿನ್ದ್ರಜಿತಃಸಙ್ಖ್ಯೇಕಶ್ಮಲಮ್ಪ್ರಾವಿಶನ್ಮಹತ್ ।
ಉಪಲಭ್ಯಚಿರಾತ್ಸಞ್ಜ್ಞಾಂ ರಾಜಾರಾಕ್ಷಸಪುಙ್ಗವ ॥ 5 ॥
ಪುತ್ರಶೋಕಾಕುಲೋದೀನೋವಿಲಲಾಪಾಕುಲೇನ್ದ್ರಿಯಃ ।
ಹಾರಾಕ್ಷಸಚಮೂಮುಖ್ಯಮಮವತ್ಸಮಹಾಬಲ ॥ 6 ॥
ಜಿತ್ವೇನ್ದ್ರಙ್ಕಥಮದ್ಯತ್ವಂಲಕ್ಷ್ಮಣಸ್ಯವಶಙ್ಗತಃ ।
ನನುತ್ವಮಿಷುಭಿಃಕ್ರುದ್ಧೋಭಿನ್ದ್ಯಾಃಕಾಲಾನ್ತಕಾವಪಿ ॥ 7 ॥
ಮನ್ದರಸ್ಯಾಪಿಶೃಙ್ಗಾಣಿಕಿಮ್ಪುನರ್ಲಕ್ಷ್ಮಣಂಯುಧಿ ।
ಅದ್ಯವೈನಸ್ವತೋರಾಜಾಭೂಯೋಬಹುಮತೋಮಮ ॥ 8 ॥
ಯೇನಾದ್ಯತ್ವಮ್ಮಹಾಬಾಹೋ ಸಂಯುಕ್ತಃಕಾಲಧರ್ಮಣಾ ।
ಏಷಪನ್ಥಾಃಸುಯೋಧಾನಾಂಸರ್ವಾಮರಗಣೇಷ್ವಪಿ ॥ 9 ॥
ಯಃಕೃತೇಹನ್ಯತೇಭರ್ತುಸ್ಸಪುಮಾನ್ಸ್ವರ್ಗಮೃಚ್ಛತಿ ।
ಅದ್ಯದೇವಗಣಾಸ್ಸರ್ವೇಲೋಕಪಾಲಾಮಹರ್ಷಯಃ ॥ 10 ॥
ಹತಮಿನ್ದ್ರಜಿತನ್ದೃಷ್ಟವಾಸುಖಂಸ್ವಪ್ಸ್ಯನ್ತಿನಿರ್ಭಯಾಃ ।
ಅದ್ಯಲೋಕಾಸ್ತ್ರಯಃ ಕೃತ್ಸ್ನಾಪೃಥಿವೀ ಚ ಸಕಾನನಾ ॥ 11 ॥
ಏಕೇನೇನ್ದ್ರಜಿತಾಹೀನಾಶೂನ್ಯೇವಪ್ರತಿಭಾತಿಮೇ ।
ಅದ್ಯನೈರೃತಕನ್ಯಾನಾಂಶ್ರೋಷ್ಯಾಮ್ಯನ್ತಃಪುರೇರವಮ್ ॥ 12 ॥
ಕರೇಣುಸಙ್ಘಸ್ಯಯಥಾನಿನಾದಙ್ಗಿರಿಗಹ್ವರೇ ।
ಯೌವರಾಜ್ಯಂ ಚ ಲಙ್ಕಾಂ ಚ ರಕ್ಷಾಂಸಿ ಚ ಪರನ್ತಪ ॥ 13 ॥
ಮಾತರಮ್ಮಾಂ ಚ ಭಾರ್ಯಾಶ್ಚಕ್ವಗತೋಽಸಿವಿಹಾಯನಃ ।
ಮಮನಾಮತ್ವಯಾವೀರಗತಸ್ಯಯಮಸಾದನಮ್ ॥ 14 ॥
ಪ್ರೇತಕಾರ್ಯಾಣಿಕಾರ್ಯಾಣಿವಿಪರೀತೇಹಿವರ್ತಸೇ ।
ಸ ತ್ವಞ್ಜೀವತಿಸುಗ್ರೀವೇಲಕ್ಷ್ಮಣೇನ ಚ ರಾಘವೇ ॥ 15 ॥
ಮಮಶಲ್ಯಮನುದ್ಧೃತ್ಯಕ್ವಗತೋಽಸಿವಿಹಾಯನಃ ।
ಏವಮಾದಿವಿಲಾಪಾರ್ತಂರಾವಣಂರಾಕ್ಷಸಾಧಿಪಮ್ ॥ 16 ॥
ಆವಿವೇಶಮಹಾನ್ ಕೋಪಃಪುತ್ರವ್ಯಸನಸಮ್ಭವಃ ।
ಪ್ರಕೃತ್ಯಾಕೋಪನಂಹ್ಯೇನಮ್ಪುತ್ರಸ್ಯಪುನರಾಧಯಃ ॥ 17 ॥
ದೀಪ್ತಂಸನ್ದೀಪಯಾಮಾಸುರ್ಘರ್ಮೇಽರ್ಕಮಿವರಶ್ಮಯಃ ।
ಲಲಾಟೇಭ್ರುಕುಟೀಭಿಶ್ಚಸಙ್ಗತಾಭಿರ್ವ್ಯರೋಚತ ॥ 18 ॥
ಯುಗಾನ್ತೇಸಹನಕ್ರೈಸ್ತುಮಹೋರ್ಮಿಭಿರಿವೋದಧಿಃ ।
ಕೋಪಾದ್ವಿಜೃಮ್ಭಮಾಣಸ್ಯವಕ್ತ್ರಾದ್ವ್ಯಕ್ತಮಿವಜ್ವಲನ್ ॥ 19 ॥
ಉತ್ಪಪಾತಸಧೂಮಾನಗಿರ್ವೃತ್ರಸ್ಯವದನಾದಿವ ।
ಸ ಪುತ್ರವಧಸನ್ತಪ್ತಶ್ಶೂರಃಕ್ರೋಧವಶಙ್ಗತಃ ॥ 20 ॥
ಸಮೀಕ್ಷ್ಯರಾವಣೋಬುದ್ಧ್ಯಾವೈದೇಹ್ಯಾರೋಚಯದ್ವಧಮ್ ।
ತಸ್ಯಪ್ರಕೃತ್ಯಾರಕ್ತೇ ಚ ರಕ್ತೇಕ್ರೋಥಾನಗಿನಾಪಿ ಚ ॥ 21 ॥
ರಾವಣಸ್ಯಮಹಾಘೋರೇದೀಪ್ತೇನೇತ್ರೇಬಭೂವತುಃ ।
ಘೋರಮ್ಪ್ರಕೃತ್ಯಾರೂಪನ್ತತ್ತಸ್ಯಕ್ರೋಧಾಗ್ನಿಮೂರ್ಛಿತಮ್ ॥ 22 ॥
ಬಭೂವರೂಪಙ್ಕ್ರುದ್ಧಸ್ಯರುದ್ರಸ್ಯೇವದುರಾಸದಮ್ ।
ತಸ್ಯಕ್ರುದ್ಧಸ್ಯನೇತ್ರಾಭ್ಯಾಮ್ಪ್ರಾಪತನ್ನಾಶ್ರೃಬಿನ್ದವಃ ॥ 23 ॥
ದೀಪಾಭ್ಯಾಮಿವದೀಪ್ತಾಭ್ಯಾಂಸಾರ್ಚಿಷಸ್ಸ್ನೇಹಬಿನ್ದವಃ ।
ದನ್ತಾವನಿದಶತಸ್ತಸ್ಯಶ್ರೂಯತೇದಶನಸ್ವನಃ ॥ 24 ॥
ಯನ್ತ್ರಸ್ಯಾವೇಷ್ಟ್ಯಮಾಣಸ್ಯ ಮಹತೋ ದಾನವೈರಿವ ।
ಕಾಲಾನಗಿರಿವಸಙ್ಕ್ರುದ್ಧೋಯಾಂಯಾನ್ದಿಶಮವೈಕ್ಷತ ॥ 25 ॥
ತಸ್ಯಾನ್ತಸ್ಯಾಮ್ಭಯತ್ರಸ್ತಾರಾಕ್ಷಸಾಸ್ಸನ್ವಿಲಿಯಲಿರೇ ।
ತಮನ್ತಕಮಿವಕ್ರುದ್ಧಞ್ಚರಾಚರಚಿಖಾದಿಷುಮ್ ॥ 26 ॥
ವೀಕ್ಷಮಾಣನ್ದಿಶಸ್ಸರ್ವಾರಾಕ್ಷಸಾನೋಪಚಕ್ರಮುಃ ।
ತತಃಪರಮಸಙ್ಕ್ರುದ್ಧೋರಾವಣೋರಾಕ್ಷಸಾಧಿಪಃ ॥ 27 ॥
ಅಬ್ರವೀದ್ರಕ್ಷಸಾಮ್ಮಧ್ಯೇಸಂಸ್ತಮ್ಭಯಿಷುರಾಹವೇ ।
ಮಯಾವರ್ಷಸಹಸ್ರಾಣಿಚರಿತ್ವಾಪರಮನ್ತಪಃ ॥ 28 ॥
ತೇಷುತೇಷ್ವವಕಾಶೇಷುಸ್ವಯಮ್ಭೂಃಪರಿತೋಷಿತಃ ।
ತಸ್ಯೈವತಪಸೋವ್ಯುಷ್ಟ್ಯಾಪ್ರಸಾದಾಚ್ಛಸ್ವಯಮ್ಭುವಃ ॥ 29 ॥
ನಾಸುರೇಭ್ಯೋ ನ ದೇವೇಭ್ಯೋಭಯಮ್ಮಮಕದಾಚನ ।
ಕವಚಮ್ಬ್ರಹ್ಮದತ್ತಮ್ಮೇಯದಾದಿತ್ಯಸಮಪ್ರಭಮ್ ॥ 30 ॥
ದೇವಾಸುರವಿಮರ್ಧೇಷು ನ ಭಿನ್ನಂವಜ್ರಮುಷ್ಟಿಭಿಃ ।
ತೇನಮಾಮದ್ಯಸಮ್ಯುಕ್ತಂರಥಸ್ಥಮಿಹಸಮ್ಯುಗೇ ॥ 31 ॥
ಪ್ರತೀಯಾತ್ಕೋಽದ್ಯಮಾಮಾಜೌಸಾಕ್ಷಾದಪಿಪುರನ್ದರಃ ।
ತ್ತದಾತಿಪ್ರಸನ್ನೇನಸಶರಙ್ಕಾರ್ಮುಕಮ್ಮಹತ್ ॥ 32 ॥
ದೇವಾಸುರವಿಮರ್ಧೇಷುಮಮದತ್ತಂಸ್ವಯಮ್ಭುವಾ ।
ಅದ್ಯತೂರ್ಯಶತೈರ್ಭೀಮನ್ಧನುರುತ್ಥಾಪ್ಯತಾಮ್ಮಮ ॥ 33 ॥
ರಾಮಲಕ್ಷ್ಮಣಯೋರೇವವಧಾಯಪರಮಾಹವೇ ।
ಸ ಪುತ್ರವಧಸನ್ತಪ್ತಃಕ್ರೂರಃಕ್ರೋಧವಶಙ್ಗತಃ ॥ 34 ॥
ಸಮೀಕ್ಷ್ಯರಾವಣೋಬುದ್ಧ್ಯಾಸೀತಾಂಹನ್ತುಂವ್ಯವಸ್ಯತ ।
ಪ್ರತ್ಯವೇಕ್ಷ್ಯತಾಮ್ರಾಕ್ಷಸ್ಸುಘೋರೋಘೋರದರ್ಶನಃ ॥ 35 ॥
ದೀನೋದೀನಸ್ವರಾನ್ಸರ್ವಾಂಸ್ತಾನುವಾಚನಿಶಾಚರಾನ್ ।
ಮಾಯಯಾಮಮವತ್ಸೇನವಞ್ಚನಾರ್ಥಂವನೌಕಸಾಮ್ ॥ 36 ॥
ಕಿಞ್ಚಿದೇವಹತನ್ತತ್ರಸೀತೇಯಮಿತಿದರ್ಶಿತಮ್ ।
ತದಿದನ್ತಥ್ಯಮೇವಾಹಙ್ಕರಿಷ್ಯೇಪ್ರಿಯಮಾತ್ಮನಃ ॥ 37 ॥
ವೈದೇಹೀನ್ನಾಶಯಿಷ್ಯಾಮಿಕ್ಷತ್ರಬನ್ಧುಮನುವ್ರತಾಮ್ ।
ಇತ್ಯೇವಮುಕ್ತ್ವಾಸಚಿವಾನ್ಖಙ್ಗಮಾಶುಪರಾಮೃಶತ್ ॥ 38 ॥
ಉತ್ಪ್ಲುತ್ಯಗುಣಸಮ್ಪನ್ನಂವಿಮಲಾಮ್ಬರವರ್ಚಸಮ್ ।
ನಿಷ್ಪಪಾತ ಸ ವೇಗೇನಸಭಾರ್ಯಃಸಚಿವೈರ್ವೃತಃ ॥ 39 ॥
ರಾವಣಃಪುತ್ರಶೋಕೇನಭೃಶಮಾಕುಲಚೇತನಃ ।
ಸಙ್ಕ್ರುದ್ಧಃಖಡಗಮಾದಾಯಸಹಸಾಯತ್ರಮೈಥಿಲೀ ॥ 40 ॥
ವ್ರಜನ್ತಂರಾಕ್ಷಸಮ್ಪ್ರೇಕ್ಷ್ಯಸಿಂಹನಾದಂವಿಚಕ್ರುಶುಃ ।
ಊಚುಶ್ಚಾನ್ಯೋನ್ಯಮಾಲಿಙ್ಗ್ಯಸಙ್ಕ್ರುದ್ಧಮ್ಪ್ರೇಕ್ಷ್ಯರಾಕ್ಷಸಮ್ ॥ 41 ॥
ಅದ್ಯೈನನ್ತಾವುಭೌದೃಷ್ಟವಾಭ್ರಾತರೌಪ್ರವ್ಯಧಿಷ್ಯತಃ ।
ಲೋಕಪಾಲಾಹಿಚತ್ವಾರಃಕ್ರುದ್ಧೇನಾನೇನತರ್ಜಿತಾಃ ॥ 42 ॥
ಬಹವಃಶತ್ರವಶ್ಚಾನ್ಯೇಸಮ್ಯುಗೇಷ್ವಭಿಪಾತಿತಾಃ ।
ತ್ರಿಷುಲೋಕೇಷುರತ್ನಾನಿಭುಙಕ್ತೇಚಾಹೃತ್ಯರಾವಣಃ ॥ 43 ॥
ವಿಕ್ರಮೇ ಚ ಬಲೇಚೈವನಾಸ್ತ್ಯಸ್ಯಸದೃಶೋಭುವಿ ।
ತೇಷಾಂಸಞ್ಜಲ್ಪಮಾನಾಮಶೋಕವನಿಕಾಙ್ಗತಾಮ್ ॥ 44 ॥
ಅಭಿದುದ್ರಾವವೈದೇಹೀಂರಾವಣಃಕ್ರೋಧಮೂರ್ಛಿತಃ ।
ವಾರ್ಯಮಾಣಃಸುಸಙ್ಕ್ರುದ್ಧಃಸುಹೃದ್ಭಿರ್ಹಿತಬುದ್ಧಿಭಿಃ ॥ 45 ॥
ಅಭ್ಯಧಾವತಸಙ್ಕ್ರುದ್ಧಃಖೇಗ್ರಹೋರೋಹಿಣೀಮಿವ ।
ಮೈಥಿಲೀರಕ್ಷ್ಯಮಾಣಾತುರಾಕ್ಷಸೀರನಿನ್ದಿತಾ ॥ 46 ॥
ದದರ್ಶರಾಕ್ಷಸಙ್ಕ್ರುದ್ಧನ್ನಿಸ್ತ್ರಿಂಶವರಧಾರಿಣಮ್ ।
ತನ್ನಿಶಾಮ್ಯಸವಿಸ್ತ್ರಿಂಶಂವ್ಯಥಿತಾಜನಕಾತ್ಮಜಾ ॥ 47 ॥
ನಿವಾರ್ಯಮಾಣಮ್ಬಹುಶಃಸುಹೃದ್ಭಿರನಿವರ್ತಿನಮ್ ।
ಸೀತಾದುಃಖಸಮಾವಿಷ್ಟಾವಿಲಪನ್ತೀದಮಬ್ರವೀತ್ ॥ 48 ॥
ಯಥಾಯಮ್ಮಾಮಭಿಕ್ರುದ್ಧಃಸಮಭಿದ್ರವತಿಸ್ವಯಮ್ ।
ವಧಿಷ್ಯತಿಸನಾಥಾಮ್ಮಾಮನಾಥಾಮಿವದುರ್ಮತಿಃ ॥ 49 ॥
ಬಹುಶಶ್ಚೋದಯಾಮಾಸಭರ್ತಾರಮ್ಮಾಮನುವ್ರತಾಮ್ ।
ಭಾರ್ಯಾಭವರಮಸ್ವೇತಿಪ್ರತ್ಯಾಖ್ಯಾತೋಧ್ರುವಮ್ಮಯಾ ॥ 50 ॥
ಸೋಽಯಮ್ಮಾಮನುಪಸ್ಥಾನೇವ್ಯಕ್ತನ್ನೈರಾಶ್ಯಮಾಗತಃ ।
ಕ್ರೋಧಮೋಹಸಮಾವಿಷ್ಟೋನಿಹನ್ತುಮ್ಮಾಂಸಮುದ್ಯತಃ ॥ 51 ॥
ಅಥವಾತೌನರವ್ಯಾಘ್ರೌಭ್ರಾತರೌರಾಮಲಕ್ಷ್ಮಣೌ ।
ಮನ್ನಿಮಿತ್ತಮನಾರ್ಯೇಣಸಮರೇಽದ್ಯನಿಪಾತಿತೌ ॥ 52 ॥
ಭೈರವೋಹಿಮಹಾನ್ನಾದೋರಾಕ್ಷಸಾನಾಂಶ್ರುತೋಮಯಾ ।
ಬಹೂನಾಮಿಹಹೃಷ್ಟಾನಾನ್ತಥಾವಿಕ್ರೋಶತಾಮ್ಪ್ರಿಯಮ್ ॥ 53 ॥
ಅಹೋಧಿಙ್ಮನ್ನಿಮಿತ್ತೋಽಯಂವಿನಾಶೋರಾಜಪುತ್ರಯೋಃ ।
ಅಥವಾಪುತ್ರಶೋಕೇನಾಹತ್ಯಾರಾಮಲಕ್ಷ್ಮಣೌ ॥ 54 ॥
ವಿಧಮಿಷ್ಯತಿಮಾಂರೌದ್ರೋರಾಕ್ಷಸಃಪಾಪನಿಶ್ಚಯಃ ।
ಹನೂಮತಸ್ತುತದ್ವಾಕ್ಯಂ ನ ಕೃತಙ್ಕ್ಷುದ್ರಯಾಮಯಾ ॥ 55 ॥
ಯದ್ಯಹನ್ತಸ್ಯಪೃಷ್ಠೇವತದಾಯಾಸಮನಿರ್ಜಿತಾ ।
ನಾದ್ಯೈವಮನುಶೋಚೇಯಮ್ಭರ್ತುರಙ್ಕಗತಾಸತೀ ॥ 56 ॥
ಮನ್ಯೇತುಹೃದಯನ್ತಸ್ಯಾಃಕೌಸಲ್ಯಾಯಾಃಫಲಿಷ್ಯತಿ ।
ಏಕಪುತ್ರಾಯದಾಪುತ್ರಂವಿನಷ್ಟಂಶ್ರೋಷ್ಯತೇಯುಧಿ ॥ 57 ॥
ಸಾಹಿಜನ್ಮ ಚ ಬಾಲ್ಯಂ ಚ ಯೌವನಂ ಚ ಮಹಾತ್ಮನಃ ।
ಧರ್ಮಕಾರ್ಯಾಣಿರೂಪಂ ಚ ರುದತೀಸಂಸ್ಮರಿಷ್ಯತಿ ॥ 58 ॥
ನಿರಾಶಾನಿಹತೇಪುತ್ರೇದತ್ತ್ವಾಶ್ರಾದ್ಧಮಚೇತನಾ ।
ಅಗ್ನಿಮಾವೇಕ್ಷ್ಯತೇನೂನಮಾಪೋವಾಪಿಪ್ರವೇಕ್ಷ್ಯತಿ ॥ 59 ॥
ಧಿಗಸ್ತುಕುಬ್ಜಾಮಸತೀಮ್ಮನ್ಥರಾಮ್ಪಾಪನಿಶ್ಚಯಾಮ್ ।
ಯನ್ನಿಮಿತ್ತಮಿಮಂಶೋಕಙ್ಕೌಸಲ್ಯಾಪ್ರತಿಪತ್ಸ್ಯತೇ ॥ 60 ॥
ಇತ್ಯೇವಮ್ಮೈಥಿಲೀನ್ದೃಷ್ಟವಾವಿಲಪನ್ತೀನ್ತಪಸ್ವಿನೀಮ್ ।
ರೋಹಿಣೀಮಿವಚನ್ದ್ರೇಣವಿನಾಗ್ರಹವಶಙ್ಗತಾಮ್ ॥ 61 ॥
ಏತಸ್ಮಿನ್ನನ್ತರೇತಸ್ಯಾಮಾತ್ಯಃಶೀಲವಾನ್ ಶುಚಿಃ ।
ಸುಪಾರ್ಶ್ವೋನಾಮಮೇಧಾವೀರಾವಣಂರಕ್ಷಸೇಶ್ವರಮ್ ॥ 62 ॥
ನಿವಾರ್ಯಮಾಣಃಸಚಿವೈರಿದಂವಚನಮಬ್ರವೀತ್ ।
ಕಥನ್ನಾಮದಶಗ್ರೀವ ಸಾಕ್ಷದ್ವೈಶ್ರವಣಾನುಜ ॥ 63 ॥
ಹನ್ತುಮಿಚ್ಛಸಿವೈದೇಹೀಙ್ಕ್ರೋಧಾದ್ಧರ್ಮಮಪಾಸ್ಯ ಚ ।
ವೇದವಿದ್ಯಾವ್ರತಸ್ನಾತಃಸ್ವಕರ್ಮನಿರತಸ್ತಥಾ ॥ 64 ॥
ಸ್ತ್ರಿಯಃಕಸ್ಮಾದ್ವಧಂವೀರಮನ್ಯಸೇರಾಕ್ಷಸೇಶ್ವರ ।
ಮೈಥಿಲೀಂರೂಪಸಮ್ಪನ್ನಾಮ್ಪ್ರತ್ಯವೇಕ್ಷಸ್ವಪಾರ್ಥಿವ ॥ 65 ॥
ತಸ್ಮಿನ್ನೇವಸಹಾಸ್ಮಾಭಿರಾಹೇವಕ್ರೋಧಮುತ್ಸೃಜ ।
ಅಭ್ಯುತ್ಥಾನನ್ತ್ವಮದ್ಯೈವಕೃಷ್ಣಪಕ್ಷಚತುರ್ಧಶೀಮ್ ॥ 66 ॥
ಕೃತ್ವಾನಿರ್ಯಾಹ್ಯಮಾವಾಸ್ಯಾಂವಿಜಯಾಯಬಲೈರ್ವೃತಃ ।
ಶೂರಃಧೀಮಾನ್ ರಥೀಖಡಗೀರಥಪ್ರವಮಾಸ್ಥಿತಃ ॥ 67 ॥
ಹತ್ವಾದಾಶರಥಿಂರಾಮಮ್ಭವಾನ್ ಪ್ರಾಪ್ಸ್ಯಸಿಮೈಥಿಲೀಮ್ ।
ಸ ತದ್ದುರಾತ್ಮಾಸುಹೃದಾನಿವೇದಿತಂವಚಃಸುಧರ್ಮ್ಯಮ್ಪ್ರತಿಗೃಹ್ಯರಾವಣಃ ।
ಗೃಹಞ್ಜಗಾಮಥತತಶ್ಚವೀರ್ಯವಾನ್ ಪುನಃಸಭಾಂ ಚ ಪ್ರಯಯೌಸುಹೃದ್ವೃತಃ ॥ 68 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ತ್ರಿನವತಿತಮಸ್ಸರ್ಗಃ ॥
