ශ්රීමද්වාල්මීකීය රාමායණේ යුද්ධකාංඩම් ।
අථ චතුර්දශාධිකශතතමස්සර්ගඃ ।
තාසාංවිලපමානානාංතදාරාක්ෂසයෝෂිතාම් ।
ජ්යේෂ්ඨාපත්නීප්රියාජීනාභර්තාරංසමුදෛක්ෂත ॥ 1 ॥
දශග්රීවංහතංදෘෂ්ටවාරාමේණාචිංත්යකර්මණා ।
පතිංමංඩෝදරීතත්රකෘපණාපර්යදේවයත් ॥ 2 ॥
නනුනාමමහාබාහෝතවවෛශ්රවණානුජ ।
ක්රුද්ධස්යප්රමුඛේස්ථාතුංත්රස්යත්යපිපුරංදරඃ ॥ 3 ॥
ඍෂයශ්චමහාංතෝऽපිගංධර්වාශ්චයශස්විනඃ ।
නනුනාමතවෝද්වේගාච්චාරණාශ්චදිශෝගතාඃ ॥ 4 ॥
ස ත්වංමානුෂමාත්රේණරාමේණයුධිනිර්ජිතඃ ।
න ව්යපත්රපසේරාජන් කිමිදංරාක්ෂසේශ්වර ॥ 5 ॥
කථංත්රෛලෝක්යමාක්රම්යශ්රියාවීර්යේණචාන්විතම් ।
අවිෂහ්යංජඝානත්වාංමානුෂෝවනගෝචරඃ ॥ 6 ॥
මානුෂාණාමවිෂයේචරතඃකාමරූපිණඃ ।
විනාශස්තවරාමේණසම්යුගේනෝපපද්යතේ ॥ 7 ॥
න චෛතත්කර්මරාමස්යශ්රද්ධධාමිචමූමුඛේ ।
සර්වතස්සමුපේතස්යතවතේනාභිමර්ෂණම් ॥ 8 ॥
යදෛව ච ජනස්ථානේරාක්ෂසෛර්භහුනිර්වවෘතඃ ।
ඛරස්තවහතෝභ්රාතාතදෛවාසෞ න මානුෂඃ ॥ 9 ॥
යදෛවනගරීංලංකාංදුෂ්ප්රවේශාංසුරෛරපි ।
ප්රවිෂ්ටෝහනුමාන්වීර්යාත්තදෛවව්යථිතාවයම් ॥ 10 ॥
යදෛවවානරෛර්ඝෝරෛර්බද්ධස්සේතුර්මහාර්ණවේ ।
තදෛවහෘදයේනාහංශංකේරාමමමානුෂම් ॥ 11 ॥
අථවාරාමරූපේණකෘතාංතස්ස්වයමාගතඃ ।
මායාංතවවිනාශායවිධායාප්රතිතර්කිතාම් ॥ 12 ॥
අථවාවාසවේනත්වංධර්ෂිතෝऽපිමහාබල ।
වාසවස්යතුකාශක්තිස්ත්වාංද්රෂ්ටුමපිසංයුගේ ॥ 13 ॥
ව්යක්තමේෂමහායෝගීපරමාත්මාසනාතනඃ ।
අනාදිමධ්යනිධනෝමහතංපරමෝමහාන් ॥ 14 ॥
තමසඃපරමෝධාතාශංඛචක්රගදාධරඃ ।
ශ්රීවත්සවක්ෂානිත්යශ්රීරජය්යශ්ශාශ්වතෝධ්රුවඃ ॥ 15 ॥
මානුෂංරූපමාස්ථායවිෂ්ණුස්සත්යපරාක්රමඃ ।
සර්වෛඃපරිවෘතෝදේවෛර්වානරත්වමුපාගතෛඃ ॥ 16 ॥
සර්වලෝකේශ්වර්ශ්රීමාන්ලෝකානාංහිතකාම්යයා ।
සරාක්ෂසරපරීවාරංහතවාංස්ත්වාංමහාද්යුතිඃ ॥ 17 ॥
ඉංද්රියාණිපුරාජිත්වාජිතංත්රිභුවනංත්වයා ।
ස්මරද්භිරිවතද්වෛරමිංද්රියෛරේවනිර්ජිතඃ ॥ 18 ॥
යදෛවහිජනස්ථානේරාක්ෂසෛර්භහුභිර්වෘතඃ ।
ඛරස්තුනිහතෝභ්රාතාතදාරාමෝ න මානුෂඃ ॥ 19 ॥
යදෛවනගරීංලංකාංදුෂ්ප්රවේශාංසුරෛරපි ।
ප්රවිෂ්ටෝහනුමාන්වීර්යාත්තදෛවව්යථිතාවයම් ॥ 20 ॥
ක්රියතාමවිරෝධශ්චරාඝවේණේතියන්මයා ।
උච්යමානං න ගෘහ්ණාසිතස්යේයංව්යුෂ්ටිරාගතා ॥ 21 ॥
අකස්මාච්ඡාභිකාමෝऽසිසීතාංරාක්ෂසපුංගවඃ ।
ඓශ්වර්යස්යවිනාශායදේහස්යස්වජනස්ය ච ॥ 22 ॥
අරුංධත්යාවිශිෂ්ටාංතාංරෝහිණ්යාශ්චාපිදුර්මතේ ।
සීතාංධර්ෂයතාමාන්යාංත්වයාහ්යසදෘශංකෘතම් ॥ 23 ॥
වසුධායාහිවසුධාංශ්රියඃශ්රීංභර්තෘවත්සලාම් ।
සීතාංසර්වානවද්යාංගීමරණ්යේවිජනේශුභාම් ॥ 24 ॥
ආනයිත්වාතුතාංදීනාංඡද්මනාත්මස්වදූෂණ ।
අප්රාප්යතංචෛවකාමංමෛථිලීසංගමේකෘතම් ॥ 25 ॥
පතිව්රතායාස්තපසානූනංදග්ධෝऽසිමේප්රභෝ ।
තදෛවයන්නදග්ධගද්ධස්ත්වංධර්ෂයංස්තනුමමධ්යමාම් ।
දේවාභිභ්යතේතේසර්වේසේංද්රාඃසානාග්නීපුරෝගමාඃ ॥ 26 ॥
අවශ්යමේවලභතේඵලංපාපස්යකර්මණඃ ।
ඝෝරංපර්යාගතේකාලේකර්තානාස්ත්යත්රසංශයඃ ॥ 27 ॥
න කුලේන න රූපේණ න දාක්ෂිණ්යේනමෛථිලී ।
මයාධිකාවාතුල්යාවාතත්ත්වංමෝහාන්නබුධ්යසේ ॥ 28 ॥
සර්වදාසර්වභූතානාංනාස්තිමුත්යුරලක්ෂණඃ ।
තවතාවදයංමෘත්යුර්මෛථිලීකෘතලක්ෂණඃ ॥ 29 ॥
සීතානිමිත්තජෝමෘත්යුස්ත්වයාදූරාදුපාහෘතඃ ।
මෛථිලීසහරාමේණවිශෝකාවිහරිෂ්යති ॥ 30 ॥
අල්පපුණ්යාත්වහංඝෝරේපතිතාශෝකසාගරේ ।
කෛලාසේමංදරේමේරෞතථාචෛත්රරථේවනේ ॥ 31 ॥
දේවෝද්යානේෂුසර්වේෂුවිහෘත්යසහිතාත්වයා ।
විමානේනානුරූපේණයායාම්යතුලයාශ්රියා ॥ 32 ॥
පශ්යංතිවිවිධාංදේශාංස්තාංස්තාංශ්චිත්රස්රගංබරා ।
භ්රම්ශිතාකාමභෝගේභ්යඃසාස්මිවීරවධාත්තව ॥ 33 ॥
සෛවාන්යේවාස්මිසම්වෘත්තාධිග්රාජ්ඤාංචංචලාඃශ්රියඃ ।
හාරාජන් සුකුමාරංතේසුභ්රුසුත්වක්සමුන්නසම් ॥ 34 ॥
කාංතිශ්රීද්යුතිභිස්තුල්යමිංදුපද්මදිවාකරෛඃ ।
කිරීටකූටෝජ්ජ්වලිතංතාම්රාස්යංදීප්තකුංඩලම් ॥ 35 ॥
මදව්යාකුලලෝලාක්ෂංභූත්වායත්පානභූමිෂු ।
විවිධස්රග්ධරංචාරුවල්ගුස්මිතකථංශුභම් ॥ 36 ॥
තදේවාද්යතවෛවංහිවක්ත්රං න භ්රාජතේප්රභෝ ।
රාමසායකනිර්භින්නංරක්තංරුධිරවිස්රවෛඃ ॥ 37 ॥
වීශීර්ණමේදෝමස්තිෂ්කංරූක්ෂස්යංදනරේණුභිඃ ।
හාපශ්චිමාමේසංප්රාප්තාදශාවෛධව්යදායිනී ॥ 38 ॥
යාමයාසීන්නසුංබද්ධාකදාචිදපිමංදයා ।
පතාදානවරාජෝමේභර්තාමේරාක්ෂසේශ්වරඃ ॥ 39 ॥
පුත්රෝමේශක්රනිර්ජේතාඉත්යහංගර්විතාභෘශම් ।
දෘප්තාමර්දනාඃශූරාඃප්රඛ්යාතබලපෞරුෂාඃ ॥ 40 ॥
අකුතශ්චිද්භයානාථාමමේත්යාසීන්මතිර්දෘඪා ।
තේෂාමේවංප්රභාවාණාංයුෂ්මාකංරාක්ෂසර්ෂභාඃ ॥ 41 ॥
කථංභයමසංබුද්ධංමානුෂාදිදමාගතම් ।
ස්නිග්ධේංද්රනීලනීලංතුප්රාංශුශෛලෝපමංමහත් ॥ 42 ॥
කේයූරාංගදවෛඩූර්යමුක්තාහාරස්රගුජ්ජ්වලම් ।
කාංතංවිහාරේෂ්වධිකංදීප්තාංසංග්රාමභූමිෂු ॥ 43 ॥
භාත්යාභරණභාභිර්යද්විද්යුද්භිරිවතෝයදඃ ।
තදේවාද්යශරීරංතේතීක්ෂ්ණෛර්නෛකශරෛශ්චිතම් ॥ 44 ॥
පුනර්දුර්ලභසංපර්ශංපරිෂ්වක්තුං න ශක්යතේ ।
ශ්වාවිධඃශලකෛර්යද්වද්භාණෛර්ලග්නෛර්නිරංතරම් ॥ 45 ॥
ස්වර්පිතෛර්මර්මසුභෘශංසංඡින්නස්නායුබංධනම් ।
ක්ෂිතෞනිපතිතංරාජන් ශ්යාමංවෛරුධිරච්ඡවි ॥ 46 ॥
වජ්රප්රහාරාභිහතෝවිකීර්ණෛවපර්වතඃ ।
හාස්වප්නස්සත්යමේවේදංත්වංරාමේණකථංහතඃ ॥ 47 ॥
ත්වංමෘත්යෝරපිමෘත්යුස්ස්යාඃකථංමෘත්යුවශංගතඃ ත්රෛලෝක්යවසුභෝක්තාරංත්රෛලෝක්යෝද්වේගදංමහත් ॥ 48 ॥
ජේතාරංලෝකපාලානාංක්ෂේප්තාරාංශංකරස්ය ච ।
දෘප්තානාංනිග්රහීතාරමාවිෂ්කෘතපරාක්රමම් ॥ 49 ॥
ලෝකක්ෂෝභයිතාරං ච නාදෛර්භූතවිරාවිණම් ।
ඕජසාදෘප්තවාක්යානාංවක්තාරංරිපුසන්නිධෞ ॥ 50 ॥
ස්වයූථභෘත්යගෝප්තාරංහංතාරංභීමකර්මණාම් ।
හංතාරංදානවේංද්රාණාංයක්ෂාණාං ච සහස්රශඃ ॥ 51 ॥
නිවාතකවචානාං ච සංග්රහීතාරමාහවේ ।
නෛකයජ්ඤවිලෝප්තාරංත්රාතාරංස්වජනස්ය ච ॥ 52 ॥
ධර්මව්යවස්ථාභේත්තාරංමායාස්රෂ්ටාරමාහවේ ।
දේවාසුරනෘකන්යානාමාහර්තාරංතතස්තතඃ ॥ 53 ॥
ශත්රුස්ත්රීශෝකදාතාරං නේතාරං ස්වජනස්ය ච ।
ලංකාද්වීපස්යගෝප්තාරංකර්තාරංභීමකර්මණාම් ॥ 54 ॥
අස්මාකංකාමභෝගානාංදාතාරංරථිනාංවරම් ।
ඒවංප්රභාවංභර්තාරංදෘෂ්ටවාරාමේණපාතිතම් ॥ 55 ॥
ස්ථිරාස්මියාදේහමිමංධාරයාමිහතප්රියා ।
ශයනේෂුමහාර්හේෂුශයිත්වාරාක්ෂසේශ්වර ॥ 56 ॥
ඉහකර්මාත්ප්රසුප්තෝऽසිධරණ්යාංරේණුගුංඨිතඃ ।
යදාතේතනයශ්ශස්තෝලක්ෂ්මණේනේංද්රජිද්යුධි ॥ 57 ॥
තදාත්වභිහතාතීව්රමද්යත්වස්මිනිපාතිතා ।
සාහංබංධුජනෛර්හීනාහීනානාථේන ච ත්වයා ॥ 58 ॥
විහීනාකාමභෝගෛශ්චශෝචිෂ්යේශාශ්වතීස්සමාඃ ।
ප්රපන්නෝදීර්ඝමධ්වානංරාජන්නද්යසුදුර්ගමම් ॥ 59 ॥
නයමාමපිදුඃඛාර්තාං න වර්තිෂ්යේත්වයාවිනා ।
කස්මාත්ත්වංමාංවිහායේහකෘපණාංගංතුමිච්ඡසි ॥ 60 ॥
දීනාංවිලපතීංමංදාංකිංවාමාංනාභිභාෂසේ ।
දෘෂ්ටවා න ඛල්වභික්රුද්ධෝමාමිහානවකුංඨිතාම් ॥ 61 ॥
නිර්ගතාංනගරද්වාරාත්පද්භ්යාමේවාගතාංප්රභෝ ।
පශ්යේෂ්ටදාරදාරාංස්තේභ්රෂ්ටලජ්ජාවකුංඨිතාන් ॥ 62 ॥
බහිර්නිෂ්පතිතාන්සර්වාන්කථංදෘෂ්ටවා න කුප්යසි ।
අයංක්රීඩාසහායස්තේऽනාථේලාලප්යතේජනඃ ॥ 63 ॥
න චෛවමාශ්වාසයසිකිංවා න බහුමන්යසේ ।
යාඃස්ත්වයාවිධවාරාජන්කෘතානෛකාඃකුලස්ත්රියඃ ॥ 64 ॥
පතිව්රතාධර්මරතාගුරුශුශ්රූෂණේරතාඃ ।
තාභිශ්ශෝකාභිතප්තාභිශ්ශප්තඃපරවශංගතඃ ॥ 65 ॥
ත්වයාවිප්රකෘතාභිර්යත්තදාශප්තංතදාගතම් ।
ප්රවාදස්සත්යඒවායංත්වාංප්රතිප්රායශෝනෘප ॥ 66 ॥
ප්රතිව්රතානාංනාකස්මාත්සපත්නත්යශ්රූණිභූතලේ ।
කථං ච නාමතේරාජන් ලෝකානාක්රම්යතේජසා ॥ 67 ॥
නාරීචෞර්යමිදංක්ෂුද්රංකෘතංශෞංඩීර්යමානිනා ।
අපනීයාශ්රමාද්රාමංයන්මෘගච්ඡද්මනාත්වයා ॥ 68 ॥
ආනීතාරාමපනතීසාතත්තේකාතර්යලක්ෂණම් ।
කාතර්යං න ච තේයුද්ධේකදාචිත්සංස්මරාම්යහම් ॥ 69 ॥
තත්තුභාග්යවිපර්යාසාන්නූනංතේපක්වලක්ෂණම් ।
අතීතානාගතාර්ථජ්ඤෝවර්තමානවිචක්ෂණඃ ॥ 70 ॥
මෛථිලීමාහෘතාංදෘෂ්ටවාධ්යාත්වානිඃශ්වස්යචායතම් ।
සත්යවාක්යමහාබාහෝ දේවරෝමේයදබ්රවීත් ॥ 71 ॥
අයංරාක්ෂසමුඛ්යානාංවිනාශඃපර්යුපස්ථිතඃ ।
කාමක්රෝධසමුත්ථේනව්යසනේනප්රසංගිනා ॥ 72 ॥
නිර්වෘත්තස්ත්වත්කෘතේऽනර්ථඃසෝऽයංමූලහරෝමහාන් ।
ත්වයාකෘතමිදංසර්වමනාධංරාක්ෂසංකුලම් ॥ 73 ॥
හිත්වංශෝචිතව්යෝමේප්රඛ්යාතබලපෞරුෂඃ ।
ස්ත්රීස්වභාවාත්තුමේබුද්ධිඃකාරුණ්යේපරිවර්තතේ ॥ 74 ॥
සුකෘතංදුෂ්කෘතං ච ත්වංගෘහීත්වාස්වාංගතිංගතඃ ।
ආත්මානමනුශෝචාමිත්වද්විනාශේනදුඃඛිතාම් ॥ 75 ॥
සුහෘදාංහිතකාමානාං න ශ්රුතංවචනංත්වයා ।
භ්රාත්රූණාංචෛවකාර්ත්න්සනහිතමුක්තංදශානන ॥ 76 ॥
හේත්වර්ථයුක්තංවිධිවච්ඡ්රේයස්කරමදාරුණම් ।
විභීෂණේනාභිහිතං න කෘතංහේතුමත්ත්වයා ॥ 77 ॥
මාරීචකුංභකර්ණාභ්යාංවාක්යංමමපිතුස්තථා ।
න ශ්රුතංවීර්යමත්තේනතස්යේදංඵලමීදෘශම් ॥ 78 ॥
නීලජීමූතසංකාශ පීතාංබරශුභාංගද ।
ස්වගාත්රාණිවිනික්ෂිප්යකිංශේෂේරුධිරාප්ලුතඃ ॥ 79 ॥
ප්රසුප්තෛවශෝකාර්තාංකිංමාං න ප්රතිභාෂසේ ।
මහාවීර්යස්යදක්ෂස්යසම්යුගේෂ්වපලායිනඃ ॥ 80 ॥
යාතුධානස්යදෞහිත්රීංකිංමාං න ප්රතිභාෂසේ ।
උත්තිෂ්ඨෝත්තිෂ්ඨකිංශේෂේනවේපරිභවේකෘතේ ॥ 81 ॥
අද්යවෛනිර්භයාලංකාංප්රවිෂ්ටාංසූර්යරශ්මයඃ ।
යේනසූදයසේශත්රූන් සමරේසූර්යවර්චසා ॥ 82 ॥
වජ්රංවජ්රධරස්යේවසෝऽයංතේසතතාර්චිතඃ ।
රණේබහුප්රහරණෝහේමජාපරිෂ්කෘතඃ ॥ 83 ॥
පරිඝෝව්යවකීර්ණස්තේබාණෛශ්චින්නෛඃසහස්රධා ।
අප්රියාමිවෝපසංගෘහ්යකිංශේෂේරණමේදිනීම් ॥ 84 ॥
අප්රියාමිවකස්මාච්ඡමාංනේච්ඡස්යභිභාෂිතුම් ।
ධිගස්තුහෘදයංයස්යාමමේදං න සහස්රධා ॥ 85 ॥
ත්වයිපංචත්වමාපන්නේඵලතේශෝකපීඩිතම් ।
ඉත්යේවංවිලපංතිසාබාෂ්පපර්යාකුලේක්ෂණා ॥ 86 ॥
ස්නේහෝපස්කන්නහෘදයා තදා මෝහාමුපාගමත් ।
කශ්මලාභිහතාසන්නාබභෞසාරාවණෝරසි ॥ 87 ॥
ස්නධ්යානුරක්තේජලදේදීප්තාවිද්යුදිවෝජ්ජ්වලා ।
තථාගතංසමුත්ථාප්යසපත්නයස්තාංභෘශාතුරාඃ ॥ 88 ॥
පර්යවස්ථාපයාමාසූරුදංත්යෝරුදතීංභෘශම් ।
න තේසුවිදිතාදේවිලෝකානාංස්ථිතිරධ්රුවා ॥ 89 ॥
දශාවිභාගපර්යායේරාජ්ඤාංවෛචංචලාඃශ්රියඃ ।
ඉත්යේවමුච්යමානාසාසශබ්දංප්රරුරෝද හ ॥ 90 ॥
ස්නාපයංතීතදාස්රේණස්තනෞවක්රංසුනිර්මලම් ।
ඒතස්මින්නංතරේරාමෝවිභීෂණමුවාච හ ॥ 91 ॥
සංස්කාරඃක්රියතාංභ්රාතුඃස්ත්රීගණඃපරිසාංත්ව්යතාම් ।
තමුවාචතතෝධීමාන් විභීෂණෛදංවචඃ ॥ 92 ॥
විමෘශ්යබුද්ධ්යාධර්මජ්ඤෝධර්මාර්ථසහිතංහිතම් ।
ත්යක්තධර්මව්රතංශූරංනෘශංසමනෘතංතථා ॥ 93 ॥
නාහමර්හෝऽස්මිසංස්කර්තුංපරදාරාභිමර්ශිනම් ।
භ්රාතෘරූපඃහිමේශත්රුරේෂසර්වාහිතේරතඃ ॥ 94 ॥
රාවණෝනාර්හතේපූජාංපූජ්යෝऽපිගුරුගෞරවාත් ।
නෘශංසෛතිමාංරාම වක්ෂ්යංතිමනුජාභුවි ॥ 95 ॥
ශ්රුත්වාතස්යාගුණාන්සර්වේවක්ෂ්යංතිසුකෘතංපුනඃ ।
තච්ඡ්රුත්වාපරමප්රීතෝරාමෝධර්මභෘතාංවරඃ ॥ 96 ॥
විභීෂණමුවාචේදංවාක්යජ්ඤංවාක්යකෝවිදඃ ।
තවාපිමේප්රියංකාර්යංත්වත්ප්රභාවාන්මයාජිතම් ॥ 97 ॥
අවශ්යංතුක්ෂමංවාච්යෝමයාත්වාංරාක්ෂසේශ්වර ।
අධර්මානෘතසංයුක්තඃකාමංත්වේෂනිශාචරඃ ॥ 98 ॥
තේජස්වීබලවාන් ශූරඃසංග්රාමේෂු ච නිත්යශඃ ।
ශතක්රතුමුඛෛර්වීරෛඃශ්රූයතේ න පරාජිතඃ ॥ 99 ॥
මහාත්මාබලසංපන්නෝරාවණෝලෝකරාවණඃ ।
මරණානාංතිවෛරාණිනිර්වෘත්තංනඃප්රයෝජනම් ॥ 100 ॥
ක්රියතාමස්යසංස්කාරෝමමාප්යේෂයථාතව ।
ත්වත්සත්සකාශාද්ධශග්රීවස්සංස්කාරංවිධිපූර්වකම් ॥ 101 ॥
ක්ෂිප්රමර්හතිධර්මේණත්වංයශෝභාග්භවිෂ්යසි ।
රාඝවස්යවච්ශ්රුත්වාත්වරමාණෝවිභීෂණඃ ॥ 102 ॥
සංස්කාරයිතුමාරේභේභ්රාතරංරාවණංහතම් ।
සප්රවිශ්යපුරීංලංකාංරාක්ෂසේංද්රෝවිභීෂණඃ ॥ 103 ॥
රාවණස්යාඅග්නිහෝත්රංතුනිර්යාපයතිසත්වරම් ।
ශකටාන් දාරුරූපාණිඅග්නීනවෛයාජකාංස්තථා ॥ 104 ॥
තථාචංදනකාෂ්ඨානිකාෂ්ඨානිවිවිධානි ච ।
අගරූණිසුගධනීනිගංධාංශ්චසුරභීංස්තථා ॥ 105 ॥
මණිමුක්තාප්රවාළානිනිර්යාපයතිරාක්ෂසඃ ।
ආජගාමමුහූර්තේනරාක්ෂසෛඃපරිවාරිතඃ ॥ 106 ॥
තතෝමාල්යවතාසාර්ථංක්රියාමේවචකාරසඃ ।
සෞවර්ණීංශිබිකාංදිව්යාමාරෝප්යක්ෂෞමවාසනම් ॥ 107 ॥
රාවණංරාක්ෂසාධීශමශ්රුපූර්යමුඛාද්විජාඃ ।
තූර්යඝෝෂෛශ්චවිවිධෛස්ස්තුවද්භිශ්චාභිනංදිතම් ॥ 108 ॥
ප්තාකාභිශ්චචිත්රාභිස්සුමනෝභිශ්චචිත්රිතාම් ।
උත්ක්ෂිප්යශිබිකාංතාංතුවිභීෂණපුරෝගමාඃ ॥ 109 ॥
දක්ෂිණාභිමුඛාස්සර්වේගෘහ්යකාෂ්ඨානිභේජිරේ ।
අග්නයෝදීප්යමානාස්තේතදාධ්වර්යුසමීරිතාඃ ॥ 110 ॥
ශරණාභිගතාඃසර්වේපුරස්තාත්තස්යතේයයුඃ ।
අංතඃපුරාණිසර්වාණිරුදමානානිසත්වරම් ॥ 111 ॥
පෘෂ්ඨතෝऽනුයයුස්තානිප්ලවමානානිසර්වතඃ ।
රාවණංප්රයතේදේශේස්ථාප්යතේභෘශදුඃඛිතාඃ ॥ 112 ॥
චිතාංචංදනකාෂ්ඨෛශ්චපද්මකෝශීසංවෘතාම් ।
බ්රාහ්ම්යාසම්වර්තයාමාසූරාංකවාස්තරණාවෘතාම් ॥ 113 ॥
වර්තතේවේදවිහිතෝරාජ්ඤෝවෛපශ්චිමඃක්රතුඃ ।
ප්රචක්රුඃරාක්ෂසේංද්රස්යපිතෘමේධමනුක්රමම් ॥ 114 ॥
වේදිං ච දක්ෂිණප්රාච්යාංයථාස්ථානං ච පාවකම් ।
පෘෂදාජ්යේනසංපූර්ණංස්රුවංසර්වේප්රචික්ෂිපුඃ ॥ 115 ॥
පාදයෝශ්ශකටංප්රාදුරංතරූර්වෝරුලූඛලංතදා ।
දාරුපාත්රාණිසර්වාණිආරණිංචෝත්තාරාරණිම් ॥ 116 ॥
දත්ත්වාතුමුසලංචාන්යථාස්ථානංවිචක්ෂණාඃ ।
ශාස්ත්රාදෘෂ්ටේනවිධිනාමහර්ෂිවිහිතේන ච ॥ 117 ॥
තත්රමේධ්යංපශුංහත්වාරාක්ෂසේංද්රස්යරාක්ෂසාඃ ।
පරිස්තරණිකාංරාජ්ඤෝඝෘතාක්තාංසමවේශයන් ॥ 118 ॥
ගංධෛර්මාල්යෛරලංකෘත්යරාවණංදීනමානසාඃ ॥ 119 ॥
විභීෂණසහායාස්තේවස්ත්රෛශ්චවිවිධෛරපි ।
ලාජෛරශ්චාවකිරංතිස්මබාෂ්පපූර්ණමුඛාස්තදා ॥ 120 ॥
දදෞ ච පාවකංතස්යවිධියුක්තංවිභීෂණඃ ।
ස්නාත්වාචෛවාර්ද්රවස්ත්රේණතිලාංදූර්වාභිමිශ්රිතාන් ॥ 121 ॥
උදකේන ච සම්මිශ්රාන්ප්රදායවිධිපූර්වකම් ।
ප්රදායචෝදකංතස්මෛමූර්ධ්නාචෛනංනමස්ය ච ॥ 122 ॥
තාඃස්ත්රියෝऽනුනයාමාසසාංතමුක්ත්වාපුනඃපුනඃ ।
ගම්යතාමිතිතාස්සර්වාවිවිශුර්නගරීතදා ॥ 123 ॥
ප්රවිෂ්ටාසුසර්වාසුරාක්ෂසීෂුවිභීෂණඃ ।
රාමපාර්ශ්වමුපාගම්යතදාතිෂ්ඨද්විනීතවත් ॥ 124 ॥
රාමෝऽපිසහසෛන්යේනසසුග්රීවස්සලක්ෂ්මණඃ ।
හර්ෂංලේභේරිපුංහත්වායථාවෘත්රංශතක්රතුඃ ॥ 125 ॥
තතෝවිමුක්ත්වාසශරංශරාසනංමහේංද්රදත්තංකවචං ච තන්මහත් ।
විම්යුචරෝෂංරිපුනිග්රහාත්තතෝරාමඃසුසෞම්යත්වමුපාගතෝऽරිහා ॥ 126 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ චතුර්දශාධිකශතතමස්සර්ගඃ ॥
