শ্রীমদ্বাল্মীকীয রামাযণে যুদ্ধকাংডম্ ।
অথ চতুর্দশাধিকশততমস্সর্গঃ ।
তাসাংবিলপমানানাংতদারাক্ষসযোষিতাম্ ।
জ্যেষ্ঠাপত্নীপ্রিযাজীনাভর্তারংসমুদৈক্ষত ॥ 1 ॥
দশগ্রীবংহতংদৃষ্টবারামেণাচিংত্যকর্মণা ।
পতিংমংডোদরীতত্রকৃপণাপর্যদেবযত্ ॥ 2 ॥
ননুনামমহাবাহোতববৈশ্রবণানুজ ।
ক্রুদ্ধস্যপ্রমুখেস্থাতুংত্রস্যত্যপিপুরংদরঃ ॥ 3 ॥
ঋষযশ্চমহাংতোঽপিগংধর্বাশ্চযশস্বিনঃ ।
ননুনামতবোদ্বেগাচ্চারণাশ্চদিশোগতাঃ ॥ 4 ॥
স ত্বংমানুষমাত্রেণরামেণযুধিনির্জিতঃ ।
ন ব্যপত্রপসেরাজন্ কিমিদংরাক্ষসেশ্বর ॥ 5 ॥
কথংত্রৈলোক্যমাক্রম্যশ্রিযাবীর্যেণচান্বিতম্ ।
অবিষহ্যংজঘানত্বাংমানুষোবনগোচরঃ ॥ 6 ॥
মানুষাণামবিষযেচরতঃকামরূপিণঃ ।
বিনাশস্তবরামেণসম্যুগেনোপপদ্যতে ॥ 7 ॥
ন চৈতত্কর্মরামস্যশ্রদ্ধধামিচমূমুখে ।
সর্বতস্সমুপেতস্যতবতেনাভিমর্ষণম্ ॥ 8 ॥
যদৈব চ জনস্থানেরাক্ষসৈর্ভহুনির্ববৃতঃ ।
খরস্তবহতোভ্রাতাতদৈবাসৌ ন মানুষঃ ॥ 9 ॥
যদৈবনগরীংলংকাংদুষ্প্রবেশাংসুরৈরপি ।
প্রবিষ্টোহনুমান্বীর্যাত্তদৈবব্যথিতাবযম্ ॥ 10 ॥
যদৈববানরৈর্ঘোরৈর্বদ্ধস্সেতুর্মহার্ণবে ।
তদৈবহৃদযেনাহংশংকেরামমমানুষম্ ॥ 11 ॥
অথবারামরূপেণকৃতাংতস্স্বযমাগতঃ ।
মাযাংতববিনাশাযবিধাযাপ্রতিতর্কিতাম্ ॥ 12 ॥
অথবাবাসবেনত্বংধর্ষিতোঽপিমহাবল ।
বাসবস্যতুকাশক্তিস্ত্বাংদ্রষ্টুমপিসংযুগে ॥ 13 ॥
ব্যক্তমেষমহাযোগীপরমাত্মাসনাতনঃ ।
অনাদিমধ্যনিধনোমহতংপরমোমহান্ ॥ 14 ॥
তমসঃপরমোধাতাশংখচক্রগদাধরঃ ।
শ্রীবত্সবক্ষানিত্যশ্রীরজয্যশ্শাশ্বতোধ্রুবঃ ॥ 15 ॥
মানুষংরূপমাস্থাযবিষ্ণুস্সত্যপরাক্রমঃ ।
সর্বৈঃপরিবৃতোদেবৈর্বানরত্বমুপাগতৈঃ ॥ 16 ॥
সর্বলোকেশ্বর্শ্রীমান্লোকানাংহিতকাম্যযা ।
সরাক্ষসরপরীবারংহতবাংস্ত্বাংমহাদ্যুতিঃ ॥ 17 ॥
ইংদ্রিযাণিপুরাজিত্বাজিতংত্রিভুবনংত্বযা ।
স্মরদ্ভিরিবতদ্বৈরমিংদ্রিযৈরেবনির্জিতঃ ॥ 18 ॥
যদৈবহিজনস্থানেরাক্ষসৈর্ভহুভির্বৃতঃ ।
খরস্তুনিহতোভ্রাতাতদারামো ন মানুষঃ ॥ 19 ॥
যদৈবনগরীংলংকাংদুষ্প্রবেশাংসুরৈরপি ।
প্রবিষ্টোহনুমান্বীর্যাত্তদৈবব্যথিতাবযম্ ॥ 20 ॥
ক্রিযতামবিরোধশ্চরাঘবেণেতিযন্মযা ।
উচ্যমানং ন গৃহ্ণাসিতস্যেযংব্যুষ্টিরাগতা ॥ 21 ॥
অকস্মাচ্ছাভিকামোঽসিসীতাংরাক্ষসপুংগবঃ ।
ঐশ্বর্যস্যবিনাশাযদেহস্যস্বজনস্য চ ॥ 22 ॥
অরুংধত্যাবিশিষ্টাংতাংরোহিণ্যাশ্চাপিদুর্মতে ।
সীতাংধর্ষযতামান্যাংত্বযাহ্যসদৃশংকৃতম্ ॥ 23 ॥
বসুধাযাহিবসুধাংশ্রিযঃশ্রীংভর্তৃবত্সলাম্ ।
সীতাংসর্বানবদ্যাংগীমরণ্যেবিজনেশুভাম্ ॥ 24 ॥
আনযিত্বাতুতাংদীনাংছদ্মনাত্মস্বদূষণ ।
অপ্রাপ্যতংচৈবকামংমৈথিলীসংগমেকৃতম্ ॥ 25 ॥
পতিব্রতাযাস্তপসানূনংদগ্ধোঽসিমেপ্রভো ।
তদৈবযন্নদগ্ধগদ্ধস্ত্বংধর্ষযংস্তনুমমধ্যমাম্ ।
দেবাভিভ্যতেতেসর্বেসেংদ্রাঃসানাগ্নীপুরোগমাঃ ॥ 26 ॥
অবশ্যমেবলভতেফলংপাপস্যকর্মণঃ ।
ঘোরংপর্যাগতেকালেকর্তানাস্ত্যত্রসংশযঃ ॥ 27 ॥
ন কুলেন ন রূপেণ ন দাক্ষিণ্যেনমৈথিলী ।
মযাধিকাবাতুল্যাবাতত্ত্বংমোহান্নবুধ্যসে ॥ 28 ॥
সর্বদাসর্বভূতানাংনাস্তিমুত্যুরলক্ষণঃ ।
তবতাবদযংমৃত্যুর্মৈথিলীকৃতলক্ষণঃ ॥ 29 ॥
সীতানিমিত্তজোমৃত্যুস্ত্বযাদূরাদুপাহৃতঃ ।
মৈথিলীসহরামেণবিশোকাবিহরিষ্যতি ॥ 30 ॥
অল্পপুণ্যাত্বহংঘোরেপতিতাশোকসাগরে ।
কৈলাসেমংদরেমেরৌতথাচৈত্ররথেবনে ॥ 31 ॥
দেবোদ্যানেষুসর্বেষুবিহৃত্যসহিতাত্বযা ।
বিমানেনানুরূপেণযাযাম্যতুলযাশ্রিযা ॥ 32 ॥
পশ্যংতিবিবিধাংদেশাংস্তাংস্তাংশ্চিত্রস্রগংবরা ।
ভ্রম্শিতাকামভোগেভ্যঃসাস্মিবীরবধাত্তব ॥ 33 ॥
সৈবান্যেবাস্মিসম্বৃত্তাধিগ্রাজ্ঞাংচংচলাঃশ্রিযঃ ।
হারাজন্ সুকুমারংতেসুভ্রুসুত্বক্সমুন্নসম্ ॥ 34 ॥
কাংতিশ্রীদ্যুতিভিস্তুল্যমিংদুপদ্মদিবাকরৈঃ ।
কিরীটকূটোজ্জ্বলিতংতাম্রাস্যংদীপ্তকুংডলম্ ॥ 35 ॥
মদব্যাকুললোলাক্ষংভূত্বাযত্পানভূমিষু ।
বিবিধস্রগ্ধরংচারুবল্গুস্মিতকথংশুভম্ ॥ 36 ॥
তদেবাদ্যতবৈবংহিবক্ত্রং ন ভ্রাজতেপ্রভো ।
রামসাযকনির্ভিন্নংরক্তংরুধিরবিস্রবৈঃ ॥ 37 ॥
বীশীর্ণমেদোমস্তিষ্কংরূক্ষস্যংদনরেণুভিঃ ।
হাপশ্চিমামেসংপ্রাপ্তাদশাবৈধব্যদাযিনী ॥ 38 ॥
যামযাসীন্নসুংবদ্ধাকদাচিদপিমংদযা ।
পতাদানবরাজোমেভর্তামেরাক্ষসেশ্বরঃ ॥ 39 ॥
পুত্রোমেশক্রনির্জেতাইত্যহংগর্বিতাভৃশম্ ।
দৃপ্তামর্দনাঃশূরাঃপ্রখ্যাতবলপৌরুষাঃ ॥ 40 ॥
অকুতশ্চিদ্ভযানাথামমেত্যাসীন্মতির্দৃঢা ।
তেষামেবংপ্রভাবাণাংযুষ্মাকংরাক্ষসর্ষভাঃ ॥ 41 ॥
কথংভযমসংবুদ্ধংমানুষাদিদমাগতম্ ।
স্নিগ্ধেংদ্রনীলনীলংতুপ্রাংশুশৈলোপমংমহত্ ॥ 42 ॥
কেযূরাংগদবৈডূর্যমুক্তাহারস্রগুজ্জ্বলম্ ।
কাংতংবিহারেষ্বধিকংদীপ্তাংসংগ্রামভূমিষু ॥ 43 ॥
ভাত্যাভরণভাভির্যদ্বিদ্যুদ্ভিরিবতোযদঃ ।
তদেবাদ্যশরীরংতেতীক্ষ্ণৈর্নৈকশরৈশ্চিতম্ ॥ 44 ॥
পুনর্দুর্লভসংপর্শংপরিষ্বক্তুং ন শক্যতে ।
শ্বাবিধঃশলকৈর্যদ্বদ্ভাণৈর্লগ্নৈর্নিরংতরম্ ॥ 45 ॥
স্বর্পিতৈর্মর্মসুভৃশংসংছিন্নস্নাযুবংধনম্ ।
ক্ষিতৌনিপতিতংরাজন্ শ্যামংবৈরুধিরচ্ছবি ॥ 46 ॥
বজ্রপ্রহারাভিহতোবিকীর্ণৈবপর্বতঃ ।
হাস্বপ্নস্সত্যমেবেদংত্বংরামেণকথংহতঃ ॥ 47 ॥
ত্বংমৃত্যোরপিমৃত্যুস্স্যাঃকথংমৃত্যুবশংগতঃ ত্রৈলোক্যবসুভোক্তারংত্রৈলোক্যোদ্বেগদংমহত্ ॥ 48 ॥
জেতারংলোকপালানাংক্ষেপ্তারাংশংকরস্য চ ।
দৃপ্তানাংনিগ্রহীতারমাবিষ্কৃতপরাক্রমম্ ॥ 49 ॥
লোকক্ষোভযিতারং চ নাদৈর্ভূতবিরাবিণম্ ।
ওজসাদৃপ্তবাক্যানাংবক্তারংরিপুসন্নিধৌ ॥ 50 ॥
স্বযূথভৃত্যগোপ্তারংহংতারংভীমকর্মণাম্ ।
হংতারংদানবেংদ্রাণাংযক্ষাণাং চ সহস্রশঃ ॥ 51 ॥
নিবাতকবচানাং চ সংগ্রহীতারমাহবে ।
নৈকযজ্ঞবিলোপ্তারংত্রাতারংস্বজনস্য চ ॥ 52 ॥
ধর্মব্যবস্থাভেত্তারংমাযাস্রষ্টারমাহবে ।
দেবাসুরনৃকন্যানামাহর্তারংততস্ততঃ ॥ 53 ॥
শত্রুস্ত্রীশোকদাতারং নেতারং স্বজনস্য চ ।
লংকাদ্বীপস্যগোপ্তারংকর্তারংভীমকর্মণাম্ ॥ 54 ॥
অস্মাকংকামভোগানাংদাতারংরথিনাংবরম্ ।
এবংপ্রভাবংভর্তারংদৃষ্টবারামেণপাতিতম্ ॥ 55 ॥
স্থিরাস্মিযাদেহমিমংধারযামিহতপ্রিযা ।
শযনেষুমহার্হেষুশযিত্বারাক্ষসেশ্বর ॥ 56 ॥
ইহকর্মাত্প্রসুপ্তোঽসিধরণ্যাংরেণুগুংঠিতঃ ।
যদাতেতনযশ্শস্তোলক্ষ্মণেনেংদ্রজিদ্যুধি ॥ 57 ॥
তদাত্বভিহতাতীব্রমদ্যত্বস্মিনিপাতিতা ।
সাহংবংধুজনৈর্হীনাহীনানাথেন চ ত্বযা ॥ 58 ॥
বিহীনাকামভোগৈশ্চশোচিষ্যেশাশ্বতীস্সমাঃ ।
প্রপন্নোদীর্ঘমধ্বানংরাজন্নদ্যসুদুর্গমম্ ॥ 59 ॥
নযমামপিদুঃখার্তাং ন বর্তিষ্যেত্বযাবিনা ।
কস্মাত্ত্বংমাংবিহাযেহকৃপণাংগংতুমিচ্ছসি ॥ 60 ॥
দীনাংবিলপতীংমংদাংকিংবামাংনাভিভাষসে ।
দৃষ্টবা ন খল্বভিক্রুদ্ধোমামিহানবকুংঠিতাম্ ॥ 61 ॥
নির্গতাংনগরদ্বারাত্পদ্ভ্যামেবাগতাংপ্রভো ।
পশ্যেষ্টদারদারাংস্তেভ্রষ্টলজ্জাবকুংঠিতান্ ॥ 62 ॥
বহির্নিষ্পতিতান্সর্বান্কথংদৃষ্টবা ন কুপ্যসি ।
অযংক্রীডাসহাযস্তেঽনাথেলালপ্যতেজনঃ ॥ 63 ॥
ন চৈবমাশ্বাসযসিকিংবা ন বহুমন্যসে ।
যাঃস্ত্বযাবিধবারাজন্কৃতানৈকাঃকুলস্ত্রিযঃ ॥ 64 ॥
পতিব্রতাধর্মরতাগুরুশুশ্রূষণেরতাঃ ।
তাভিশ্শোকাভিতপ্তাভিশ্শপ্তঃপরবশংগতঃ ॥ 65 ॥
ত্বযাবিপ্রকৃতাভির্যত্তদাশপ্তংতদাগতম্ ।
প্রবাদস্সত্যএবাযংত্বাংপ্রতিপ্রাযশোনৃপ ॥ 66 ॥
প্রতিব্রতানাংনাকস্মাত্সপত্নত্যশ্রূণিভূতলে ।
কথং চ নামতেরাজন্ লোকানাক্রম্যতেজসা ॥ 67 ॥
নারীচৌর্যমিদংক্ষুদ্রংকৃতংশৌংডীর্যমানিনা ।
অপনীযাশ্রমাদ্রামংযন্মৃগচ্ছদ্মনাত্বযা ॥ 68 ॥
আনীতারামপনতীসাতত্তেকাতর্যলক্ষণম্ ।
কাতর্যং ন চ তেযুদ্ধেকদাচিত্সংস্মরাম্যহম্ ॥ 69 ॥
তত্তুভাগ্যবিপর্যাসান্নূনংতেপক্বলক্ষণম্ ।
অতীতানাগতার্থজ্ঞোবর্তমানবিচক্ষণঃ ॥ 70 ॥
মৈথিলীমাহৃতাংদৃষ্টবাধ্যাত্বানিঃশ্বস্যচাযতম্ ।
সত্যবাক্যমহাবাহো দেবরোমেযদব্রবীত্ ॥ 71 ॥
অযংরাক্ষসমুখ্যানাংবিনাশঃপর্যুপস্থিতঃ ।
কামক্রোধসমুত্থেনব্যসনেনপ্রসংগিনা ॥ 72 ॥
নির্বৃত্তস্ত্বত্কৃতেঽনর্থঃসোঽযংমূলহরোমহান্ ।
ত্বযাকৃতমিদংসর্বমনাধংরাক্ষসংকুলম্ ॥ 73 ॥
হিত্বংশোচিতব্যোমেপ্রখ্যাতবলপৌরুষঃ ।
স্ত্রীস্বভাবাত্তুমেবুদ্ধিঃকারুণ্যেপরিবর্ততে ॥ 74 ॥
সুকৃতংদুষ্কৃতং চ ত্বংগৃহীত্বাস্বাংগতিংগতঃ ।
আত্মানমনুশোচামিত্বদ্বিনাশেনদুঃখিতাম্ ॥ 75 ॥
সুহৃদাংহিতকামানাং ন শ্রুতংবচনংত্বযা ।
ভ্রাত্রূণাংচৈবকার্ত্ন্সনহিতমুক্তংদশানন ॥ 76 ॥
হেত্বর্থযুক্তংবিধিবচ্ছ্রেযস্করমদারুণম্ ।
বিভীষণেনাভিহিতং ন কৃতংহেতুমত্ত্বযা ॥ 77 ॥
মারীচকুংভকর্ণাভ্যাংবাক্যংমমপিতুস্তথা ।
ন শ্রুতংবীর্যমত্তেনতস্যেদংফলমীদৃশম্ ॥ 78 ॥
নীলজীমূতসংকাশ পীতাংবরশুভাংগদ ।
স্বগাত্রাণিবিনিক্ষিপ্যকিংশেষেরুধিরাপ্লুতঃ ॥ 79 ॥
প্রসুপ্তৈবশোকার্তাংকিংমাং ন প্রতিভাষসে ।
মহাবীর্যস্যদক্ষস্যসম্যুগেষ্বপলাযিনঃ ॥ 80 ॥
যাতুধানস্যদৌহিত্রীংকিংমাং ন প্রতিভাষসে ।
উত্তিষ্ঠোত্তিষ্ঠকিংশেষেনবেপরিভবেকৃতে ॥ 81 ॥
অদ্যবৈনির্ভযালংকাংপ্রবিষ্টাংসূর্যরশ্মযঃ ।
যেনসূদযসেশত্রূন্ সমরেসূর্যবর্চসা ॥ 82 ॥
বজ্রংবজ্রধরস্যেবসোঽযংতেসততার্চিতঃ ।
রণেবহুপ্রহরণোহেমজাপরিষ্কৃতঃ ॥ 83 ॥
পরিঘোব্যবকীর্ণস্তেবাণৈশ্চিন্নৈঃসহস্রধা ।
অপ্রিযামিবোপসংগৃহ্যকিংশেষেরণমেদিনীম্ ॥ 84 ॥
অপ্রিযামিবকস্মাচ্ছমাংনেচ্ছস্যভিভাষিতুম্ ।
ধিগস্তুহৃদযংযস্যামমেদং ন সহস্রধা ॥ 85 ॥
ত্বযিপংচত্বমাপন্নেফলতেশোকপীডিতম্ ।
ইত্যেবংবিলপংতিসাবাষ্পপর্যাকুলেক্ষণা ॥ 86 ॥
স্নেহোপস্কন্নহৃদযা তদা মোহামুপাগমত্ ।
কশ্মলাভিহতাসন্নাবভৌসারাবণোরসি ॥ 87 ॥
স্নধ্যানুরক্তেজলদেদীপ্তাবিদ্যুদিবোজ্জ্বলা ।
তথাগতংসমুত্থাপ্যসপত্নযস্তাংভৃশাতুরাঃ ॥ 88 ॥
পর্যবস্থাপযামাসূরুদংত্যোরুদতীংভৃশম্ ।
ন তেসুবিদিতাদেবিলোকানাংস্থিতিরধ্রুবা ॥ 89 ॥
দশাবিভাগপর্যাযেরাজ্ঞাংবৈচংচলাঃশ্রিযঃ ।
ইত্যেবমুচ্যমানাসাসশব্দংপ্ররুরোদ হ ॥ 90 ॥
স্নাপযংতীতদাস্রেণস্তনৌবক্রংসুনির্মলম্ ।
এতস্মিন্নংতরেরামোবিভীষণমুবাচ হ ॥ 91 ॥
সংস্কারঃক্রিযতাংভ্রাতুঃস্ত্রীগণঃপরিসাংত্ব্যতাম্ ।
তমুবাচততোধীমান্ বিভীষণৈদংবচঃ ॥ 92 ॥
বিমৃশ্যবুদ্ধ্যাধর্মজ্ঞোধর্মার্থসহিতংহিতম্ ।
ত্যক্তধর্মব্রতংশূরংনৃশংসমনৃতংতথা ॥ 93 ॥
নাহমর্হোঽস্মিসংস্কর্তুংপরদারাভিমর্শিনম্ ।
ভ্রাতৃরূপঃহিমেশত্রুরেষসর্বাহিতেরতঃ ॥ 94 ॥
রাবণোনার্হতেপূজাংপূজ্যোঽপিগুরুগৌরবাত্ ।
নৃশংসৈতিমাংরাম বক্ষ্যংতিমনুজাভুবি ॥ 95 ॥
শ্রুত্বাতস্যাগুণান্সর্বেবক্ষ্যংতিসুকৃতংপুনঃ ।
তচ্ছ্রুত্বাপরমপ্রীতোরামোধর্মভৃতাংবরঃ ॥ 96 ॥
বিভীষণমুবাচেদংবাক্যজ্ঞংবাক্যকোবিদঃ ।
তবাপিমেপ্রিযংকার্যংত্বত্প্রভাবান্মযাজিতম্ ॥ 97 ॥
অবশ্যংতুক্ষমংবাচ্যোমযাত্বাংরাক্ষসেশ্বর ।
অধর্মানৃতসংযুক্তঃকামংত্বেষনিশাচরঃ ॥ 98 ॥
তেজস্বীবলবান্ শূরঃসংগ্রামেষু চ নিত্যশঃ ।
শতক্রতুমুখৈর্বীরৈঃশ্রূযতে ন পরাজিতঃ ॥ 99 ॥
মহাত্মাবলসংপন্নোরাবণোলোকরাবণঃ ।
মরণানাংতিবৈরাণিনির্বৃত্তংনঃপ্রযোজনম্ ॥ 100 ॥
ক্রিযতামস্যসংস্কারোমমাপ্যেষযথাতব ।
ত্বত্সত্সকাশাদ্ধশগ্রীবস্সংস্কারংবিধিপূর্বকম্ ॥ 101 ॥
ক্ষিপ্রমর্হতিধর্মেণত্বংযশোভাগ্ভবিষ্যসি ।
রাঘবস্যবচ্শ্রুত্বাত্বরমাণোবিভীষণঃ ॥ 102 ॥
সংস্কারযিতুমারেভেভ্রাতরংরাবণংহতম্ ।
সপ্রবিশ্যপুরীংলংকাংরাক্ষসেংদ্রোবিভীষণঃ ॥ 103 ॥
রাবণস্যাঅগ্নিহোত্রংতুনির্যাপযতিসত্বরম্ ।
শকটান্ দারুরূপাণিঅগ্নীনবৈযাজকাংস্তথা ॥ 104 ॥
তথাচংদনকাষ্ঠানিকাষ্ঠানিবিবিধানি চ ।
অগরূণিসুগধনীনিগংধাংশ্চসুরভীংস্তথা ॥ 105 ॥
মণিমুক্তাপ্রবালানিনির্যাপযতিরাক্ষসঃ ।
আজগামমুহূর্তেনরাক্ষসৈঃপরিবারিতঃ ॥ 106 ॥
ততোমাল্যবতাসার্থংক্রিযামেবচকারসঃ ।
সৌবর্ণীংশিবিকাংদিব্যামারোপ্যক্ষৌমবাসনম্ ॥ 107 ॥
রাবণংরাক্ষসাধীশমশ্রুপূর্যমুখাদ্বিজাঃ ।
তূর্যঘোষৈশ্চবিবিধৈস্স্তুবদ্ভিশ্চাভিনংদিতম্ ॥ 108 ॥
প্তাকাভিশ্চচিত্রাভিস্সুমনোভিশ্চচিত্রিতাম্ ।
উত্ক্ষিপ্যশিবিকাংতাংতুবিভীষণপুরোগমাঃ ॥ 109 ॥
দক্ষিণাভিমুখাস্সর্বেগৃহ্যকাষ্ঠানিভেজিরে ।
অগ্নযোদীপ্যমানাস্তেতদাধ্বর্যুসমীরিতাঃ ॥ 110 ॥
শরণাভিগতাঃসর্বেপুরস্তাত্তস্যতেযযুঃ ।
অংতঃপুরাণিসর্বাণিরুদমানানিসত্বরম্ ॥ 111 ॥
পৃষ্ঠতোঽনুযযুস্তানিপ্লবমানানিসর্বতঃ ।
রাবণংপ্রযতেদেশেস্থাপ্যতেভৃশদুঃখিতাঃ ॥ 112 ॥
চিতাংচংদনকাষ্ঠৈশ্চপদ্মকোশীসংবৃতাম্ ।
ব্রাহ্ম্যাসম্বর্তযামাসূরাংকবাস্তরণাবৃতাম্ ॥ 113 ॥
বর্ততেবেদবিহিতোরাজ্ঞোবৈপশ্চিমঃক্রতুঃ ।
প্রচক্রুঃরাক্ষসেংদ্রস্যপিতৃমেধমনুক্রমম্ ॥ 114 ॥
বেদিং চ দক্ষিণপ্রাচ্যাংযথাস্থানং চ পাবকম্ ।
পৃষদাজ্যেনসংপূর্ণংস্রুবংসর্বেপ্রচিক্ষিপুঃ ॥ 115 ॥
পাদযোশ্শকটংপ্রাদুরংতরূর্বোরুলূখলংতদা ।
দারুপাত্রাণিসর্বাণিআরণিংচোত্তারারণিম্ ॥ 116 ॥
দত্ত্বাতুমুসলংচান্যথাস্থানংবিচক্ষণাঃ ।
শাস্ত্রাদৃষ্টেনবিধিনামহর্ষিবিহিতেন চ ॥ 117 ॥
তত্রমেধ্যংপশুংহত্বারাক্ষসেংদ্রস্যরাক্ষসাঃ ।
পরিস্তরণিকাংরাজ্ঞোঘৃতাক্তাংসমবেশযন্ ॥ 118 ॥
গংধৈর্মাল্যৈরলংকৃত্যরাবণংদীনমানসাঃ ॥ 119 ॥
বিভীষণসহাযাস্তেবস্ত্রৈশ্চবিবিধৈরপি ।
লাজৈরশ্চাবকিরংতিস্মবাষ্পপূর্ণমুখাস্তদা ॥ 120 ॥
দদৌ চ পাবকংতস্যবিধিযুক্তংবিভীষণঃ ।
স্নাত্বাচৈবার্দ্রবস্ত্রেণতিলাংদূর্বাভিমিশ্রিতান্ ॥ 121 ॥
উদকেন চ সম্মিশ্রান্প্রদাযবিধিপূর্বকম্ ।
প্রদাযচোদকংতস্মৈমূর্ধ্নাচৈনংনমস্য চ ॥ 122 ॥
তাঃস্ত্রিযোঽনুনযামাসসাংতমুক্ত্বাপুনঃপুনঃ ।
গম্যতামিতিতাস্সর্বাবিবিশুর্নগরীতদা ॥ 123 ॥
প্রবিষ্টাসুসর্বাসুরাক্ষসীষুবিভীষণঃ ।
রামপার্শ্বমুপাগম্যতদাতিষ্ঠদ্বিনীতবত্ ॥ 124 ॥
রামোঽপিসহসৈন্যেনসসুগ্রীবস্সলক্ষ্মণঃ ।
হর্ষংলেভেরিপুংহত্বাযথাবৃত্রংশতক্রতুঃ ॥ 125 ॥
ততোবিমুক্ত্বাসশরংশরাসনংমহেংদ্রদত্তংকবচং চ তন্মহত্ ।
বিম্যুচরোষংরিপুনিগ্রহাত্ততোরামঃসুসৌম্যত্বমুপাগতোঽরিহা ॥ 126 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে চতুর্দশাধিকশততমস্সর্গঃ ॥
