শ্রীমদ্বাল্মীকীয় রামাযণে যুদ্ধকাংডম্ ।
অথ অষ্টাবিংশত্যধিকশততমস্সর্গঃ ।
অয়োধ্য়াংতুসমালোক্যচিংতয়ামাসরাঘবঃ ।
প্রিযকামঃপ্রিয়ংরামস্ততস্ত্বরিতবিক্রমঃ ॥ 1 ॥
চিংতয়িত্বাততোদৃষ্টিংবানরেষুন্যপাতযত্ ।
উবাচধীমাংস্তেজস্বীহনূমংতংপ্লবংগমম্ ॥ 2 ॥
অয়োধ্য়াংত্বরিতোগত্বাশীঘ্রংপ্লবগসত্তম ।
জানীহিকছচিত্কুশলীজনোনৃপতিমংদিরে ॥ 3 ॥
শৃংগবেরিপুরংপ্রাপ্যগুহংগহনগোচরম্ ।
নিষাদাধিপতিংব্রূহিকুশলংবচনান্মম ॥ 4 ॥
শ্রুত্বাতুমাংকুশলিনমরোগংবিগতজ্বরম্ ।
ভবিষ্যতিগুহঃপ্রীতস্সমমাত্মসমস্সখা ॥ 5 ॥
অয়োধ্য়ায়াশ্চতেমার্গংপ্রবৃত্তিংভরতস্য় চ ।
নিবেদয়িষ্যতিপ্রীতোনিষাদাধিপতির্গুহঃ ॥ 6 ॥
ভরতস্তুত্বয়াবাচ্য়ঃকুশলংবচনান্মম ।
সিদ্ধার্থংশংসমাংতস্মৈসভার্য়ংসহলক্ষ্মণম্ ॥ 7 ॥
হরণংচাপিবৈদেহ্য়ারাবণেনবলীযসা ।
সুগ্রীবেণ চ সম্বাদংবালিনশ্চবধংরণে ॥ 8 ॥
মৈথিল্যন্বেষণংচৈবযথাচাধিগতাত্বয়া ।
লংঘয়িত্বামহাতোযমাপগাপতিমব্যযম্ ॥ 9 ॥
উপয়ানংসমুদ্রস্যসাগরস্য় চ দর্শনম্ ।
যথা চ কারিতস্সেতূরাবণশ্চযথাহতঃ ॥ 10 ॥
বরদানংমহেংদ্রেণব্রহ্মণাবরুণেন চ ।
মহাদেবপ্রসাদাচ্ছপিত্রামমসমাগমম্ ॥ 11 ॥
উপয়াতং চ মাংসৌম্য় ভরতাযনিবেদয় ।
সহরাক্ষসরাজেনহরীণামীশ্বরেণ চ ॥ 12 ॥
জিত্বাশত্রুগণান্রামঃপ্রাপ্যচানুত্তমংযশঃ ।
উপায়ানংসমৃদ্ধার্থস্সহমিত্রৈর্মহাবলৈঃ ॥ 13 ॥
এতচ্ছ্রুত্বাযমাকারংভজতেভরতস্ততঃ ।
স চ তেবেদিতব্য়ঃস্য়াত্সর্বংযচ্ছাপিমাংপ্রতি ॥ 14 ॥
জ্ঞেয়াঃসর্বে চ বৃত্তাংতাঃভরতস্য়েংগিতানি চ ।
তত্ত্বেনমুখবর্ণেনদৃষ্ট্য়াব্য়াভাষিতেন চ ॥ 15 ॥
সর্বকালসমৃদ্ধংহিহস্ত্যশ্বরথসংকুলম্ ।
পিতৃপৈতামহংরাজ্য়ংকস্যনাবর্তয়েন্মনঃ ॥ 16 ॥
সংগত্য়াভরত্শ্রীমান্ রাজ্য়েনার্থীস্বয়ংভবেত্ ।
প্রশাস্তুবসুধাংসর্বামখিলাংরঘুনংদনঃ ॥ 17 ॥
তস্যবুদ্ধিং চ বিজ্ঞাযব্যবসায়ং চ বানর ।
যাবন্নদূরংয়াতাঃস্মক্ষিপ্রমাগংতুমর্হসি ॥ 18 ॥
ইতিপ্রতিসমাদিষ্টোহনূমান্মারুতাত্মজঃ ।
মানুষঃধারযনৃপময়োধ্য়াংত্বরিতোযয়ৌ ॥ 19 ॥
অতোত্পপাতবেগেনহনূমান্মারুতাত্মজঃ ।
গরুত্মানিববেগেনজিঘৃক্ষন্পন্নগোত্তমম্ ॥ 20 ॥
লংঘয়িত্বাপিতৃপথংবিহগেংদ্রালয়ংশুভম্ ।
গংগাযমুনয়োর্ভীমংসমতীত্যসমাগমম্ ॥ 21 ॥
শৃংগবেরপুরংপ্রাপ্যগুহমাসাদ্যবীর্যবান্ ।
স বাচাশুভয়াহৃষ্টোহনুমানিদমব্রবীত্ ॥ 22 ॥
সখাতুতবকাকুত্স্থোরামস্সত্যপরাক্রমঃ ।
সসীতস্সহসৌমিত্রিস্সত্বাংকুশলমব্রবীত্ ॥ 23 ॥
পংচমীমদ্যরজনীমুষিত্বাবচনান্মুনেঃ ।
ভরদ্বাজাভ্যনুজ্ঞাতংদ্রক্ষ্যস্যদ্য়ৈবরাঘবম্ ॥ 24 ॥
এবমুক্ত্বামহাতেজাস্সংপ্রহৃষ্টতনূরুহঃ ।
উত্পপাতমহাবেগাদ্বেগবান্বিচারযন্ ॥ 25 ॥
সোঽপশ্যদ্রামতীর্থং চ নদীংবালুকিনীংতথা ।
বরূথীংগোমতীংচৈবভীমংশালবনংতথা ॥ 26 ॥
প্রজাশ্চবহুসাহস্রীঃস্ফীতান্জনপদানপি ।
সঃগত্বাদূরমধ্বানংত্বরিতঃকপিকুংজরঃ ॥ 27 ॥
আসসাদদ্রুমান্ ফুল্লান্নংদিগ্রামসমীপগান্ ।
স্ত্রীভিস্সপুত্রৈর্বৃদ্ধৈশ্চরমমাণৈঃস্বলংকৃতৈঃ ।
সুরাধিপস্য়োপবনেযথাচৈত্ররথেদ্রুমান্ ॥ 28 ॥
ক্রোশমাত্রেত্বয়োধ্য়ায়াচশীরকৃষ্ণাজিনংবরম্ ॥ 29 ॥
দদর্শভরতংদীনংকৃশমাশ্রমবাসিনম্ ।
জটিলংমলদিগ্ধাংগংভ্রাতৃব্যসনকর্শিতম্ ॥ 30 ॥
ফলমূলাশিনংদাংতংতাপসংধর্মচারিণম্ ।
সমুন্নতজটাভারংবল্কলাজিনবাসসম্ ॥ 31 ॥
নিযতংভাবিতাত্মানংব্রহ্মর্ষিসমতেজসম্ ।
পাদুকেতেপুরস্কৃত্যপ্রশাসংতংবসুংধরাম্ ॥ 32 ॥
চাতুর্বর্ণস্যলোকস্যত্রাতারংমহতোভয়াত্ ।
উপস্থিতমমাত্য়ৈশ্চশুচিভিশ্চপুরোহিতৈঃ ॥ 33 ॥
বলমুখ্য়ৈশ্চয়ুক্তৈশ্চকাষায়াংবরদারিভিঃ ।
নহিতেরাজপুত্রংতংচীরকৃষ্ণাজিনাংবরম্ ॥ 34 ॥
পরিভোক্তুংব্যবস্য়ংতিপৌরাবৈধর্মবত্সলাঃ ।
তম্ধর্মমিবধর্মজ্ঞংদেহবংতমিবাপরম্ ॥ 35 ॥
উবাচপ্রাংজলির্বাক্য়ংহনূমান্মারুতাত্মজঃ ।
বসংতংদংডকারণ্য়েয়ংত্বংচীরজটাধরম্ ॥ 36 ॥
অনুশোচসিকাকুত্স্থং স ত্বাংকৌশলমব্রবীত্ ।
প্রিযমাখ্য়ামিতেদেবশোকংত্যজসুদারুণম্ ॥ 37 ॥
অস্মিন্মুহূর্তেভ্রাত্রাত্বংরামেণসহসংগতঃ ।
নিহত্যরাবণংরামঃপ্রতিলভ্য় চ মৈথিলীম্ ॥ 38 ॥
উপয়াতিসমৃদ্ধার্থঃসহমিত্রৈর্মহাবলৈঃ ।
লক্ষ্মণশ্চমহাতেজাবৈদেহী চ যশস্বিনী ॥ 39 ॥
সীতাসমগ্রারামেণমহেংদ্রেণশচীযথা ।
এবমুক্তোহনুমতাভরতঃকৈকয়ীসুতঃ ॥ 40 ॥
পপাতসহসাহৃষ্টোহর্ষান্মোহমুপাগমত্ ।
ততোমুহূর্তাদুত্থাযপ্রত্য়াশ্বস্য় চ রাঘবঃ ॥ 41 ॥
হনূমংতমুবাচেদংভরতঃপ্রিযবাদিনম্ ।
অশোকজৈঃপ্রীতিময়ৈঃকপিমালিংগ্যসংভ্রমাত্ ॥ 42 ॥
সিষেচভরতঃশ্রীমান্বিপুলৈরশ্রুবিংধুভিঃ ।
দেবোবামানুষোবাত্বমনুক্রোশাদিহাগতঃ ॥ 43 ॥
প্রিয়াখ্য়ানস্যতেসৌম্যদদামিব্রুবতঃপ্রিযম্ ।
গবাংশতসহস্রং চ গ্রামাণাং চ শতংপরম্ ॥ 44 ॥
সকুংডলাশ্শুভাচারাভার্য়াঃকন্য়াস্তুষোডশ ।
হেমবর্ণাস্সুনাসোরূশ্শশিসৌম্য়াননাঃস্ত্রিয়ঃ ॥ 45 ॥
সর্বাভরণসংপন্নাস্সংপন্নাঃকুলজাতিভিঃ ।
নিশম্যরামাগমনংনৃপাত্মজঃকপিপ্রবীরস্যতদাদ্ভুতোপমম্ ।
প্রহর্ষিতোরামদিদৃক্ষ্য়াঽভবত্পুনশ্চহর্ষাদিদমব্রবীদ্বচঃ ॥ 46 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে অষ্টাবিংশত্যধিকশততমস্সর্গঃ ॥
