𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌾𑌵𑌿𑌂𑌶𑌤𑍍𑌯𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌅𑌯𑍋𑌧𑍍𑌯𑌾𑌂𑌤𑍁𑌸𑌮𑌾𑌲𑍋𑌕𑍍𑌯𑌚𑌿𑌂𑌤𑌯𑌾𑌮𑌾𑌸𑌰𑌾𑌘𑌵𑌃 ।
𑌪𑍍𑌰𑌿𑌯𑌕𑌾𑌮𑌃𑌪𑍍𑌰𑌿𑌯𑌂𑌰𑌾𑌮𑌸𑍍𑌤𑌤𑌸𑍍𑌤𑍍𑌵𑌰𑌿𑌤𑌵𑌿𑌕𑍍𑌰𑌮𑌃 ॥ 1 ॥
𑌚𑌿𑌂𑌤𑌯𑌿𑌤𑍍𑌵𑌾𑌤𑌤𑍋𑌦𑍃𑌷𑍍𑌟𑌿𑌂𑌵𑌾𑌨𑌰𑍇𑌷𑍁𑌨𑍍𑌯𑌪𑌾𑌤𑌯𑌤𑍍 ।
𑌉𑌵𑌾𑌚𑌧𑍀𑌮𑌾𑌂𑌸𑍍𑌤𑍇𑌜𑌸𑍍𑌵𑍀𑌹𑌨𑍂𑌮𑌂𑌤𑌂𑌪𑍍𑌲𑌵𑌂𑌗𑌮𑌮𑍍 ॥ 2 ॥
𑌅𑌯𑍋𑌧𑍍𑌯𑌾𑌂𑌤𑍍𑌵𑌰𑌿𑌤𑍋𑌗𑌤𑍍𑌵𑌾𑌶𑍀𑌘𑍍𑌰𑌂𑌪𑍍𑌲𑌵𑌗𑌸𑌤𑍍𑌤𑌮 ।
𑌜𑌾𑌨𑍀𑌹𑌿𑌕𑌛𑌚𑌿𑌤𑍍𑌕𑍁𑌶𑌲𑍀𑌜𑌨𑍋𑌨𑍃𑌪𑌤𑌿𑌮𑌂𑌦𑌿𑌰𑍇 ॥ 3 ॥
𑌶𑍃𑌂𑌗𑌬𑍇𑌰𑌿𑌪𑍁𑌰𑌂𑌪𑍍𑌰𑌾𑌪𑍍𑌯𑌗𑍁𑌹𑌂𑌗𑌹𑌨𑌗𑍋𑌚𑌰𑌮𑍍 ।
𑌨𑌿𑌷𑌾𑌦𑌾𑌧𑌿𑌪𑌤𑌿𑌂𑌬𑍍𑌰𑍂𑌹𑌿𑌕𑍁𑌶𑌲𑌂𑌵𑌚𑌨𑌾𑌨𑍍𑌮𑌮 ॥ 4 ॥
𑌶𑍍𑌰𑍁𑌤𑍍𑌵𑌾𑌤𑍁𑌮𑌾𑌂𑌕𑍁𑌶𑌲𑌿𑌨𑌮𑌰𑍋𑌗𑌂𑌵𑌿𑌗𑌤𑌜𑍍𑌵𑌰𑌮𑍍 ।
𑌭𑌵𑌿𑌷𑍍𑌯𑌤𑌿𑌗𑍁𑌹𑌃𑌪𑍍𑌰𑍀𑌤𑌸𑍍𑌸𑌮𑌮𑌾𑌤𑍍𑌮𑌸𑌮𑌸𑍍𑌸𑌖𑌾 ॥ 5 ॥
𑌅𑌯𑍋𑌧𑍍𑌯𑌾𑌯𑌾𑌶𑍍𑌚𑌤𑍇𑌮𑌾𑌰𑍍𑌗𑌂𑌪𑍍𑌰𑌵𑍃𑌤𑍍𑌤𑌿𑌂𑌭𑌰𑌤𑌸𑍍𑌯 𑌚 ।
𑌨𑌿𑌵𑍇𑌦𑌯𑌿𑌷𑍍𑌯𑌤𑌿𑌪𑍍𑌰𑍀𑌤𑍋𑌨𑌿𑌷𑌾𑌦𑌾𑌧𑌿𑌪𑌤𑌿𑌰𑍍𑌗𑍁𑌹𑌃 ॥ 6 ॥
𑌭𑌰𑌤𑌸𑍍𑌤𑍁𑌤𑍍𑌵𑌯𑌾𑌵𑌾𑌚𑍍𑌯𑌃𑌕𑍁𑌶𑌲𑌂𑌵𑌚𑌨𑌾𑌨𑍍𑌮𑌮 ।
𑌸𑌿𑌦𑍍𑌧𑌾𑌰𑍍𑌥𑌂𑌶𑌂𑌸𑌮𑌾𑌂𑌤𑌸𑍍𑌮𑍈𑌸𑌭𑌾𑌰𑍍𑌯𑌂𑌸𑌹𑌲𑌕𑍍𑌷𑍍𑌮𑌣𑌮𑍍 ॥ ॥
𑌹𑌰𑌣𑌂𑌚𑌾𑌪𑌿𑌵𑍈𑌦𑍇𑌹𑍍𑌯𑌾𑌰𑌾𑌵𑌣𑍇𑌨𑌬𑌲𑍀𑌯𑌸𑌾 ।
𑌸𑍁𑌗𑍍𑌰𑍀𑌵𑍇𑌣 𑌚 𑌸𑌮𑍍𑌵𑌾𑌦𑌂𑌵𑌾𑌲𑌿𑌨𑌶𑍍𑌚𑌵𑌧𑌂𑌰𑌣𑍇 ॥ ॥
𑌮𑍈𑌥𑌿𑌲𑍍𑌯𑌨𑍍𑌵𑍇𑌷𑌣𑌂𑌚𑍈𑌵𑌯𑌥𑌾𑌚𑌾𑌧𑌿𑌗𑌤𑌾𑌤𑍍𑌵𑌯𑌾 ।
𑌲𑌂𑌘𑌯𑌿𑌤𑍍𑌵𑌾𑌮𑌹𑌾𑌤𑍋𑌯𑌮𑌾𑌪𑌗𑌾𑌪𑌤𑌿𑌮𑌵𑍍𑌯𑌯𑌮𑍍 ॥ ॥
𑌉𑌪𑌯𑌾𑌨𑌂𑌸𑌮𑍁𑌦𑍍𑌰𑌸𑍍𑌯𑌸𑌾𑌗𑌰𑌸𑍍𑌯 𑌚 𑌦𑌰𑍍𑌶𑌨𑌮𑍍 ।
𑌯𑌥𑌾 𑌚 𑌕𑌾𑌰𑌿𑌤𑌸𑍍𑌸𑍇𑌤𑍂𑌰𑌾𑌵𑌣𑌶𑍍𑌚𑌯𑌥𑌾𑌹𑌤𑌃 ॥ 10 ॥
𑌵𑌰𑌦𑌾𑌨𑌂𑌮𑌹𑍇𑌂𑌦𑍍𑌰𑍇𑌣𑌬𑍍𑌰𑌹𑍍𑌮𑌣𑌾𑌵𑌰𑍁𑌣𑍇𑌨 𑌚 ।
𑌮𑌹𑌾𑌦𑍇𑌵𑌪𑍍𑌰𑌸𑌾𑌦𑌾𑌚𑍍𑌛𑌪𑌿𑌤𑍍𑌰𑌾𑌮𑌮𑌸𑌮𑌾𑌗𑌮𑌮𑍍 ॥ 11 ॥
𑌉𑌪𑌯𑌾𑌤𑌂 𑌚 𑌮𑌾𑌂𑌸𑍌𑌮𑍍𑌯 𑌭𑌰𑌤𑌾𑌯𑌨𑌿𑌵𑍇𑌦𑌯 ।
𑌸𑌹𑌰𑌾𑌕𑍍𑌷𑌸𑌰𑌾𑌜𑍇𑌨𑌹𑌰𑍀𑌣𑌾𑌮𑍀𑌶𑍍𑌵𑌰𑍇𑌣 𑌚 ॥ 12 ॥
𑌜𑌿𑌤𑍍𑌵𑌾𑌶𑌤𑍍𑌰𑍁𑌗𑌣𑌾𑌨𑍍𑌰𑌾𑌮𑌃𑌪𑍍𑌰𑌾𑌪𑍍𑌯𑌚𑌾𑌨𑍁𑌤𑍍𑌤𑌮𑌂𑌯𑌶𑌃 ।
𑌉𑌪𑌾𑌯𑌾𑌨𑌂𑌸𑌮𑍃𑌦𑍍𑌧𑌾𑌰𑍍𑌥𑌸𑍍𑌸𑌹𑌮𑌿𑌤𑍍𑌰𑍈𑌰𑍍𑌮𑌹𑌾𑌬𑌲𑍈𑌃 ॥ 13 ॥
𑌏𑌤𑌚𑍍𑌛𑍍𑌰𑍁𑌤𑍍𑌵𑌾𑌯𑌮𑌾𑌕𑌾𑌰𑌂𑌭𑌜𑌤𑍇𑌭𑌰𑌤𑌸𑍍𑌤𑌤𑌃 ।
𑌸 𑌚 𑌤𑍇𑌵𑍇𑌦𑌿𑌤𑌵𑍍𑌯𑌃𑌸𑍍𑌯𑌾𑌤𑍍𑌸𑌰𑍍𑌵𑌂𑌯𑌚𑍍𑌛𑌾𑌪𑌿𑌮𑌾𑌂𑌪𑍍𑌰𑌤𑌿 ॥ 14 ॥
𑌜𑍍𑌞𑍇𑌯𑌾𑌃𑌸𑌰𑍍𑌵𑍇 𑌚 𑌵𑍃𑌤𑍍𑌤𑌾𑌂𑌤𑌾𑌃𑌭𑌰𑌤𑌸𑍍𑌯𑍇𑌂𑌗𑌿𑌤𑌾𑌨𑌿 𑌚 ।
𑌤𑌤𑍍𑌤𑍍𑌵𑍇𑌨𑌮𑍁𑌖𑌵𑌰𑍍𑌣𑍇𑌨𑌦𑍃𑌷𑍍𑌟𑍍𑌯𑌾𑌵𑍍𑌯𑌾𑌭𑌾𑌷𑌿𑌤𑍇𑌨 𑌚 ॥ 15 ॥
𑌸𑌰𑍍𑌵𑌕𑌾𑌲𑌸𑌮𑍃𑌦𑍍𑌧𑌂𑌹𑌿𑌹𑌸𑍍𑌤𑍍𑌯𑌶𑍍𑌵𑌰𑌥𑌸𑌂𑌕𑍁𑌲𑌮𑍍 ।
𑌪𑌿𑌤𑍃𑌪𑍈𑌤𑌾𑌮𑌹𑌂𑌰𑌾𑌜𑍍𑌯𑌂𑌕𑌸𑍍𑌯𑌨𑌾𑌵𑌰𑍍𑌤𑌯𑍇𑌨𑍍𑌮𑌨𑌃 ॥ 16 ॥
𑌸𑌂𑌗𑌤𑍍𑌯𑌾𑌭𑌰𑌤𑍍𑌶𑍍𑌰𑍀𑌮𑌾𑌨𑍍 𑌰𑌾𑌜𑍍𑌯𑍇𑌨𑌾𑌰𑍍𑌥𑍀𑌸𑍍𑌵𑌯𑌂𑌭𑌵𑍇𑌤𑍍 ।
𑌪𑍍𑌰𑌶𑌾𑌸𑍍𑌤𑍁𑌵𑌸𑍁𑌧𑌾𑌂𑌸𑌰𑍍𑌵𑌾𑌮𑌖𑌿𑌲𑌾𑌂𑌰𑌘𑍁𑌨𑌂𑌦𑌨𑌃 ॥ 1 ॥
𑌤𑌸𑍍𑌯𑌬𑍁𑌦𑍍𑌧𑌿𑌂 𑌚 𑌵𑌿𑌜𑍍𑌞𑌾𑌯𑌵𑍍𑌯𑌵𑌸𑌾𑌯𑌂 𑌚 𑌵𑌾𑌨𑌰 ।
𑌯𑌾𑌵𑌨𑍍𑌨𑌦𑍂𑌰𑌂𑌯𑌾𑌤𑌾𑌃𑌸𑍍𑌮𑌕𑍍𑌷𑌿𑌪𑍍𑌰𑌮𑌾𑌗𑌂𑌤𑍁𑌮𑌰𑍍𑌹𑌸𑌿 ॥ 1 ॥
𑌇𑌤𑌿𑌪𑍍𑌰𑌤𑌿𑌸𑌮𑌾𑌦𑌿𑌷𑍍𑌟𑍋𑌹𑌨𑍂𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌮𑌾𑌨𑍁𑌷𑌃𑌧𑌾𑌰𑌯𑌨𑍃𑌪𑌮𑌯𑍋𑌧𑍍𑌯𑌾𑌂𑌤𑍍𑌵𑌰𑌿𑌤𑍋𑌯𑌯𑍌 ॥ 1 ॥
𑌅𑌤𑍋𑌤𑍍𑌪𑌪𑌾𑌤𑌵𑍇𑌗𑍇𑌨𑌹𑌨𑍂𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌗𑌰𑍁𑌤𑍍𑌮𑌾𑌨𑌿𑌵𑌵𑍇𑌗𑍇𑌨𑌜𑌿𑌘𑍃𑌕𑍍𑌷𑌨𑍍𑌪𑌨𑍍𑌨𑌗𑍋𑌤𑍍𑌤𑌮𑌮𑍍 ॥ 20 ॥
𑌲𑌂𑌘𑌯𑌿𑌤𑍍𑌵𑌾𑌪𑌿𑌤𑍃𑌪𑌥𑌂𑌵𑌿𑌹𑌗𑍇𑌂𑌦𑍍𑌰𑌾𑌲𑌯𑌂𑌶𑍁𑌭𑌮𑍍 ।
𑌗𑌂𑌗𑌾𑌯𑌮𑍁𑌨𑌯𑍋𑌰𑍍𑌭𑍀𑌮𑌂𑌸𑌮𑌤𑍀𑌤𑍍𑌯𑌸𑌮𑌾𑌗𑌮𑌮𑍍 ॥ 21 ॥
𑌶𑍃𑌂𑌗𑌬𑍇𑌰𑌪𑍁𑌰𑌂𑌪𑍍𑌰𑌾𑌪𑍍𑌯𑌗𑍁𑌹𑌮𑌾𑌸𑌾𑌦𑍍𑌯𑌵𑍀𑌰𑍍𑌯𑌵𑌾𑌨𑍍 ।
𑌸 𑌵𑌾𑌚𑌾𑌶𑍁𑌭𑌯𑌾𑌹𑍃𑌷𑍍𑌟𑍋𑌹𑌨𑍁𑌮𑌾𑌨𑌿𑌦𑌮𑌬𑍍𑌰𑌵𑍀𑌤𑍍 ॥ 22 ॥
𑌸𑌖𑌾𑌤𑍁𑌤𑌵𑌕𑌾𑌕𑍁𑌤𑍍𑌸𑍍𑌥𑍋𑌰𑌾𑌮𑌸𑍍𑌸𑌤𑍍𑌯𑌪𑌰𑌾𑌕𑍍𑌰𑌮𑌃 ।
𑌸𑌸𑍀𑌤𑌸𑍍𑌸𑌹𑌸𑍌𑌮𑌿𑌤𑍍𑌰𑌿𑌸𑍍𑌸𑌤𑍍𑌵𑌾𑌂𑌕𑍁𑌶𑌲𑌮𑌬𑍍𑌰𑌵𑍀𑌤𑍍 ॥ 23 ॥
𑌪𑌂𑌚𑌮𑍀𑌮𑌦𑍍𑌯𑌰𑌜𑌨𑍀𑌮𑍁𑌷𑌿𑌤𑍍𑌵𑌾𑌵𑌚𑌨𑌾𑌨𑍍𑌮𑍁𑌨𑍇𑌃 ।
𑌭𑌰𑌦𑍍𑌵𑌾𑌜𑌾𑌭𑍍𑌯𑌨𑍁𑌜𑍍𑌞𑌾𑌤𑌂𑌦𑍍𑌰𑌕𑍍𑌷𑍍𑌯𑌸𑍍𑌯𑌦𑍍𑌯𑍈𑌵𑌰𑌾𑌘𑌵𑌮𑍍 ॥ 24 ॥
𑌏𑌵𑌮𑍁𑌕𑍍𑌤𑍍𑌵𑌾𑌮𑌹𑌾𑌤𑍇𑌜𑌾𑌸𑍍𑌸𑌂𑌪𑍍𑌰𑌹𑍃𑌷𑍍𑌟𑌤𑌨𑍂𑌰𑍁𑌹𑌃 ।
𑌉𑌤𑍍𑌪𑌪𑌾𑌤𑌮𑌹𑌾𑌵𑍇𑌗𑌾𑌦𑍍𑌵𑍇𑌗𑌵𑌾𑌨𑍍𑌵𑌿𑌚𑌾𑌰𑌯𑌨𑍍 ॥ 25 ॥
𑌸𑍋𑌽𑌪𑌶𑍍𑌯𑌦𑍍𑌰𑌾𑌮𑌤𑍀𑌰𑍍𑌥𑌂 𑌚 𑌨𑌦𑍀𑌂𑌵𑌾𑌲𑍁𑌕𑌿𑌨𑍀𑌂𑌤𑌥𑌾 ।
𑌵𑌰𑍂𑌥𑍀𑌂𑌗𑍋𑌮𑌤𑍀𑌂𑌚𑍈𑌵𑌭𑍀𑌮𑌂𑌶𑌾𑌲𑌵𑌨𑌂𑌤𑌥𑌾 ॥ 26 ॥
𑌪𑍍𑌰𑌜𑌾𑌶𑍍𑌚𑌬𑌹𑍁𑌸𑌾𑌹𑌸𑍍𑌰𑍀𑌃𑌸𑍍𑌫𑍀𑌤𑌾𑌨𑍍𑌜𑌨𑌪𑌦𑌾𑌨𑌪𑌿 ।
𑌸𑌃𑌗𑌤𑍍𑌵𑌾𑌦𑍂𑌰𑌮𑌧𑍍𑌵𑌾𑌨𑌂𑌤𑍍𑌵𑌰𑌿𑌤𑌃𑌕𑌪𑌿𑌕𑍁𑌂𑌜𑌰𑌃 ॥ 2 ॥
𑌆𑌸𑌸𑌾𑌦𑌦𑍍𑌰𑍁𑌮𑌾𑌨𑍍 𑌫𑍁𑌲𑍍𑌲𑌾𑌨𑍍𑌨𑌂𑌦𑌿𑌗𑍍𑌰𑌾𑌮𑌸𑌮𑍀𑌪𑌗𑌾𑌨𑍍 ।
𑌸𑍍𑌤𑍍𑌰𑍀𑌭𑌿𑌸𑍍𑌸𑌪𑍁𑌤𑍍𑌰𑍈𑌰𑍍𑌵𑍃𑌦𑍍𑌧𑍈𑌶𑍍𑌚𑌰𑌮𑌮𑌾𑌣𑍈𑌃𑌸𑍍𑌵𑌲𑌂𑌕𑍃𑌤𑍈𑌃 ।
𑌸𑍁𑌰𑌾𑌧𑌿𑌪𑌸𑍍𑌯𑍋𑌪𑌵𑌨𑍇𑌯𑌥𑌾𑌚𑍈𑌤𑍍𑌰𑌰𑌥𑍇𑌦𑍍𑌰𑍁𑌮𑌾𑌨𑍍 ॥ 2 ॥
𑌕𑍍𑌰𑍋𑌶𑌮𑌾𑌤𑍍𑌰𑍇𑌤𑍍𑌵𑌯𑍋𑌧𑍍𑌯𑌾𑌯𑌾𑌚𑌶𑍀𑌰𑌕𑍃𑌷𑍍𑌣𑌾𑌜𑌿𑌨𑌂𑌬𑌰𑌮𑍍 ॥ 2 ॥
𑌦𑌦𑌰𑍍𑌶𑌭𑌰𑌤𑌂𑌦𑍀𑌨𑌂𑌕𑍃𑌶𑌮𑌾𑌶𑍍𑌰𑌮𑌵𑌾𑌸𑌿𑌨𑌮𑍍 ।
𑌜𑌟𑌿𑌲𑌂𑌮𑌲𑌦𑌿𑌗𑍍𑌧𑌾𑌂𑌗𑌂𑌭𑍍𑌰𑌾𑌤𑍃𑌵𑍍𑌯𑌸𑌨𑌕𑌰𑍍𑌶𑌿𑌤𑌮𑍍 ॥ 30 ॥
𑌫𑌲𑌮𑍂𑌲𑌾𑌶𑌿𑌨𑌂𑌦𑌾𑌂𑌤𑌂𑌤𑌾𑌪𑌸𑌂𑌧𑌰𑍍𑌮𑌚𑌾𑌰𑌿𑌣𑌮𑍍 ।
𑌸𑌮𑍁𑌨𑍍𑌨𑌤𑌜𑌟𑌾𑌭𑌾𑌰𑌂𑌵𑌲𑍍𑌕𑌲𑌾𑌜𑌿𑌨𑌵𑌾𑌸𑌸𑌮𑍍 ॥ 31 ॥
𑌨𑌿𑌯𑌤𑌂𑌭𑌾𑌵𑌿𑌤𑌾𑌤𑍍𑌮𑌾𑌨𑌂𑌬𑍍𑌰𑌹𑍍𑌮𑌰𑍍𑌷𑌿𑌸𑌮𑌤𑍇𑌜𑌸𑌮𑍍 ।
𑌪𑌾𑌦𑍁𑌕𑍇𑌤𑍇𑌪𑍁𑌰𑌸𑍍𑌕𑍃𑌤𑍍𑌯𑌪𑍍𑌰𑌶𑌾𑌸𑌂𑌤𑌂𑌵𑌸𑍁𑌂𑌧𑌰𑌾𑌮𑍍 ॥ 32 ॥
𑌚𑌾𑌤𑍁𑌰𑍍𑌵𑌰𑍍𑌣𑌸𑍍𑌯𑌲𑍋𑌕𑌸𑍍𑌯𑌤𑍍𑌰𑌾𑌤𑌾𑌰𑌂𑌮𑌹𑌤𑍋𑌭𑌯𑌾𑌤𑍍 ।
𑌉𑌪𑌸𑍍𑌥𑌿𑌤𑌮𑌮𑌾𑌤𑍍𑌯𑍈𑌶𑍍𑌚𑌶𑍁𑌚𑌿𑌭𑌿𑌶𑍍𑌚𑌪𑍁𑌰𑍋𑌹𑌿𑌤𑍈𑌃 ॥ 33 ॥
𑌬𑌲𑌮𑍁𑌖𑍍𑌯𑍈𑌶𑍍𑌚𑌯𑍁𑌕𑍍𑌤𑍈𑌶𑍍𑌚𑌕𑌾𑌷𑌾𑌯𑌾𑌂𑌬𑌰𑌦𑌾𑌰𑌿𑌭𑌿𑌃 ।
𑌨𑌹𑌿𑌤𑍇𑌰𑌾𑌜𑌪𑍁𑌤𑍍𑌰𑌂𑌤𑌂𑌚𑍀𑌰𑌕𑍃𑌷𑍍𑌣𑌾𑌜𑌿𑌨𑌾𑌂𑌬𑌰𑌮𑍍 ॥ 34 ॥
𑌪𑌰𑌿𑌭𑍋𑌕𑍍𑌤𑍁𑌂𑌵𑍍𑌯𑌵𑌸𑍍𑌯𑌂𑌤𑌿𑌪𑍌𑌰𑌾𑌵𑍈𑌧𑌰𑍍𑌮𑌵𑌤𑍍𑌸𑌲𑌾𑌃 ।
𑌤𑌮𑍍𑌧𑌰𑍍𑌮𑌮𑌿𑌵𑌧𑌰𑍍𑌮𑌜𑍍𑌞𑌂𑌦𑍇𑌹𑌵𑌂𑌤𑌮𑌿𑌵𑌾𑌪𑌰𑌮𑍍 ॥ 35 ॥
𑌉𑌵𑌾𑌚𑌪𑍍𑌰𑌾𑌂𑌜𑌲𑌿𑌰𑍍𑌵𑌾𑌕𑍍𑌯𑌂𑌹𑌨𑍂𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌵𑌸𑌂𑌤𑌂𑌦𑌂𑌡𑌕𑌾𑌰𑌣𑍍𑌯𑍇𑌯𑌂𑌤𑍍𑌵𑌂𑌚𑍀𑌰𑌜𑌟𑌾𑌧𑌰𑌮𑍍 ॥ 36 ॥
𑌅𑌨𑍁𑌶𑍋𑌚𑌸𑌿𑌕𑌾𑌕𑍁𑌤𑍍𑌸𑍍𑌥𑌂 𑌸 𑌤𑍍𑌵𑌾𑌂𑌕𑍌𑌶𑌲𑌮𑌬𑍍𑌰𑌵𑍀𑌤𑍍 ।
𑌪𑍍𑌰𑌿𑌯𑌮𑌾𑌖𑍍𑌯𑌾𑌮𑌿𑌤𑍇𑌦𑍇𑌵𑌶𑍋𑌕𑌂𑌤𑍍𑌯𑌜𑌸𑍁𑌦𑌾𑌰𑍁𑌣𑌮𑍍 ॥ 3 ॥
𑌅𑌸𑍍𑌮𑌿𑌨𑍍𑌮𑍁𑌹𑍂𑌰𑍍𑌤𑍇𑌭𑍍𑌰𑌾𑌤𑍍𑌰𑌾𑌤𑍍𑌵𑌂𑌰𑌾𑌮𑍇𑌣𑌸𑌹𑌸𑌂𑌗𑌤𑌃 ।
𑌨𑌿𑌹𑌤𑍍𑌯𑌰𑌾𑌵𑌣𑌂𑌰𑌾𑌮𑌃𑌪𑍍𑌰𑌤𑌿𑌲𑌭𑍍𑌯 𑌚 𑌮𑍈𑌥𑌿𑌲𑍀𑌮𑍍 ॥ 3 ॥
𑌉𑌪𑌯𑌾𑌤𑌿𑌸𑌮𑍃𑌦𑍍𑌧𑌾𑌰𑍍𑌥𑌃𑌸𑌹𑌮𑌿𑌤𑍍𑌰𑍈𑌰𑍍𑌮𑌹𑌾𑌬𑌲𑍈𑌃 ।
𑌲𑌕𑍍𑌷𑍍𑌮𑌣𑌶𑍍𑌚𑌮𑌹𑌾𑌤𑍇𑌜𑌾𑌵𑍈𑌦𑍇𑌹𑍀 𑌚 𑌯𑌶𑌸𑍍𑌵𑌿𑌨𑍀 ॥ 3 ॥
𑌸𑍀𑌤𑌾𑌸𑌮𑌗𑍍𑌰𑌾𑌰𑌾𑌮𑍇𑌣𑌮𑌹𑍇𑌂𑌦𑍍𑌰𑍇𑌣𑌶𑌚𑍀𑌯𑌥𑌾 ।
𑌏𑌵𑌮𑍁𑌕𑍍𑌤𑍋𑌹𑌨𑍁𑌮𑌤𑌾𑌭𑌰𑌤𑌃𑌕𑍈𑌕𑌯𑍀𑌸𑍁𑌤𑌃 ॥ 40 ॥
𑌪𑌪𑌾𑌤𑌸𑌹𑌸𑌾𑌹𑍃𑌷𑍍𑌟𑍋𑌹𑌰𑍍𑌷𑌾𑌨𑍍𑌮𑍋𑌹𑌮𑍁𑌪𑌾𑌗𑌮𑌤𑍍 ।
𑌤𑌤𑍋𑌮𑍁𑌹𑍂𑌰𑍍𑌤𑌾𑌦𑍁𑌤𑍍𑌥𑌾𑌯𑌪𑍍𑌰𑌤𑍍𑌯𑌾𑌶𑍍𑌵𑌸𑍍𑌯 𑌚 𑌰𑌾𑌘𑌵𑌃 ॥ 41 ॥
𑌹𑌨𑍂𑌮𑌂𑌤𑌮𑍁𑌵𑌾𑌚𑍇𑌦𑌂𑌭𑌰𑌤𑌃𑌪𑍍𑌰𑌿𑌯𑌵𑌾𑌦𑌿𑌨𑌮𑍍 ।
𑌅𑌶𑍋𑌕𑌜𑍈𑌃𑌪𑍍𑌰𑍀𑌤𑌿𑌮𑌯𑍈𑌃𑌕𑌪𑌿𑌮𑌾𑌲𑌿𑌂𑌗𑍍𑌯𑌸𑌂𑌭𑍍𑌰𑌮𑌾𑌤𑍍 ॥ 42 ॥
𑌸𑌿𑌷𑍇𑌚𑌭𑌰𑌤𑌃𑌶𑍍𑌰𑍀𑌮𑌾𑌨𑍍𑌵𑌿𑌪𑍁𑌲𑍈𑌰𑌶𑍍𑌰𑍁𑌬𑌿𑌂𑌧𑍁𑌭𑌿𑌃 ।
𑌦𑍇𑌵𑍋𑌵𑌾𑌮𑌾𑌨𑍁𑌷𑍋𑌵𑌾𑌤𑍍𑌵𑌮𑌨𑍁𑌕𑍍𑌰𑍋𑌶𑌾𑌦𑌿𑌹𑌾𑌗𑌤𑌃 ॥ 43 ॥
𑌪𑍍𑌰𑌿𑌯𑌾𑌖𑍍𑌯𑌾𑌨𑌸𑍍𑌯𑌤𑍇𑌸𑍌𑌮𑍍𑌯𑌦𑌦𑌾𑌮𑌿𑌬𑍍𑌰𑍁𑌵𑌤𑌃𑌪𑍍𑌰𑌿𑌯𑌮𑍍 ।
𑌗𑌵𑌾𑌂𑌶𑌤𑌸𑌹𑌸𑍍𑌰𑌂 𑌚 𑌗𑍍𑌰𑌾𑌮𑌾𑌣𑌾𑌂 𑌚 𑌶𑌤𑌂𑌪𑌰𑌮𑍍 ॥ 44 ॥
𑌸𑌕𑍁𑌂𑌡𑌲𑌾𑌶𑍍𑌶𑍁𑌭𑌾𑌚𑌾𑌰𑌾𑌭𑌾𑌰𑍍𑌯𑌾𑌃𑌕𑌨𑍍𑌯𑌾𑌸𑍍𑌤𑍁𑌷𑍋𑌡𑌶 ।
𑌹𑍇𑌮𑌵𑌰𑍍𑌣𑌾𑌸𑍍𑌸𑍁𑌨𑌾𑌸𑍋𑌰𑍂𑌶𑍍𑌶𑌶𑌿𑌸𑍌𑌮𑍍𑌯𑌾𑌨𑌨𑌾𑌃𑌸𑍍𑌤𑍍𑌰𑌿𑌯𑌃 ॥ 45 ॥
𑌸𑌰𑍍𑌵𑌾𑌭𑌰𑌣𑌸𑌂𑌪𑌨𑍍𑌨𑌾𑌸𑍍𑌸𑌂𑌪𑌨𑍍𑌨𑌾𑌃𑌕𑍁𑌲𑌜𑌾𑌤𑌿𑌭𑌿𑌃 ।
𑌨𑌿𑌶𑌮𑍍𑌯𑌰𑌾𑌮𑌾𑌗𑌮𑌨𑌂𑌨𑍃𑌪𑌾𑌤𑍍𑌮𑌜𑌃𑌕𑌪𑌿𑌪𑍍𑌰𑌵𑍀𑌰𑌸𑍍𑌯𑌤𑌦𑌾𑌦𑍍𑌭𑍁𑌤𑍋𑌪𑌮𑌮𑍍 ।
𑌪𑍍𑌰𑌹𑌰𑍍𑌷𑌿𑌤𑍋𑌰𑌾𑌮𑌦𑌿𑌦𑍃𑌕𑍍𑌷𑍍𑌯𑌾𑌽𑌭𑌵𑌤𑍍𑌪𑍁𑌨𑌶𑍍𑌚𑌹𑌰𑍍𑌷𑌾𑌦𑌿𑌦𑌮𑌬𑍍𑌰𑌵𑍀𑌦𑍍𑌵𑌚𑌃 ॥ 46 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌅𑌷𑍍𑌟𑌾𑌵𑌿𑌂𑌶𑌤𑍍𑌯𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
