ශ්රීමද්වාල්මීකීය රාමායණේ යුද්ධකාංඩම් ।
අථ අෂ්ටාවිංශත්යධිකශතතමස්සර්ගඃ ।
අයෝධ්යාංතුසමාලෝක්යචිංතයාමාසරාඝවඃ ।
ප්රියකාමඃප්රියංරාමස්තතස්ත්වරිතවික්රමඃ ॥ 1 ॥
චිංතයිත්වාතතෝදෘෂ්ටිංවානරේෂුන්යපාතයත් ।
උවාචධීමාංස්තේජස්වීහනූමංතංප්ලවංගමම් ॥ 2 ॥
අයෝධ්යාංත්වරිතෝගත්වාශීඝ්රංප්ලවගසත්තම ।
ජානීහිකඡචිත්කුශලීජනෝනෘපතිමංදිරේ ॥ 3 ॥
ශෘංගබේරිපුරංප්රාප්යගුහංගහනගෝචරම් ।
නිෂාදාධිපතිංබ්රූහිකුශලංවචනාන්මම ॥ 4 ॥
ශ්රුත්වාතුමාංකුශලිනමරෝගංවිගතජ්වරම් ।
භවිෂ්යතිගුහඃප්රීතස්සමමාත්මසමස්සඛා ॥ 5 ॥
අයෝධ්යායාශ්චතේමාර්ගංප්රවෘත්තිංභරතස්ය ච ।
නිවේදයිෂ්යතිප්රීතෝනිෂාදාධිපතිර්ගුහඃ ॥ 6 ॥
භරතස්තුත්වයාවාච්යඃකුශලංවචනාන්මම ।
සිද්ධාර්ථංශංසමාංතස්මෛසභාර්යංසහලක්ෂ්මණම් ॥ 7 ॥
හරණංචාපිවෛදේහ්යාරාවණේනබලීයසා ।
සුග්රීවේණ ච සම්වාදංවාලිනශ්චවධංරණේ ॥ 8 ॥
මෛථිල්යන්වේෂණංචෛවයථාචාධිගතාත්වයා ।
ලංඝයිත්වාමහාතෝයමාපගාපතිමව්යයම් ॥ 9 ॥
උපයානංසමුද්රස්යසාගරස්ය ච දර්ශනම් ।
යථා ච කාරිතස්සේතූරාවණශ්චයථාහතඃ ॥ 10 ॥
වරදානංමහේංද්රේණබ්රහ්මණාවරුණේන ච ।
මහාදේවප්රසාදාච්ඡපිත්රාමමසමාගමම් ॥ 11 ॥
උපයාතං ච මාංසෞම්ය භරතායනිවේදය ।
සහරාක්ෂසරාජේනහරීණාමීශ්වරේණ ච ॥ 12 ॥
ජිත්වාශත්රුගණාන්රාමඃප්රාප්යචානුත්තමංයශඃ ।
උපායානංසමෘද්ධාර්ථස්සහමිත්රෛර්මහාබලෛඃ ॥ 13 ॥
ඒතච්ඡ්රුත්වායමාකාරංභජතේභරතස්තතඃ ।
ස ච තේවේදිතව්යඃස්යාත්සර්වංයච්ඡාපිමාංප්රති ॥ 14 ॥
ජ්ඤේයාඃසර්වේ ච වෘත්තාංතාඃභරතස්යේංගිතානි ච ।
තත්ත්වේනමුඛවර්ණේනදෘෂ්ට්යාව්යාභාෂිතේන ච ॥ 15 ॥
සර්වකාලසමෘද්ධංහිහස්ත්යශ්වරථසංකුලම් ।
පිතෘපෛතාමහංරාජ්යංකස්යනාවර්තයේන්මනඃ ॥ 16 ॥
සංගත්යාභරත්ශ්රීමාන් රාජ්යේනාර්ථීස්වයංභවේත් ।
ප්රශාස්තුවසුධාංසර්වාමඛිලාංරඝුනංදනඃ ॥ 17 ॥
තස්යබුද්ධිං ච විජ්ඤායව්යවසායං ච වානර ।
යාවන්නදූරංයාතාඃස්මක්ෂිප්රමාගංතුමර්හසි ॥ 18 ॥
ඉතිප්රතිසමාදිෂ්ටෝහනූමාන්මාරුතාත්මජඃ ।
මානුෂඃධාරයනෘපමයෝධ්යාංත්වරිතෝයයෞ ॥ 19 ॥
අතෝත්පපාතවේගේනහනූමාන්මාරුතාත්මජඃ ।
ගරුත්මානිවවේගේනජිඝෘක්ෂන්පන්නගෝත්තමම් ॥ 20 ॥
ලංඝයිත්වාපිතෘපථංවිහගේංද්රාලයංශුභම් ।
ගංගායමුනයෝර්භීමංසමතීත්යසමාගමම් ॥ 21 ॥
ශෘංගබේරපුරංප්රාප්යගුහමාසාද්යවීර්යවාන් ।
ස වාචාශුභයාහෘෂ්ටෝහනුමානිදමබ්රවීත් ॥ 22 ॥
සඛාතුතවකාකුත්ස්ථෝරාමස්සත්යපරාක්රමඃ ।
සසීතස්සහසෞමිත්රිස්සත්වාංකුශලමබ්රවීත් ॥ 23 ॥
පංචමීමද්යරජනීමුෂිත්වාවචනාන්මුනේඃ ।
භරද්වාජාභ්යනුජ්ඤාතංද්රක්ෂ්යස්යද්යෛවරාඝවම් ॥ 24 ॥
ඒවමුක්ත්වාමහාතේජාස්සංප්රහෘෂ්ටතනූරුහඃ ।
උත්පපාතමහාවේගාද්වේගවාන්විචාරයන් ॥ 25 ॥
සෝऽපශ්යද්රාමතීර්ථං ච නදීංවාලුකිනීංතථා ।
වරූථීංගෝමතීංචෛවභීමංශාලවනංතථා ॥ 26 ॥
ප්රජාශ්චබහුසාහස්රීඃස්ඵීතාන්ජනපදානපි ।
සඃගත්වාදූරමධ්වානංත්වරිතඃකපිකුංජරඃ ॥ 27 ॥
ආසසාදද්රුමාන් ඵුල්ලාන්නංදිග්රාමසමීපගාන් ।
ස්ත්රීභිස්සපුත්රෛර්වෘද්ධෛශ්චරමමාණෛඃස්වලංකෘතෛඃ ।
සුරාධිපස්යෝපවනේයථාචෛත්රරථේද්රුමාන් ॥ 28 ॥
ක්රෝශමාත්රේත්වයෝධ්යායාචශීරකෘෂ්ණාජිනංබරම් ॥ 29 ॥
දදර්ශභරතංදීනංකෘශමාශ්රමවාසිනම් ।
ජටිලංමලදිග්ධාංගංභ්රාතෘව්යසනකර්ශිතම් ॥ 30 ॥
ඵලමූලාශිනංදාංතංතාපසංධර්මචාරිණම් ।
සමුන්නතජටාභාරංවල්කලාජිනවාසසම් ॥ 31 ॥
නියතංභාවිතාත්මානංබ්රහ්මර්ෂිසමතේජසම් ।
පාදුකේතේපුරස්කෘත්යප්රශාසංතංවසුංධරාම් ॥ 32 ॥
චාතුර්වර්ණස්යලෝකස්යත්රාතාරංමහතෝභයාත් ।
උපස්ථිතමමාත්යෛශ්චශුචිභිශ්චපුරෝහිතෛඃ ॥ 33 ॥
බලමුඛ්යෛශ්චයුක්තෛශ්චකාෂායාංබරදාරිභිඃ ।
නහිතේරාජපුත්රංතංචීරකෘෂ්ණාජිනාංබරම් ॥ 34 ॥
පරිභෝක්තුංව්යවස්යංතිපෞරාවෛධර්මවත්සලාඃ ।
තම්ධර්මමිවධර්මජ්ඤංදේහවංතමිවාපරම් ॥ 35 ॥
උවාචප්රාංජලිර්වාක්යංහනූමාන්මාරුතාත්මජඃ ।
වසංතංදංඩකාරණ්යේයංත්වංචීරජටාධරම් ॥ 36 ॥
අනුශෝචසිකාකුත්ස්ථං ස ත්වාංකෞශලමබ්රවීත් ।
ප්රියමාඛ්යාමිතේදේවශෝකංත්යජසුදාරුණම් ॥ 37 ॥
අස්මින්මුහූර්තේභ්රාත්රාත්වංරාමේණසහසංගතඃ ।
නිහත්යරාවණංරාමඃප්රතිලභ්ය ච මෛථිලීම් ॥ 38 ॥
උපයාතිසමෘද්ධාර්ථඃසහමිත්රෛර්මහාබලෛඃ ।
ලක්ෂ්මණශ්චමහාතේජාවෛදේහී ච යශස්විනී ॥ 39 ॥
සීතාසමග්රාරාමේණමහේංද්රේණශචීයථා ।
ඒවමුක්තෝහනුමතාභරතඃකෛකයීසුතඃ ॥ 40 ॥
පපාතසහසාහෘෂ්ටෝහර්ෂාන්මෝහමුපාගමත් ।
තතෝමුහූර්තාදුත්ථායප්රත්යාශ්වස්ය ච රාඝවඃ ॥ 41 ॥
හනූමංතමුවාචේදංභරතඃප්රියවාදිනම් ।
අශෝකජෛඃප්රීතිමයෛඃකපිමාලිංග්යසංභ්රමාත් ॥ 42 ॥
සිෂේචභරතඃශ්රීමාන්විපුලෛරශ්රුබිංධුභිඃ ।
දේවෝවාමානුෂෝවාත්වමනුක්රෝශාදිහාගතඃ ॥ 43 ॥
ප්රියාඛ්යානස්යතේසෞම්යදදාමිබ්රුවතඃප්රියම් ।
ගවාංශතසහස්රං ච ග්රාමාණාං ච ශතංපරම් ॥ 44 ॥
සකුංඩලාශ්ශුභාචාරාභාර්යාඃකන්යාස්තුෂෝඩශ ।
හේමවර්ණාස්සුනාසෝරූශ්ශශිසෞම්යානනාඃස්ත්රියඃ ॥ 45 ॥
සර්වාභරණසංපන්නාස්සංපන්නාඃකුලජාතිභිඃ ।
නිශම්යරාමාගමනංනෘපාත්මජඃකපිප්රවීරස්යතදාද්භුතෝපමම් ।
ප්රහර්ෂිතෝරාමදිදෘක්ෂ්යාऽභවත්පුනශ්චහර්ෂාදිදමබ්රවීද්වචඃ ॥ 46 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ අෂ්ටාවිංශත්යධිකශතතමස්සර්ගඃ ॥
