শ্রীমদ্বাল্মীকীয় রামাযণে যুদ্ধকাংডম্ ।
অথ ষোডশস্সর্গঃ ।
সুনিবিষ্টংহিতংবাক্যমুক্তবংতংবিভীষণম্ ।
অব্রবীত্পরুষংবাক্য়ংরাবণঃকালচোদিতঃ ॥ 1 ॥
বসেত্সহসপত্নেনক্রুদ্ধেঽনাশীবিষেণবা ।
নতুমিত্রপ্রবাদেনসংবসেচ্ছত্রুসেবিনা ॥ 2 ॥
জানামিশীলংজ্ঞাতীনাংসর্বলোকেষুরাক্ষসঃ ।
হৃষ্য়ংতিব্যসনেষ্বেতেজ্ঞাতীনাজ্ঞাতযস্সদা ॥ 3 ॥
প্রথানংসাধনংবৈদ্য়ংধর্মশীলংচরাক্ষসঃ ।
জ্ঞাতয়োহ্যবমন্য়ংতেশূরংপরিভবংতিচ ॥ 4 ॥
নিত্যমন্য়োন্যসম্হৃষ্টাব্যসনেষ্বাততায়িনঃ ।
প্রচ্ছন্নহৃদয়াঘোরাজ্ঞাতযস্তুভয়াবহাঃ ॥ 5 ॥
শ্রূয়ংতেহস্তিভির্গীতাশ্শ্লোকাঃপদ্মবনেক্বচিত্ ।
পাশহস্তান্নরাংদ্রুষ্টবাশৃণুতান্গদতোমম ॥ 6 ॥
নাগ্নির্নান্য়ানিশস্ত্রাণিননঃপাশাভয়াবহাঃ ।
ঘোরাস্স্বার্থপ্রয়ুক্তাস্তুজ্ঞাতয়োনোভয়াবহাঃ ॥ 7 ॥
উপাযমেতেবক্ষ্য়ংতিগ্রহণেনাত্রসংশয়ঃ ।
কৃত্স্নাদ্ভয়াদ্ জ্ঞাতিভয়ংসুকষ্টংবিদিতংচন ॥ 8 ॥
বিদ্যতেগোষুসংপন্নংবিদ্যতেব্রাহ্মণেদমঃ ।
বিদ্যতেস্ত্রীষুচাপল্য়ংবিদ্যতেজ্ঞাতিতোভযম্ ॥ 9 ॥
ততোনেষ্টমিদংসৌম্যযদহংলোকসত্কৃতঃ ।
ঐশ্বর্যমভিজাতশ্চজ্ঞাতীনাংমূর্ধ্ন্যবস্থিতঃ ॥ 10 ॥
যথাপুষ্করপত্রেষুপতিতাস্তোযবিংদবঃ ।
নশ্লেষমভিগচ্ছংতিতথাঽনার্য়েষুসংগতম্ ॥ 11 ॥
যথামধুকরস্তর্ষাদ্রসংবিংদন্নবিদ্যতে ।
তথাত্বমপিতত্রৈবতথানার্য়েষুসৌহৃদম্ ॥ 12 ॥
যথাপূর্বংগজস্স্নাত্বাগৃহ্যহস্তেনবৈরজঃ ।
দূষযত্য়াত্মনোদেহংতথানার্য়েষুসংগতম্ ॥ 13 ॥
যথাশরদিমেঘানাংসিংচতামপিগর্জতাম্ ।
নভবত্য়ংবুসংক্লেদস্তথাঽনার্য়েষুসৌহৃদম্ ॥ 14 ॥
যথামধুকরস্তর্ষাত্কাশপুষ্পংপিবন্নপি ।
রসমত্রনবিংদেততথানার্বেষুসৌহৃদম্ ॥ 15 ॥
অন্যস্ত্বেবংবিধংব্রূয়াদ্বাক্যমেতন্নিশাচরঃ ।
অস্মিন্মুহূর্তেনভবেত্ত্বাংতুধিক্কুলপাংসন ॥ 16 ॥
অব্রবীচ্চতদাবাক্য়ংজাতক্রোধোবিভীষণঃ ।
অংতরিক্ষগত্শীমান্ভ্রাতরংরাক্ষসাধিপম্ ॥ 17 ॥
সত্বংভ্রাতাঽসিমেরাজন্ব্রূহিমাংযদ্যদিচ্ছসি ।
জ্য়েষ্টোমান্য়ঃপিতৃসমোনচধর্মপথেস্থিতঃ ॥ 18 ॥
ইদংতুপরুষংবাক্য়ংনক্ষমাম্যগ্রজস্যতে ।
সুনীতংহিতকামেনবাক্যমুক্তংদশাননঃ ।
নগৃহ্ণংত্যকৃতাত্মানঃকালস্যবশমাগতাঃ ॥ 19 ॥
সুলভাঃপুরুষরাজন্ সততংপ্রিযবাদিনঃ ।
অপ্রিযস্যচপথ্যস্যবক্তাশ্রোতাচদুর্লভঃ ॥ 20 ॥
বদ্ধংকালস্যপাশেনসর্বভূতাপহারিণা ।
ননশ্য়ংতমুপেক্ষেত্বাংপ্রদীপ্তংশরণংযথা ॥ 21 ॥
দীপ্তপাবকসংকাশৈশ্শিতৈঃকাংচনভূষণৈঃ ।
নত্বামিচ্ছাম্যহংদ্রষ্টুংরামেণনিহতংশরৈঃ ॥ 22 ॥
শূরাশ্চবলবংতশ্চকৃতাস্ত্রাশ্চরণাজিরে ।
কালাভিপন্নাস্সীদংতিযথাবালুকসেতব ॥ 23 ॥
তন্মর্ষযতুযচ্চোক্তংগুরুত্বাদ্ধিতমিচ্ছতা ॥ 24 ॥
অত্মানংসর্বথারক্ষপুরীংচেমাংসরাক্ষসাম্ ।
স্বস্তিতেঽস্তুগমিষ্য়ামিসুখীভবময়াবিনা ॥ 25 ॥
নিবার্যমাণস্যময়াহিতৈষিণানরোচতেতেবচনংনিশাচরঃ ।
পরীতকালাহিগতায়ুষোনরাহিতংনগৃহ্ণংতিসুহৃদ্ভিরীরিতম্ ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে ষোডশস্সর্গঃ ॥
