ශ්රීමද්වාල්මීකීය රාමායණේ යුද්ධකාංඩම් ।
අථ ෂෝඩශස්සර්ගඃ ।
සුනිවිෂ්ටංහිතංවාක්යමුක්තවංතංවිභීෂණම් ।
අබ්රවීත්පරුෂංවාක්යංරාවණඃකාලචෝදිතඃ ॥ 1 ॥
වසේත්සහසපත්නේනක්රුද්ධේऽනාශීවිෂේණවා ।
නතුමිත්රප්රවාදේනසංවසේච්ඡත්රුසේවිනා ॥ 2 ॥
ජානාමිශීලංජ්ඤාතීනාංසර්වලෝකේෂුරාක්ෂසඃ ।
හෘෂ්යංතිව්යසනේෂ්වේතේජ්ඤාතීනාජ්ඤාතයස්සදා ॥ 3 ॥
ප්රථානංසාධනංවෛද්යංධර්මශීලංචරාක්ෂසඃ ।
ජ්ඤාතයෝහ්යවමන්යංතේශූරංපරිභවංතිච ॥ 4 ॥
නිත්යමන්යෝන්යසම්හෘෂ්ටාව්යසනේෂ්වාතතායිනඃ ।
ප්රච්ඡන්නහෘදයාඝෝරාජ්ඤාතයස්තුභයාවහාඃ ॥ 5 ॥
ශ්රූයංතේහස්තිභිර්ගීතාශ්ශ්ලෝකාඃපද්මවනේක්වචිත් ।
පාශහස්තාන්නරාංද්රුෂ්ටවාශෘණුතාන්ගදතෝමම ॥ 6 ॥
නාග්නිර්නාන්යානිශස්ත්රාණිනනඃපාශාභයාවහාඃ ।
ඝෝරාස්ස්වාර්ථප්රයුක්තාස්තුජ්ඤාතයෝනෝභයාවහාඃ ॥ 7 ॥
උපායමේතේවක්ෂ්යංතිග්රහණේනාත්රසංශයඃ ।
කෘත්ස්නාද්භයාද් ජ්ඤාතිභයංසුකෂ්ටංවිදිතංචන ॥ 8 ॥
විද්යතේගෝෂුසංපන්නංවිද්යතේබ්රාහ්මණේදමඃ ।
විද්යතේස්ත්රීෂුචාපල්යංවිද්යතේජ්ඤාතිතෝභයම් ॥ 9 ॥
තතෝනේෂ්ටමිදංසෞම්යයදහංලෝකසත්කෘතඃ ।
ඓශ්වර්යමභිජාතශ්චජ්ඤාතීනාංමූර්ධ්න්යවස්ථිතඃ ॥ 10 ॥
යථාපුෂ්කරපත්රේෂුපතිතාස්තෝයබිංදවඃ ।
නශ්ලේෂමභිගච්ඡංතිතථාऽනාර්යේෂුසංගතම් ॥ 11 ॥
යථාමධුකරස්තර්ෂාද්රසංවිංදන්නවිද්යතේ ।
තථාත්වමපිතත්රෛවතථානාර්යේෂුසෞහෘදම් ॥ 12 ॥
යථාපූර්වංගජස්ස්නාත්වාගෘහ්යහස්තේනවෛරජඃ ।
දූෂයත්යාත්මනෝදේහංතථානාර්යේෂුසංගතම් ॥ 13 ॥
යථාශරදිමේඝානාංසිංචතාමපිගර්ජතාම් ।
නභවත්යංබුසංක්ලේදස්තථාऽනාර්යේෂුසෞහෘදම් ॥ 14 ॥
යථාමධුකරස්තර්ෂාත්කාශපුෂ්පංපිබන්නපි ।
රසමත්රනවිංදේතතථානාර්වේෂුසෞහෘදම් ॥ 15 ॥
අන්යස්ත්වේවංවිධංබ්රූයාද්වාක්යමේතන්නිශාචරඃ ।
අස්මින්මුහූර්තේනභවේත්ත්වාංතුධික්කුලපාංසන ॥ 16 ॥
අබ්රවීච්චතදාවාක්යංජාතක්රෝධෝවිභීෂණඃ ।
අංතරික්ෂගත්ශීමාන්භ්රාතරංරාක්ෂසාධිපම් ॥ 17 ॥
සත්වංභ්රාතාऽසිමේරාජන්බ්රූහිමාංයද්යදිච්ඡසි ।
ජ්යේෂ්ටෝමාන්යඃපිතෘසමෝනචධර්මපථේස්ථිතඃ ॥ 18 ॥
ඉදංතුපරුෂංවාක්යංනක්ෂමාම්යග්රජස්යතේ ।
සුනීතංහිතකාමේනවාක්යමුක්තංදශානනඃ ।
නගෘහ්ණංත්යකෘතාත්මානඃකාලස්යවශමාගතාඃ ॥ 19 ॥
සුලභාඃපුරුෂරාජන් සතතංප්රියවාදිනඃ ।
අප්රියස්යචපථ්යස්යවක්තාශ්රෝතාචදුර්ලභඃ ॥ 20 ॥
බද්ධංකාලස්යපාශේනසර්වභූතාපහාරිණා ।
නනශ්යංතමුපේක්ෂේත්වාංප්රදීප්තංශරණංයථා ॥ 21 ॥
දීප්තපාවකසංකාශෛශ්ශිතෛඃකාංචනභූෂණෛඃ ।
නත්වාමිච්ඡාම්යහංද්රෂ්ටුංරාමේණනිහතංශරෛඃ ॥ 22 ॥
ශූරාශ්චබලවංතශ්චකෘතාස්ත්රාශ්චරණාජිරේ ।
කාලාභිපන්නාස්සීදංතියථාවාලුකසේතව ॥ 23 ॥
තන්මර්ෂයතුයච්චෝක්තංගුරුත්වාද්ධිතමිච්ඡතා ॥ 24 ॥
අත්මානංසර්වථාරක්ෂපුරීංචේමාංසරාක්ෂසාම් ।
ස්වස්තිතේऽස්තුගමිෂ්යාමිසුඛීභවමයාවිනා ॥ 25 ॥
නිවාර්යමාණස්යමයාහිතෛෂිණානරෝචතේතේවචනංනිශාචරඃ ।
පරීතකාලාහිගතායුෂෝනරාහිතංනගෘහ්ණංතිසුහෘද්භිරීරිතම් ॥ 26 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ෂෝඩශස්සර්ගඃ ॥
