śrīmadvālmīkīya rāmāyaṇē yuddhakāṇḍam ।
atha ṣōḍaśassargaḥ ।
suniviṣṭaṃhitaṃvākyamuktavantaṃvibhīṣaṇam ।
abravītparuṣaṃvākyaṃrāvaṇaḥkālachōditaḥ ॥ 1 ॥
vasētsahasapatnēnakruddhē'nāśīviṣēṇavā ।
natumitrapravādēnasaṃvasēchChatrusēvinā ॥ 2 ॥
jānāmiśīlañjñātīnāṃsarvalōkēṣurākṣasaḥ ।
hṛṣyantivyasanēṣvētējñātīnājñātayassadā ॥ 3 ॥
prathānaṃsādhanaṃvaidyandharmaśīlañcharākṣasaḥ ।
jñātayōhyavamanyantēśūramparibhavanticha ॥ 4 ॥
nityamanyōnyasamhṛṣṭāvyasanēṣvātatāyinaḥ ।
prachChannahṛdayāghōrājñātayastubhayāvahāḥ ॥ 5 ॥
śrūyantēhastibhirgītāśślōkāḥpadmavanēkvachit ।
pāśahastānnarāndruṣṭavāśṛṇutāngadatōmama ॥ 6 ॥
nāgnirnānyāniśastrāṇinanaḥpāśābhayāvahāḥ ।
ghōrāssvārthaprayuktāstujñātayōnōbhayāvahāḥ ॥ 7 ॥
upāyamētēvakṣyantigrahaṇēnātrasaṃśayaḥ ।
kṛtsnādbhayād jñātibhayaṃsukaṣṭaṃviditañchana ॥ 8 ॥
vidyatēgōṣusampannaṃvidyatēbrāhmaṇēdamaḥ ।
vidyatēstrīṣuchāpalyaṃvidyatējñātitōbhayam ॥ 9 ॥
tatōnēṣṭamidaṃsaumyayadahaṃlōkasatkṛtaḥ ।
aiśvaryamabhijātaśchajñātīnāmmūrdhnyavasthitaḥ ॥ 10 ॥
yathāpuṣkarapatrēṣupatitāstōyabindavaḥ ।
naślēṣamabhigachChantitathā'nāryēṣusaṅgatam ॥ 11 ॥
yathāmadhukarastarṣādrasaṃvindannavidyatē ।
tathātvamapitatraivatathānāryēṣusauhṛdam ॥ 12 ॥
yathāpūrvaṅgajassnātvāgṛhyahastēnavairajaḥ ।
dūṣayatyātmanōdēhantathānāryēṣusaṅgatam ॥ 13 ॥
yathāśaradimēghānāṃsiñchatāmapigarjatām ।
nabhavatyambusaṅklēdastathā'nāryēṣusauhṛdam ॥ 14 ॥
yathāmadhukarastarṣātkāśapuṣpampibannapi ।
rasamatranavindētatathānārvēṣusauhṛdam ॥ 15 ॥
anyastvēvaṃvidhambrūyādvākyamētanniśācharaḥ ।
asminmuhūrtēnabhavēttvāntudhikkulapāṃsana ॥ 16 ॥
abravīchchatadāvākyañjātakrōdhōvibhīṣaṇaḥ ।
antarikṣagatśīmānbhrātaraṃrākṣasādhipam ॥ 17 ॥
satvambhrātā'simērājanbrūhimāṃyadyadichChasi ।
jyēṣṭōmānyaḥpitṛsamōnachadharmapathēsthitaḥ ॥ 18 ॥
idantuparuṣaṃvākyannakṣamāmyagrajasyatē ।
sunītaṃhitakāmēnavākyamuktandaśānanaḥ ।
nagṛhṇantyakṛtātmānaḥkālasyavaśamāgatāḥ ॥ 19 ॥
sulabhāḥpuruṣarājan satatampriyavādinaḥ ।
apriyasyachapathyasyavaktāśrōtāchadurlabhaḥ ॥ 20 ॥
baddhaṅkālasyapāśēnasarvabhūtāpahāriṇā ।
nanaśyantamupēkṣētvāmpradīptaṃśaraṇaṃyathā ॥ 21 ॥
dīptapāvakasaṅkāśaiśśitaiḥkāñchanabhūṣaṇaiḥ ।
natvāmichChāmyahandraṣṭuṃrāmēṇanihataṃśaraiḥ ॥ 22 ॥
śūrāśchabalavantaśchakṛtāstrāścharaṇājirē ।
kālābhipannāssīdantiyathāvālukasētava ॥ 23 ॥
tanmarṣayatuyachchōktaṅgurutvāddhitamichChatā ॥ 24 ॥
atmānaṃsarvathārakṣapurīñchēmāṃsarākṣasām ।
svastitē'stugamiṣyāmisukhībhavamayāvinā ॥ 25 ॥
nivāryamāṇasyamayāhitaiṣiṇānarōchatētēvachananniśācharaḥ ।
parītakālāhigatāyuṣōnarāhitannagṛhṇantisuhṛdbhirīritam ॥ 26 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ṣōḍaśassargaḥ ॥
