ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಷೋಡಶಸ್ಸರ್ಗಃ ।
ಸುನಿವಿಷ್ಟಂಹಿತಂವಾಕ್ಯಮುಕ್ತವನ್ತಂವಿಭೀಷಣಮ್ ।
ಅಬ್ರವೀತ್ಪರುಷಂವಾಕ್ಯಂರಾವಣಃಕಾಲಚೋದಿತಃ ॥ 1 ॥
ವಸೇತ್ಸಹಸಪತ್ನೇನಕ್ರುದ್ಧೇಽನಾಶೀವಿಷೇಣವಾ ।
ನತುಮಿತ್ರಪ್ರವಾದೇನಸಂವಸೇಚ್ಛತ್ರುಸೇವಿನಾ ॥ 2 ॥
ಜಾನಾಮಿಶೀಲಞ್ಜ್ಞಾತೀನಾಂಸರ್ವಲೋಕೇಷುರಾಕ್ಷಸಃ ।
ಹೃಷ್ಯನ್ತಿವ್ಯಸನೇಷ್ವೇತೇಜ್ಞಾತೀನಾಜ್ಞಾತಯಸ್ಸದಾ ॥ 3 ॥
ಪ್ರಥಾನಂಸಾಧನಂವೈದ್ಯನ್ಧರ್ಮಶೀಲಞ್ಚರಾಕ್ಷಸಃ ।
ಜ್ಞಾತಯೋಹ್ಯವಮನ್ಯನ್ತೇಶೂರಮ್ಪರಿಭವನ್ತಿಚ ॥ 4 ॥
ನಿತ್ಯಮನ್ಯೋನ್ಯಸಮ್ಹೃಷ್ಟಾವ್ಯಸನೇಷ್ವಾತತಾಯಿನಃ ।
ಪ್ರಚ್ಛನ್ನಹೃದಯಾಘೋರಾಜ್ಞಾತಯಸ್ತುಭಯಾವಹಾಃ ॥ 5 ॥
ಶ್ರೂಯನ್ತೇಹಸ್ತಿಭಿರ್ಗೀತಾಶ್ಶ್ಲೋಕಾಃಪದ್ಮವನೇಕ್ವಚಿತ್ ।
ಪಾಶಹಸ್ತಾನ್ನರಾನ್ದ್ರುಷ್ಟವಾಶೃಣುತಾನ್ಗದತೋಮಮ ॥ 6 ॥
ನಾಗ್ನಿರ್ನಾನ್ಯಾನಿಶಸ್ತ್ರಾಣಿನನಃಪಾಶಾಭಯಾವಹಾಃ ।
ಘೋರಾಸ್ಸ್ವಾರ್ಥಪ್ರಯುಕ್ತಾಸ್ತುಜ್ಞಾತಯೋನೋಭಯಾವಹಾಃ ॥ 7 ॥
ಉಪಾಯಮೇತೇವಕ್ಷ್ಯನ್ತಿಗ್ರಹಣೇನಾತ್ರಸಂಶಯಃ ।
ಕೃತ್ಸ್ನಾದ್ಭಯಾದ್ ಜ್ಞಾತಿಭಯಂಸುಕಷ್ಟಂವಿದಿತಞ್ಚನ ॥ 8 ॥
ವಿದ್ಯತೇಗೋಷುಸಮ್ಪನ್ನಂವಿದ್ಯತೇಬ್ರಾಹ್ಮಣೇದಮಃ ।
ವಿದ್ಯತೇಸ್ತ್ರೀಷುಚಾಪಲ್ಯಂವಿದ್ಯತೇಜ್ಞಾತಿತೋಭಯಮ್ ॥ 9 ॥
ತತೋನೇಷ್ಟಮಿದಂಸೌಮ್ಯಯದಹಂಲೋಕಸತ್ಕೃತಃ ।
ಐಶ್ವರ್ಯಮಭಿಜಾತಶ್ಚಜ್ಞಾತೀನಾಮ್ಮೂರ್ಧ್ನ್ಯವಸ್ಥಿತಃ ॥ 10 ॥
ಯಥಾಪುಷ್ಕರಪತ್ರೇಷುಪತಿತಾಸ್ತೋಯಬಿನ್ದವಃ ।
ನಶ್ಲೇಷಮಭಿಗಚ್ಛನ್ತಿತಥಾಽನಾರ್ಯೇಷುಸಙ್ಗತಮ್ ॥ 11 ॥
ಯಥಾಮಧುಕರಸ್ತರ್ಷಾದ್ರಸಂವಿನ್ದನ್ನವಿದ್ಯತೇ ।
ತಥಾತ್ವಮಪಿತತ್ರೈವತಥಾನಾರ್ಯೇಷುಸೌಹೃದಮ್ ॥ 12 ॥
ಯಥಾಪೂರ್ವಙ್ಗಜಸ್ಸ್ನಾತ್ವಾಗೃಹ್ಯಹಸ್ತೇನವೈರಜಃ ।
ದೂಷಯತ್ಯಾತ್ಮನೋದೇಹನ್ತಥಾನಾರ್ಯೇಷುಸಙ್ಗತಮ್ ॥ 13 ॥
ಯಥಾಶರದಿಮೇಘಾನಾಂಸಿಞ್ಚತಾಮಪಿಗರ್ಜತಾಮ್ ।
ನಭವತ್ಯಮ್ಬುಸಙ್ಕ್ಲೇದಸ್ತಥಾಽನಾರ್ಯೇಷುಸೌಹೃದಮ್ ॥ 14 ॥
ಯಥಾಮಧುಕರಸ್ತರ್ಷಾತ್ಕಾಶಪುಷ್ಪಮ್ಪಿಬನ್ನಪಿ ।
ರಸಮತ್ರನವಿನ್ದೇತತಥಾನಾರ್ವೇಷುಸೌಹೃದಮ್ ॥ 15 ॥
ಅನ್ಯಸ್ತ್ವೇವಂವಿಧಮ್ಬ್ರೂಯಾದ್ವಾಕ್ಯಮೇತನ್ನಿಶಾಚರಃ ।
ಅಸ್ಮಿನ್ಮುಹೂರ್ತೇನಭವೇತ್ತ್ವಾನ್ತುಧಿಕ್ಕುಲಪಾಂಸನ ॥ 16 ॥
ಅಬ್ರವೀಚ್ಚತದಾವಾಕ್ಯಞ್ಜಾತಕ್ರೋಧೋವಿಭೀಷಣಃ ।
ಅನ್ತರಿಕ್ಷಗತ್ಶೀಮಾನ್ಭ್ರಾತರಂರಾಕ್ಷಸಾಧಿಪಮ್ ॥ 17 ॥
ಸತ್ವಮ್ಭ್ರಾತಾಽಸಿಮೇರಾಜನ್ಬ್ರೂಹಿಮಾಂಯದ್ಯದಿಚ್ಛಸಿ ।
ಜ್ಯೇಷ್ಟೋಮಾನ್ಯಃಪಿತೃಸಮೋನಚಧರ್ಮಪಥೇಸ್ಥಿತಃ ॥ 18 ॥
ಇದನ್ತುಪರುಷಂವಾಕ್ಯನ್ನಕ್ಷಮಾಮ್ಯಗ್ರಜಸ್ಯತೇ ।
ಸುನೀತಂಹಿತಕಾಮೇನವಾಕ್ಯಮುಕ್ತನ್ದಶಾನನಃ ।
ನಗೃಹ್ಣನ್ತ್ಯಕೃತಾತ್ಮಾನಃಕಾಲಸ್ಯವಶಮಾಗತಾಃ ॥ 19 ॥
ಸುಲಭಾಃಪುರುಷರಾಜನ್ ಸತತಮ್ಪ್ರಿಯವಾದಿನಃ ।
ಅಪ್ರಿಯಸ್ಯಚಪಥ್ಯಸ್ಯವಕ್ತಾಶ್ರೋತಾಚದುರ್ಲಭಃ ॥ 20 ॥
ಬದ್ಧಙ್ಕಾಲಸ್ಯಪಾಶೇನಸರ್ವಭೂತಾಪಹಾರಿಣಾ ।
ನನಶ್ಯನ್ತಮುಪೇಕ್ಷೇತ್ವಾಮ್ಪ್ರದೀಪ್ತಂಶರಣಂಯಥಾ ॥ 21 ॥
ದೀಪ್ತಪಾವಕಸಙ್ಕಾಶೈಶ್ಶಿತೈಃಕಾಞ್ಚನಭೂಷಣೈಃ ।
ನತ್ವಾಮಿಚ್ಛಾಮ್ಯಹನ್ದ್ರಷ್ಟುಂರಾಮೇಣನಿಹತಂಶರೈಃ ॥ 22 ॥
ಶೂರಾಶ್ಚಬಲವನ್ತಶ್ಚಕೃತಾಸ್ತ್ರಾಶ್ಚರಣಾಜಿರೇ ।
ಕಾಲಾಭಿಪನ್ನಾಸ್ಸೀದನ್ತಿಯಥಾವಾಲುಕಸೇತವ ॥ 23 ॥
ತನ್ಮರ್ಷಯತುಯಚ್ಚೋಕ್ತಙ್ಗುರುತ್ವಾದ್ಧಿತಮಿಚ್ಛತಾ ॥ 24 ॥
ಅತ್ಮಾನಂಸರ್ವಥಾರಕ್ಷಪುರೀಞ್ಚೇಮಾಂಸರಾಕ್ಷಸಾಮ್ ।
ಸ್ವಸ್ತಿತೇಽಸ್ತುಗಮಿಷ್ಯಾಮಿಸುಖೀಭವಮಯಾವಿನಾ ॥ 25 ॥
ನಿವಾರ್ಯಮಾಣಸ್ಯಮಯಾಹಿತೈಷಿಣಾನರೋಚತೇತೇವಚನನ್ನಿಶಾಚರಃ ।
ಪರೀತಕಾಲಾಹಿಗತಾಯುಷೋನರಾಹಿತನ್ನಗೃಹ್ಣನ್ತಿಸುಹೃದ್ಭಿರೀರಿತಮ್ ॥ 26 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಷೋಡಶಸ್ಸರ್ಗಃ ॥
