ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² விம்ஶஸ்ஸர்க:³ ।
ததோனிவிஷ்டாந்த்⁴வஜினீம்ஸுக்³ரீவேணாபி⁴பாலிதாம் ।
த³த³ர்ஶராக்ஷஸோப்⁴யேத்யஶார்தூ³லோனாமவீர்யவான் ॥ 1 ॥
சாரோராக்ஷஸராஜஸ்யராவணஸ்யது³ராத்மன: ।
தாந்த்³ருஷ்ட்வாஸர்வதோவ்யக்³ரம்ப்ரதிக³ம்யஸராக்ஷஸ: ॥ 2 ॥
ஆவிஶ்ய லங்காம் வேகே³ன ராஜானமித³மப்³ரவீத் ।
ஏஷ வை வானரர்க்ஷகோ⁴ லங்காம் ஸமபி⁴வர்ததே ॥ 3 ॥
புத்ரௌத³ஶரத²ஸ்யேமௌப்⁴ராதரௌராமலக்ஷ்மணௌ ॥ 4 ॥
உத்தமௌரூபஸம்பன்னௌஸீதாயா:பத³மாக³தௌ ।
ஏதௌஸாக³ரமாஸாத்³யஸன்னிவிஷ்டௌமஹாத்³யுதீ ॥ 5 ॥
ப³லஞ்சாமாகாஶமாவ்ருத்யஸர்வதோத³ஶயோஜனம் ।
தத்த்வபூ⁴தம்மஹாராஜ க்ஷிப்ரம்வேதி³துமர்ஹஸி ॥ 6 ॥
தவதூ³தாமஹாராஜக்ஷிப்ரமர்ஹந்த்யவேக்ஷிதும் ।
உபப்ரதா³னம்ஸாந்த்வம்வாபே⁴தோ³வாத்ரப்ரயுஜ்யதாம் ॥ 7 ॥
ஶார்தூ³லஸ்யவசஶ்ஶ்ருத்வாராவணோராக்ஷஸேஶ்வர: ।
உவாசஸஹஸாவ்யக்³ரஸ்ஸம்ப்ரதா⁴ர்யார்த²மாத்மன: ॥ 8 ॥
ஶுகம்னாமததா³ரக்ஷோவாக்யமர்த²விதா³ம்வரம் ।
ஸுக்³ரீவம்ப்³ரூஹிக³த்வாஶுராஜானம்வசனான்மம ।
யதா²ஸந்தே³ஶமக்லீப³ம்ஶ்லக்ஷ்ணயாபரயாகி³ரா ॥ 9 ॥
த்வம்வைமஹாராஜகுலப்ரஸூதோமஹாப³லஶ்சர் க்ஷரஜஸ்ஸுதஶ்ச ।
நகஶ்சிதா³ர்த²ஸ்தவனாஸ்த்யனர்த²ஸ்ததா²ஹிமேப்⁴ராத்ருஸமோஹரீஶ ॥ 1௦ ॥
அஹம்யத்³யஹரம்பா⁴ர்யாம்ராஜபுத்ரஸ்யதீ⁴மத: ।
கிந்தத்ரதவஸுக்³ரீவ: கிஷ்கிந்தா⁴ம்ப்ரதிக³ம்யதாம் ॥ 11 ॥
நஹீயம்ஹரிபி⁴ர்லங்காஶக்யாப்ராப்துங்கத²ஞ்சன ।
தே³வைரபிஸக³ந்த⁴ர்வை:கிம்புனர்னரவானரை: ॥ 12 ॥
ஸததா²ராக்ஷஸேந்த்³ரேணஸந்தி³ஷ்டோரஜனீசர: ।
ஶுகோவிஹங்க³மோபூ⁴த்வாதூர்ணமாப்லுத்யசாம்ப³ரம் ॥ 13 ॥
ஸக³த்வாதூ³ரமத்⁴வானமுபர்யுபரிஸாக³ரம் ।
ஸம்ஸ்தி²தோஹ்யம்ப³ரேவாக்யம்ஸுக்³ரீவமித³மப்³ரவீத் ॥ 14 ॥
ஸர்வமுக்தம்யதா²தி³ஷ்டம்ராவணேனது³ராத்மனா ।
தம்ப்ராபயந்தம்வசனந்தூர்ணமாப்லுத்யவானரா: ॥ 15 ॥
ப்ராபத்³யந்ததி³வங்க்ஷிப்ரம்லோப்தும்ஹந்துஞ்சமுஷ்டிபி⁴: ।
ஸதை:ப்லவங்கை³:ப்ரஸப⁴ம்னிக்³ருஹீதோனிஶாசர: ।
க³க³னாத்³பூ⁴தலேசாஶுபரிக்³ருஹ்யனிபாதித: ॥ 16 ॥
வானரை:பீட்³யமானஸ்துஶுகோவசனமப்³ரவீத் ।
நதூ³தான்க்⁴னந்திகாகுத்ஸ்த² வார்யந்தாம்ஸாது⁴வானரா: ॥ 17 ॥
யஸ்துஹித்வாமதம்ப⁴ர்துஸ்ஸ்வமதம்ஸம்ப்ரபா⁴ஷதே ।
அனுக்தவாதீ³தூ³தஸ்ஸன் ஸதூ³தோவத⁴மர்ஹதி ॥ 18 ॥
ஶுகஸ்யவசனம்ஶ்ருத்வாராமஸ்துபரிதே³விதம் ।
உவாசமாவதி⁴ஷ்டேதிக்⁴னதஶ்ஶாகா²ம்ருக³ர்ஷபா⁴ன் ॥ 19 ॥
ஸசபத்ரலகு⁴ர்பூ⁴த்வாஹரிபி⁴ர்த³ர்ஶிதேப⁴யே ।
அந்தரிக்ஷேஸ்தி²தோபூ⁴த்வாபுனர்வசனமப்³ரவீத் ॥ 2௦ ॥
ஸுக்³ரீவ:ஸ த்த்வஸம்பன்ன: மஹாப³லபராக்ரம: ।
கிம்மயாக²லுவக்தவ்யோராவணோலோகராவண: ॥ 21 ॥
ஸஏவமுக்த:ப்லவகா³தி⁴பஸ்ததா³ப்லவங்க³மானாம்ருஷபோ⁴மஹாப³ல: ।
உவாசவாக்யம்ரஜனீசரஸ்யசாரம்ஶுகந்தூர்ணமதீ³னஸத்த்வ: ॥ 22 ॥
நமேஸிமித்ரம்னததா²னுகம்ப்யோனசோபகர்தாபினமேப்ரியோஸி ।
அரிஶ்சராமஸ்யஸஹானுப³ந்த⁴ஸ்ததோஸிவாலீவவதா⁴ர்ஹவத்⁴ய: ॥ 23 ॥
நிஹ்னந்ம்யஹந்த்வாம்ஸஸுதம்ஸப³ந்து⁴ம்ஸஜ்ஞாதிவர்க³ரஜனீசரேஶ ।
லங்காஞ்சஸர்வாம்மஹதாப³லேனக்ஷிப்ரங்கரிஷ்யாமிஸமேத்யப⁴ஸ்ம ॥ 24 ॥
நமோக்ஷயஸேராவண: ராக⁴வஸ்யஸுரைஸ்ஸஹேந்த்³ரைத³பிமூட⁴கு³ப்த: ।
அந்தர்ஹிதஸ்ஸூர்யபத²ங்க³தோவா ।
ததை²வபாதாலமனுப்ரவிஷ்ட: ॥ 25 ॥
கி³ரீஶபாத³ம்பு³ஜஸங்க³தோவாஹதோஸிராமேணஸஹானுஜஸ்த்வம் ॥ 26 ॥
தஸ்யதேத்ரிஷுலோகேஷுனபிஶாசம்னராக்ஷஸம் ।
த்ராதாரமனுபஶ்யாமினக³ந்த⁴ர்வம்னசாஸுரம் ॥ 27 ॥
அவதீ⁴ர்யஜராவ்ருத்³த³ங்க்³ருத்⁴ரராஜஞ்ஜடாயுஷம் ।
கிம்னுதேராமஸான்னித்⁴யேஸகாஶேலக்ஷ்மணஸ்யவா ॥ 28 ॥
ஹ்ருதாஸீதாவிஶாலாக்ஷீயாந்த்வங்க்³ருஹ்யனபு³த்⁴யஸே ।
மஹாப³லம்மஹாத்மானந்து³ர்த⁴ர்ஷமமரைரபி ।
நபு³த்⁴யஸேரகு⁴ஶ்ரேஷ்ட²ம்யஸ்தேப்ராணான்ஹரிஷ்யதி ॥ 29 ॥
ததோப்³ரவீத்³வாலிஸுதஸ்த்வங்க³தோ³ஹரிஸத்தம: ।
நாயந்தூ³தோமஹாராஜசாரிக:ப்ரதிபா⁴திமே ॥ 3௦ ॥
துலிதம்ஹிப³லம்ஸர்வமனேனாத்ரைவதிஷ்ட²தா ।
க்³ருஹ்யதாம்மாக³மல்லங்காமேதத்³தி³மமரோசதே ॥ 31 ॥
ததோராஜ்ஞாஸமாதி³ஷ்டாஸ்ஸமுத்பத்யவலீமுகா²: ।
ஜக்³ருஹுஶ்சப³ப³ந்து⁴ஶ்சவிலபந்தமனாத²வத் ॥ 32 ॥
ஶுகஸ்துவானரைஶ்சண்டை³ஸ்தத்ரதைஸ்ஸம்ப்ரபீடி³த: ।
வ்யாசுக்ரோஶமஹாத்மானம்ராமந்த³ஶரதா²த்மஜம் ॥ 33 ॥
லுப்யேதேமேப³லாத்பக்ஷௌபி⁴த்³யேதேமேததா²க்ஷிணீ ॥ 34 ॥
யாஞ்சராத்ரிம்மரிஷ்யாமிஜாயேராத்ரிஞ்சயாமஹம் ।
ஏதஸ்மின்னந்தரேகாலேயன்மயாஹ்யஶுப⁴ங்க்ருதம் ॥ 35 ॥
ஸர்வந்த்வமுபபத்³யேதா⁴ஜஹ்யாஞ்சேத்³யதி³ஜீவிதம் ।
நாகா⁴தயத்ததா³ராமஶ்ஶ்ருத்வாதத்பரிதே³வனம் ।
வானரானப்³ரவீத்³ராமோமுச்யதாந்தூ³தஆக³த: ॥ 36 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ விம்ஶஸ்ஸர்க:³ ॥
