শ্রীমদ্বাল্মীকীয় রামাযণে যুদ্ধকাংডম্ ।
অথ বিংশস্সর্গঃ ।
ততোনিবিষ্টাংধ্বজিনীংসুগ্রীবেণাভিপালিতাম্ ।
দদর্শরাক্ষসোঽভ্য়েত্যশার্দূলোনামবীর্যবান্ ॥ 1 ॥
চারোরাক্ষসরাজস্যরাবণস্যদুরাত্মনঃ ।
তাংদৃষ্ট্বাসর্বতোব্যগ্রংপ্রতিগম্যসরাক্ষসঃ ॥ 2 ॥
আবিশ্য় লংকাং বেগেন রাজানমিদমব্রবীত্ ।
এষ বৈ বানরর্ক্ষঘো লংকাং সমভিবর্ততে ॥ 3 ॥
পুত্রৌদশরথস্য়েমৌভ্রাতরৌরামলক্ষ্মণৌ ॥ 4 ॥
উত্তমৌরূপসংপন্নৌসীতায়াঃপদমাগতৌ ।
এতৌসাগরমাসাদ্যসন্নিবিষ্টৌমহাদ্য়ুতী ॥ 5 ॥
বলংচামাকাশমাবৃত্যসর্বতোদশয়োজনম্ ।
তত্ত্বভূতংমহারাজ ক্ষিপ্রংবেদিতুমর্হসি ॥ 6 ॥
তবদূতামহারাজক্ষিপ্রমর্হংত্যবেক্ষিতুম্ ।
উপপ্রদানংসাংত্বংবাভেদোবাত্রপ্রয়ুজ্যতাম্ ॥ 7 ॥
শার্দূলস্যবচশ্শ্রুত্বারাবণোরাক্ষসেশ্বরঃ ।
উবাচসহসাব্যগ্রস্সংপ্রধার্য়ার্থমাত্মনঃ ॥ 8 ॥
শুকংনামতদারক্ষোবাক্যমর্থবিদাংবরম্ ।
সুগ্রীবংব্রূহিগত্বাশুরাজানংবচনান্মম ।
যথাসংদেশমক্লীবংশ্লক্ষ্ণয়াপরয়াগিরা ॥ 9 ॥
ত্বংবৈমহারাজকুলপ্রসূতোমহাবলশ্চর্ ক্ষরজস্সুতশ্চ ।
নকশ্চিদার্থস্তবনাস্ত্যনর্থস্তথাহিমেভ্রাতৃসমোহরীশ ॥ 10 ॥
অহংযদ্যহরংভার্য়াংরাজপুত্রস্যধীমতঃ ।
কিংতত্রতবসুগ্রীবঃ কিষ্কিংধাংপ্রতিগম্যতাম্ ॥ 11 ॥
নহীয়ংহরিভির্লংকাশক্য়াপ্রাপ্তুংকথংচন ।
দেবৈরপিসগংধর্বৈঃকিংপুনর্নরবানরৈঃ ॥ 12 ॥
সতথারাক্ষসেংদ্রেণসংদিষ্টোরজনীচরঃ ।
শুকোবিহংগমোভূত্বাতূর্ণমাপ্লুত্যচাংবরম্ ॥ 13 ॥
সগত্বাদূরমধ্বানমুপর্য়ুপরিসাগরম্ ।
সংস্থিতোহ্য়ংবরেবাক্য়ংসুগ্রীবমিদমব্রবীত্ ॥ 14 ॥
সর্বমুক্তংযথাদিষ্টংরাবণেনদুরাত্মনা ।
তংপ্রাপয়ংতংবচনংতূর্ণমাপ্লুত্যবানরাঃ ॥ 15 ॥
প্রাপদ্য়ংতদিবংক্ষিপ্রংলোপ্তুংহংতুংচমুষ্টিভিঃ ।
সতৈঃপ্লবংগৈঃপ্রসভংনিগৃহীতোনিশাচরঃ ।
গগনাদ্ভূতলেচাশুপরিগৃহ্যনিপাতিতঃ ॥ 16 ॥
বানরৈঃপীড্যমানস্তুশুকোবচনমব্রবীত্ ।
নদূতান্ঘ্নংতিকাকুত্স্থ বার্য়ংতাংসাধুবানরাঃ ॥ 17 ॥
যস্তুহিত্বামতংভর্তুস্স্বমতংসংপ্রভাষতে ।
অনুক্তবাদীদূতস্সন্ সদূতোবধমর্হতি ॥ 18 ॥
শুকস্যবচনংশ্রুত্বারামস্তুপরিদেবিতম্ ।
উবাচমাবধিষ্টেতিঘ্নতশ্শাখামৃগর্ষভান্ ॥ 19 ॥
সচপত্রলঘুর্ভূত্বাহরিভির্দর্শিতেভয়ে ।
অংতরিক্ষেস্থিতোভূত্বাপুনর্বচনমব্রবীত্ ॥ 20 ॥
সুগ্রীবঃস ত্ত্বসংপন্নঃ মহাবলপরাক্রমঃ ।
কিংময়াখলুবক্তব্য়োরাবণোলোকরাবণঃ ॥ 21 ॥
সএবমুক্তঃপ্লবগাধিপস্তদাপ্লবংগমানামৃষভোমহাবলঃ ।
উবাচবাক্য়ংরজনীচরস্যচারংশুকংতূর্ণমদীনসত্ত্বঃ ॥ 22 ॥
নমেঽসিমিত্রংনতথানুকংপ্য়োনচোপকর্তাপিনমেপ্রিয়োঽসি ।
অরিশ্চরামস্যসহানুবংধস্ততোঽসিবালীববধার্হবধ্য়ঃ ॥ 23 ॥
নিহ্নন্ম্যহংত্বাংসসুতংসবংধুংসজ্ঞাতিবর্গরজনীচরেশ ।
লংকাংচসর্বাংমহতাবলেনক্ষিপ্রংকরিষ্য়ামিসমেত্যভস্ম ॥ 24 ॥
নমোক্ষযসেরাবণঃ রাঘবস্যসুরৈস্সহেংদ্রৈদপিমূঢগুপ্তঃ ।
অংতর্হিতস্সূর্যপথংগতোঽবা ।
তথৈবপাতালমনুপ্রবিষ্টঃ ॥ 25 ॥
গিরীশপাদংবুজসংগতোবাহতোঽসিরামেণসহানুজস্ত্বম্ ॥ 26 ॥
তস্যতেত্রিষুলোকেষুনপিশাচংনরাক্ষসম্ ।
ত্রাতারমনুপশ্য়ামিনগংধর্বংনচাসুরম্ ॥ 27 ॥
অবধীর্যজরাবৃদ্দংগৃধ্ররাজংজটায়ুষম্ ।
কিংনুতেরামসান্নিধ্য়েসকাশেলক্ষ্মণস্যবা ॥ 28 ॥
হৃতাসীতাবিশালাক্ষীয়াংত্বংগৃহ্যনবুধ্যসে ।
মহাবলংমহাত্মানংদুর্ধর্ষমমরৈরপি ।
নবুধ্যসেরঘুশ্রেষ্ঠংযস্তেপ্রাণান্হরিষ্যতি ॥ 29 ॥
ততোঽব্রবীদ্বালিসুতস্ত্বংগদোহরিসত্তমঃ ।
নায়ংদূতোমহারাজচারিকঃপ্রতিভাতিমে ॥ 30 ॥
তুলিতংহিবলংসর্বমনেনাত্রৈবতিষ্ঠতা ।
গৃহ্যতাংমাগমল্লংকামেতদ্দিমমরোচতে ॥ 31 ॥
ততোরাজ্ঞাসমাদিষ্টাস্সমুত্পত্যবলীমুখাঃ ।
জগৃহুশ্চববংধুশ্চবিলপংতমনাথবত্ ॥ 32 ॥
শুকস্তুবানরৈশ্চংডৈস্তত্রতৈস্সংপ্রপীডিতঃ ।
ব্য়াচুক্রোশমহাত্মানংরামংদশরথাত্মজম্ ॥ 33 ॥
লুপ্য়েতেমেবলাত্পক্ষৌভিদ্য়েতেমেতথাঽক্ষিণী ॥ 34 ॥
যাংচরাত্রিংমরিষ্য়ামিজায়েরাত্রিংচয়ামহম্ ।
এতস্মিন্নংতরেকালেযন্ময়াহ্যশুভংকৃতম্ ॥ 35 ॥
সর্বংত্বমুপপদ্য়েধাজহ্য়াংচেদ্যদিজীবিতম্ ।
নাঘাতযত্তদারামশ্শ্রুত্বাতত্পরিদেবনম্ ।
বানরানব্রবীদ্রামোমুচ্যতাংদূতআগতঃ ॥ 36 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে বিংশস্সর্গঃ ॥
