ශ්රීමද්වාල්මීකීය රාමායණේ යුද්ධකාංඩම් ।
අථ විංශස්සර්ගඃ ।
තතෝනිවිෂ්ටාංධ්වජිනීංසුග්රීවේණාභිපාලිතාම් ।
දදර්ශරාක්ෂසෝऽභ්යේත්යශාර්දූලෝනාමවීර්යවාන් ॥ 1 ॥
චාරෝරාක්ෂසරාජස්යරාවණස්යදුරාත්මනඃ ।
තාංදෘෂ්ට්වාසර්වතෝව්යග්රංප්රතිගම්යසරාක්ෂසඃ ॥ 2 ॥
ආවිශ්ය ලංකාං වේගේන රාජානමිදමබ්රවීත් ।
ඒෂ වෛ වානරර්ක්ෂඝෝ ලංකාං සමභිවර්තතේ ॥ 3 ॥
පුත්රෞදශරථස්යේමෞභ්රාතරෞරාමලක්ෂ්මණෞ ॥ 4 ॥
උත්තමෞරූපසංපන්නෞසීතායාඃපදමාගතෞ ।
ඒතෞසාගරමාසාද්යසන්නිවිෂ්ටෞමහාද්යුතී ॥ 5 ॥
බලංචාමාකාශමාවෘත්යසර්වතෝදශයෝජනම් ।
තත්ත්වභූතංමහාරාජ ක්ෂිප්රංවේදිතුමර්හසි ॥ 6 ॥
තවදූතාමහාරාජක්ෂිප්රමර්හංත්යවේක්ෂිතුම් ।
උපප්රදානංසාංත්වංවාභේදෝවාත්රප්රයුජ්යතාම් ॥ 7 ॥
ශාර්දූලස්යවචශ්ශ්රුත්වාරාවණෝරාක්ෂසේශ්වරඃ ।
උවාචසහසාව්යග්රස්සංප්රධාර්යාර්ථමාත්මනඃ ॥ 8 ॥
ශුකංනාමතදාරක්ෂෝවාක්යමර්ථවිදාංවරම් ।
සුග්රීවංබ්රූහිගත්වාශුරාජානංවචනාන්මම ।
යථාසංදේශමක්ලීබංශ්ලක්ෂ්ණයාපරයාගිරා ॥ 9 ॥
ත්වංවෛමහාරාජකුලප්රසූතෝමහාබලශ්චර් ක්ෂරජස්සුතශ්ච ।
නකශ්චිදාර්ථස්තවනාස්ත්යනර්ථස්තථාහිමේභ්රාතෘසමෝහරීශ ॥ 10 ॥
අහංයද්යහරංභාර්යාංරාජපුත්රස්යධීමතඃ ।
කිංතත්රතවසුග්රීවඃ කිෂ්කිංධාංප්රතිගම්යතාම් ॥ 11 ॥
නහීයංහරිභිර්ලංකාශක්යාප්රාප්තුංකථංචන ।
දේවෛරපිසගංධර්වෛඃකිංපුනර්නරවානරෛඃ ॥ 12 ॥
සතථාරාක්ෂසේංද්රේණසංදිෂ්ටෝරජනීචරඃ ।
ශුකෝවිහංගමෝභූත්වාතූර්ණමාප්ලුත්යචාංබරම් ॥ 13 ॥
සගත්වාදූරමධ්වානමුපර්යුපරිසාගරම් ।
සංස්ථිතෝහ්යංබරේවාක්යංසුග්රීවමිදමබ්රවීත් ॥ 14 ॥
සර්වමුක්තංයථාදිෂ්ටංරාවණේනදුරාත්මනා ।
තංප්රාපයංතංවචනංතූර්ණමාප්ලුත්යවානරාඃ ॥ 15 ॥
ප්රාපද්යංතදිවංක්ෂිප්රංලෝප්තුංහංතුංචමුෂ්ටිභිඃ ।
සතෛඃප්ලවංගෛඃප්රසභංනිගෘහීතෝනිශාචරඃ ।
ගගනාද්භූතලේචාශුපරිගෘහ්යනිපාතිතඃ ॥ 16 ॥
වානරෛඃපීඩ්යමානස්තුශුකෝවචනමබ්රවීත් ।
නදූතාන්ඝ්නංතිකාකුත්ස්ථ වාර්යංතාංසාධුවානරාඃ ॥ 17 ॥
යස්තුහිත්වාමතංභර්තුස්ස්වමතංසංප්රභාෂතේ ।
අනුක්තවාදීදූතස්සන් සදූතෝවධමර්හති ॥ 18 ॥
ශුකස්යවචනංශ්රුත්වාරාමස්තුපරිදේවිතම් ।
උවාචමාවධිෂ්ටේතිඝ්නතශ්ශාඛාමෘගර්ෂභාන් ॥ 19 ॥
සචපත්රලඝුර්භූත්වාහරිභිර්දර්ශිතේභයේ ।
අංතරික්ෂේස්ථිතෝභූත්වාපුනර්වචනමබ්රවීත් ॥ 20 ॥
සුග්රීවඃස ත්ත්වසංපන්නඃ මහාබලපරාක්රමඃ ।
කිංමයාඛලුවක්තව්යෝරාවණෝලෝකරාවණඃ ॥ 21 ॥
සඒවමුක්තඃප්ලවගාධිපස්තදාප්ලවංගමානාමෘෂභෝමහාබලඃ ।
උවාචවාක්යංරජනීචරස්යචාරංශුකංතූර්ණමදීනසත්ත්වඃ ॥ 22 ॥
නමේऽසිමිත්රංනතථානුකංප්යෝනචෝපකර්තාපිනමේප්රියෝऽසි ।
අරිශ්චරාමස්යසහානුබංධස්තතෝऽසිවාලීවවධාර්හවධ්යඃ ॥ 23 ॥
නිහ්නන්ම්යහංත්වාංසසුතංසබංධුංසජ්ඤාතිවර්ගරජනීචරේශ ।
ලංකාංචසර්වාංමහතාබලේනක්ෂිප්රංකරිෂ්යාමිසමේත්යභස්ම ॥ 24 ॥
නමෝක්ෂයසේරාවණඃ රාඝවස්යසුරෛස්සහේංද්රෛදපිමූඪගුප්තඃ ।
අංතර්හිතස්සූර්යපථංගතෝऽවා ।
තථෛවපාතාලමනුප්රවිෂ්ටඃ ॥ 25 ॥
ගිරීශපාදංබුජසංගතෝවාහතෝऽසිරාමේණසහානුජස්ත්වම් ॥ 26 ॥
තස්යතේත්රිෂුලෝකේෂුනපිශාචංනරාක්ෂසම් ।
ත්රාතාරමනුපශ්යාමිනගංධර්වංනචාසුරම් ॥ 27 ॥
අවධීර්යජරාවෘද්දංගෘධ්රරාජංජටායුෂම් ।
කිංනුතේරාමසාන්නිධ්යේසකාශේලක්ෂ්මණස්යවා ॥ 28 ॥
හෘතාසීතාවිශාලාක්ෂීයාංත්වංගෘහ්යනබුධ්යසේ ।
මහාබලංමහාත්මානංදුර්ධර්ෂමමරෛරපි ।
නබුධ්යසේරඝුශ්රේෂ්ඨංයස්තේප්රාණාන්හරිෂ්යති ॥ 29 ॥
තතෝऽබ්රවීද්වාලිසුතස්ත්වංගදෝහරිසත්තමඃ ।
නායංදූතෝමහාරාජචාරිකඃප්රතිභාතිමේ ॥ 30 ॥
තුලිතංහිබලංසර්වමනේනාත්රෛවතිෂ්ඨතා ।
ගෘහ්යතාංමාගමල්ලංකාමේතද්දිමමරෝචතේ ॥ 31 ॥
තතෝරාජ්ඤාසමාදිෂ්ටාස්සමුත්පත්යවලීමුඛාඃ ।
ජගෘහුශ්චබබංධුශ්චවිලපංතමනාථවත් ॥ 32 ॥
ශුකස්තුවානරෛශ්චංඩෛස්තත්රතෛස්සංප්රපීඩිතඃ ।
ව්යාචුක්රෝශමහාත්මානංරාමංදශරථාත්මජම් ॥ 33 ॥
ලුප්යේතේමේබලාත්පක්ෂෞභිද්යේතේමේතථාऽක්ෂිණී ॥ 34 ॥
යාංචරාත්රිංමරිෂ්යාමිජායේරාත්රිංචයාමහම් ।
ඒතස්මින්නංතරේකාලේයන්මයාහ්යශුභංකෘතම් ॥ 35 ॥
සර්වංත්වමුපපද්යේධාජහ්යාංචේද්යදිජීවිතම් ।
නාඝාතයත්තදාරාමශ්ශ්රුත්වාතත්පරිදේවනම් ।
වානරානබ්රවීද්රාමෝමුච්යතාංදූතආගතඃ ॥ 36 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ විංශස්සර්ගඃ ॥
