ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ತ್ರಿಂಶಸ್ಸರ್ಗಃ ।
ತತಸ್ತಮಕ್ಷೋಭ್ಯಬಲಂಲಙ್ಕಾಧಿಪತಯೇಚರಾಃ ।
ಸುವೇಲೇರಾಘವಂಶೈಲೇನಿವಿಷ್ಟಮ್ಪ್ರತ್ಯವೇದಯನ್ ॥ 1 ॥
ಚಾರಾಣಾಂರಾವಣಶ್ಶ್ರುತ್ವಾಪ್ರಾಪ್ತಂರಾಮಮ್ಮಹಾಬಲಮ್ ।
ಜಾತೋದ್ವೇಗೋಽಭವತ್ಕಿಞ್ಚಿಚ್ಛಾರ್ದೂಲಂವಾಕ್ಯಮಬ್ರವೀತ್ ॥ 2 ॥
ಅಯಥಾವಚ್ಚತೇವರ್ಣೋದೀನಶ್ಚಾಸಿನಿಶಾಚರ ।
ನಾಸಿಕಚ್ಚಿದಮಿತ್ರಾಣಾಙ್ಕ್ರುದ್ಧಾನಾಂವಶಮಾಗತಃ ॥ 3 ॥
ಇತಿತೇನಾನುಶಿಷ್ಟಸ್ತುವಾಚಮ್ಮನ್ದಮುದೀರಯತ್ ।
ತದಾರಾಕ್ಷಸಶಾರ್ದೂಲಂಶಾರ್ದೂಲೋಭಯವಿಹ್ವಲಃ ॥ 4 ॥
ನತೇಚಾರಯಿತುಂಶಕ್ಯಾರಾಜನ್ವಾನರಪುಙ್ಗವಾಃ ।
ವಿಕ್ರಾನ್ತಾಬಲವನ್ತಶ್ಚರಾಘವೇಣಚರಕ್ಷಿತಾಃ ॥ 5 ॥
ನಾಪಿಸಮ್ಭಾಷಿತುಂಶಕ್ಯಾಸ್ಸಮ್ಪ್ರಶ್ನೋಽತ್ರನಲಭ್ಯತೇ ।
ಸರ್ವತೋರಕ್ಷ್ಯತೇಪನ್ಥಾವಾನರೈಃಪರ್ವತೋಪಮೈ ॥ 6 ॥
ಪ್ರವಿಷ್ಟಮಾತ್ರೇಜ್ಞಾತೋಽಹಮ್ಬಲೇತಸ್ಮಿನ್ನಚಾರಿತೇ ।
ಬಲಾದ್ಗೃಹೀತೋರಕ್ಷೋಭಿರ್ಬಹುಧಾಽಸ್ಮಿವಿಚಾಲಿತಃ ॥ 7 ॥
ಜಾನುಭಿರ್ಮುಷ್ಟಿಭಿರ್ದನ್ತೇಸ್ತಲೈಶ್ಚಾಭಿಹತೋಭೃಶಮ್ ।
ಪರಿಣೀತೋಽಸ್ಮಿಹರಿಭಿರ್ಬಲವದ್ಭಿರಮರ್ಷಣೈಃ ॥ 8 ॥
ಪರಿಣೀಯಚಸರ್ವತ್ರನೀತೋಽಹಂರಾಮಸಂಸದಮ್ ।
ರುಧಿರಾದಿಗ್ಧಸರ್ವಾಙ್ಗೋವಿಹ್ವಲಶ್ಚಲಿತೇನ್ದ್ರಿಯಃ ॥ 9 ॥
ಹರಿಭಿರ್ವಧ್ಯಮಾನಶ್ಚಯಾಚಮಾನಃಕೃತಾಞ್ಜಲಿಃ ।
ರಾಘವೇಣಪರಿತ್ರಾತೋಜೀವಾಮೀತಿಯದೃಚ್ಛಯಾ ॥ 10 ॥
ಏಷಶೈಲೈಶ್ಶಿಲಾಭಿಶ್ಚಪೂರಯಿತ್ವಾಮಹಾರ್ಣವಮ್ ।
ದ್ವಾರಮಾಶ್ರಿತ್ಯಲಙ್ಕಾಯಾರಾಮಸ್ತಿಷ್ಠತಿಸಾಯುಧಃ ॥ 11 ॥
ಗರುಡವ್ಯೂಹಮಾಸ್ಥಾಯಸರ್ವತೋಹರಿಭಿರ್ವೃತಃ ।
ಮಾಂವಿಸೃಜ್ಯಮಹಾತೇಜಾಲಙ್ಕಾಮೇವಾಭಿವರ್ತತೇ ॥ 12 ॥
ಪುರಾಪ್ರಾಕಾರಮಾಯಾತಿಕ್ಷಿಪ್ರಮೇಕತರಙ್ಕುರು ।
ಸೀತಾಂವಾಸ್ಮೈಪ್ರಯಚ್ಛಾಶುಯುದ್ಧಂವಾಪ್ರದೀಯತಾಮ್ ॥ 13 ॥
ಮನಸಾತನ್ತದಾಪ್ರೇಕ್ಷ್ಯತಚ್ಛ್ರುತ್ವಾರಾಕ್ಷಸಾಧಿಪಃ ।
ಶಾರ್ದೂಲಂಸುಮಹದ್ವಾಕ್ಯಮಥೋವಾಚಸರಾವಣಃ ॥ 14 ॥
ಯದಿಮಾಮ್ಪ್ರತಿಯುಧ್ಯೇರನ್ದೇವಗನ್ಧರ್ವದಾನವಾಃ ।
ನೈವಸೀತಾಮ್ಪ್ರದಾಸ್ಯಾಮಿಸರ್ವಲೋಕಭಯಾದಪಿ ॥ 15 ॥
ಏವಮುಕ್ತ್ವಾಮಹಾತೇಜಾರಾವಣಃಪುನರಬ್ರವೀತ್ ।
ಚರಿತಾಭವತಾಸೇನಾಕೇಽತ್ರಶೂರಾಃಪ್ಲವಙ್ಗಮಾಃ ॥ 16 ॥
ಕೀದೃಶಾಃ ಕಿಮ್ಪ್ರಭಾಃ ಸೌಮ್ಯವಾನರಾಯೇದುರಾಸದಾಃ ।
ಕಸ್ಯಪುತ್ರಾಶ್ಚಪೌತ್ರಾಶ್ಚತತ್ತ್ವಮಾಖ್ಯಾಹಿರಾಕ್ಷಸಃ ॥ 17 ॥
ತಥಾತ್ರಪ್ರತಿಪತ್ಸ್ಯಾಮಿಜ್ಞಾತ್ವಾತೇಷಾಮ್ಬಲಾಬಲಮ್ ।
ಅವಶ್ಯಮ್ಬಲಸಙ್ ಖ್ಯಾನಙ್ಕರ್ತವ್ಯಂಯುದ್ಧಮಿಚ್ಛತಾಮ್ ॥ 18 ॥
ಅಥೈವಮುಕ್ತಶ್ಶಾರ್ದೂಲೋರಾವಣೇನೋತ್ತಮಶ್ಚರಃ ।
ಇದಂವಚನಮಾರೇಭೇವಕ್ತುಂರಾವಣಸನ್ನಿಧೌ ॥ 19 ॥
ಅಥರ್ಕ್ಷರಜಸಃಪುತ್ರೋಯುಧಿರಾಜಾಸುದುರ್ಜಯಃ ।
ಗದ್ಗದಸ್ಯಾಥಪುತ್ತ್ರೋಽತ್ರಜಾಮ್ಬವಾನಿತಿವಿಶ್ರುತಃ ॥ 20 ॥
ಗದ್ಗದಸ್ಯೈವಪುತ್ತ್ರೋಽನ್ಯೋಗುರುಪುತ್ರಃ ಶತಕ್ರತೋಃ ।
ಕದನಂಯಸ್ಯಪುತ್ರೇಣಕೃತಮೇಕೇನರಕ್ಷಸಾಮ್ ॥ 21 ॥
ಸುಷೇಣಶ್ಚಾಪಿಧರ್ಮಾತ್ಮಾಪುತ್ರೋಧರ್ಮಸ್ಯವೀರ್ಯವಾನ್ ।
ಸೌಮ್ಯಸ್ಸೋಮಾತ್ಮಜಶ್ಚಾತ್ರರಾಜನ್ ದಧಿಮುಖಃಕಪಿಃ ॥ 22 ॥
ಸುಮುಖೋದುರ್ಮುಖಶ್ಚಾತ್ರವೇಗದರ್ಶೀಚವಾನರಃ ।
ಮೃತ್ಯುರ್ವಾನರರೂಪೇಣನೂನಂಸೃಷ್ಟಸ್ಸ್ವಯಮ್ಭುವಾ ॥ 23 ॥
ಪುತ್ತ್ರೋಹುತವಹಸ್ಯಾಥನೀಲಸ್ಸೇನಾಪತಿಸ್ಸ್ವಯಮ್ ।
ಅನಿಲಸ್ಯಚಪುತ್ತ್ರೋಽತ್ರಹನೂಮಾನಿತಿವಿಶ್ರುತಃ ॥ 24 ॥
ನಪ್ತಾಶಕ್ರಸ್ಯದುರ್ಧರ್ಷೋಬಲವಾನಙ್ಗದೋಯುವಾ ।
ಮೈನ್ದಶ್ಚದ್ವಿವಿದಶ್ಚೋಭೌಬಲಿನಾವಶ್ವಿಸಮ್ಭವೌ ॥ 25 ॥
ಪುತ್ತ್ರಾವೈವಸ್ವತಸ್ಯಾತ್ರಪಞ್ಚಕಾಲಾನ್ತಕೋಪಮಾಃ ।
ಗಜೋಗವಾಕ್ಷೋಗವಯಶ್ಶರಭೋಗನ್ಧಮಾದನಃ ॥ 26 ॥
ದಶವಾನರಕೋಟ್ಯಶ್ಚಶೂರಾಣಾಂಯುದ್ಧಕಾಙ್ಕ್ಷಿಣಾಮ್ ।
ಶ್ರೀಮತಾನ್ದೇವಪುತ್ತ್ರಾಣಾಂಶೇಷನ್ನಾಖ್ಯಾತುಮುತ್ಸಹೇ ॥ 27 ॥
ಪುತ್ತ್ರೋದಶರಥಸ್ಯೈಷಸಿಂಹಸಂಹನೋಯುವಾ ।
ದೂಷಣೋನಿಹತೋಯೇನಖರಶ್ಚತ್ರಿಶಿರಾಸ್ತಥಾ ॥ 28 ॥
ನಾಸ್ತಿರಾಮಸ್ಯಸದೃಶೋವಿಕ್ರಮೇಭುವಿಕಶ್ಚನ ।
ವಿರಾಧೋನಿಹತೋಯೇನಕಬನ್ಧಶ್ಚಾನ್ತಕೋಪಮಃ ॥ 29 ॥
ವಕ್ತುನ್ನಶಕ್ತೋರಾಮಸ್ಯನರಃಕಶ್ಚಿದ್ಗುಣಾನ್ ಕ್ಷಿತೌ ।
ಜನಸ್ಥಾನಗತಾಯೇನಯಾವನ್ತೋರಾಕ್ಷಸಾಹತಾಃ ॥ 30 ॥
ಲಕ್ಷ್ಮಣಶ್ಚಾತ್ರಧರ್ಮಾತ್ಮಾಮಾತಙ್ಗಾನಾಮಿವರ್ಷಭಃ ।
ಯಸ್ಯಬಾಣಪಥಮ್ಪ್ರಾಪ್ಯನಜೀವೇದಪಿವಾಸವಃ ॥ 31 ॥
ಶ್ವೇತೋಜ್ಯೋತಿರ್ಮುಖಶ್ಚಾತ್ರಭಾಸ್ಕರಸ್ಯಾತ್ಮಸಮ್ಭವೌ ।
ವರುಣಸ್ಯಚಪುತ್ತ್ರೋಽನ್ಯೋಃಹೇಮಕೂಟಃಪ್ಲವಙ್ಗಮಃ ॥ 32 ॥
ವಿಶ್ವಕರ್ಮಸುತೋವೀರೋನಲಃಪ್ಲವಗಸತ್ತಮಃ ।
ವಿಕ್ರಾನ್ತೋಬಲವಾನತ್ರವಸುಪುತ್ರಸ್ಸದುರ್ಧರಃ ॥ 33 ॥
ರಾಕ್ಷಸಾನಾಂವರಿಷ್ಠಶ್ಚತವಭ್ರಾತಾವೀಭೀಷಣಃ ।
ಪ್ರತಿಗೃಹ್ಯಪುರೀಂಲಙ್ಕಾಂರಾಘವಸ್ಯಹಿತೇರತಃ ॥ 34 ॥
ಇತಿಸರ್ವಂಸಮಾಖ್ಯಾತನ್ತವೇದಂವಾನರಮ್ಬಲಮ್ ।
ಸುವೇಲೇಽಧಿಷ್ಠಿತಂಶೈಲೇಶೇಷಕಾರ್ಯೇಭವಾನ್ಗತಿಃ ॥ 35 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ತ್ರಿಂಶಸ್ಸರ್ಗಃ ॥
