śrīmadvālmīkīya rāmāyaṇē yuddhakāṇḍam ।
atha triṃśassargaḥ ।
tatastamakṣōbhyabalaṃlaṅkādhipatayēcharāḥ ।
suvēlērāghavaṃśailēniviṣṭampratyavēdayan ॥ 1 ॥
chārāṇāṃrāvaṇaśśrutvāprāptaṃrāmammahābalam ।
jātōdvēgō'bhavatkiñchichChārdūlaṃvākyamabravīt ॥ 2 ॥
ayathāvachchatēvarṇōdīnaśchāsiniśāchara ।
nāsikachchidamitrāṇāṅkruddhānāṃvaśamāgataḥ ॥ 3 ॥
ititēnānuśiṣṭastuvāchammandamudīrayat ।
tadārākṣasaśārdūlaṃśārdūlōbhayavihvalaḥ ॥ 4 ॥
natēchārayituṃśakyārājanvānarapuṅgavāḥ ।
vikrāntābalavantaścharāghavēṇacharakṣitāḥ ॥ 5 ॥
nāpisambhāṣituṃśakyāssampraśnō'tranalabhyatē ।
sarvatōrakṣyatēpanthāvānaraiḥparvatōpamai ॥ 6 ॥
praviṣṭamātrējñātō'hambalētasminnachāritē ।
balādgṛhītōrakṣōbhirbahudhā'smivichālitaḥ ॥ 7 ॥
jānubhirmuṣṭibhirdantēstalaiśchābhihatōbhṛśam ।
pariṇītō'smiharibhirbalavadbhiramarṣaṇaiḥ ॥ 8 ॥
pariṇīyachasarvatranītō'haṃrāmasaṃsadam ।
rudhirādigdhasarvāṅgōvihvalaśchalitēndriyaḥ ॥ 9 ॥
haribhirvadhyamānaśchayāchamānaḥkṛtāñjaliḥ ।
rāghavēṇaparitrātōjīvāmītiyadṛchChayā ॥ 10 ॥
ēṣaśailaiśśilābhiśchapūrayitvāmahārṇavam ।
dvāramāśrityalaṅkāyārāmastiṣṭhatisāyudhaḥ ॥ 11 ॥
garuḍavyūhamāsthāyasarvatōharibhirvṛtaḥ ।
māṃvisṛjyamahātējālaṅkāmēvābhivartatē ॥ 12 ॥
purāprākāramāyātikṣipramēkataraṅkuru ।
sītāṃvāsmaiprayachChāśuyuddhaṃvāpradīyatām ॥ 13 ॥
manasātantadāprēkṣyatachChrutvārākṣasādhipaḥ ।
śārdūlaṃsumahadvākyamathōvāchasarāvaṇaḥ ॥ 14 ॥
yadimāmpratiyudhyērandēvagandharvadānavāḥ ।
naivasītāmpradāsyāmisarvalōkabhayādapi ॥ 15 ॥
ēvamuktvāmahātējārāvaṇaḥpunarabravīt ।
charitābhavatāsēnākē'traśūrāḥplavaṅgamāḥ ॥ 16 ॥
kīdṛśāḥ kimprabhāḥ saumyavānarāyēdurāsadāḥ ।
kasyaputrāśchapautrāśchatattvamākhyāhirākṣasaḥ ॥ 17 ॥
tathātrapratipatsyāmijñātvātēṣāmbalābalam ।
avaśyambalasaṅ khyānaṅkartavyaṃyuddhamichChatām ॥ 18 ॥
athaivamuktaśśārdūlōrāvaṇēnōttamaścharaḥ ।
idaṃvachanamārēbhēvaktuṃrāvaṇasannidhau ॥ 19 ॥
atharkṣarajasaḥputrōyudhirājāsudurjayaḥ ।
gadgadasyāthaputtrō'trajāmbavānitiviśrutaḥ ॥ 20 ॥
gadgadasyaivaputtrō'nyōguruputraḥ śatakratōḥ ।
kadanaṃyasyaputrēṇakṛtamēkēnarakṣasām ॥ 21 ॥
suṣēṇaśchāpidharmātmāputrōdharmasyavīryavān ।
saumyassōmātmajaśchātrarājan dadhimukhaḥkapiḥ ॥ 22 ॥
sumukhōdurmukhaśchātravēgadarśīchavānaraḥ ।
mṛtyurvānararūpēṇanūnaṃsṛṣṭassvayambhuvā ॥ 23 ॥
puttrōhutavahasyāthanīlassēnāpatissvayam ।
anilasyachaputtrō'trahanūmānitiviśrutaḥ ॥ 24 ॥
naptāśakrasyadurdharṣōbalavānaṅgadōyuvā ।
maindaśchadvividaśchōbhaubalināvaśvisambhavau ॥ 25 ॥
puttrāvaivasvatasyātrapañchakālāntakōpamāḥ ।
gajōgavākṣōgavayaśśarabhōgandhamādanaḥ ॥ 26 ॥
daśavānarakōṭyaśchaśūrāṇāṃyuddhakāṅkṣiṇām ।
śrīmatāndēvaputtrāṇāṃśēṣannākhyātumutsahē ॥ 27 ॥
puttrōdaśarathasyaiṣasiṃhasaṃhanōyuvā ।
dūṣaṇōnihatōyēnakharaśchatriśirāstathā ॥ 28 ॥
nāstirāmasyasadṛśōvikramēbhuvikaśchana ।
virādhōnihatōyēnakabandhaśchāntakōpamaḥ ॥ 29 ॥
vaktunnaśaktōrāmasyanaraḥkaśchidguṇān kṣitau ।
janasthānagatāyēnayāvantōrākṣasāhatāḥ ॥ 30 ॥
lakṣmaṇaśchātradharmātmāmātaṅgānāmivarṣabhaḥ ।
yasyabāṇapathamprāpyanajīvēdapivāsavaḥ ॥ 31 ॥
śvētōjyōtirmukhaśchātrabhāskarasyātmasambhavau ।
varuṇasyachaputtrō'nyōḥhēmakūṭaḥplavaṅgamaḥ ॥ 32 ॥
viśvakarmasutōvīrōnalaḥplavagasattamaḥ ।
vikrāntōbalavānatravasuputrassadurdharaḥ ॥ 33 ॥
rākṣasānāṃvariṣṭhaśchatavabhrātāvībhīṣaṇaḥ ।
pratigṛhyapurīṃlaṅkāṃrāghavasyahitērataḥ ॥ 34 ॥
itisarvaṃsamākhyātantavēdaṃvānarambalam ।
suvēlē'dhiṣṭhitaṃśailēśēṣakāryēbhavāngatiḥ ॥ 35 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē triṃśassargaḥ ॥
