ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ତ୍ରିଂଶସ୍ସର୍ଗଃ ।
ତତସ୍ତମକ୍ଷୋଭ୍ୟବଲଂଲଂକାଧିପତୟେଚରାଃ ।
ସୁଵେଲେରାଘଵଂଶୈଲେନିଵିଷ୍ଟଂପ୍ରତ୍ୟଵେଦୟନ୍ ॥ 1 ॥
ଚାରାଣାଂରାଵଣଶ୍ଶ୍ରୁତ୍ଵାପ୍ରାପ୍ତଂରାମଂମହାବଲମ୍ ।
ଜାତୋଦ୍ଵେଗୋଽଭଵତ୍କିଂଚିଚ୍ଛାର୍ଦୂଲଂଵାକ୍ୟମବ୍ରଵୀତ୍ ॥ 2 ॥
ଅୟଥାଵଚ୍ଚତେଵର୍ଣୋଦୀନଶ୍ଚାସିନିଶାଚର ।
ନାସିକଚ୍ଚିଦମିତ୍ରାଣାଂକ୍ରୁଦ୍ଧାନାଂଵଶମାଗତଃ ॥ 3 ॥
ଇତିତେନାନୁଶିଷ୍ଟସ୍ତୁଵାଚଂମଂଦମୁଦୀରୟତ୍ ।
ତଦାରାକ୍ଷସଶାର୍ଦୂଲଂଶାର୍ଦୂଲୋଭୟଵିହ୍ଵଲଃ ॥ 4 ॥
ନତେଚାରୟିତୁଂଶକ୍ୟାରାଜନ୍ଵାନରପୁଂଗଵାଃ ।
ଵିକ୍ରାଂତାବଲଵଂତଶ୍ଚରାଘଵେଣଚରକ୍ଷିତାଃ ॥ 5 ॥
ନାପିସଂଭାଷିତୁଂଶକ୍ୟାସ୍ସଂପ୍ରଶ୍ନୋଽତ୍ରନଲଭ୍ୟତେ ।
ସର୍ଵତୋରକ୍ଷ୍ୟତେପଂଥାଵାନରୈଃପର୍ଵତୋପମୈ ॥ 6 ॥
ପ୍ରଵିଷ୍ଟମାତ୍ରେଜ୍ଞାତୋଽହଂବଲେତସ୍ମିନ୍ନଚାରିତେ ।
ବଲାଦ୍ଗୃହୀତୋରକ୍ଷୋଭିର୍ବହୁଧାଽସ୍ମିଵିଚାଲିତଃ ॥ 7 ॥
ଜାନୁଭିର୍ମୁଷ୍ଟିଭିର୍ଦଂତେସ୍ତଲୈଶ୍ଚାଭିହତୋଭୃଶମ୍ ।
ପରିଣୀତୋଽସ୍ମିହରିଭିର୍ବଲଵଦ୍ଭିରମର୍ଷଣୈଃ ॥ 8 ॥
ପରିଣୀୟଚସର୍ଵତ୍ରନୀତୋଽହଂରାମସଂସଦମ୍ ।
ରୁଧିରାଦିଗ୍ଧସର୍ଵାଂଗୋଵିହ୍ଵଲଶ୍ଚଲିତେଂଦ୍ରିୟଃ ॥ 9 ॥
ହରିଭିର୍ଵଧ୍ୟମାନଶ୍ଚୟାଚମାନଃକୃତାଂଜଲିଃ ।
ରାଘଵେଣପରିତ୍ରାତୋଜୀଵାମୀତିୟଦୃଚ୍ଛୟା ॥ 10 ॥
ଏଷଶୈଲୈଶ୍ଶିଲାଭିଶ୍ଚପୂରୟିତ୍ଵାମହାର୍ଣଵମ୍ ।
ଦ୍ଵାରମାଶ୍ରିତ୍ୟଲଂକାୟାରାମସ୍ତିଷ୍ଠତିସାୟୁଧଃ ॥ 11 ॥
ଗରୁଡଵ୍ୟୂହମାସ୍ଥାୟସର୍ଵତୋହରିଭିର୍ଵୃତଃ ।
ମାଂଵିସୃଜ୍ୟମହାତେଜାଲଂକାମେଵାଭିଵର୍ତତେ ॥ 12 ॥
ପୁରାପ୍ରାକାରମାୟାତିକ୍ଷିପ୍ରମେକତରଂକୁରୁ ।
ସୀତାଂଵାସ୍ମୈପ୍ରୟଚ୍ଛାଶୁୟୁଦ୍ଧଂଵାପ୍ରଦୀୟତାମ୍ ॥ 13 ॥
ମନସାତଂତଦାପ୍ରେକ୍ଷ୍ୟତଚ୍ଛ୍ରୁତ୍ଵାରାକ୍ଷସାଧିପଃ ।
ଶାର୍ଦୂଲଂସୁମହଦ୍ଵାକ୍ୟମଥୋଵାଚସରାଵଣଃ ॥ 14 ॥
ୟଦିମାଂପ୍ରତିୟୁଧ୍ୟେରଂଦେଵଗଂଧର୍ଵଦାନଵାଃ ।
ନୈଵସୀତାଂପ୍ରଦାସ୍ୟାମିସର୍ଵଲୋକଭୟାଦପି ॥ 15 ॥
ଏଵମୁକ୍ତ୍ଵାମହାତେଜାରାଵଣଃପୁନରବ୍ରଵୀତ୍ ।
ଚରିତାଭଵତାସେନାକେଽତ୍ରଶୂରାଃପ୍ଲଵଂଗମାଃ ॥ 16 ॥
କୀଦୃଶାଃ କିଂପ୍ରଭାଃ ସୌମ୍ୟଵାନରାୟେଦୁରାସଦାଃ ।
କସ୍ୟପୁତ୍ରାଶ୍ଚପୌତ୍ରାଶ୍ଚତତ୍ତ୍ଵମାଖ୍ୟାହିରାକ୍ଷସଃ ॥ 17 ॥
ତଥାତ୍ରପ୍ରତିପତ୍ସ୍ୟାମିଜ୍ଞାତ୍ଵାତେଷାଂବଲାବଲମ୍ ।
ଅଵଶ୍ୟଂବଲସଙ୍ ଖ୍ୟାନଂକର୍ତଵ୍ୟଂୟୁଦ୍ଧମିଚ୍ଛତାମ୍ ॥ 18 ॥
ଅଥୈଵମୁକ୍ତଶ୍ଶାର୍ଦୂଲୋରାଵଣେନୋତ୍ତମଶ୍ଚରଃ ।
ଇଦଂଵଚନମାରେଭେଵକ୍ତୁଂରାଵଣସନ୍ନିଧୌ ॥ 19 ॥
ଅଥର୍କ୍ଷରଜସଃପୁତ୍ରୋୟୁଧିରାଜାସୁଦୁର୍ଜୟଃ ।
ଗଦ୍ଗଦସ୍ୟାଥପୁତ୍ତ୍ରୋଽତ୍ରଜାଂବଵାନିତିଵିଶ୍ରୁତଃ ॥ 20 ॥
ଗଦ୍ଗଦସ୍ୟୈଵପୁତ୍ତ୍ରୋଽନ୍ୟୋଗୁରୁପୁତ୍ରଃ ଶତକ୍ରତୋଃ ।
କଦନଂୟସ୍ୟପୁତ୍ରେଣକୃତମେକେନରକ୍ଷସାମ୍ ॥ 21 ॥
ସୁଷେଣଶ୍ଚାପିଧର୍ମାତ୍ମାପୁତ୍ରୋଧର୍ମସ୍ୟଵୀର୍ୟଵାନ୍ ।
ସୌମ୍ୟସ୍ସୋମାତ୍ମଜଶ୍ଚାତ୍ରରାଜନ୍ ଦଧିମୁଖଃକପିଃ ॥ 22 ॥
ସୁମୁଖୋଦୁର୍ମୁଖଶ୍ଚାତ୍ରଵେଗଦର୍ଶୀଚଵାନରଃ ।
ମୃତ୍ୟୁର୍ଵାନରରୂପେଣନୂନଂସୃଷ୍ଟସ୍ସ୍ଵୟଂଭୁଵା ॥ 23 ॥
ପୁତ୍ତ୍ରୋହୁତଵହସ୍ୟାଥନୀଲସ୍ସେନାପତିସ୍ସ୍ଵୟମ୍ ।
ଅନିଲସ୍ୟଚପୁତ୍ତ୍ରୋଽତ୍ରହନୂମାନିତିଵିଶ୍ରୁତଃ ॥ 24 ॥
ନପ୍ତାଶକ୍ରସ୍ୟଦୁର୍ଧର୍ଷୋବଲଵାନଂଗଦୋୟୁଵା ।
ମୈଂଦଶ୍ଚଦ୍ଵିଵିଦଶ୍ଚୋଭୌବଲିନାଵଶ୍ଵିସଂଭଵୌ ॥ 25 ॥
ପୁତ୍ତ୍ରାଵୈଵସ୍ଵତସ୍ୟାତ୍ରପଂଚକାଲାଂତକୋପମାଃ ।
ଗଜୋଗଵାକ୍ଷୋଗଵୟଶ୍ଶରଭୋଗଂଧମାଦନଃ ॥ 26 ॥
ଦଶଵାନରକୋଟ୍ୟଶ୍ଚଶୂରାଣାଂୟୁଦ୍ଧକାଂକ୍ଷିଣାମ୍ ।
ଶ୍ରୀମତାଂଦେଵପୁତ୍ତ୍ରାଣାଂଶେଷଂନାଖ୍ୟାତୁମୁତ୍ସହେ ॥ 27 ॥
ପୁତ୍ତ୍ରୋଦଶରଥସ୍ୟୈଷସିଂହସଂହନୋୟୁଵା ।
ଦୂଷଣୋନିହତୋୟେନଖରଶ୍ଚତ୍ରିଶିରାସ୍ତଥା ॥ 28 ॥
ନାସ୍ତିରାମସ୍ୟସଦୃଶୋଵିକ୍ରମେଭୁଵିକଶ୍ଚନ ।
ଵିରାଧୋନିହତୋୟେନକବଂଧଶ୍ଚାଂତକୋପମଃ ॥ 29 ॥
ଵକ୍ତୁଂନଶକ୍ତୋରାମସ୍ୟନରଃକଶ୍ଚିଦ୍ଗୁଣାନ୍ କ୍ଷିତୌ ।
ଜନସ୍ଥାନଗତାୟେନୟାଵଂତୋରାକ୍ଷସାହତାଃ ॥ 30 ॥
ଲକ୍ଷ୍ମଣଶ୍ଚାତ୍ରଧର୍ମାତ୍ମାମାତଂଗାନାମିଵର୍ଷଭଃ ।
ୟସ୍ୟବାଣପଥଂପ୍ରାପ୍ୟନଜୀଵେଦପିଵାସଵଃ ॥ 31 ॥
ଶ୍ଵେତୋଜ୍ୟୋତିର୍ମୁଖଶ୍ଚାତ୍ରଭାସ୍କରସ୍ୟାତ୍ମସଂଭଵୌ ।
ଵରୁଣସ୍ୟଚପୁତ୍ତ୍ରୋଽନ୍ୟୋଃହେମକୂଟଃପ୍ଲଵଂଗମଃ ॥ 32 ॥
ଵିଶ୍ଵକର୍ମସୁତୋଵୀରୋନଲଃପ୍ଲଵଗସତ୍ତମଃ ।
ଵିକ୍ରାଂତୋବଲଵାନତ୍ରଵସୁପୁତ୍ରସ୍ସଦୁର୍ଧରଃ ॥ 33 ॥
ରାକ୍ଷସାନାଂଵରିଷ୍ଠଶ୍ଚତଵଭ୍ରାତାଵୀଭୀଷଣଃ ।
ପ୍ରତିଗୃହ୍ୟପୁରୀଂଲଂକାଂରାଘଵସ୍ୟହିତେରତଃ ॥ 34 ॥
ଇତିସର୍ଵଂସମାଖ୍ୟାତଂତଵେଦଂଵାନରଂବଲମ୍ ।
ସୁଵେଲେଽଧିଷ୍ଠିତଂଶୈଲେଶେଷକାର୍ୟେଭଵାନ୍ଗତିଃ ॥ 35 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ତ୍ରିଂଶସ୍ସର୍ଗଃ ॥
