শ্রীমদ্বাল্মীকীয় রামাযণে যুদ্ধকাংডম্ ।
অথ ত্রিংশস্সর্গঃ ।
ততস্তমক্ষোভ্যবলংলংকাধিপতয়েচরাঃ ।
সুবেলেরাঘবংশৈলেনিবিষ্টংপ্রত্যবেদযন্ ॥ 1 ॥
চারাণাংরাবণশ্শ্রুত্বাপ্রাপ্তংরামংমহাবলম্ ।
জাতোদ্বেগোঽভবত্কিংচিচ্ছার্দূলংবাক্যমব্রবীত্ ॥ 2 ॥
অযথাবচ্চতেবর্ণোদীনশ্চাসিনিশাচর ।
নাসিকচ্চিদমিত্রাণাংক্রুদ্ধানাংবশমাগতঃ ॥ 3 ॥
ইতিতেনানুশিষ্টস্তুবাচংমংদমুদীরযত্ ।
তদারাক্ষসশার্দূলংশার্দূলোভযবিহ্বলঃ ॥ 4 ॥
নতেচারয়িতুংশক্য়ারাজন্বানরপুংগবাঃ ।
বিক্রাংতাবলবংতশ্চরাঘবেণচরক্ষিতাঃ ॥ 5 ॥
নাপিসংভাষিতুংশক্য়াস্সংপ্রশ্নোঽত্রনলভ্যতে ।
সর্বতোরক্ষ্যতেপংথাবানরৈঃপর্বতোপমৈ ॥ 6 ॥
প্রবিষ্টমাত্রেজ্ঞাতোঽহংবলেতস্মিন্নচারিতে ।
বলাদ্গৃহীতোরক্ষোভির্বহুধাঽস্মিবিচালিতঃ ॥ 7 ॥
জানুভির্মুষ্টিভির্দংতেস্তলৈশ্চাভিহতোভৃশম্ ।
পরিণীতোঽস্মিহরিভির্বলবদ্ভিরমর্ষণৈঃ ॥ 8 ॥
পরিণীযচসর্বত্রনীতোঽহংরামসংসদম্ ।
রুধিরাদিগ্ধসর্বাংগোবিহ্বলশ্চলিতেংদ্রিয়ঃ ॥ 9 ॥
হরিভির্বধ্যমানশ্চয়াচমানঃকৃতাংজলিঃ ।
রাঘবেণপরিত্রাতোজীবামীতিযদৃচ্ছয়া ॥ 10 ॥
এষশৈলৈশ্শিলাভিশ্চপূরয়িত্বামহার্ণবম্ ।
দ্বারমাশ্রিত্যলংকায়ারামস্তিষ্ঠতিসায়ুধঃ ॥ 11 ॥
গরুডব্য়ূহমাস্থাযসর্বতোহরিভির্বৃতঃ ।
মাংবিসৃজ্যমহাতেজালংকামেবাভিবর্ততে ॥ 12 ॥
পুরাপ্রাকারমায়াতিক্ষিপ্রমেকতরংকুরু ।
সীতাংবাস্মৈপ্রযচ্ছাশুয়ুদ্ধংবাপ্রদীযতাম্ ॥ 13 ॥
মনসাতংতদাপ্রেক্ষ্যতচ্ছ্রুত্বারাক্ষসাধিপঃ ।
শার্দূলংসুমহদ্বাক্যমথোবাচসরাবণঃ ॥ 14 ॥
যদিমাংপ্রতিয়ুধ্য়েরংদেবগংধর্বদানবাঃ ।
নৈবসীতাংপ্রদাস্য়ামিসর্বলোকভয়াদপি ॥ 15 ॥
এবমুক্ত্বামহাতেজারাবণঃপুনরব্রবীত্ ।
চরিতাভবতাসেনাকেঽত্রশূরাঃপ্লবংগমাঃ ॥ 16 ॥
কীদৃশাঃ কিংপ্রভাঃ সৌম্যবানরায়েদুরাসদাঃ ।
কস্যপুত্রাশ্চপৌত্রাশ্চতত্ত্বমাখ্য়াহিরাক্ষসঃ ॥ 17 ॥
তথাত্রপ্রতিপত্স্য়ামিজ্ঞাত্বাতেষাংবলাবলম্ ।
অবশ্য়ংবলসঙ্ খ্য়ানংকর্তব্য়ংয়ুদ্ধমিচ্ছতাম্ ॥ 18 ॥
অথৈবমুক্তশ্শার্দূলোরাবণেনোত্তমশ্চরঃ ।
ইদংবচনমারেভেবক্তুংরাবণসন্নিধৌ ॥ 19 ॥
অথর্ক্ষরজসঃপুত্রোয়ুধিরাজাসুদুর্জয়ঃ ।
গদ্গদস্য়াথপুত্ত্রোঽত্রজাংববানিতিবিশ্রুতঃ ॥ 20 ॥
গদ্গদস্য়ৈবপুত্ত্রোঽন্য়োগুরুপুত্রঃ শতক্রতোঃ ।
কদনংযস্যপুত্রেণকৃতমেকেনরক্ষসাম্ ॥ 21 ॥
সুষেণশ্চাপিধর্মাত্মাপুত্রোধর্মস্যবীর্যবান্ ।
সৌম্যস্সোমাত্মজশ্চাত্ররাজন্ দধিমুখঃকপিঃ ॥ 22 ॥
সুমুখোদুর্মুখশ্চাত্রবেগদর্শীচবানরঃ ।
মৃত্য়ুর্বানররূপেণনূনংসৃষ্টস্স্বয়ংভুবা ॥ 23 ॥
পুত্ত্রোহুতবহস্য়াথনীলস্সেনাপতিস্স্বযম্ ।
অনিলস্যচপুত্ত্রোঽত্রহনূমানিতিবিশ্রুতঃ ॥ 24 ॥
নপ্তাশক্রস্যদুর্ধর্ষোবলবানংগদোয়ুবা ।
মৈংদশ্চদ্বিবিদশ্চোভৌবলিনাবশ্বিসংভবৌ ॥ 25 ॥
পুত্ত্রাবৈবস্বতস্য়াত্রপংচকালাংতকোপমাঃ ।
গজোগবাক্ষোগবযশ্শরভোগংধমাদনঃ ॥ 26 ॥
দশবানরকোট্যশ্চশূরাণাংয়ুদ্ধকাংক্ষিণাম্ ।
শ্রীমতাংদেবপুত্ত্রাণাংশেষংনাখ্য়াতুমুত্সহে ॥ 27 ॥
পুত্ত্রোদশরথস্য়ৈষসিংহসংহনোয়ুবা ।
দূষণোনিহতোয়েনখরশ্চত্রিশিরাস্তথা ॥ 28 ॥
নাস্তিরামস্যসদৃশোবিক্রমেভুবিকশ্চন ।
বিরাধোনিহতোয়েনকবংধশ্চাংতকোপমঃ ॥ 29 ॥
বক্তুংনশক্তোরামস্যনরঃকশ্চিদ্গুণান্ ক্ষিতৌ ।
জনস্থানগতায়েনয়াবংতোরাক্ষসাহতাঃ ॥ 30 ॥
লক্ষ্মণশ্চাত্রধর্মাত্মামাতংগানামিবর্ষভঃ ।
যস্যবাণপথংপ্রাপ্যনজীবেদপিবাসবঃ ॥ 31 ॥
শ্বেতোজ্য়োতির্মুখশ্চাত্রভাস্করস্য়াত্মসংভবৌ ।
বরুণস্যচপুত্ত্রোঽন্য়োঃহেমকূটঃপ্লবংগমঃ ॥ 32 ॥
বিশ্বকর্মসুতোবীরোনলঃপ্লবগসত্তমঃ ।
বিক্রাংতোবলবানত্রবসুপুত্রস্সদুর্ধরঃ ॥ 33 ॥
রাক্ষসানাংবরিষ্ঠশ্চতবভ্রাতাবীভীষণঃ ।
প্রতিগৃহ্যপুরীংলংকাংরাঘবস্যহিতেরতঃ ॥ 34 ॥
ইতিসর্বংসমাখ্য়াতংতবেদংবানরংবলম্ ।
সুবেলেঽধিষ্ঠিতংশৈলেশেষকার্য়েভবান্গতিঃ ॥ 35 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে ত্রিংশস্সর্গঃ ॥
