ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ത്രിംശസ്സര്ഗഃ ।
തതസ്തമക്ഷോഭ്യബലംലംകാധിപതയേചരാഃ ।
സുവേലേരാഘവംശൈലേനിവിഷ്ടംപ്രത്യവേദയന് ॥ 1 ॥
ചാരാണാംരാവണശ്ശ്രുത്വാപ്രാപ്തംരാമംമഹാബലമ് ।
ജാതോദ്വേഗോഽഭവത്കിംചിച്ഛാര്ദൂലംവാക്യമബ്രവീത് ॥ 2 ॥
അയഥാവച്ചതേവര്ണോദീനശ്ചാസിനിശാചര ।
നാസികച്ചിദമിത്രാണാംക്രുദ്ധാനാംവശമാഗതഃ ॥ 3 ॥
ഇതിതേനാനുശിഷ്ടസ്തുവാചംമംദമുദീരയത് ।
തദാരാക്ഷസശാര്ദൂലംശാര്ദൂലോഭയവിഹ്വലഃ ॥ 4 ॥
നതേചാരയിതുംശക്യാരാജന്വാനരപുംഗവാഃ ।
വിക്രാംതാബലവംതശ്ചരാഘവേണചരക്ഷിതാഃ ॥ 5 ॥
നാപിസംഭാഷിതുംശക്യാസ്സംപ്രശ്നോഽത്രനലഭ്യതേ ।
സർവതോരക്ഷ്യതേപംഥാവാനരൈഃപർവതോപമൈ ॥ 6 ॥
പ്രവിഷ്ടമാത്രേജ്ഞാതോഽഹംബലേതസ്മിന്നചാരിതേ ।
ബലാദ്ഗൃഹീതോരക്ഷോഭിര്ബഹുധാഽസ്മിവിചാലിതഃ ॥ 7 ॥
ജാനുഭിര്മുഷ്ടിഭിര്ദംതേസ്തലൈശ്ചാഭിഹതോഭൃശമ് ।
പരിണീതോഽസ്മിഹരിഭിര്ബലവദ്ഭിരമര്ഷണൈഃ ॥ 8 ॥
പരിണീയചസർവത്രനീതോഽഹംരാമസംസദമ് ।
രുധിരാദിഗ്ധസർവാംഗോവിഹ്വലശ്ചലിതേംദ്രിയഃ ॥ 9 ॥
ഹരിഭിർവധ്യമാനശ്ചയാചമാനഃകൃതാംജലിഃ ।
രാഘവേണപരിത്രാതോജീവാമീതിയദൃച്ഛയാ ॥ 10 ॥
ഏഷശൈലൈശ്ശിലാഭിശ്ചപൂരയിത്വാമഹാര്ണവമ് ।
ദ്വാരമാശ്രിത്യലംകായാരാമസ്തിഷ്ഠതിസായുധഃ ॥ 11 ॥
ഗരുഡവ്യൂഹമാസ്ഥായസർവതോഹരിഭിർവൃതഃ ।
മാംവിസൃജ്യമഹാതേജാലംകാമേവാഭിവര്തതേ ॥ 12 ॥
പുരാപ്രാകാരമായാതിക്ഷിപ്രമേകതരംകുരു ।
സീതാംവാസ്മൈപ്രയച്ഛാശുയുദ്ധംവാപ്രദീയതാമ് ॥ 13 ॥
മനസാതംതദാപ്രേക്ഷ്യതച്ഛ്രുത്വാരാക്ഷസാധിപഃ ।
ശാര്ദൂലംസുമഹദ്വാക്യമഥോവാചസരാവണഃ ॥ 14 ॥
യദിമാംപ്രതിയുധ്യേരംദേവഗംധർവദാനവാഃ ।
നൈവസീതാംപ്രദാസ്യാമിസർവലോകഭയാദപി ॥ 15 ॥
ഏവമുക്ത്വാമഹാതേജാരാവണഃപുനരബ്രവീത് ।
ചരിതാഭവതാസേനാകേഽത്രശൂരാഃപ്ലവംഗമാഃ ॥ 16 ॥
കീദൃശാഃ കിംപ്രഭാഃ സൌമ്യവാനരായേദുരാസദാഃ ।
കസ്യപുത്രാശ്ചപൌത്രാശ്ചതത്ത്വമാഖ്യാഹിരാക്ഷസഃ ॥ 17 ॥
തഥാത്രപ്രതിപത്സ്യാമിജ്ഞാത്വാതേഷാംബലാബലമ് ।
അവശ്യംബലസങ് ഖ്യാനംകര്തവ്യംയുദ്ധമിച്ഛതാമ് ॥ 18 ॥
അഥൈവമുക്തശ്ശാര്ദൂലോരാവണേനോത്തമശ്ചരഃ ।
ഇദംവചനമാരേഭേവക്തുംരാവണസന്നിധൌ ॥ 19 ॥
അഥര്ക്ഷരജസഃപുത്രോയുധിരാജാസുദുര്ജയഃ ।
ഗദ്ഗദസ്യാഥപുത്ത്രോഽത്രജാംബവാനിതിവിശ്രുതഃ ॥ 20 ॥
ഗദ്ഗദസ്യൈവപുത്ത്രോഽന്യോഗുരുപുത്രഃ ശതക്രതോഃ ।
കദനംയസ്യപുത്രേണകൃതമേകേനരക്ഷസാമ് ॥ 21 ॥
സുഷേണശ്ചാപിധര്മാത്മാപുത്രോധര്മസ്യവീര്യവാന് ।
സൌമ്യസ്സോമാത്മജശ്ചാത്രരാജന് ദധിമുഖഃകപിഃ ॥ 22 ॥
സുമുഖോദുര്മുഖശ്ചാത്രവേഗദര്ശീചവാനരഃ ।
മൃത്യുർവാനരരൂപേണനൂനംസൃഷ്ടസ്സ്വയംഭുവാ ॥ 23 ॥
പുത്ത്രോഹുതവഹസ്യാഥനീലസ്സേനാപതിസ്സ്വയമ് ।
അനിലസ്യചപുത്ത്രോഽത്രഹനൂമാനിതിവിശ്രുതഃ ॥ 24 ॥
നപ്താശക്രസ്യദുര്ധര്ഷോബലവാനംഗദോയുവാ ।
മൈംദശ്ചദ്വിവിദശ്ചോഭൌബലിനാവശ്വിസംഭവൌ ॥ 25 ॥
പുത്ത്രാവൈവസ്വതസ്യാത്രപംചകാലാംതകോപമാഃ ।
ഗജോഗവാക്ഷോഗവയശ്ശരഭോഗംധമാദനഃ ॥ 26 ॥
ദശവാനരകോട്യശ്ചശൂരാണാംയുദ്ധകാംക്ഷിണാമ് ।
ശ്രീമതാംദേവപുത്ത്രാണാംശേഷംനാഖ്യാതുമുത്സഹേ ॥ 27 ॥
പുത്ത്രോദശരഥസ്യൈഷസിംഹസംഹനോയുവാ ।
ദൂഷണോനിഹതോയേനഖരശ്ചത്രിശിരാസ്തഥാ ॥ 28 ॥
നാസ്തിരാമസ്യസദൃശോവിക്രമേഭുവികശ്ചന ।
വിരാധോനിഹതോയേനകബംധശ്ചാംതകോപമഃ ॥ 29 ॥
വക്തുംനശക്തോരാമസ്യനരഃകശ്ചിദ്ഗുണാന് ക്ഷിതൌ ।
ജനസ്ഥാനഗതായേനയാവംതോരാക്ഷസാഹതാഃ ॥ 30 ॥
ലക്ഷ്മണശ്ചാത്രധര്മാത്മാമാതംഗാനാമിവര്ഷഭഃ ।
യസ്യബാണപഥംപ്രാപ്യനജീവേദപിവാസവഃ ॥ 31 ॥
ശ്വേതോജ്യോതിര്മുഖശ്ചാത്രഭാസ്കരസ്യാത്മസംഭവൌ ।
വരുണസ്യചപുത്ത്രോഽന്യോഃഹേമകൂടഃപ്ലവംഗമഃ ॥ 32 ॥
വിശ്വകര്മസുതോവീരോനലഃപ്ലവഗസത്തമഃ ।
വിക്രാംതോബലവാനത്രവസുപുത്രസ്സദുര്ധരഃ ॥ 33 ॥
രാക്ഷസാനാംവരിഷ്ഠശ്ചതവഭ്രാതാവീഭീഷണഃ ।
പ്രതിഗൃഹ്യപുരീംലംകാംരാഘവസ്യഹിതേരതഃ ॥ 34 ॥
ഇതിസർവംസമാഖ്യാതംതവേദംവാനരംബലമ് ।
സുവേലേഽധിഷ്ഠിതംശൈലേശേഷകാര്യേഭവാന്ഗതിഃ ॥ 35 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ത്രിംശസ്സര്ഗഃ ॥
