ශ්රීමද්වාල්මීකීය රාමායණේ යුද්ධකාංඩම් ।
අථ ත්රිංශස්සර්ගඃ ।
තතස්තමක්ෂෝභ්යබලංලංකාධිපතයේචරාඃ ।
සුවේලේරාඝවංශෛලේනිවිෂ්ටංප්රත්යවේදයන් ॥ 1 ॥
චාරාණාංරාවණශ්ශ්රුත්වාප්රාප්තංරාමංමහාබලම් ।
ජාතෝද්වේගෝऽභවත්කිංචිච්ඡාර්දූලංවාක්යමබ්රවීත් ॥ 2 ॥
අයථාවච්චතේවර්ණෝදීනශ්චාසිනිශාචර ।
නාසිකච්චිදමිත්රාණාංක්රුද්ධානාංවශමාගතඃ ॥ 3 ॥
ඉතිතේනානුශිෂ්ටස්තුවාචංමංදමුදීරයත් ।
තදාරාක්ෂසශාර්දූලංශාර්දූලෝභයවිහ්වලඃ ॥ 4 ॥
නතේචාරයිතුංශක්යාරාජන්වානරපුංගවාඃ ।
වික්රාංතාබලවංතශ්චරාඝවේණචරක්ෂිතාඃ ॥ 5 ॥
නාපිසංභාෂිතුංශක්යාස්සංප්රශ්නෝऽත්රනලභ්යතේ ।
සර්වතෝරක්ෂ්යතේපංථාවානරෛඃපර්වතෝපමෛ ॥ 6 ॥
ප්රවිෂ්ටමාත්රේජ්ඤාතෝऽහංබලේතස්මින්නචාරිතේ ।
බලාද්ගෘහීතෝරක්ෂෝභිර්බහුධාऽස්මිවිචාලිතඃ ॥ 7 ॥
ජානුභිර්මුෂ්ටිභිර්දංතේස්තලෛශ්චාභිහතෝභෘශම් ।
පරිණීතෝऽස්මිහරිභිර්බලවද්භිරමර්ෂණෛඃ ॥ 8 ॥
පරිණීයචසර්වත්රනීතෝऽහංරාමසංසදම් ।
රුධිරාදිග්ධසර්වාංගෝවිහ්වලශ්චලිතේංද්රියඃ ॥ 9 ॥
හරිභිර්වධ්යමානශ්චයාචමානඃකෘතාංජලිඃ ।
රාඝවේණපරිත්රාතෝජීවාමීතියදෘච්ඡයා ॥ 10 ॥
ඒෂශෛලෛශ්ශිලාභිශ්චපූරයිත්වාමහාර්ණවම් ।
ද්වාරමාශ්රිත්යලංකායාරාමස්තිෂ්ඨතිසායුධඃ ॥ 11 ॥
ගරුඩව්යූහමාස්ථායසර්වතෝහරිභිර්වෘතඃ ।
මාංවිසෘජ්යමහාතේජාලංකාමේවාභිවර්තතේ ॥ 12 ॥
පුරාප්රාකාරමායාතික්ෂිප්රමේකතරංකුරු ।
සීතාංවාස්මෛප්රයච්ඡාශුයුද්ධංවාප්රදීයතාම් ॥ 13 ॥
මනසාතංතදාප්රේක්ෂ්යතච්ඡ්රුත්වාරාක්ෂසාධිපඃ ।
ශාර්දූලංසුමහද්වාක්යමථෝවාචසරාවණඃ ॥ 14 ॥
යදිමාංප්රතියුධ්යේරංදේවගංධර්වදානවාඃ ।
නෛවසීතාංප්රදාස්යාමිසර්වලෝකභයාදපි ॥ 15 ॥
ඒවමුක්ත්වාමහාතේජාරාවණඃපුනරබ්රවීත් ।
චරිතාභවතාසේනාකේऽත්රශූරාඃප්ලවංගමාඃ ॥ 16 ॥
කීදෘශාඃ කිංප්රභාඃ සෞම්යවානරායේදුරාසදාඃ ।
කස්යපුත්රාශ්චපෞත්රාශ්චතත්ත්වමාඛ්යාහිරාක්ෂසඃ ॥ 17 ॥
තථාත්රප්රතිපත්ස්යාමිජ්ඤාත්වාතේෂාංබලාබලම් ।
අවශ්යංබලසඞ් ඛ්යානංකර්තව්යංයුද්ධමිච්ඡතාම් ॥ 18 ॥
අථෛවමුක්තශ්ශාර්දූලෝරාවණේනෝත්තමශ්චරඃ ।
ඉදංවචනමාරේභේවක්තුංරාවණසන්නිධෞ ॥ 19 ॥
අථර්ක්ෂරජසඃපුත්රෝයුධිරාජාසුදුර්ජයඃ ।
ගද්ගදස්යාථපුත්ත්රෝऽත්රජාංබවානිතිවිශ්රුතඃ ॥ 20 ॥
ගද්ගදස්යෛවපුත්ත්රෝऽන්යෝගුරුපුත්රඃ ශතක්රතෝඃ ।
කදනංයස්යපුත්රේණකෘතමේකේනරක්ෂසාම් ॥ 21 ॥
සුෂේණශ්චාපිධර්මාත්මාපුත්රෝධර්මස්යවීර්යවාන් ।
සෞම්යස්සෝමාත්මජශ්චාත්රරාජන් දධිමුඛඃකපිඃ ॥ 22 ॥
සුමුඛෝදුර්මුඛශ්චාත්රවේගදර්ශීචවානරඃ ।
මෘත්යුර්වානරරූපේණනූනංසෘෂ්ටස්ස්වයංභුවා ॥ 23 ॥
පුත්ත්රෝහුතවහස්යාථනීලස්සේනාපතිස්ස්වයම් ।
අනිලස්යචපුත්ත්රෝऽත්රහනූමානිතිවිශ්රුතඃ ॥ 24 ॥
නප්තාශක්රස්යදුර්ධර්ෂෝබලවානංගදෝයුවා ।
මෛංදශ්චද්විවිදශ්චෝභෞබලිනාවශ්විසංභවෞ ॥ 25 ॥
පුත්ත්රාවෛවස්වතස්යාත්රපංචකාලාංතකෝපමාඃ ।
ගජෝගවාක්ෂෝගවයශ්ශරභෝගංධමාදනඃ ॥ 26 ॥
දශවානරකෝට්යශ්චශූරාණාංයුද්ධකාංක්ෂිණාම් ।
ශ්රීමතාංදේවපුත්ත්රාණාංශේෂංනාඛ්යාතුමුත්සහේ ॥ 27 ॥
පුත්ත්රෝදශරථස්යෛෂසිංහසංහනෝයුවා ।
දූෂණෝනිහතෝයේනඛරශ්චත්රිශිරාස්තථා ॥ 28 ॥
නාස්තිරාමස්යසදෘශෝවික්රමේභුවිකශ්චන ।
විරාධෝනිහතෝයේනකබංධශ්චාංතකෝපමඃ ॥ 29 ॥
වක්තුංනශක්තෝරාමස්යනරඃකශ්චිද්ගුණාන් ක්ෂිතෞ ।
ජනස්ථානගතායේනයාවංතෝරාක්ෂසාහතාඃ ॥ 30 ॥
ලක්ෂ්මණශ්චාත්රධර්මාත්මාමාතංගානාමිවර්ෂභඃ ।
යස්යබාණපථංප්රාප්යනජීවේදපිවාසවඃ ॥ 31 ॥
ශ්වේතෝජ්යෝතිර්මුඛශ්චාත්රභාස්කරස්යාත්මසංභවෞ ।
වරුණස්යචපුත්ත්රෝऽන්යෝඃහේමකූටඃප්ලවංගමඃ ॥ 32 ॥
විශ්වකර්මසුතෝවීරෝනලඃප්ලවගසත්තමඃ ।
වික්රාංතෝබලවානත්රවසුපුත්රස්සදුර්ධරඃ ॥ 33 ॥
රාක්ෂසානාංවරිෂ්ඨශ්චතවභ්රාතාවීභීෂණඃ ।
ප්රතිගෘහ්යපුරීංලංකාංරාඝවස්යහිතේරතඃ ॥ 34 ॥
ඉතිසර්වංසමාඛ්යාතංතවේදංවානරංබලම් ।
සුවේලේऽධිෂ්ඨිතංශෛලේශේෂකාර්යේභවාන්ගතිඃ ॥ 35 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ත්රිංශස්සර්ගඃ ॥
