ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଚତୁସ୍ତ୍ରିଂଶସ୍ସର୍ଗଃ ।
ଅଥତାଂଜାତଂତାପାଂତେନଵାକ୍ୟେନମୋହିତାମ୍ ।
ସରମାହ୍ଲାଦୟାମାସମହୀଂଘୌରୀମିଵାଂଭସା ॥ 1 ॥
ତତସ୍ତସ୍ୟାହିତଂସଖ୍ୟାଶ୍ଚିକୀର୍ଷଂତୀସଖୀଵଚଃ ।
ଉଵାଚକାଲେକାଲଜ୍ଞାସ୍ମିତପୂର୍ଵାଭିଭାଷିଣୀ ॥ 2 ॥
ଉତ୍ସହେୟମହଂଗତ୍ଵାତ୍ଵଦ୍ଵାକ୍ୟମସିତେକ୍ଷଣେଃ ।
ନିଵେଦ୍ୟକୁଶଲଂରାମେପ୍ରତିଚ୍ଛନ୍ନାନିଵର୍ତିତୁମ୍ ॥ 3 ॥
ନହିମେକ୍ରମମାଣାୟାନିରାଲଂବେଵିହାୟସି ।
ସମର୍ଥୋଗତିମନ୍ଵେତୁଂପଵନୋଗରୁଡୋଽପିଵା ॥ 4 ॥
ଏଵଂବ୍ରୁଵାଣାଂତାଂସୀତାସରମାଂପୁନରବ୍ରଵୀତ୍ ।
ମଧୁରଂଶ୍ଲକ୍କ୍ଷଣୟାଵାଚାପୂର୍ଵଶୋକାଭିପନ୍ନୟା ॥ 5 ॥
ସମର୍ଥାଗଗନଂଗଂତୁମପିଵାତ୍ଵଂରସାତଲମ୍ ।
ଅଵଗଚ୍ଛାମ୍ୟକର୍ତଵ୍ୟଂକର୍ତଵ୍ୟଂତେମଦଂତରେ ॥ 6 ॥
ମତ୍ପ୍ରିୟଂୟଦିକର୍ତଵ୍ୟଂୟଦିବୁଦ୍ଧିଃ ସ୍ଥିରାତଵ ।
ଜ୍ଞାତୁମିଚ୍ଛାମିତଂଗତ୍ଵାକିଂକରୋତୀତିରାଵଣଃ ॥ 7 ॥
ସହିମାୟାବଲଃକ୍ରୂରୋରାଵଣଶ୍ଶତ୍ରୁରାଵଣଃ ।
ମାଂମୋହୟତିଦୁଷ୍ଟାତ୍ମାପୀତାମାତ୍ରେଵଵାରୁଣୀ ॥ 8 ॥
ତର୍ଜାପୟତିମାଂନିତ୍ୟଂଭର୍ତ୍ସାପୟତିଚାସକୃତ୍ ।
ରାକ୍ଷସୀଭିସ୍ସୁଘୂରାଭିର୍ୟାମାଂରକ୍ଷଂତିନିତ୍ୟଶଃ ॥ 9 ॥
ଉଦ୍ଵିଗ୍ନାଶଂକିତାଚାସ୍ମିନସ୍ଵସ୍ଥଂଚମନୋମମ ।
ତଦ୍ଭୟାଚ୍ଚାହମୁଦ୍ଵିଗ୍ନାଅଶୋକଵନିକାଂଗତା ॥ 10 ॥
ୟଦିନାମକଥାତସ୍ୟନିଶ୍ଚିତଂଵାପିୟଦ୍ଭଵେତ୍ ।
ନିଵେଦୟେଥାସ୍ସର୍ଵଂତତ୍ପରୋମେସ୍ୟାଦମନୁଗ୍ରହଃ ॥ 11 ॥
ସାତ୍ଵେଵଂବ୍ରୁଵତୀଂସୀତାଂସରମାଵଲ୍ଗୁଭାଷିଣୀ ।
ଉଵାଚଵଦନଂତସ୍ୟାସ୍ସ୍ପୃଶଂତୀବାଷ୍ପଵିକ୍ଲବମ୍ ॥ 12 ॥
ଏଷତେୟଦ୍ୟଭିପ୍ରାୟସ୍ତଦାଗଚ୍ଛାମିଜାନକୀଃ ।
ଗୃହ୍ୟଶତ୍ରୋରଭିପ୍ରାୟମୁପାଵୃତ୍ତାଂଚପଶ୍ୟମାମ୍ ॥ 13 ॥
ଏଵମୁକ୍ତ୍ଵାତତୋଗତ୍ଵାସମୀପଂତସ୍ୟରକ୍ଷସଃ ।
ଶୁଶ୍ରାଵକଥିତଂତସ୍ୟରାଵଣସ୍ୟସମଂତ୍ରିଣଃ ॥ 14 ॥
ସାଶ୍ରୁତ୍ଵାନିଶ୍ଚୟଂତସ୍ୟନିଶ୍ଚୟଜ୍ଞାଦୁରାତ୍ମନଃ ।
ପୁନରେଵାଗମତ୍କ୍ଷିପ୍ରମଶୋକଵନିକାଂଶୁଭାମ୍ ॥ 15 ॥
ସାପ୍ରଵିଷ୍ଟାତତସ୍ତତ୍ରଦଦର୍ଶଜନକାତ୍ମଜାମ୍ ।
ପ୍ରତୀକ୍ଷମାଣାଂସ୍ଵାମେଵଭ୍ରଷ୍ଟପଦ୍ମାମିଵଶ୍ରିୟମ୍ ॥ 16 ॥
ତାଂତୁସୀତାପୁନଃପ୍ରାପ୍ତାଂସରମାଂଵଲ୍ଗୁଭାଷିଣୀମ୍ ।
ପରିଷ୍ଵଜ୍ୟଚସୁସ୍ନିଗ୍ଧଂଦଦୌଚସ୍ଵୟମାସନମ୍ ॥ 17 ॥
ଇହାସୀନାସୁଖଂସର୍ଵମାଖ୍ୟାହିମମତତ୍ତ୍ଵତଃ ।
କ୍ରୂରସ୍ୟନିଶ୍ଚୟଂତସ୍ୟରାଵଣସ୍ୟଦୁରାତ୍ମନଃ ॥ 18 ॥
ଦୀୟତାମଭିସତ୍କୃତ୍ୟମନୁଜେଂଦ୍ରାୟମୈଥିଲୀ ।
ନିଦର୍ଶନଂତେପର୍ୟାପ୍ତଂଜନସ୍ଥାନେୟଦଦ୍ଭୁତମ୍ ॥ 19 ॥
ଲଂଘନଂଚସମୁଦ୍ରସ୍ୟଦର୍ଶନଂଚହନୂମତଃ ।
ଵଧଂଚରକ୍ଷସାଂୟୁଦ୍ଧେକଃକୁର୍ୟାନ୍ମାନୁଷୋଭୁଵି ॥ 20 ॥
ଏଵଂସମଂତ୍ରିଵୃଦ୍ଧୈଶ୍ଚାଵିଦ୍ଧେନବହୁଭାଷିତଃ ।
ନତ୍ଵାମୁତ୍ପନିହତେମୋକ୍ତୁମର୍ଥମର୍ଥପରୋୟଥା ॥ 21 ॥
ନୋତ୍ସହତ୍ୟମୃତୋମୋକ୍ତୁଂୟୁଦ୍ଧେତ୍ଵାମିତିମୈଥିଲୀଃ ।
ସାମାତ୍ୟସ୍ୟନୃଶଂସସ୍ୟନିଶ୍ଚୟୋହ୍ୟେଷଵର୍ତତେ ॥ 22 ॥
ତଦେଷାସୁସ୍ଥିରାବୁଦ୍ଧିର୍ମୃତ୍ୟୁଲୋଭାଦୁପସ୍ଥିତା ।
ଭୟାନ୍ନଶକ୍ତସ୍ତ୍ଵାଂମୋକ୍ତୁମନିରସ୍ତସ୍ସଂୟୁଗେ ॥ 23 ॥
ରକ୍ଷସାନାଂଚସର୍ଵେଷାମାତ୍ମନଶ୍ଚଵଧେନହି ।
ନିହତ୍ୟରାଵଣଂସଙ୍ ଖ୍ୟେସର୍ଵଥାନିଶିତୈଶ୍ଶରୈଃ ॥ 24 ॥
ପ୍ରତିନେଷ୍ୟତିରାମସ୍ତ୍ଵାମୟୋଧ୍ୟାମସିତେକ୍ଷଣେଃ ।
ଏତସ୍ମିନ୍ନଂତରେଶବ୍ଦୋଭେରୀଶଂଖସମାକୁଲଃ ॥ 25 ॥
ଶ୍ରୁତୋଵାନରସୈନ୍ୟାନାଂକଂପୟନ୍ ଧରଣୀତଲମ୍ ।
ଶ୍ରୁତ୍ଵାତୁତଦ୍ଵାନରସୈନ୍ୟଶବ୍ଦଂଲଂକାଗତାରାକ୍ଷସରାଜଭୃତ୍ୟାଃ ।
ନଷ୍ଟୌଜସୋଦୈନ୍ୟରୀତଚେଷ୍ଟାଃଶ୍ରେୟୋନପଶ୍ୟଂତିନୃପସ୍ୟଦୋଷୈଃ ॥ 26 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଚତୁସ୍ତ୍ରିଂଶସ୍ସର୍ଗଃ ॥
