śrīmadvālmīkīya rāmāyaṇē yuddhakāṇḍam ।
atha chatustriṃśassargaḥ ।
athatāñjātantāpāntēnavākyēnamōhitām ।
saramāhlādayāmāsamahīṅghaurīmivāmbhasā ॥ 1 ॥
tatastasyāhitaṃsakhyāśchikīrṣantīsakhīvachaḥ ।
uvāchakālēkālajñāsmitapūrvābhibhāṣiṇī ॥ 2 ॥
utsahēyamahaṅgatvātvadvākyamasitēkṣaṇēḥ ।
nivēdyakuśalaṃrāmēpratichChannānivartitum ॥ 3 ॥
nahimēkramamāṇāyānirālambēvihāyasi ।
samarthōgatimanvētumpavanōgaruḍō'pivā ॥ 4 ॥
ēvambruvāṇāntāṃsītāsaramāmpunarabravīt ।
madhuraṃślakkṣaṇayāvāchāpūrvaśōkābhipannayā ॥ 5 ॥
samarthāgaganaṅgantumapivātvaṃrasātalam ।
avagachChāmyakartavyaṅkartavyantēmadantarē ॥ 6 ॥
matpriyaṃyadikartavyaṃyadibuddhiḥ sthirātava ।
jñātumichChāmitaṅgatvākiṅkarōtītirāvaṇaḥ ॥ 7 ॥
sahimāyābalaḥkrūrōrāvaṇaśśatrurāvaṇaḥ ।
māmmōhayatiduṣṭātmāpītāmātrēvavāruṇī ॥ 8 ॥
tarjāpayatimānnityambhartsāpayatichāsakṛt ।
rākṣasībhissughūrābhiryāmāṃrakṣantinityaśaḥ ॥ 9 ॥
udvignāśaṅkitāchāsminasvasthañchamanōmama ।
tadbhayāchchāhamudvignāaśōkavanikāṅgatā ॥ 10 ॥
yadināmakathātasyaniśchitaṃvāpiyadbhavēt ।
nivēdayēthāssarvantatparōmēsyādamanugrahaḥ ॥ 11 ॥
sātvēvambruvatīṃsītāṃsaramāvalgubhāṣiṇī ।
uvāchavadanantasyāsspṛśantībāṣpaviklabam ॥ 12 ॥
ēṣatēyadyabhiprāyastadāgachChāmijānakīḥ ।
gṛhyaśatrōrabhiprāyamupāvṛttāñchapaśyamām ॥ 13 ॥
ēvamuktvātatōgatvāsamīpantasyarakṣasaḥ ।
śuśrāvakathitantasyarāvaṇasyasamantriṇaḥ ॥ 14 ॥
sāśrutvāniśchayantasyaniśchayajñādurātmanaḥ ।
punarēvāgamatkṣipramaśōkavanikāṃśubhām ॥ 15 ॥
sāpraviṣṭātatastatradadarśajanakātmajām ।
pratīkṣamāṇāṃsvāmēvabhraṣṭapadmāmivaśriyam ॥ 16 ॥
tāntusītāpunaḥprāptāṃsaramāṃvalgubhāṣiṇīm ।
pariṣvajyachasusnigdhandadauchasvayamāsanam ॥ 17 ॥
ihāsīnāsukhaṃsarvamākhyāhimamatattvataḥ ।
krūrasyaniśchayantasyarāvaṇasyadurātmanaḥ ॥ 18 ॥
dīyatāmabhisatkṛtyamanujēndrāyamaithilī ।
nidarśanantēparyāptañjanasthānēyadadbhutam ॥ 19 ॥
laṅghanañchasamudrasyadarśanañchahanūmataḥ ।
vadhañcharakṣasāṃyuddhēkaḥkuryānmānuṣōbhuvi ॥ 20 ॥
ēvaṃsamantrivṛddhaiśchāviddhēnabahubhāṣitaḥ ।
natvāmutpanihatēmōktumarthamarthaparōyathā ॥ 21 ॥
nōtsahatyamṛtōmōktuṃyuddhētvāmitimaithilīḥ ।
sāmātyasyanṛśaṃsasyaniśchayōhyēṣavartatē ॥ 22 ॥
tadēṣāsusthirābuddhirmṛtyulōbhādupasthitā ।
bhayānnaśaktastvāmmōktumanirastassaṃyugē ॥ 23 ॥
rakṣasānāñchasarvēṣāmātmanaśchavadhēnahi ।
nihatyarāvaṇaṃsaṅ khyēsarvathāniśitaiśśaraiḥ ॥ 24 ॥
pratinēṣyatirāmastvāmayōdhyāmasitēkṣaṇēḥ ।
ētasminnantarēśabdōbhērīśaṅkhasamākulaḥ ॥ 25 ॥
śrutōvānarasainyānāṅkampayan dharaṇītalam ।
śrutvātutadvānarasainyaśabdaṃlaṅkāgatārākṣasarājabhṛtyāḥ ।
naṣṭaujasōdainyarītachēṣṭāḥśrēyōnapaśyantinṛpasyadōṣaiḥ ॥ 26 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē chatustriṃśassargaḥ ॥
