ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² சதுஸ்த்ரிம்ஶஸ்ஸர்க:³ ।
அத²தாஞ்ஜாதந்தாபாந்தேனவாக்யேனமோஹிதாம் ।
ஸரமாஹ்லாத³யாமாஸமஹீங்கௌ⁴ரீமிவாம்ப⁴ஸா ॥ 1 ॥
ததஸ்தஸ்யாஹிதம்ஸக்²யாஶ்சிகீர்ஷந்தீஸகீ²வச: ।
உவாசகாலேகாலஜ்ஞாஸ்மிதபூர்வாபி⁴பா⁴ஷிணீ ॥ 2 ॥
உத்ஸஹேயமஹங்க³த்வாத்வத்³வாக்யமஸிதேக்ஷணே: ।
நிவேத்³யகுஶலம்ராமேப்ரதிச்ச²ன்னானிவர்திதும் ॥ 3 ॥
நஹிமேக்ரமமாணாயானிராலம்பே³விஹாயஸி ।
ஸமர்தோ²க³திமன்வேதும்பவனோக³ருடோ³பிவா ॥ 4 ॥
ஏவம்ப்³ருவாணாந்தாம்ஸீதாஸரமாம்புனரப்³ரவீத் ।
மது⁴ரம்ஶ்லக்க்ஷணயாவாசாபூர்வஶோகாபி⁴பன்னயா ॥ 5 ॥
ஸமர்தா²க³க³னங்க³ந்துமபிவாத்வம்ரஸாதலம் ।
அவக³ச்சா²ம்யகர்தவ்யங்கர்தவ்யந்தேமத³ந்தரே ॥ 6 ॥
மத்ப்ரியம்யதி³கர்தவ்யம்யதி³பு³த்³தி⁴: ஸ்தி²ராதவ ।
ஜ்ஞாதுமிச்சா²மிதங்க³த்வாகிங்கரோதீதிராவண: ॥ 7 ॥
ஸஹிமாயாப³ல:க்ரூரோராவணஶ்ஶத்ருராவண: ।
மாம்மோஹயதிது³ஷ்டாத்மாபீதாமாத்ரேவவாருணீ ॥ 8 ॥
தர்ஜாபயதிமாம்னித்யம்ப⁴ர்த்ஸாபயதிசாஸக்ருத் ।
ராக்ஷஸீபி⁴ஸ்ஸுகூ⁴ராபி⁴ர்யாமாம்ரக்ஷந்தினித்யஶ: ॥ 9 ॥
உத்³விக்³னாஶங்கிதாசாஸ்மினஸ்வஸ்த²ஞ்சமனோமம ।
தத்³ப⁴யாச்சாஹமுத்³விக்³னாஅஶோகவனிகாங்க³தா ॥ 1௦ ॥
யதி³னாமகதா²தஸ்யனிஶ்சிதம்வாபியத்³ப⁴வேத் ।
நிவேத³யேதா²ஸ்ஸர்வந்தத்பரோமேஸ்யாத³மனுக்³ரஹ: ॥ 11 ॥
ஸாத்வேவம்ப்³ருவதீம்ஸீதாம்ஸரமாவல்கு³பா⁴ஷிணீ ।
உவாசவத³னந்தஸ்யாஸ்ஸ்ப்ருஶந்தீபா³ஷ்பவிக்லப³ம் ॥ 12 ॥
ஏஷதேயத்³யபி⁴ப்ராயஸ்ததா³க³ச்சா²மிஜானகீ: ।
க்³ருஹ்யஶத்ரோரபி⁴ப்ராயமுபாவ்ருத்தாஞ்சபஶ்யமாம் ॥ 13 ॥
ஏவமுக்த்வாததோக³த்வாஸமீபந்தஸ்யரக்ஷஸ: ।
ஶுஶ்ராவகதி²தந்தஸ்யராவணஸ்யஸமந்த்ரிண: ॥ 14 ॥
ஸாஶ்ருத்வானிஶ்சயந்தஸ்யனிஶ்சயஜ்ஞாது³ராத்மன: ।
புனரேவாக³மத்க்ஷிப்ரமஶோகவனிகாம்ஶுபா⁴ம் ॥ 15 ॥
ஸாப்ரவிஷ்டாததஸ்தத்ரத³த³ர்ஶஜனகாத்மஜாம் ।
ப்ரதீக்ஷமாணாம்ஸ்வாமேவப்⁴ரஷ்டபத்³மாமிவஶ்ரியம் ॥ 16 ॥
தாந்துஸீதாபுன:ப்ராப்தாம்ஸரமாம்வல்கு³பா⁴ஷிணீம் ।
பரிஷ்வஜ்யசஸுஸ்னிக்³த⁴ந்த³தௌ³சஸ்வயமாஸனம் ॥ 17 ॥
இஹாஸீனாஸுக²ம்ஸர்வமாக்²யாஹிமமதத்த்வத: ।
க்ரூரஸ்யனிஶ்சயந்தஸ்யராவணஸ்யது³ராத்மன: ॥ 18 ॥
தீ³யதாமபி⁴ஸத்க்ருத்யமனுஜேந்த்³ராயமைதி²லீ ।
நித³ர்ஶனந்தேபர்யாப்தஞ்ஜனஸ்தா²னேயத³த்³பு⁴தம் ॥ 19 ॥
லங்க⁴னஞ்சஸமுத்³ரஸ்யத³ர்ஶனஞ்சஹனூமத: ।
வத⁴ஞ்சரக்ஷஸாம்யுத்³தே⁴க:குர்யான்மானுஷோபு⁴வி ॥ 2௦ ॥
ஏவம்ஸமந்த்ரிவ்ருத்³தை⁴ஶ்சாவித்³தே⁴னப³ஹுபா⁴ஷித: ।
நத்வாமுத்பனிஹதேமோக்துமர்த²மர்த²பரோயதா² ॥ 21 ॥
நோத்ஸஹத்யம்ருதோமோக்தும்யுத்³தே⁴த்வாமிதிமைதி²லீ: ।
ஸாமாத்யஸ்யன்ருஶம்ஸஸ்யனிஶ்சயோஹ்யேஷவர்ததே ॥ 22 ॥
ததே³ஷாஸுஸ்தி²ராபு³த்³தி⁴ர்ம்ருத்யுலோபா⁴து³பஸ்தி²தா ।
ப⁴யான்னஶக்தஸ்த்வாம்மோக்துமனிரஸ்தஸ்ஸம்யுகே³ ॥ 23 ॥
ரக்ஷஸானாஞ்சஸர்வேஷாமாத்மனஶ்சவதே⁴னஹி ।
நிஹத்யராவணம்ஸங் க்²யேஸர்வதா²னிஶிதைஶ்ஶரை: ॥ 24 ॥
ப்ரதினேஷ்யதிராமஸ்த்வாமயோத்⁴யாமஸிதேக்ஷணே: ।
ஏதஸ்மின்னந்தரேஶப்³தோ³பே⁴ரீஶங்க²ஸமாகுல: ॥ 25 ॥
ஶ்ருதோவானரஸைன்யானாங்கம்பயன் த⁴ரணீதலம் ।
ஶ்ருத்வாதுதத்³வானரஸைன்யஶப்³த³ம்லங்காக³தாராக்ஷஸராஜப்⁴ருத்யா: ।
நஷ்டௌஜஸோதை³ன்யரீதசேஷ்டா:ஶ்ரேயோனபஶ்யந்தின்ருபஸ்யதோ³ஷை: ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ சதுஸ்த்ரிம்ஶஸ்ஸர்க:³ ॥
