ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ചതുസ്ത്രിംശസ്സര്ഗഃ ।
അഥതാംജാതംതാപാംതേനവാക്യേനമോഹിതാമ് ।
സരമാഹ്ലാദയാമാസമഹീംഘൌരീമിവാംഭസാ ॥ 1 ॥
തതസ്തസ്യാഹിതംസഖ്യാശ്ചികീര്ഷംതീസഖീവചഃ ।
ഉവാചകാലേകാലജ്ഞാസ്മിതപൂർവാഭിഭാഷിണീ ॥ 2 ॥
ഉത്സഹേയമഹംഗത്വാത്വദ്വാക്യമസിതേക്ഷണേഃ ।
നിവേദ്യകുശലംരാമേപ്രതിച്ഛന്നാനിവര്തിതുമ് ॥ 3 ॥
നഹിമേക്രമമാണായാനിരാലംബേവിഹായസി ।
സമര്ഥോഗതിമന്വേതുംപവനോഗരുഡോഽപിവാ ॥ 4 ॥
ഏവംബ്രുവാണാംതാംസീതാസരമാംപുനരബ്രവീത് ।
മധുരംശ്ലക്ക്ഷണയാവാചാപൂർവശോകാഭിപന്നയാ ॥ 5 ॥
സമര്ഥാഗഗനംഗംതുമപിവാത്വംരസാതലമ് ।
അവഗച്ഛാമ്യകര്തവ്യംകര്തവ്യംതേമദംതരേ ॥ 6 ॥
മത്പ്രിയംയദികര്തവ്യംയദിബുദ്ധിഃ സ്ഥിരാതവ ।
ജ്ഞാതുമിച്ഛാമിതംഗത്വാകിംകരോതീതിരാവണഃ ॥ 7 ॥
സഹിമായാബലഃക്രൂരോരാവണശ്ശത്രുരാവണഃ ।
മാംമോഹയതിദുഷ്ടാത്മാപീതാമാത്രേവവാരുണീ ॥ 8 ॥
തര്ജാപയതിമാംനിത്യംഭര്ത്സാപയതിചാസകൃത് ।
രാക്ഷസീഭിസ്സുഘൂരാഭിര്യാമാംരക്ഷംതിനിത്യശഃ ॥ 9 ॥
ഉദ്വിഗ്നാശംകിതാചാസ്മിനസ്വസ്ഥംചമനോമമ ।
തദ്ഭയാച്ചാഹമുദ്വിഗ്നാഅശോകവനികാംഗതാ ॥ 10 ॥
യദിനാമകഥാതസ്യനിശ്ചിതംവാപിയദ്ഭവേത് ।
നിവേദയേഥാസ്സർവംതത്പരോമേസ്യാദമനുഗ്രഹഃ ॥ 11 ॥
സാത്വേവംബ്രുവതീംസീതാംസരമാവല്ഗുഭാഷിണീ ।
ഉവാചവദനംതസ്യാസ്സ്പൃശംതീബാഷ്പവിക്ലബമ് ॥ 12 ॥
ഏഷതേയദ്യഭിപ്രായസ്തദാഗച്ഛാമിജാനകീഃ ।
ഗൃഹ്യശത്രോരഭിപ്രായമുപാവൃത്താംചപശ്യമാമ് ॥ 13 ॥
ഏവമുക്ത്വാതതോഗത്വാസമീപംതസ്യരക്ഷസഃ ।
ശുശ്രാവകഥിതംതസ്യരാവണസ്യസമംത്രിണഃ ॥ 14 ॥
സാശ്രുത്വാനിശ്ചയംതസ്യനിശ്ചയജ്ഞാദുരാത്മനഃ ।
പുനരേവാഗമത്ക്ഷിപ്രമശോകവനികാംശുഭാമ് ॥ 15 ॥
സാപ്രവിഷ്ടാതതസ്തത്രദദര്ശജനകാത്മജാമ് ।
പ്രതീക്ഷമാണാംസ്വാമേവഭ്രഷ്ടപദ്മാമിവശ്രിയമ് ॥ 16 ॥
താംതുസീതാപുനഃപ്രാപ്താംസരമാംവല്ഗുഭാഷിണീമ് ।
പരിഷ്വജ്യചസുസ്നിഗ്ധംദദൌചസ്വയമാസനമ് ॥ 17 ॥
ഇഹാസീനാസുഖംസർവമാഖ്യാഹിമമതത്ത്വതഃ ।
ക്രൂരസ്യനിശ്ചയംതസ്യരാവണസ്യദുരാത്മനഃ ॥ 18 ॥
ദീയതാമഭിസത്കൃത്യമനുജേംദ്രായമൈഥിലീ ।
നിദര്ശനംതേപര്യാപ്തംജനസ്ഥാനേയദദ്ഭുതമ് ॥ 19 ॥
ലംഘനംചസമുദ്രസ്യദര്ശനംചഹനൂമതഃ ।
വധംചരക്ഷസാംയുദ്ധേകഃകുര്യാന്മാനുഷോഭുവി ॥ 20 ॥
ഏവംസമംത്രിവൃദ്ധൈശ്ചാവിദ്ധേനബഹുഭാഷിതഃ ।
നത്വാമുത്പനിഹതേമോക്തുമര്ഥമര്ഥപരോയഥാ ॥ 21 ॥
നോത്സഹത്യമൃതോമോക്തുംയുദ്ധേത്വാമിതിമൈഥിലീഃ ।
സാമാത്യസ്യനൃശംസസ്യനിശ്ചയോഹ്യേഷവര്തതേ ॥ 22 ॥
തദേഷാസുസ്ഥിരാബുദ്ധിര്മൃത്യുലോഭാദുപസ്ഥിതാ ।
ഭയാന്നശക്തസ്ത്വാംമോക്തുമനിരസ്തസ്സംയുഗേ ॥ 23 ॥
രക്ഷസാനാംചസർവേഷാമാത്മനശ്ചവധേനഹി ।
നിഹത്യരാവണംസങ് ഖ്യേസർവഥാനിശിതൈശ്ശരൈഃ ॥ 24 ॥
പ്രതിനേഷ്യതിരാമസ്ത്വാമയോധ്യാമസിതേക്ഷണേഃ ।
ഏതസ്മിന്നംതരേശബ്ദോഭേരീശംഖസമാകുലഃ ॥ 25 ॥
ശ്രുതോവാനരസൈന്യാനാംകംപയന് ധരണീതലമ് ।
ശ്രുത്വാതുതദ്വാനരസൈന്യശബ്ദംലംകാഗതാരാക്ഷസരാജഭൃത്യാഃ ।
നഷ്ടൌജസോദൈന്യരീതചേഷ്ടാഃശ്രേയോനപശ്യംതിനൃപസ്യദോഷൈഃ ॥ 26 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ചതുസ്ത്രിംശസ്സര്ഗഃ ॥
