શ્રીમદ્વાલ્મીકીય રામાયણે યુદ્ધકાંડમ્ ।
અથ ચતુસ્ત્રિંશસ્સર્ગઃ ।
અથતાંજાતંતાપાંતેનવાક્યેનમોહિતામ્ ।
સરમાહ્લાદયામાસમહીંઘૌરીમિવાંભસા ॥ 1 ॥
તતસ્તસ્યાહિતંસખ્યાશ્ચિકીર્ષંતીસખીવચઃ ।
ઉવાચકાલેકાલજ્ઞાસ્મિતપૂર્વાભિભાષિણી ॥ 2 ॥
ઉત્સહેયમહંગત્વાત્વદ્વાક્યમસિતેક્ષણેઃ ।
નિવેદ્યકુશલંરામેપ્રતિચ્છન્નાનિવર્તિતુમ્ ॥ 3 ॥
નહિમેક્રમમાણાયાનિરાલંબેવિહાયસિ ।
સમર્થોગતિમન્વેતુંપવનોગરુડોઽપિવા ॥ 4 ॥
એવંબ્રુવાણાંતાંસીતાસરમાંપુનરબ્રવીત્ ।
મધુરંશ્લક્ક્ષણયાવાચાપૂર્વશોકાભિપન્નયા ॥ 5 ॥
સમર્થાગગનંગંતુમપિવાત્વંરસાતલમ્ ।
અવગચ્છામ્યકર્તવ્યંકર્તવ્યંતેમદંતરે ॥ 6 ॥
મત્પ્રિયંયદિકર્તવ્યંયદિબુદ્ધિઃ સ્થિરાતવ ।
જ્ઞાતુમિચ્છામિતંગત્વાકિંકરોતીતિરાવણઃ ॥ 7 ॥
સહિમાયાબલઃક્રૂરોરાવણશ્શત્રુરાવણઃ ।
માંમોહયતિદુષ્ટાત્માપીતામાત્રેવવારુણી ॥ 8 ॥
તર્જાપયતિમાંનિત્યંભર્ત્સાપયતિચાસકૃત્ ।
રાક્ષસીભિસ્સુઘૂરાભિર્યામાંરક્ષંતિનિત્યશઃ ॥ 9 ॥
ઉદ્વિગ્નાશંકિતાચાસ્મિનસ્વસ્થંચમનોમમ ।
તદ્ભયાચ્ચાહમુદ્વિગ્નાઅશોકવનિકાંગતા ॥ 10 ॥
યદિનામકથાતસ્યનિશ્ચિતંવાપિયદ્ભવેત્ ।
નિવેદયેથાસ્સર્વંતત્પરોમેસ્યાદમનુગ્રહઃ ॥ 11 ॥
સાત્વેવંબ્રુવતીંસીતાંસરમાવલ્ગુભાષિણી ।
ઉવાચવદનંતસ્યાસ્સ્પૃશંતીબાષ્પવિક્લબમ્ ॥ 12 ॥
એષતેયદ્યભિપ્રાયસ્તદાગચ્છામિજાનકીઃ ।
ગૃહ્યશત્રોરભિપ્રાયમુપાવૃત્તાંચપશ્યમામ્ ॥ 13 ॥
એવમુક્ત્વાતતોગત્વાસમીપંતસ્યરક્ષસઃ ।
શુશ્રાવકથિતંતસ્યરાવણસ્યસમંત્રિણઃ ॥ 14 ॥
સાશ્રુત્વાનિશ્ચયંતસ્યનિશ્ચયજ્ઞાદુરાત્મનઃ ।
પુનરેવાગમત્ક્ષિપ્રમશોકવનિકાંશુભામ્ ॥ 15 ॥
સાપ્રવિષ્ટાતતસ્તત્રદદર્શજનકાત્મજામ્ ।
પ્રતીક્ષમાણાંસ્વામેવભ્રષ્ટપદ્મામિવશ્રિયમ્ ॥ 16 ॥
તાંતુસીતાપુનઃપ્રાપ્તાંસરમાંવલ્ગુભાષિણીમ્ ।
પરિષ્વજ્યચસુસ્નિગ્ધંદદૌચસ્વયમાસનમ્ ॥ 17 ॥
ઇહાસીનાસુખંસર્વમાખ્યાહિમમતત્ત્વતઃ ।
ક્રૂરસ્યનિશ્ચયંતસ્યરાવણસ્યદુરાત્મનઃ ॥ 18 ॥
દીયતામભિસત્કૃત્યમનુજેંદ્રાયમૈથિલી ।
નિદર્શનંતેપર્યાપ્તંજનસ્થાનેયદદ્ભુતમ્ ॥ 19 ॥
લંઘનંચસમુદ્રસ્યદર્શનંચહનૂમતઃ ।
વધંચરક્ષસાંયુદ્ધેકઃકુર્યાન્માનુષોભુવિ ॥ 20 ॥
એવંસમંત્રિવૃદ્ધૈશ્ચાવિદ્ધેનબહુભાષિતઃ ।
નત્વામુત્પનિહતેમોક્તુમર્થમર્થપરોયથા ॥ 21 ॥
નોત્સહત્યમૃતોમોક્તુંયુદ્ધેત્વામિતિમૈથિલીઃ ।
સામાત્યસ્યનૃશંસસ્યનિશ્ચયોહ્યેષવર્તતે ॥ 22 ॥
તદેષાસુસ્થિરાબુદ્ધિર્મૃત્યુલોભાદુપસ્થિતા ।
ભયાન્નશક્તસ્ત્વાંમોક્તુમનિરસ્તસ્સંયુગે ॥ 23 ॥
રક્ષસાનાંચસર્વેષામાત્મનશ્ચવધેનહિ ।
નિહત્યરાવણંસઙ્ ખ્યેસર્વથાનિશિતૈશ્શરૈઃ ॥ 24 ॥
પ્રતિનેષ્યતિરામસ્ત્વામયોધ્યામસિતેક્ષણેઃ ।
એતસ્મિન્નંતરેશબ્દોભેરીશંખસમાકુલઃ ॥ 25 ॥
શ્રુતોવાનરસૈન્યાનાંકંપયન્ ધરણીતલમ્ ।
શ્રુત્વાતુતદ્વાનરસૈન્યશબ્દંલંકાગતારાક્ષસરાજભૃત્યાઃ ।
નષ્ટૌજસોદૈન્યરીતચેષ્ટાઃશ્રેયોનપશ્યંતિનૃપસ્યદોષૈઃ ॥ 26 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે ચતુસ્ત્રિંશસ્સર્ગઃ ॥
