𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌸𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌅𑌥𑌤𑌾𑌂𑌜𑌾𑌤𑌂𑌤𑌾𑌪𑌾𑌂𑌤𑍇𑌨𑌵𑌾𑌕𑍍𑌯𑍇𑌨𑌮𑍋𑌹𑌿𑌤𑌾𑌮𑍍 ।
𑌸𑌰𑌮𑌾𑌹𑍍𑌲𑌾𑌦𑌯𑌾𑌮𑌾𑌸𑌮𑌹𑍀𑌂𑌘𑍌𑌰𑍀𑌮𑌿𑌵𑌾𑌂𑌭𑌸𑌾 ॥ 1 ॥
𑌤𑌤𑌸𑍍𑌤𑌸𑍍𑌯𑌾𑌹𑌿𑌤𑌂𑌸𑌖𑍍𑌯𑌾𑌶𑍍𑌚𑌿𑌕𑍀𑌰𑍍𑌷𑌂𑌤𑍀𑌸𑌖𑍀𑌵𑌚𑌃 ।
𑌉𑌵𑌾𑌚𑌕𑌾𑌲𑍇𑌕𑌾𑌲𑌜𑍍𑌞𑌾𑌸𑍍𑌮𑌿𑌤𑌪𑍂𑌰𑍍𑌵𑌾𑌭𑌿𑌭𑌾𑌷𑌿𑌣𑍀 ॥ 2 ॥
𑌉𑌤𑍍𑌸𑌹𑍇𑌯𑌮𑌹𑌂𑌗𑌤𑍍𑌵𑌾𑌤𑍍𑌵𑌦𑍍𑌵𑌾𑌕𑍍𑌯𑌮𑌸𑌿𑌤𑍇𑌕𑍍𑌷𑌣𑍇𑌃 ।
𑌨𑌿𑌵𑍇𑌦𑍍𑌯𑌕𑍁𑌶𑌲𑌂𑌰𑌾𑌮𑍇𑌪𑍍𑌰𑌤𑌿𑌚𑍍𑌛𑌨𑍍𑌨𑌾𑌨𑌿𑌵𑌰𑍍𑌤𑌿𑌤𑍁𑌮𑍍 ॥ 3 ॥
𑌨𑌹𑌿𑌮𑍇𑌕𑍍𑌰𑌮𑌮𑌾𑌣𑌾𑌯𑌾𑌨𑌿𑌰𑌾𑌲𑌂𑌬𑍇𑌵𑌿𑌹𑌾𑌯𑌸𑌿 ।
𑌸𑌮𑌰𑍍𑌥𑍋𑌗𑌤𑌿𑌮𑌨𑍍𑌵𑍇𑌤𑍁𑌂𑌪𑌵𑌨𑍋𑌗𑌰𑍁𑌡𑍋𑌽𑌪𑌿𑌵𑌾 ॥ 4 ॥
𑌏𑌵𑌂𑌬𑍍𑌰𑍁𑌵𑌾𑌣𑌾𑌂𑌤𑌾𑌂𑌸𑍀𑌤𑌾𑌸𑌰𑌮𑌾𑌂𑌪𑍁𑌨𑌰𑌬𑍍𑌰𑌵𑍀𑌤𑍍 ।
𑌮𑌧𑍁𑌰𑌂𑌶𑍍𑌲𑌕𑍍𑌕𑍍𑌷𑌣𑌯𑌾𑌵𑌾𑌚𑌾𑌪𑍂𑌰𑍍𑌵𑌶𑍋𑌕𑌾𑌭𑌿𑌪𑌨𑍍𑌨𑌯𑌾 ॥ 5 ॥
𑌸𑌮𑌰𑍍𑌥𑌾𑌗𑌗𑌨𑌂𑌗𑌂𑌤𑍁𑌮𑌪𑌿𑌵𑌾𑌤𑍍𑌵𑌂𑌰𑌸𑌾𑌤𑌲𑌮𑍍 ।
𑌅𑌵𑌗𑌚𑍍𑌛𑌾𑌮𑍍𑌯𑌕𑌰𑍍𑌤𑌵𑍍𑌯𑌂𑌕𑌰𑍍𑌤𑌵𑍍𑌯𑌂𑌤𑍇𑌮𑌦𑌂𑌤𑌰𑍇 ॥ 6 ॥
𑌮𑌤𑍍𑌪𑍍𑌰𑌿𑌯𑌂𑌯𑌦𑌿𑌕𑌰𑍍𑌤𑌵𑍍𑌯𑌂𑌯𑌦𑌿𑌬𑍁𑌦𑍍𑌧𑌿𑌃 𑌸𑍍𑌥𑌿𑌰𑌾𑌤𑌵 ।
𑌜𑍍𑌞𑌾𑌤𑍁𑌮𑌿𑌚𑍍𑌛𑌾𑌮𑌿𑌤𑌂𑌗𑌤𑍍𑌵𑌾𑌕𑌿𑌂𑌕𑌰𑍋𑌤𑍀𑌤𑌿𑌰𑌾𑌵𑌣𑌃 ॥ ॥
𑌸𑌹𑌿𑌮𑌾𑌯𑌾𑌬𑌲𑌃𑌕𑍍𑌰𑍂𑌰𑍋𑌰𑌾𑌵𑌣𑌶𑍍𑌶𑌤𑍍𑌰𑍁𑌰𑌾𑌵𑌣𑌃 ।
𑌮𑌾𑌂𑌮𑍋𑌹𑌯𑌤𑌿𑌦𑍁𑌷𑍍𑌟𑌾𑌤𑍍𑌮𑌾𑌪𑍀𑌤𑌾𑌮𑌾𑌤𑍍𑌰𑍇𑌵𑌵𑌾𑌰𑍁𑌣𑍀 ॥ ॥
𑌤𑌰𑍍𑌜𑌾𑌪𑌯𑌤𑌿𑌮𑌾𑌂𑌨𑌿𑌤𑍍𑌯𑌂𑌭𑌰𑍍𑌤𑍍𑌸𑌾𑌪𑌯𑌤𑌿𑌚𑌾𑌸𑌕𑍃𑌤𑍍 ।
𑌰𑌾𑌕𑍍𑌷𑌸𑍀𑌭𑌿𑌸𑍍𑌸𑍁𑌘𑍂𑌰𑌾𑌭𑌿𑌰𑍍𑌯𑌾𑌮𑌾𑌂𑌰𑌕𑍍𑌷𑌂𑌤𑌿𑌨𑌿𑌤𑍍𑌯𑌶𑌃 ॥ ॥
𑌉𑌦𑍍𑌵𑌿𑌗𑍍𑌨𑌾𑌶𑌂𑌕𑌿𑌤𑌾𑌚𑌾𑌸𑍍𑌮𑌿𑌨𑌸𑍍𑌵𑌸𑍍𑌥𑌂𑌚𑌮𑌨𑍋𑌮𑌮 ।
𑌤𑌦𑍍𑌭𑌯𑌾𑌚𑍍𑌚𑌾𑌹𑌮𑍁𑌦𑍍𑌵𑌿𑌗𑍍𑌨𑌾𑌅𑌶𑍋𑌕𑌵𑌨𑌿𑌕𑌾𑌂𑌗𑌤𑌾 ॥ 10 ॥
𑌯𑌦𑌿𑌨𑌾𑌮𑌕𑌥𑌾𑌤𑌸𑍍𑌯𑌨𑌿𑌶𑍍𑌚𑌿𑌤𑌂𑌵𑌾𑌪𑌿𑌯𑌦𑍍𑌭𑌵𑍇𑌤𑍍 ।
𑌨𑌿𑌵𑍇𑌦𑌯𑍇𑌥𑌾𑌸𑍍𑌸𑌰𑍍𑌵𑌂𑌤𑌤𑍍𑌪𑌰𑍋𑌮𑍇𑌸𑍍𑌯𑌾𑌦𑌮𑌨𑍁𑌗𑍍𑌰𑌹𑌃 ॥ 11 ॥
𑌸𑌾𑌤𑍍𑌵𑍇𑌵𑌂𑌬𑍍𑌰𑍁𑌵𑌤𑍀𑌂𑌸𑍀𑌤𑌾𑌂𑌸𑌰𑌮𑌾𑌵𑌲𑍍𑌗𑍁𑌭𑌾𑌷𑌿𑌣𑍀 ।
𑌉𑌵𑌾𑌚𑌵𑌦𑌨𑌂𑌤𑌸𑍍𑌯𑌾𑌸𑍍𑌸𑍍𑌪𑍃𑌶𑌂𑌤𑍀𑌬𑌾𑌷𑍍𑌪𑌵𑌿𑌕𑍍𑌲𑌬𑌮𑍍 ॥ 12 ॥
𑌏𑌷𑌤𑍇𑌯𑌦𑍍𑌯𑌭𑌿𑌪𑍍𑌰𑌾𑌯𑌸𑍍𑌤𑌦𑌾𑌗𑌚𑍍𑌛𑌾𑌮𑌿𑌜𑌾𑌨𑌕𑍀𑌃 ।
𑌗𑍃𑌹𑍍𑌯𑌶𑌤𑍍𑌰𑍋𑌰𑌭𑌿𑌪𑍍𑌰𑌾𑌯𑌮𑍁𑌪𑌾𑌵𑍃𑌤𑍍𑌤𑌾𑌂𑌚𑌪𑌶𑍍𑌯𑌮𑌾𑌮𑍍 ॥ 13 ॥
𑌏𑌵𑌮𑍁𑌕𑍍𑌤𑍍𑌵𑌾𑌤𑌤𑍋𑌗𑌤𑍍𑌵𑌾𑌸𑌮𑍀𑌪𑌂𑌤𑌸𑍍𑌯𑌰𑌕𑍍𑌷𑌸𑌃 ।
𑌶𑍁𑌶𑍍𑌰𑌾𑌵𑌕𑌥𑌿𑌤𑌂𑌤𑌸𑍍𑌯𑌰𑌾𑌵𑌣𑌸𑍍𑌯𑌸𑌮𑌂𑌤𑍍𑌰𑌿𑌣𑌃 ॥ 14 ॥
𑌸𑌾𑌶𑍍𑌰𑍁𑌤𑍍𑌵𑌾𑌨𑌿𑌶𑍍𑌚𑌯𑌂𑌤𑌸𑍍𑌯𑌨𑌿𑌶𑍍𑌚𑌯𑌜𑍍𑌞𑌾𑌦𑍁𑌰𑌾𑌤𑍍𑌮𑌨𑌃 ।
𑌪𑍁𑌨𑌰𑍇𑌵𑌾𑌗𑌮𑌤𑍍𑌕𑍍𑌷𑌿𑌪𑍍𑌰𑌮𑌶𑍋𑌕𑌵𑌨𑌿𑌕𑌾𑌂𑌶𑍁𑌭𑌾𑌮𑍍 ॥ 15 ॥
𑌸𑌾𑌪𑍍𑌰𑌵𑌿𑌷𑍍𑌟𑌾𑌤𑌤𑌸𑍍𑌤𑌤𑍍𑌰𑌦𑌦𑌰𑍍𑌶𑌜𑌨𑌕𑌾𑌤𑍍𑌮𑌜𑌾𑌮𑍍 ।
𑌪𑍍𑌰𑌤𑍀𑌕𑍍𑌷𑌮𑌾𑌣𑌾𑌂𑌸𑍍𑌵𑌾𑌮𑍇𑌵𑌭𑍍𑌰𑌷𑍍𑌟𑌪𑌦𑍍𑌮𑌾𑌮𑌿𑌵𑌶𑍍𑌰𑌿𑌯𑌮𑍍 ॥ 16 ॥
𑌤𑌾𑌂𑌤𑍁𑌸𑍀𑌤𑌾𑌪𑍁𑌨𑌃𑌪𑍍𑌰𑌾𑌪𑍍𑌤𑌾𑌂𑌸𑌰𑌮𑌾𑌂𑌵𑌲𑍍𑌗𑍁𑌭𑌾𑌷𑌿𑌣𑍀𑌮𑍍 ।
𑌪𑌰𑌿𑌷𑍍𑌵𑌜𑍍𑌯𑌚𑌸𑍁𑌸𑍍𑌨𑌿𑌗𑍍𑌧𑌂𑌦𑌦𑍌𑌚𑌸𑍍𑌵𑌯𑌮𑌾𑌸𑌨𑌮𑍍 ॥ 1 ॥
𑌇𑌹𑌾𑌸𑍀𑌨𑌾𑌸𑍁𑌖𑌂𑌸𑌰𑍍𑌵𑌮𑌾𑌖𑍍𑌯𑌾𑌹𑌿𑌮𑌮𑌤𑌤𑍍𑌤𑍍𑌵𑌤𑌃 ।
𑌕𑍍𑌰𑍂𑌰𑌸𑍍𑌯𑌨𑌿𑌶𑍍𑌚𑌯𑌂𑌤𑌸𑍍𑌯𑌰𑌾𑌵𑌣𑌸𑍍𑌯𑌦𑍁𑌰𑌾𑌤𑍍𑌮𑌨𑌃 ॥ 1 ॥
𑌦𑍀𑌯𑌤𑌾𑌮𑌭𑌿𑌸𑌤𑍍𑌕𑍃𑌤𑍍𑌯𑌮𑌨𑍁𑌜𑍇𑌂𑌦𑍍𑌰𑌾𑌯𑌮𑍈𑌥𑌿𑌲𑍀 ।
𑌨𑌿𑌦𑌰𑍍𑌶𑌨𑌂𑌤𑍇𑌪𑌰𑍍𑌯𑌾𑌪𑍍𑌤𑌂𑌜𑌨𑌸𑍍𑌥𑌾𑌨𑍇𑌯𑌦𑌦𑍍𑌭𑍁𑌤𑌮𑍍 ॥ 1 ॥
𑌲𑌂𑌘𑌨𑌂𑌚𑌸𑌮𑍁𑌦𑍍𑌰𑌸𑍍𑌯𑌦𑌰𑍍𑌶𑌨𑌂𑌚𑌹𑌨𑍂𑌮𑌤𑌃 ।
𑌵𑌧𑌂𑌚𑌰𑌕𑍍𑌷𑌸𑌾𑌂𑌯𑍁𑌦𑍍𑌧𑍇𑌕𑌃𑌕𑍁𑌰𑍍𑌯𑌾𑌨𑍍𑌮𑌾𑌨𑍁𑌷𑍋𑌭𑍁𑌵𑌿 ॥ 20 ॥
𑌏𑌵𑌂𑌸𑌮𑌂𑌤𑍍𑌰𑌿𑌵𑍃𑌦𑍍𑌧𑍈𑌶𑍍𑌚𑌾𑌵𑌿𑌦𑍍𑌧𑍇𑌨𑌬𑌹𑍁𑌭𑌾𑌷𑌿𑌤𑌃 ।
𑌨𑌤𑍍𑌵𑌾𑌮𑍁𑌤𑍍𑌪𑌨𑌿𑌹𑌤𑍇𑌮𑍋𑌕𑍍𑌤𑍁𑌮𑌰𑍍𑌥𑌮𑌰𑍍𑌥𑌪𑌰𑍋𑌯𑌥𑌾 ॥ 21 ॥
𑌨𑍋𑌤𑍍𑌸𑌹𑌤𑍍𑌯𑌮𑍃𑌤𑍋𑌮𑍋𑌕𑍍𑌤𑍁𑌂𑌯𑍁𑌦𑍍𑌧𑍇𑌤𑍍𑌵𑌾𑌮𑌿𑌤𑌿𑌮𑍈𑌥𑌿𑌲𑍀𑌃 ।
𑌸𑌾𑌮𑌾𑌤𑍍𑌯𑌸𑍍𑌯𑌨𑍃𑌶𑌂𑌸𑌸𑍍𑌯𑌨𑌿𑌶𑍍𑌚𑌯𑍋𑌹𑍍𑌯𑍇𑌷𑌵𑌰𑍍𑌤𑌤𑍇 ॥ 22 ॥
𑌤𑌦𑍇𑌷𑌾𑌸𑍁𑌸𑍍𑌥𑌿𑌰𑌾𑌬𑍁𑌦𑍍𑌧𑌿𑌰𑍍𑌮𑍃𑌤𑍍𑌯𑍁𑌲𑍋𑌭𑌾𑌦𑍁𑌪𑌸𑍍𑌥𑌿𑌤𑌾 ।
𑌭𑌯𑌾𑌨𑍍𑌨𑌶𑌕𑍍𑌤𑌸𑍍𑌤𑍍𑌵𑌾𑌂𑌮𑍋𑌕𑍍𑌤𑍁𑌮𑌨𑌿𑌰𑌸𑍍𑌤𑌸𑍍𑌸𑌂𑌯𑍁𑌗𑍇 ॥ 23 ॥
𑌰𑌕𑍍𑌷𑌸𑌾𑌨𑌾𑌂𑌚𑌸𑌰𑍍𑌵𑍇𑌷𑌾𑌮𑌾𑌤𑍍𑌮𑌨𑌶𑍍𑌚𑌵𑌧𑍇𑌨𑌹𑌿 ।
𑌨𑌿𑌹𑌤𑍍𑌯𑌰𑌾𑌵𑌣𑌂𑌸𑌙𑍍 𑌖𑍍𑌯𑍇𑌸𑌰𑍍𑌵𑌥𑌾𑌨𑌿𑌶𑌿𑌤𑍈𑌶𑍍𑌶𑌰𑍈𑌃 ॥ 24 ॥
𑌪𑍍𑌰𑌤𑌿𑌨𑍇𑌷𑍍𑌯𑌤𑌿𑌰𑌾𑌮𑌸𑍍𑌤𑍍𑌵𑌾𑌮𑌯𑍋𑌧𑍍𑌯𑌾𑌮𑌸𑌿𑌤𑍇𑌕𑍍𑌷𑌣𑍇𑌃 ।
𑌏𑌤𑌸𑍍𑌮𑌿𑌨𑍍𑌨𑌂𑌤𑌰𑍇𑌶𑌬𑍍𑌦𑍋𑌭𑍇𑌰𑍀𑌶𑌂𑌖𑌸𑌮𑌾𑌕𑍁𑌲𑌃 ॥ 25 ॥
𑌶𑍍𑌰𑍁𑌤𑍋𑌵𑌾𑌨𑌰𑌸𑍈𑌨𑍍𑌯𑌾𑌨𑌾𑌂𑌕𑌂𑌪𑌯𑌨𑍍 𑌧𑌰𑌣𑍀𑌤𑌲𑌮𑍍 ।
𑌶𑍍𑌰𑍁𑌤𑍍𑌵𑌾𑌤𑍁𑌤𑌦𑍍𑌵𑌾𑌨𑌰𑌸𑍈𑌨𑍍𑌯𑌶𑌬𑍍𑌦𑌂𑌲𑌂𑌕𑌾𑌗𑌤𑌾𑌰𑌾𑌕𑍍𑌷𑌸𑌰𑌾𑌜𑌭𑍃𑌤𑍍𑌯𑌾𑌃 ।
𑌨𑌷𑍍𑌟𑍌𑌜𑌸𑍋𑌦𑍈𑌨𑍍𑌯𑌰𑍀𑌤𑌚𑍇𑌷𑍍𑌟𑌾𑌃𑌶𑍍𑌰𑍇𑌯𑍋𑌨𑌪𑌶𑍍𑌯𑌂𑌤𑌿𑌨𑍃𑌪𑌸𑍍𑌯𑌦𑍋𑌷𑍈𑌃 ॥ 26 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌚𑌤𑍁𑌸𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥
