শ্রীমদ্বাল্মীকীয রামাযণে যুদ্ধকাংডম্ ।
অথ চতুস্ত্রিংশস্সর্গঃ ।
অথতাংজাতংতাপাংতেনবাক্যেনমোহিতাম্ ।
সরমাহ্লাদযামাসমহীংঘৌরীমিবাংভসা ॥ 1 ॥
ততস্তস্যাহিতংসখ্যাশ্চিকীর্ষংতীসখীবচঃ ।
উবাচকালেকালজ্ঞাস্মিতপূর্বাভিভাষিণী ॥ 2 ॥
উত্সহেযমহংগত্বাত্বদ্বাক্যমসিতেক্ষণেঃ ।
নিবেদ্যকুশলংরামেপ্রতিচ্ছন্নানিবর্তিতুম্ ॥ 3 ॥
নহিমেক্রমমাণাযানিরালংবেবিহাযসি ।
সমর্থোগতিমন্বেতুংপবনোগরুডোঽপিবা ॥ 4 ॥
এবংব্রুবাণাংতাংসীতাসরমাংপুনরব্রবীত্ ।
মধুরংশ্লক্ক্ষণযাবাচাপূর্বশোকাভিপন্নযা ॥ 5 ॥
সমর্থাগগনংগংতুমপিবাত্বংরসাতলম্ ।
অবগচ্ছাম্যকর্তব্যংকর্তব্যংতেমদংতরে ॥ 6 ॥
মত্প্রিযংযদিকর্তব্যংযদিবুদ্ধিঃ স্থিরাতব ।
জ্ঞাতুমিচ্ছামিতংগত্বাকিংকরোতীতিরাবণঃ ॥ 7 ॥
সহিমাযাবলঃক্রূরোরাবণশ্শত্রুরাবণঃ ।
মাংমোহযতিদুষ্টাত্মাপীতামাত্রেববারুণী ॥ 8 ॥
তর্জাপযতিমাংনিত্যংভর্ত্সাপযতিচাসকৃত্ ।
রাক্ষসীভিস্সুঘূরাভির্যামাংরক্ষংতিনিত্যশঃ ॥ 9 ॥
উদ্বিগ্নাশংকিতাচাস্মিনস্বস্থংচমনোমম ।
তদ্ভযাচ্চাহমুদ্বিগ্নাঅশোকবনিকাংগতা ॥ 10 ॥
যদিনামকথাতস্যনিশ্চিতংবাপিযদ্ভবেত্ ।
নিবেদযেথাস্সর্বংতত্পরোমেস্যাদমনুগ্রহঃ ॥ 11 ॥
সাত্বেবংব্রুবতীংসীতাংসরমাবল্গুভাষিণী ।
উবাচবদনংতস্যাস্স্পৃশংতীবাষ্পবিক্লবম্ ॥ 12 ॥
এষতেযদ্যভিপ্রাযস্তদাগচ্ছামিজানকীঃ ।
গৃহ্যশত্রোরভিপ্রাযমুপাবৃত্তাংচপশ্যমাম্ ॥ 13 ॥
এবমুক্ত্বাততোগত্বাসমীপংতস্যরক্ষসঃ ।
শুশ্রাবকথিতংতস্যরাবণস্যসমংত্রিণঃ ॥ 14 ॥
সাশ্রুত্বানিশ্চযংতস্যনিশ্চযজ্ঞাদুরাত্মনঃ ।
পুনরেবাগমত্ক্ষিপ্রমশোকবনিকাংশুভাম্ ॥ 15 ॥
সাপ্রবিষ্টাততস্তত্রদদর্শজনকাত্মজাম্ ।
প্রতীক্ষমাণাংস্বামেবভ্রষ্টপদ্মামিবশ্রিযম্ ॥ 16 ॥
তাংতুসীতাপুনঃপ্রাপ্তাংসরমাংবল্গুভাষিণীম্ ।
পরিষ্বজ্যচসুস্নিগ্ধংদদৌচস্বযমাসনম্ ॥ 17 ॥
ইহাসীনাসুখংসর্বমাখ্যাহিমমতত্ত্বতঃ ।
ক্রূরস্যনিশ্চযংতস্যরাবণস্যদুরাত্মনঃ ॥ 18 ॥
দীযতামভিসত্কৃত্যমনুজেংদ্রাযমৈথিলী ।
নিদর্শনংতেপর্যাপ্তংজনস্থানেযদদ্ভুতম্ ॥ 19 ॥
লংঘনংচসমুদ্রস্যদর্শনংচহনূমতঃ ।
বধংচরক্ষসাংযুদ্ধেকঃকুর্যান্মানুষোভুবি ॥ 20 ॥
এবংসমংত্রিবৃদ্ধৈশ্চাবিদ্ধেনবহুভাষিতঃ ।
নত্বামুত্পনিহতেমোক্তুমর্থমর্থপরোযথা ॥ 21 ॥
নোত্সহত্যমৃতোমোক্তুংযুদ্ধেত্বামিতিমৈথিলীঃ ।
সামাত্যস্যনৃশংসস্যনিশ্চযোহ্যেষবর্ততে ॥ 22 ॥
তদেষাসুস্থিরাবুদ্ধির্মৃত্যুলোভাদুপস্থিতা ।
ভযান্নশক্তস্ত্বাংমোক্তুমনিরস্তস্সংযুগে ॥ 23 ॥
রক্ষসানাংচসর্বেষামাত্মনশ্চবধেনহি ।
নিহত্যরাবণংসঙ্ খ্যেসর্বথানিশিতৈশ্শরৈঃ ॥ 24 ॥
প্রতিনেষ্যতিরামস্ত্বামযোধ্যামসিতেক্ষণেঃ ।
এতস্মিন্নংতরেশব্দোভেরীশংখসমাকুলঃ ॥ 25 ॥
শ্রুতোবানরসৈন্যানাংকংপযন্ ধরণীতলম্ ।
শ্রুত্বাতুতদ্বানরসৈন্যশব্দংলংকাগতারাক্ষসরাজভৃত্যাঃ ।
নষ্টৌজসোদৈন্যরীতচেষ্টাঃশ্রেযোনপশ্যংতিনৃপস্যদোষৈঃ ॥ 26 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে চতুস্ত্রিংশস্সর্গঃ ॥
