శ్రీమద్వాల్మీకీయ రామాయణే యుద్ధకాండమ్ ।
అథ చతుస్త్రింశస్సర్గః ।
అథతాంజాతంతాపాంతేనవాక్యేనమోహితామ్ ।
సరమాహ్లాదయామాసమహీంఘౌరీమివాంభసా ॥ 1 ॥
తతస్తస్యాహితంసఖ్యాశ్చికీర్షంతీసఖీవచః ।
ఉవాచకాలేకాలజ్ఞాస్మితపూర్వాభిభాషిణీ ॥ 2 ॥
ఉత్సహేయమహంగత్వాత్వద్వాక్యమసితేక్షణేః ।
నివేద్యకుశలంరామేప్రతిచ్ఛన్నానివర్తితుమ్ ॥ 3 ॥
నహిమేక్రమమాణాయానిరాలంబేవిహాయసి ।
సమర్థోగతిమన్వేతుంపవనోగరుడోఽపివా ॥ 4 ॥
ఏవంబ్రువాణాంతాంసీతాసరమాంపునరబ్రవీత్ ।
మధురంశ్లక్క్షణయావాచాపూర్వశోకాభిపన్నయా ॥ 5 ॥
సమర్థాగగనంగంతుమపివాత్వంరసాతలమ్ ।
అవగచ్ఛామ్యకర్తవ్యంకర్తవ్యంతేమదంతరే ॥ 6 ॥
మత్ప్రియంయదికర్తవ్యంయదిబుద్ధిః స్థిరాతవ ।
జ్ఞాతుమిచ్ఛామితంగత్వాకింకరోతీతిరావణః ॥ 7 ॥
సహిమాయాబలఃక్రూరోరావణశ్శత్రురావణః ।
మాంమోహయతిదుష్టాత్మాపీతామాత్రేవవారుణీ ॥ 8 ॥
తర్జాపయతిమాంనిత్యంభర్త్సాపయతిచాసకృత్ ।
రాక్షసీభిస్సుఘూరాభిర్యామాంరక్షంతినిత్యశః ॥ 9 ॥
ఉద్విగ్నాశంకితాచాస్మినస్వస్థంచమనోమమ ।
తద్భయాచ్చాహముద్విగ్నాఅశోకవనికాంగతా ॥ 10 ॥
యదినామకథాతస్యనిశ్చితంవాపియద్భవేత్ ।
నివేదయేథాస్సర్వంతత్పరోమేస్యాదమనుగ్రహః ॥ 11 ॥
సాత్వేవంబ్రువతీంసీతాంసరమావల్గుభాషిణీ ।
ఉవాచవదనంతస్యాస్స్పృశంతీబాష్పవిక్లబమ్ ॥ 12 ॥
ఏషతేయద్యభిప్రాయస్తదాగచ్ఛామిజానకీః ।
గృహ్యశత్రోరభిప్రాయముపావృత్తాంచపశ్యమామ్ ॥ 13 ॥
ఏవముక్త్వాతతోగత్వాసమీపంతస్యరక్షసః ।
శుశ్రావకథితంతస్యరావణస్యసమంత్రిణః ॥ 14 ॥
సాశ్రుత్వానిశ్చయంతస్యనిశ్చయజ్ఞాదురాత్మనః ।
పునరేవాగమత్క్షిప్రమశోకవనికాంశుభామ్ ॥ 15 ॥
సాప్రవిష్టాతతస్తత్రదదర్శజనకాత్మజామ్ ।
ప్రతీక్షమాణాంస్వామేవభ్రష్టపద్మామివశ్రియమ్ ॥ 16 ॥
తాంతుసీతాపునఃప్రాప్తాంసరమాంవల్గుభాషిణీమ్ ।
పరిష్వజ్యచసుస్నిగ్ధందదౌచస్వయమాసనమ్ ॥ 17 ॥
ఇహాసీనాసుఖంసర్వమాఖ్యాహిమమతత్త్వతః ।
క్రూరస్యనిశ్చయంతస్యరావణస్యదురాత్మనః ॥ 18 ॥
దీయతామభిసత్కృత్యమనుజేంద్రాయమైథిలీ ।
నిదర్శనంతేపర్యాప్తంజనస్థానేయదద్భుతమ్ ॥ 19 ॥
లంఘనంచసముద్రస్యదర్శనంచహనూమతః ।
వధంచరక్షసాంయుద్ధేకఃకుర్యాన్మానుషోభువి ॥ 20 ॥
ఏవంసమంత్రివృద్ధైశ్చావిద్ధేనబహుభాషితః ।
నత్వాముత్పనిహతేమోక్తుమర్థమర్థపరోయథా ॥ 21 ॥
నోత్సహత్యమృతోమోక్తుంయుద్ధేత్వామితిమైథిలీః ।
సామాత్యస్యనృశంసస్యనిశ్చయోహ్యేషవర్తతే ॥ 22 ॥
తదేషాసుస్థిరాబుద్ధిర్మృత్యులోభాదుపస్థితా ।
భయాన్నశక్తస్త్వాంమోక్తుమనిరస్తస్సంయుగే ॥ 23 ॥
రక్షసానాంచసర్వేషామాత్మనశ్చవధేనహి ।
నిహత్యరావణంసఙ్ ఖ్యేసర్వథానిశితైశ్శరైః ॥ 24 ॥
ప్రతినేష్యతిరామస్త్వామయోధ్యామసితేక్షణేః ।
ఏతస్మిన్నంతరేశబ్దోభేరీశంఖసమాకులః ॥ 25 ॥
శ్రుతోవానరసైన్యానాంకంపయన్ ధరణీతలమ్ ।
శ్రుత్వాతుతద్వానరసైన్యశబ్దంలంకాగతారాక్షసరాజభృత్యాః ।
నష్టౌజసోదైన్యరీతచేష్టాఃశ్రేయోనపశ్యంతినృపస్యదోషైః ॥ 26 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే చతుస్త్రింశస్సర్గః ॥
