श्रीमद्वाल्मीकीय रामायणे युद्धकांडम् ।
अथ अष्टत्रिंशस्सर्गः ।
सतुकृत्वासुवेलस्यमतिमारोहणंप्रति ।
लक्ष्मणानुगतोरामःसुग्रीवमिदमब्रवीत् ॥ 1 ॥
विभीषणंचधर्मज्ञमनुरक्तंनिशाचरम् ।
मंत्रज्ञंचविधिज्ञंचश्लक्क्ष्णयापरयागिरा ॥ 2 ॥
सुवेलंसाधुशैलेंद्रमिमंधातुशतैश्चितम् ।
अध्यारोहामहेसर्वेवत्स्यामोऽत्रनिशामिमाम् ॥ 3 ॥
लंकांचालोकयिष्यामोनिलयंतस्यरक्षसः ।
येनमेमरणांतायहृताभार्यादुरात्मना ॥ 4 ॥
येनधर्मोनविज्ञातोनतद्वृत्तंनकुलंतथा ।
राक्षस्यानीचयाबुद् ध्यायेनतद्गर्हितंकृतम् ॥ 5 ॥
तस्मिन्मेवर्ततेरोषःकीर्तितेराक्षसाधमे ।
यस्यापराधाननीचस्यवधंद्रक्ष्यामिरक्षसाम् ॥ 6 ॥
एकोहिकुरुतेपापंकालपाशवशंगतः ।
नीचेनात्मापचारेणकुलंतेनविनश्यति ॥ 7 ॥
एवंसम्मंत्रयन्नेवसक्रोधोरावणंप्रति ।
रामःसुवेलमासाद्यचित्रसानुमुपारुहत् ॥ 8 ॥
पृष्ठतोलक्ष्मणश्चैवमन्वगच्छत्समाहितः ।
सशरंचापमुद्यम्यसुमहद्विक्रमेरतः ॥ 9 ॥
अन्वारोहत्सुग्रीवस्सामात्यस्सविभीषणः ।
हनुमानंगदोनीलोमैंदोद्विविदएवच ॥ 10 ॥
गजोगवाक्षोगवयश्शरभोगंधमादनः ।
पनसःकुमुदश्चैवहरोरंभश्चयूथपः ॥ 11 ॥
जांबवांश्चसुषेणश्चऋषभश्चमहामतिः ।
दुर्मुखश्चमहातेजास्तथाशतवलिःकपिः ॥ 12 ॥
एतेचान्येचबहवोवानराशशीघ्रगामिनः ।
तेवायुवेगप्रवणास्तंगिरिगिरिचारिणः ॥ 13 ॥
अध्यारोहंतशतशस्सुवेलंयत्रराघवः ।
तेत्वदीर्घेणकालेनगिरिमारुह्यसर्वतः ॥ 14 ॥
ददृशुशशिखरेतस्यविषक्तामिवखेपुरीम् ।
तांशुभांप्रवरद्वारांप्राकारपरिशोभिताम् ॥ 15 ॥
लंकांराक्षससंपूर्णांददृशुर्हरियूथपाः ।
प्राकारवरसंस्थैश्चतथानीलैश्चराक्षसैः ॥ 16 ॥
ददृशुस्तेहरिश्रेष्ठाःप्राकारमपरंकृतम् ।
तेदृष्टवावानराःसर्वेराक्षसान् युद्धकाङ् क्षिणः ॥ 17 ॥
मुमुचुर्विविधान्नादांतत्ररामस्यपश्यतः ।
ततोऽस्तमगमत्पूर्यःसंध्ययाप्रतिरंजितः ॥ 18 ॥
पूर्णचंद्रप्रदीप्ताचक्षपासमभिवर्तते ।
ततस्सरामोहरिवाहिनीपतिर्विभीषणेनप्रतिनंद्यसत्कृतः ।
सलक्ष्मणोयूथपयूथसम्वृतस्सुवेलपृष्ठेन्यवसद्यथासुखम् ॥ 19 ॥
इत्यार्षे श्रीमद्रामायणे वाल्मीकीय आदिकाव्ये युद्धकांडे अष्टत्रिंशस्सर्गः ॥
