ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಅಷ್ಟತ್ರಿಂಶಸ್ಸರ್ಗಃ ।
ಸತುಕೃತ್ವಾಸುವೇಲಸ್ಯಮತಿಮಾರೋಹಣಮ್ಪ್ರತಿ ।
ಲಕ್ಷ್ಮಣಾನುಗತೋರಾಮಃಸುಗ್ರೀವಮಿದಮಬ್ರವೀತ್ ॥ 1 ॥
ವಿಭೀಷಣಞ್ಚಧರ್ಮಜ್ಞಮನುರಕ್ತನ್ನಿಶಾಚರಮ್ ।
ಮನ್ತ್ರಜ್ಞಞ್ಚವಿಧಿಜ್ಞಞ್ಚಶ್ಲಕ್ಕ್ಷ್ಣಯಾಪರಯಾಗಿರಾ ॥ 2 ॥
ಸುವೇಲಂಸಾಧುಶೈಲೇನ್ದ್ರಮಿಮನ್ಧಾತುಶತೈಶ್ಚಿತಮ್ ।
ಅಧ್ಯಾರೋಹಾಮಹೇಸರ್ವೇವತ್ಸ್ಯಾಮೋಽತ್ರನಿಶಾಮಿಮಾಮ್ ॥ 3 ॥
ಲಙ್ಕಾಞ್ಚಾಲೋಕಯಿಷ್ಯಾಮೋನಿಲಯನ್ತಸ್ಯರಕ್ಷಸಃ ।
ಯೇನಮೇಮರಣಾನ್ತಾಯಹೃತಾಭಾರ್ಯಾದುರಾತ್ಮನಾ ॥ 4 ॥
ಯೇನಧರ್ಮೋನವಿಜ್ಞಾತೋನತದ್ವೃತ್ತನ್ನಕುಲನ್ತಥಾ ।
ರಾಕ್ಷಸ್ಯಾನೀಚಯಾಬುದ್ ಧ್ಯಾಯೇನತದ್ಗರ್ಹಿತಙ್ಕೃತಮ್ ॥ 5 ॥
ತಸ್ಮಿನ್ಮೇವರ್ತತೇರೋಷಃಕೀರ್ತಿತೇರಾಕ್ಷಸಾಧಮೇ ।
ಯಸ್ಯಾಪರಾಧಾನನೀಚಸ್ಯವಧನ್ದ್ರಕ್ಷ್ಯಾಮಿರಕ್ಷಸಾಮ್ ॥ 6 ॥
ಏಕೋಹಿಕುರುತೇಪಾಪಙ್ಕಾಲಪಾಶವಶಙ್ಗತಃ ।
ನೀಚೇನಾತ್ಮಾಪಚಾರೇಣಕುಲನ್ತೇನವಿನಶ್ಯತಿ ॥ 7 ॥
ಏವಂಸಮ್ಮನ್ತ್ರಯನ್ನೇವಸಕ್ರೋಧೋರಾವಣಮ್ಪ್ರತಿ ।
ರಾಮಃಸುವೇಲಮಾಸಾದ್ಯಚಿತ್ರಸಾನುಮುಪಾರುಹತ್ ॥ 8 ॥
ಪೃಷ್ಠತೋಲಕ್ಷ್ಮಣಶ್ಚೈವಮನ್ವಗಚ್ಛತ್ಸಮಾಹಿತಃ ।
ಸಶರಞ್ಚಾಪಮುದ್ಯಮ್ಯಸುಮಹದ್ವಿಕ್ರಮೇರತಃ ॥ 9 ॥
ಅನ್ವಾರೋಹತ್ಸುಗ್ರೀವಸ್ಸಾಮಾತ್ಯಸ್ಸವಿಭೀಷಣಃ ।
ಹನುಮಾನಙ್ಗದೋನೀಲೋಮೈನ್ದೋದ್ವಿವಿದಏವಚ ॥ 10 ॥
ಗಜೋಗವಾಕ್ಷೋಗವಯಶ್ಶರಭೋಗನ್ಧಮಾದನಃ ।
ಪನಸಃಕುಮುದಶ್ಚೈವಹರೋರಮ್ಭಶ್ಚಯೂಥಪಃ ॥ 11 ॥
ಜಾಮ್ಬವಾಂಶ್ಚಸುಷೇಣಶ್ಚಋಷಭಶ್ಚಮಹಾಮತಿಃ ।
ದುರ್ಮುಖಶ್ಚಮಹಾತೇಜಾಸ್ತಥಾಶತವಲಿಃಕಪಿಃ ॥ 12 ॥
ಏತೇಚಾನ್ಯೇಚಬಹವೋವಾನರಾಶಶೀಘ್ರಗಾಮಿನಃ ।
ತೇವಾಯುವೇಗಪ್ರವಣಾಸ್ತಙ್ಗಿರಿಗಿರಿಚಾರಿಣಃ ॥ 13 ॥
ಅಧ್ಯಾರೋಹನ್ತಶತಶಸ್ಸುವೇಲಂಯತ್ರರಾಘವಃ ।
ತೇತ್ವದೀರ್ಘೇಣಕಾಲೇನಗಿರಿಮಾರುಹ್ಯಸರ್ವತಃ ॥ 14 ॥
ದದೃಶುಶಶಿಖರೇತಸ್ಯವಿಷಕ್ತಾಮಿವಖೇಪುರೀಮ್ ।
ತಾಂಶುಭಾಮ್ಪ್ರವರದ್ವಾರಾಮ್ಪ್ರಾಕಾರಪರಿಶೋಭಿತಾಮ್ ॥ 15 ॥
ಲಙ್ಕಾಂರಾಕ್ಷಸಸಮ್ಪೂರ್ಣಾನ್ದದೃಶುರ್ಹರಿಯೂಥಪಾಃ ।
ಪ್ರಾಕಾರವರಸಂಸ್ಥೈಶ್ಚತಥಾನೀಲೈಶ್ಚರಾಕ್ಷಸೈಃ ॥ 16 ॥
ದದೃಶುಸ್ತೇಹರಿಶ್ರೇಷ್ಠಾಃಪ್ರಾಕಾರಮಪರಙ್ಕೃತಮ್ ।
ತೇದೃಷ್ಟವಾವಾನರಾಃಸರ್ವೇರಾಕ್ಷಸಾನ್ ಯುದ್ಧಕಾಙ್ ಕ್ಷಿಣಃ ॥ 17 ॥
ಮುಮುಚುರ್ವಿವಿಧಾನ್ನಾದಾನ್ತತ್ರರಾಮಸ್ಯಪಶ್ಯತಃ ।
ತತೋಽಸ್ತಮಗಮತ್ಪೂರ್ಯಃಸನ್ಧ್ಯಯಾಪ್ರತಿರಞ್ಜಿತಃ ॥ 18 ॥
ಪೂರ್ಣಚನ್ದ್ರಪ್ರದೀಪ್ತಾಚಕ್ಷಪಾಸಮಭಿವರ್ತತೇ ।
ತತಸ್ಸರಾಮೋಹರಿವಾಹಿನೀಪತಿರ್ವಿಭೀಷಣೇನಪ್ರತಿನನ್ದ್ಯಸತ್ಕೃತಃ ।
ಸಲಕ್ಷ್ಮಣೋಯೂಥಪಯೂಥಸಮ್ವೃತಸ್ಸುವೇಲಪೃಷ್ಠೇನ್ಯವಸದ್ಯಥಾಸುಖಮ್ ॥ 19 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಅಷ್ಟತ್ರಿಂಶಸ್ಸರ್ಗಃ ॥
